ಮಹಾತ್ಮ ಗಾಂಧಿ: ಆವೃತ್ತಿಲೆನ ನಡುತ ವ್ಯತ್ಯಾಸೊ

|abovestyle=background:green

|label1=

|label2=ಪುಟ್ಟ್‌ನ ದಿನೊ

|data2={{#property:P569}}

|data3={{#property:P19}}

|label4=ಸೈತಿನ ದಿನೊ

}}

 

# ಮೋಹನದಾಸ ಕರಮಚಂದ ಗಾಂಧಿ ನಮ್ಮ ದೇಸೊಗ್ [[:kn:ಸ್ವಾತಂತ್ರ್ಯ|ಸ್ವಾತಂತ್ರ್ಯ]] ತಿಕ್ಕರೆ ಬೋಡಾದ್‍ ಹೋರಾಟ ಮಲ್ತಿನಾರ್. [[:kn:ಸತ್ಯಾಗ್ರಹ|ಸತ್ಯಾಗ್ರಹ]] ಪನ್ಪಿನ ಅಹಿಂಸೆದ ಮಾರ್ಗಡ್ ಪ್ರಭುತ್ವಗ್ ಒತ್ತಾಯ ಕೊನತ್‌ದ್ ನ್ಯಾಯಗ್ ಹೋರಾಟ ಮಲ್ಪುನ ಒಂಜಿ ಸಾದಿನ್ ಜಗತ್‌‍ಗೇ ತೆರಿಪಾಯಿನಾರ್.<ref>[[:en:Mahatma Gandhi]]</ref>

# ನಮ್ಮ [[:kn:ಭಾರತ|ಭಾರತ]] ದೇಸೋ ಹಳ್ಳಿ ಜೀವನ ಕ್ರಮೊರ್ದು ಕೂಡ್ತಿನ ಒಂಜಿ ವ್ಯವಸ್ಥೆಯಾದುಂಡು. ಗ್ರಾಮೀಣ ಭಾಗೊದ ಜನಕ್ಲೆನ ಜೀವನೊಡು ಪೊಸ ಬೋಲ್ಪು ತೋಜಿಂಡ ನಮ್ಮ ದೇಸೊ ಬುಳೆವುಂದುಂಡು ಪಂದ್ ಪನೋಲಿ.ಈ ಪಾತೆರೊನು ನಮ್ಮ [[:kn:ಮಹಾತ್ಮಾಗಾಂಧಿ|ಮಹಾತ್ಮಾಗಾಂಧಿ]] ಬಾರಿ ಪಿರಾಕ್ ಡೇ ಒತ್ತುದು ಪಂತೆರ್. [[ಗಾಂಧಿ ಜಯಂತಿ]] ಬನ್ನಗ ಬೇತೆ ಬೇತೆ ರೀತಿಡ್ ಲೇಸ್‌ಲೆನ್ ಏರ್ಪಾಡ್ ಮಲ್ತ್‌ದ್ ಅರೆನ ಸಾಧನೆ ಅರೆನ ತತ್ವ ಆದರ್ಶೊನು ಮಲ್ಲ ಮಟ್ಟೊಡು ಪನೊಂದುಲ್ಲ. ಆಂಡ ಆ ಸಾದಿಟೆ ದುಂಬು ಪೋಯರ ಮಾತ್ರ ಒಂತೆ ದುಂಬು ಪಿರ ತೂಪಿನವು ಇತ್ತೆ ಅಭ್ಯಾಸವಾದ್ ಪೋತುಂಡು. ಗಾಂಧೀಜೆರೆನ ಪುಟ್ಟುನ ದಿನೊತ ದಶಮಾನೋತ್ಸವದ ಒಂಜಿ ನೆಂಪುಗಾದ್ [[:kn:ರಾಷ್ಟ್ರೀಯ ಸೇವಾ ಯೋಜನೆ|ರಾಷ್ಟ್ರೀಯ ಸೇವಾ ಯೋಜನೆ]] ನ್ ಪುಟ್ಟದ್ ಪಾದ್ದ್; ಆ ಲೇಸ್‍ನ್ ಕಾರ್ಯ ರೂಪೊಗು ಕನತಿನೆನ್ ಈ ಪೊರ್ತುಡು ನೆಂಪು ಮಲ್ಪೋಡಾಪುಂಡು.<ref>[[:en:National Service Scheme]]</ref> ಮಹಾತ್ಮ ಗಾಂಧಿಜೆರ್ ಆನಿತ ದಿನೊಕುಲೆಡ್ [[:kn:ಗ್ರಾಮ ಸ್ವರಾಜ್ಯ|ಗ್ರಾಮ ಸ್ವರಾಜ್ಯ]] ಪನ್ಪಿನ ಒಂಜಿ ಎಡ್ಡೆ ಚಿಂತನೆನ್ ಮಲ್ತೆರ್. ಅವು ಇನಿತ ದಿನೊಟು ನೆಗೆತ್ ತೋಜುಂಡು.<ref>https://commons.wikimedia.org/wiki/Mohandas_K._Gandhi</ref>

