ಸೀಮೆ ಬೆದ್ರ್ ಪುಂಡೆಲ್
ಬೆದ್‍ರ್‍ದ ಕುರುವೆ ಮಲ್ಪುನೆ

ಇತಿಹಾಸೊ ಸಂಪೊಲಿಪುಲೆ

ಬೆದ್‍ರ್ ಇಡೀ ಭಾರತೊ ದೇಸೊಡು ತೋಜಿದ್ ಬರ್ಪುನ ಒಂಜಿ ಕರ್ಂಬು ಜಾತಿದ ಪುಂಡೆಲ್‍ಡ್ ಬುಲೆಪುನ ದಯಿ. ಇಂದೆತ ವೈಜ್ಞಾನಿಕ ಪುದರ್ Bambuseae.[೧]

  • ಬೆದ್‍ರ್ / bæmbuː /(Bambusoideae) ಪಂತಿದ ಕುಟುಮ್ಮೊಗು ಸೇರ್‌ನ ೬೦ ವರ್ಸೊ ಬುಲೆಪುನ ಒಂಜಿ ದಯಿ. ಉಂದು ಪೂ ಬುಡ್ಪುನ ಜಾತಿದ ಪಂತಿದ ಕುಟುಮ್ಮೊಗು ಸೇರ್‌ನ ಒಂಜಿ ಉಪವರ್ಗೊ.
  • ಪಂತಿದ ಜಾತಿಡ್ ಉಂದೊಂಜಿ ಮಲ್ಲ ದಯಿ(ಸಸ್ಯೊ). ಬೆದ್‍ರ್‍ದ ಬುಡೊ ಉರೂಂಟಾದ್, ಅಯಿನ್ ಅಡ್ಡೊ ಚಿಗಿತ್ತ್‌ಂಡ ಉಲಯಿ ಗೋಲೆಯಾದಿಪ್ಪುನ ಅಂಚನೆ ಅಯಿತ ಬುಡೊಕ್ಕ್ ಮುಟ್ಟ ಉರುಂಟು ಇಪ್ಪುಂಡು.
  • ಉಂದೊಂಜಿ ಏಕದಳ ಸಸ್ಯೊ. ಉಂದು ಬೇತೆ ಮರಕ್ಕ್‌ಲೆನ್ ಆದರ್ತ್‌ದ್ ಏತ್ ಎತ್ತರೊಗುಲಾ ಬುಲೆಪುಂಡು. ಅಂಚನೆ ಪುಂಡೆಲಾದ್ ಬುಲೆಪುಂಡು. ಇಂದೆತ ಬುಡೊ ಕಂಬೊದಂಚನೆ ಇಪ್ಪುಂಡು.
  • ಬೆದ್‍ರ್‍ದ ಬುಡೊ, ಬೇರ್ ಮಸ್ತ್ ಜಿಗುಟಾಯಿನೆಡ್ದಾವರೊ ಉಂದು ಬಾರಿ ಬೇಗೊ ಬುಲೆಪುನ ಒಂಜಿ ಸಸ್ಯೊ. ಕೆಲವು ಬೆದ್‍ರ್‍ಲು ೨೪ ಗಂಟೆಗ್ ೮೮.೯ ಸೆಂಟಿಮೀಟ್ ಬುಲೆಪುಂಡುಂದು. ಪ್ರತಿ ೨ ನಿಮಿಸೊಗು ೦.೦೨ ಇಂಚ್ ಬುಲೆಪುಂಡು.
  • ಬೆದ್‌ರ್ ಸಾಂಸ್ಕೃತಿಕವಾದ್ ಆರ್ಥಿಕವಾದ್ ಗಮನಾರ್ಹೊ ಸ್ತಾನೊ ಪಡೆವೊಂದ್ಂಡ್. ತೆನ್ಕಾಯಿ ಏಸ್ಯೊ, ಆಗ್ನೇಯ ಏಸ್ಯೊ ಬುಕ್ಕೊ ಮೂಡಾಯಿ ಏಸ್ಯೊಡು ಇಂದೆನ್ ತೆನಸಾದ್‍ಲಾ ಬಳಕೊಂದುಲ್ಲೆರ್. ಇಂದೆಟ್ ಮಸ್ತ್ ಕಚ್ಚಾ ಉತ್ಪನ್ನೊಲು ತಯಾರಾಪುಂಡು. ಬೆದ್‍ರ್ ಮರಡ್ದ್ ಗಟ್ಟಿ ಬರ್ಪುಂಡು. ಇಟ್ಟಿಗೆ ಅತ್ತಂಡ ಕಾಂಕ್ರೇಟ್ ಬುಕ್ಕೊ ಕರ್ಬೊದೊಟ್ಟುಗೆ ಹಿಗ್ಗುನ ಅತ್ತಂಡ ಕುಗ್ಗುನ ಸಕ್ತಿನ್ ಹೊಂದ್‍ದ್ಂಡ್.

