ಇಳೆಯರಾಜ

ಇಳಯರಾಜಾ (ತಮಿಳು: இளையராஜா) (ಪುಟ್ಟು ಜೂನ್ ೨, ೧೯೪೩) ಭಾರತೊದ ಸಿನೆಮಾ ಸಂಗೀತಲೋಕೊಡು ಒಂಜಿ ಮಲ್ಲ ಪುದರ್. ಆರೆನ ಮೂಲ ಪುದರ್ ಜ್ಞಾನದೇಶಿಕನ್. ಸಿನೆಮೊ ಸಂಯೋಜಕೆ, ಗಾಯಕೆ, ಗೀತಸಾಹಿತಿಯಾದ್ ಆರ್ ಪುಗರ್ತೆಡುಲ್ಲೆರ್. ಇಂಬೆರ್ ರಾಯಲ್ ಫಿಲ್‌ಹಾರ್ಮಾನಿಕ್ ಆರ್ಕೆಸ್ಟ್ರಾಕ್ಕಾದ್ ಒಂಜಿ ಸ್ವರಮೇಳನ್ ಸಂಯೋಜಿಸಯಿನ ಭಾರತೊದ ಸರೂತ ಸಂಗೀತಗಾರೆರ್. ಆರ್ ಲಂಡನ್‌ನ ಟ್ರಿನಿಟಿ ಕಾಲೇಜ್ ಆಫ್ ಮ್ಯೂಸಿಕ್‌ದ ಸ್ವರ್ಣ ಪದಕ ವಿಜೇತೆರ್. ಶ್ರೀಯುತೆರ್ ತಮಿಳು, ಕನ್ನಡ, ಮಲಯಾಳಂ, ತೆಲುಗು, ಹಿಂದಿ ಬುಕ್ಕೊ ಮರಾಠಿ ಸಿನೆಮೊಲೆಡ್ ಸಂಗೀತ ಸಂಯೋಜನೆ, ಗಾಯನೊ ಬುಕ್ಕೊ ಗೀತರಚನೆ ಮಲ್ತೆರ್.

ಇಳಯರಾಜ

ಜೀವನೊ

ಸಿನೆಮೊ ಸಂಗೀತ ಲೋಕೊದ ಮಹಾನ್ ಸಾಧಕೆರಾಯಿನ ಇಳಯರಾಜಾ ಇಂಬೆರ್ ಜೂನ್ ೨, ೧೯೪೩ನೆ ವರ್ಸೊಡು ಪುಟ್ಟಿಯೆರ್. ಸುರೂತ ದಿನೊಲೆಡ್ ಬಿ.ಕೆ ಸುಮಿತ್ರ ಇಂಬೆರೆನ ಗಾನಗೊಷ್ಟಿಲೆಡ್ ವಾದ್ಯಗಾರರಾದ್, ಕನ್ನಡ ಚಿತ್ರರಂಗೊದ ಸಂಗೀತ ನಿರ್ದೇಶಕರಾದ್ ಜಿ.ಕೆ. ವೆಂಕಟೇಶ್ ಮೇರೆನ ಶಿಷ್ಯರಾದ್ ಬುಲೆಯಿನ ಇಳಯರಾಜಾ, ಇನಿ ಸಿನಿಮಾ ರಂಗೊದ ಎತ್ತರೊದ ಪರ್ವತನೇ ಆತೆರ್.

ಸಂಗೀತ ಲೋಕೊದ ರಾಜೆ

ಇಳಯರಾಜಾ ಈ ಭೂಮಿದ ಸಂಗೀತ ಲೋಕೊದ ರಾಜಂದೇ ಪುದರ್ ಪಡೆವೊಂದೆರ್. ಆರೆನ ಪ್ರಸಿದ್ಧೊ ಸಿನೆಮೊಲೆನ್ ಪಂಡೊಂದು ಪೋಂಡಾಲಾ ದಿಂಜ ಪುಟೊಲು ಬೋಡಾವು. ಆರೆಗ್ ರಾಷ್ಟ್ರ ಪ್ರಶಸ್ತಿ ಕನತ್ತಿನ 'ಸಾಗರ ಸಂಗಮಂ' (ತೆಲುಗು), 'ಸಿಂಧು ಭೈರವಿ' (ತಮಿಳು), 'ರುದ್ರವೀಣ'(ತೆಲುಗು), 'ಪಜಾಸ್ಸಿ ರಾಜ'(ಮಲಯಾಳಂ) ಸಿನೆಮೊಲೆ ಅಂಚಿಡ್‍ಲಾ ಆರ್ ಸಂಗೀತ ಸಂಯೋಜಿಸಯಿನ ಸುಮಾರ್ ಸಾವಿರ ಚಿತ್ರೊಲು ಪತ್ತ್ ಸಾವಿರಡ್ದ್ ಎಚ್ಚ ಪದೊಕುಲೆಡ್ ಸಂಗೀತ ಲೋಕೊದ ಮುತ್ತುರತ್ನೊಲು ವಿಶಿಷ್ಟವಾದ್ ಅರಳ್ದ್ಂಡ್. ಗೀತ ರಚನೆಕಾರರಾದ್ ಬುಕ್ಕೊ ಗಾಯಕರಾದ್ ಕೂಡಾ ಆರ್ ಅಪ್ರತಿಮೆರ್.