# ನಂಕ್ ಮೂಜಿ ಪೊರ್ತು ತಿನ್ಯರ ನುಪ್ಪುದ ಕೊರತೆ ಇಜ್ಜಂಡಲಾ, ಒವ್ವೆ ಸೀಕ್ ಬತ್ತಿನೆಕ್ ಆಸ್ಪತ್ರೆ‌ಡ್ ಮರ್ದ್ ಇತ್ತ್ಂಡಲಾ ಸ್ವಚ್ಚತೆ ಮಲ್ಪುನ ಕೊರತೆಉಂಡು. ಐನ್ ಜವಾಬ್ದಾರಿಡ್ ನಡಾಪಿನವು ನಾಗರಿಕೇರಾಯಿನ ನಮ್ಮ ಬೇಲೆ ಪನ್ಪಿನೆತ್ತ ಒಂಜಿ ಮೋನೆನೆ ಈ ಸ್ವಚ್ಚತಾ ಆಂದೋಲನ. ನನ ಸಂಪೂರ್ಣ ಸ್ವಚ್ಚತೆ ಸಾಧಿಸಾಯಿನ ಪಂಚಾಯತ್‌ಲೆ‌ಗ್ ನಿರ್ಮಲ ಗ್ರಾಮ ಪ್ರಶಸ್ತಿ, ಅಂಚನೆ ಪುರಸ್ಕಾರೊಲು ತಿಕ್ಕೊಂದುಂಡು.ಉಂಡು. ಇಂಚಿತ್ತಿನ ಬೇಲೆಲು ಇನಿ ಗ್ರಾಮ ಮಟ್ಟೊಡು ಆವೋಂದುಂಡು'

 

