Content deleted Content added
|
|
== ಭೂತಾಳ ಪಾಂಡ್ಯನ ಕತೆ ==
ಅಳಿಯ ಕಟ್ಕಟ್ಟ್ ಎಂಚ ಬತ್ತ್ಂಡ್ ಪಂಡ್ದ್ ಕತೆ ಉಂಡ್<ref>[http://tuluculture.blogspot.in/2014/11/blog-post_1.html ಅಳಿಯ ಕಟ್ಟು ಮತ್ತು ಬಾರ್ಕೂರು ಕುಂಡೋದರ -ಒಂದು ಅಧ್ಯಯನ]</ref>. ಪಿರಾಕ್ಡ್ ಭೂತಾಳ ಪಾಂಡ್ಯ ಪನ್ಪುನ ಒಕ್ಕೆಲ್ಮೆ ಅರೆಸು ತುಳುನಾಡ್ನ್ ಆಳೊಂದಿತ್ತೆ.ಬಾರೀ ಎಡ್ಡೆಂತಿನಯೆ,ಧರ್ಮಬೀರು ಆದಿತ್ತೆ.ತನ್ನ ಪ್ರಜೆಕ್ಲೆನ್ ಸೊಂತೊ ಜೋಕ್ಲೆಲೆಕ್ಕೊನೆ ತೂವೊಂದಿತ್ತೆ. ಆತೊಂಜಿ ಗುಣೊತ್ತಾಯೆ ಆದಿತ್ತೆ. ಇಂಚಿ ಒತ್ತಿನ ಅರಸುನ ರಾಜ್ಯೊದ ಒಂಜಿ ಸುದೆ ಏಪೊಲಾ ದಿಂಜಿದೇ ಪರತ್ತೊಂದಿಪ್ಪುನೈಡ್ದಾವೆರೆ ಅಂಚಿ ಇಂಚಿ ಕಡಪ್ಪುನಕ್ಲೆಗ್ ಬಾರೀ ಒಂಜಿ ಮಲ್ಲ ಸಂಕಟೊನೇ ಆದಿತ್ತ್ಂಡ್.ಜನೊಕ್ಲು ಪುಡ್ಡಿಯಾಡ್ದ್ ಅರಸುಇಲೆಡ ಕೇಂಡೊನ್ನಗ ಅರಸು ಭೂತಾಳ ಪಾಂಡಿಗ್ಲ ಬಾರೀ ಬಂಜಿ ಕರಗ್ಗುಂಡು.ಜನೊಕ್ಲೆಗ್ ಸಮಾಧಾನ ಸಂತೋಸ ಆಪಿನೈನೇ ಮಲ್ತೊಂದಿಪ್ಪುನ ಪಾಂಡಿಗ್ ಈ ಒಂಜಿ ಭಂಗೊನ್ಲಾ ಸರಿ ಮಲ್ಪೊಂಡುಂದಾಂಡ್.ಜನೊಕ್ಲೆಗ್ ಪಾತೆರೊ ಕೊರ್ದು ಸೀದಾ ಅರಮನೆಗ್ ಪೋಪೆ.
ಒಂಜಿ ಎಡ್ಡೆ ಘಲಿಗೆ ತೂದು ಬಾರೀ ಮಲ್ಲ ಮರ ಒಂಜೈನ್ ಕಡ್ಪಾದ್ ಪಾಡ್ದ್ ಓಡ ಕೆತ್ತಾವೆ.ಬಾರೀ ಮಲ್ಲೆ ಓಡೊ ಬಾರೀ ಬೇಗೊಡೆ ಕೆತ್ತ್ದಾಪೂಂಡು.ಬೇಲೇ ಪೂರಾ ಆದಿತ್ತಿನ ಓಡೊನು ಎಡೆ ಘಲಿಗೆ ತೂದು ನೀರ್ಗ್ ಜಪುಡಾವುನ ಕೆಲಸೊಗು ತಯಾರಾಪುಂಡು. ಉಂದೆಕ್ಕಾತ್ರ ಬಾರೀ ಜನ, ಊರುಗು ಊರೇ ಸೇರ್ದ್ಂಡ್. ಓಡೊಗು ಪೂಜೆ ಮಲ್ತ್ದ್ ಸುದೆಕ್ಕ್ ಜಪುಡಾವೆರೆ ತೂನಗ ಅವು ಒಂಜಿ ಚೂರು ಪಂದರೆನೆ ಪಂದುಜಿ. ಬೋರ್ಲೆಡ ಒಯಿಪ್ಪಾಂಡ್,ಆನೆಲೆಡ ಒಯಿಪ್ಪಾಂಡ್ ಎಂಚಿನ ಮಲ್ತ್ಂಡಲಾ ಓಡ ನೀರ್ಗ್ ಜಪ್ಪುಜಿ. ವಾ ಪ್ರಯತ್ನೊ ಮಲ್ತ್ಂಡಲಾ ಓಡ ಪಂದುಜಿ.
|