ಕನ್ನಡೊಡು ಸಂಗೀತೊದ ಬೆನ್ನಿ

ಕನ್ನಡೊಡು ಕೂಡಾ ಗೀತಾ, ಜನ್ಮಜನ್ಮೊದ ಅನುಬಂಧೊ, ನಮ್ಮೂರ ಮಂದಾರ ಹೂವೇ, ಪಲ್ಲವಿ ಅನುಪಲ್ಲವಿ ಸಿನೆಮೊಲೆಡ್ ಮೂಡ್‍ನ ಆರೆನ ಸಂಗೀತೊ ಶ್ರೇಷ್ಠಮಟ್ಟೊದವು.

ಹಿಂದಿಡ್ ಸಂಗೀತೊದ ಬೆನ್ನಿ

ಹಿಂದಿಡ್ ಇಂಚಪದ ವರ್ಸೊಲೆಡ್ ಬತ್ತಿನ 'ಚೀನೀ ಕಂ', 'ಪಾ' ಮುಟ್ಟದ ಸಿನೆಮೊಲೆಡ್ ಕೂಡಾ ಆರೆನ ಗಾನೊ ಗಂಗೆ ಪರಿತ್‍ದ್ಂಡ್.

ಪ್ರಶಸ್ತಿ ಗೌರವೊಲು

ಇಳಯರಾಜಾ ಆರೆಗ್ ರಾಷ್ಟ್ರೀಯ ಮಟ್ಟೊದ ಸಿನೆಮಾ ಪ್ರಶಸ್ತಿಲೇ ಅತ್ತಂದೆ, ಸಂಗೀತ ನಾಟಕ ಅಕಾಡೆಮಿದ ಪುರಸ್ಕಾರೊಲಾ ಸಂದ್‍ದ್ಂಡ್.

• ತಮಿಳು ನಾಗ ರಾಜ್ಯದ ಕಲಾಮಮಣಿ ಪ್ರಶಸ್ತಿ
• ೧೯೮೮ ರಲ್ಲಿ ಮಧ್ಯಪ್ರದೇಶ ಸರಕಾರದ ಲತಾ ಮಂಗೇಶ್ಕರ್ ಪ್ರಶಸ್ತಿ
• ಇಲೈಯಾರಾಜ, ಭಾರತೀಯ ರಾಜ್ಯ ಸಂಗೀತೊಗಾದ್ ರಾಷ್ಟ್ರೀಯ ಪ್ರಶಸ್ತಿ. ಉಂದು ಐದು ಬಾರಿ ಪಡೆದಿದ್ದಾರೆ.
• ೧೯೮೫ ಡ್ - ಸಕಾರಾ ಸಂಘೊ (ತೆಲುಗು)
• ೧೯೮೭ ಡ್ - ಸಿಂಧ್ ಬೈರಾವಿ (ತಮಿಳು)
• ೧೯೮೯ ಡ್ - ರುತ್ರಾ ಬೀದಿ (ತೆಲುಗು)
• ೧೯೯೫ ಡ್ ಕೇರಳ ರಾಜ್ಯ ಪ್ರಶಸ್ತಿ
• ೧೯೯೪ ಡ್ ಅಣ್ಣಾಮಲೈ ವಿಶ್ವವಿದ್ಯಾನಿಲಯ ಬುಕ್ಕೊ ಇಸವಿ ೧೯೯೬ ಡ್ ಮಧುರ ಕಾಮಸರ್ ವಿಶ್ವವಿದ್ಯಾನಿಲಯಡ್ದ್ ಡಾಕ್ಟರ್ ಆಫ್ ಲೆಟರ್ ಪಡೆದ ಡಾ.ಪದ್ಮ ಪುಶಣ್ ಪ್ರಶಸ್ತಿ
• ಪದ್ಮ ವಿರೋಶನ ಪ್ರಶಸ್ತಿ- ೨೦೧೮
• ೨೦೦೯ಡ್ - ಪಳಸರಾಜಾ (ಮಲಯಾಳಂ)
• ೨೦೧೬ಡ್ - ತಾರೈ ದಪಟ್ಟಿ (ಹಿನ್ನೆಲೆ ಸಂಗೀತ) (ತಮಿಳು)