ತಿನಸ್‍ಗ್ ಬಳಕೆ ಸಂಪೊಲಿಪುಲೆ

 
ಬೆದ್‍ರ್‍ದ ಅರಿ
  1. ಆಟಿ ತಿಂಗೊಲುಡು ಬೆದ್‍ರ್‍ದ ಪುಂಡೆಲ್ಡ್ ಕೊಡಿಪುನ ಸುಮಾರ್ ಒಂಜರೆ ಪೀಟ್ ಉದ್ದದ ಮುಂಗೆನ್ ಕೊಯ್ದ್ ಮಾರುವೆರ್ ನೆಕ್ಕ್ ಕಣಿಲೆ ಪನ್ಪೆರ್. ಉಂದೆನ್ ಸನ್ಣ ಕೊಚ್ಚಿದ್ ಒಂಜಿ ದಿನ ನೀರ್‌ಡ್ ನೆನೆತ್ ದೀವೊಡು (ನೀರ್ ಬರಲಿತೊಂದೇ ಉಪ್ಪೊಡು) ಮನದಾನಿ ನೆನೆಪಾದ್ ದೀತಿ ಪದೆಂಗಿದೊಟ್ಟುಗು ಆಜಾವೆರ್. ಬೆದ್‍ರ್‍ದ ದೈ ಸೈಯೆರೆ ಅನಗ ಐಟ್‍ ಆರಿ ಆಪುಂಡು. ಉಂದೆನ್‍ ಆರಿತ್ತ ಲೆಕ್ಕ ಒಣಸ್‍ಗ್‍ ಬಳಕೆ ಮಲ್ಪುವೆರ್.

ಬೆದ್‍ರ್‌ಡ್ ಮಲ್ಪುನ ವಸ್ತುಲು ಸಂಪೊಲಿಪುಲೆ

ಬಟ್ಟಿ, ತಡ್ಪೆ, ಲೆಂಚಿ, ಕೆರ್ಪು, ಅತ್ತರ್ ತಟ್ಟಿ, ಸೇರ್, ಪಾವು, ಗುಂಡದಡ್ಡೆದ ಬುಟ್ಟಿ, ಬಿರಿಯಾನಿದ ಬೆದ್‍ರ್‌ದ ಅಂಡೆ, ಕಂಬುಳೊಡು ಎರು ಗಿಡಪು ಬಡು, ಇಂಚ ಬೇತೆ ವಸ್ತುಲೆನ್ ಮಲ್ಪುವೆರ್ ಅತ್ತಂದೆ ದೊಂಪದ ಕಂಬೊ, ಮಿತ್ತ ಪಾಡ್ಯರೆ ತಲಕೆ, ಇಲ್ಲ್‌ದ ಮಾಡ್‍ಗ್ ಪಾಡ್ಯರೆ ಅಡ್ಡ ಆದ್‍ಲಾ ಬಳಕೆ ಆಪುಂಡು.

  • ಇಂಗ್ಲಿಸ್‍ಡ್ bamboo ಬಾಂಬು
  • ತುಳುಟು ಬೆದ್‍ರ್
  • ಕನ್ನಡೊಡು ಬಿದಿರು[೨]/ Bidiru
  • ಮಲಯಾಳೊಡು ബാംബൂ/bāmbū
  • ತಮಿಳುಡು மூங்கில் / Mūṅkil

ಉಲ್ಲೇಕೊ ಸಂಪೊಲಿಪುಲೆ

  1. "Archive copy". Archived from the original on 2016-02-04. Retrieved 2015-08-25. {{cite web}}: Unknown parameter |dead-url= ignored (help)CS1 maint: archived copy as title (link)
  2. http://hittalamaddu.blogspot.in/2011/05/bamboo.html