* ಗಾಂಧಿಜೆರ್‌ನ ಸ್ವರಾಜ್ಯ ಕಲ್ಪನೆದ ಕೇ೦ದ್ರ ಬಿ೦ದು ಗ್ರಾಮ ಪ೦ಚಾಯತೇ ಅದಿತ್ತ್ಂಡ್ ಪನ್ಪಿನೆಟ್ಟ್ ರಡ್ಡ್ ಪಾತೆರ ಇಜ್ಜಿ. ದಕ್ಷಿಣ ಕನ್ನಡ, ಉಡುಪಿ ಬೊಕ್ಕ ಕಾಸರಗೋಡು ಇಂಚಿತ್ತಿ ಜಾಗೆಲೆದ್ ಕಜವುದ ಸಂಸ್ಕ್ರರಣ ಘಟಕ ಆವೋಂದಿಪ್ಪಿನವು ಮಾತೆರ್ಲ ಪುಗರೊಡಾಯಿನ ಇಸಯ. ಗಾಂಧೀ ಜಯಂತಿದ ಈ ಪೊರ್ತುಡು ಗಾಂಧೀಜಿ ಪಂಡಿನ ಮಾತ ಪಾತೆರದಂಚಿ ಗಮನ ಕೊರ್ಯರ ಆವಂದೆ ಪೋವು ,ಆಂಡ ಸಮುದ್ರೊಡ್ಡು ಒಂಜಿ ಲೋಟೆ ನೀರ್ ದೆತ್ತಿಲೆಕ್ಕ ಅರೆನ ಮಲ್ಲ ವಿಚಾರವಂತಿಕೆದ ಕದಿಕೆಡ್ದ್ ಒಂಜಿ ಎಗ್ಗೆನ್ ದೆತೊಂದು ಅಭಿವ್ರುದ್ಧಿ ನೆಲೆಟ್ ಬೊಕ್ಕ ಸ್ವಚ್ಚತೆದ ಇಸಯೊಗು ಗಮನ ಕೊರುಂಡ ಒಂತೆ ಆಂಡಲಾ ಬೇಲೆ ಮಲ್ಪರ ಸಾಧ್ಯ ಆಪುಂಡು ಏತೋ ಬಸ್ಸ್‌ಸ್ಟಾಂಡ್‌ಲೆಡ್ ಗುಟ್ಕಾ ತೊಟ್ಟೆ, ಪ್ಲಾಸ್ಟಿಕ್ ಬಾಟಲಿ, ಇಂಚಿತ್ತಿಲೆನ್ ದಿಂಜ ಕೊಡಿಟ್ ತುವೊಂದುಲ್ಲ. ಏತೋ ಸರ್ತಿ ಗ್ರಾಮ ಪಂಚಾಯತ್‍ನೇ ದೂರುನವು ನಮ್ಮ ಅಭ್ಯಾಸವಾತ್ಂಡ್. ನಾಗರಿಕೇರಾಯಿನ ನಮಲ ಒಂತೆ ಗಮನ ಕೊರುಂಡ ಈ ಸಮಸ್ಯೆಗ್ ಸರಿಯಾಯಿನ ಸಾದಿ ತಿಕ್ಕು. ಅಂಚನೆ ಸಾರ್ವಜನಿಕ ಜಾಗೆಲೆಡ್ ದೂಮಪಾನ ಬೊಕ್ಕ ಉಬ್ಬಿನ, ಮೈ ನೀರ್ ಮೈಪುನ ಬಗೆತ್ ದಿಂಜ ಬೋರ್ಡುಲು ತೋಜಿದ್ ಬತ್ತ್ಂಡಲಾ ಬೋರ್ಡುದ ಬರವುನು ಗಮನೊಗು ದೆತೊನಂದೆ ಉಪ್ಪುನವು ಬೇಜಾರ್‌ದ ಇಸಯೊ.

* ಜನೊಕ್ಲು ಅಕ್ಲೆನ ಮೈ ಕೈ, ಇಲ್ಲನ್ ಸ್ವಚ್ಚ ದೀಪಿನ ಮಾತ್ರ ಅತ್ತಂದೆ,ಸಾರ್ವಜನಿಕ ಜಾಗೆಲೆನ್ ನಮ ಜಾಗೆ ಪಂದ್ ಎನ್ನ್‌‍ದ್ ಬದ್‌‍ಕ್ಂಡ ಸ್ವಚ್ಚತೆದ ಬಗೆಟ್ ತೆರಿಪಾವುನ ಬೋರ್ಡುದ ಅಗತ್ಯ ಬೊಡವಂದ್. ಗ್ರಾಮೀಣಾಭಿವೃದ್ಧಿದ ನೆಲೆಟ್ ಇನಿ ಪೊ೦ಜೊವುಲು ತನ್ನ ಕಾರ ಮಿತ್ತ್ ಉಂತುನಾತ್ ಗಟ್ಟಿಯಾತೆರ್.ಸಾಮಾಜಿಕ,ರಾಜಕೀಯ ಶೈಕ್ಷಣಿಕ,ಮಟ್ಟೊಡು ದು೦ಬು ಪೋತಿನವು ದ ಗ್ರಾಮೀಣಾಭಿವೃದ್ಧಿ ಒ೦ಜಿ ಎಗ್ಗೆ ಪಂಡ ತಪ್ಪಾವಂದ್. ನನ ಉದ್ಯೋಗ ಇಜ್ಜಿ ಪ೦ದ್ ಊರೊರ್ಮೆ ತಿರ್ಗುನೆನ್ ನಮ ಅಪಗಪಗ ತೂವೊ೦ದುಲ್ಲ.ಸ್ವ ಉದ್ಯೋಗ ದಂಚಿ ಮನಸ್ ತಿರ್ಗಾವುನ ಎಡ್ಡೆ ಪಂದ್ ಎನ್ನ ಅಭಿಪ್ರಾಯೊ. ದಾಯೆ ಪಂಡ ಇನಿ ಸ್ವಸಹಾಯ ಸಂಘೊದ ಕೂಟದಕುಲು ಇಲ್ಲಡೇ ಬೇತೆ ಬೇತೆ ನಮೂನೆದ ವಸ್ತುಲೆನ್ ತಯಾರ್ ಮಲ್ತ್ ದ್ ಬದುಕುನ ಸಾದಿ ತೂವ್ವೊ೦ದುಲ್ಲೆರ್. ಬರವುದ ಬ೦ಡಸಾಲೆ ಇತ್ತಿನಾಯೆ ಸ್ವ ಉದೋಗ ಮಲ್ಪುನೆಟ್ ದಾಲ ತಪ್ಪಾಪುಜಿ.ಇನಿ ಕುಡ್ಲದ೦ಚಿನ ಪೇ೦ಟೆಡ್ ಮಲ್ಲ ಪದವಿ ಶಿಕ್ಷಣ ಪಡೆಯಿನಕುಲು ರಿಕ್ಷಾ ಬುಡೊಂದುಲ್ಲೆ ರ್ ಗೂಡಂಗಡಿ ಪಾಡ್ದ್ ಜೀವನ ಮಲ್ತೊಂದುಲ್ಲೆರ್. ಮುಲ್ಪ ಬದ್‌ಕ್‌ಡ್ ಸಂಪಾದನೆ ಮಲ್ತ್‌ದ್ ಮಾದರಿಯಾದ್ ಬದುಕುನವು ಮುಖ್ಯವಾದುಂಡು ಅತ್ತಂದೆ, ಓದುನೆತಮಲ್ಲಾದಿಗೆ ಬೇಲೆಡ್ ಇಜ್ಜಿ. ಎಡ್ಡೆ ಬೇಲೆ ಮಲ್ಪುನಾಯಗ್ ಎಡ್ಡೆ ಸ೦ಬಳ ಉ೦ಡು, ಸ೦ಪಾದನೆಲಾ ಆಪು೦ಡು. ಪನ್ಪಿನ ಸತ್ಯೊನು ತೆರಿಯೊನೊಡು.ಸ್ವ ಉದ್ಯೋಗ ಮಲ್ಪರ ಬೋಡಾದ್ ಏತೋ ತರಬೇತಿ ಕೇ೦ದ್ರೊಲು ಉಲ್ಲ.ಮದ್ಯಪಾನದ ಬಗೆತ್ ಒ೦ತೆ ಎಚ್ಚರ ಆಪಿನವು ಎಡ್ಡೆ. ಮದ್ಯಪಾನ ಸಮಾಜೊಡು ಏಪ ಮುಟ್ಟ ಉಪ್ಪು೦ಡಾ ಆಡೆ ಮುಟ್ಟ ಗ್ರಾಮ ಅಭಿವ್ರುದ್ಧಿ ಆಪಿನ ಕಸ್ತ ಪ೦ದ್ ಗಾಂಧಿಜೇರ್ ಆನಿ ಪ೦ದಿನೆನ್ ಒರ ನೆ೦ಪು ಮಲ್ಪುನ ಅಗತ್ಯ ಉ೦ಡು.ಇನಿ ಅಪಘಾತ ಅತ್ತ೦ದೆ ಬೊರ್ಚ೦ದಿನ ಬೇಲೆ ಆವೊ೦ದಿಪ್ಪಿನೆಗ್ ಈ ಅಮಲ್ ದೆಪ್ಪುನವುಲಾ ಒಂಜಿ ಕಾರಣ. ಆನಿ ಗಾ೦ಧೀಜೆರ್ ಪ೦ಡಿನ ಅಹಿಂಸೆ ಇನಿ ಬೇತೆ ರೂಪ ಪಡೆದ್ಂಡ್. ನೈತಿಕ ಅಂಶೊಲು ಕಡಿಮೆಯಾದ್ ಸ್ವತತ್ರವಾದ್ ಬದುಕುನವು ಕನ ಆದ್ ಒರಿತ್ಂಡ್. ಆತ್ಮಹತೆದಂಚಿನ ಮಲ್ಲ ಮಟ್ಟೊದ ಘಟನೆಲೆನ್ ಕೇನೊಂದುಲ್ಲ. ಆತ್ ಮಾತ್ರ ಅತ್ತ್ ಶ್ವಾಸಕೋಶ ನರಕ್ ಸಂಬಂದೊ ಪಟ್ಟಿನ ಕೆಲವು ಸೀಕ್‌ದ ಬಗೆಟ್‌ಲಾ ದಿನನಿತ್ಯ ಕೇನೊಂದುಲ್ಲ. ಇ ಬಗೆಟ್ ಅಮಲ್‌ನ್ ದೂರ ಮಲ್ತ್ಂಡ ನಮ್ಮ ಸಮಾಜೊಡುಲಾ ನಮ್ಮ ಇಲ್ಲಡ್ಲಾ ಶಾಂತಿ ತಿಕ್ಯರೆ ಸಾಧ್ಯ ಉಂಡು.ಇಂಚಿನ ಇಸೇಸ ಲೇಸ್ ಬನ್ನಗ ಆ ದಿನತ ಒಂಜಿ ನೆಂಪುಗಾದ್ ಕೆಲವು ಜಾಗ್ರತಿದ ಬೇಲೆಲೆನ್ ಮಲೊಡಾಯಿನವು ದಿಂಜ ಉಂಡು. ಇನಿ ಅವಲಂಬನೆ ಮಲ್ತ್‌ದ್ ಬದುಕುನ ಕುಟುಂಬೊಲು ಇಜ್ಜ. ಸ್ವಂತ ಕಾರ ಮಿತ್ತ್ ಉಂತುನವು ಮಾತ ಕೋಡಿಲೆಡ್ಲಾ ತೋಜುಂಡು. ಅಂಚಾನಗ ಸ್ವ ಉದ್ಯೋಗ, ಸ್ವ ಪ್ರಯತ್ನ ದಾಯೆ ಬಲ್ಲಿ ಪನ್ಪಿನೆಕ್ ಉತ್ತರ ನಾಡೊಡು. ಒಂಜಿ ಕೆಬಿತ್ ಕೇಂಡಿನ ಸುದ್ದಿ ಕುಡೊಂಜಿ ಕೆಬಿಟೆ ರಾದ್ ಪೋಪುಂಡು ಅಂಡಲಾ ನಮ್ಮ ಬದ್‌ಕ್ ಬದಲಾವೋಡಾಂಡ ಗಾಂಧೀಜೆರ್ ಹಿರಿಯೆರ್‌ನ ಜಾಗೆಡ್ ಉಂತುದು ಪಂಡಿನ ಪಾತೆರೊನು ನಮ ಕೆಬಿ ಕೊಂಡೆ ಮಲ್ತ್‌ದ್ ಕೇನೊಡು ಅಂದತ್ತೆ?

 

<gallery>

ಫೈಲ್:Gandhi with Lord and Lady MountBatten.jpg|thumb|Gandhi with Lord and Lady MountBatten

ಫೈಲ್:Gandhi with Lord and Lady Mountbatten 1947.jpg|thumb|Gandhi with Lord and Lady Mountbatten 1947

ಫೈಲ್:Gandhi Round Table.jpg|thumb|Gandhi Round Table

</gallery>