ಬಿ ಕೆ ಎಸ್ ಅಯ್ಯಂಗಾರ್: ಆವೃತ್ತಿಲೆನ ನಡುತ ವ್ಯತ್ಯಾಸೊ

ಕಿ ೧ ಬದಲಾವಣೆ: import pages from Incubator
ಕಿ whitespace
೧ನೇ ಸಾಲ್:
ಬಿ ಕೆ ಎಸ್ ಅಯ್ಯಂಗಾರ್ ಪನ್ಪಿನಾರ್ ಇರ್ವನೇ ಶತಮಾನೊಡು ಮಲ್ಲ ಪುದರ್ ಪಡೆಯಿನ ಯೋಗ ಗುರು. ಮೆರೆನ ಇಡೀ ಪುದರ್ ಬೆಳ್ಳೂರು ಕೃಷ್ಣಮಾಚಾರ್ಯ ಸುಂದರರಾಜ ಅಯ್ಯಂಗಾರ್.
ಕೋಲಾರ ಜಿಲ್ಲೆದ ಬೆಳ್ಳೂರುಡು ಪುಟ್ಟಿನ ಮೇರ್ ೧೯೧೮ಡು ಪುಟ್ಟಿನ ಅಯ್ಯಂಗಾರ್ ೧೯೩೬ಟ್ಟೇ ಯೋಗ ಕಲ್ಪಾವೆರೆ ಜತ್ತಿನಾರ್. ೧೯೩೭ಟ್ಟ್ ಭಾರತದ ಕ್ರಿಕೆಟ್ ಗೊಬ್ಬುನಾಕ್ಲೆಗ್ ಯೋಗ ಕಲ್ಪಾಯೆರೆಂದ್ ಪೂನಾಡ್ ಪೋದು ಯೋಗ ಕ್ಲಾಸ್ ಸುರು ಮಲ್ತಿನ ಅಯ್ಯಂಗಾರ್ ಬೊಕ್ಕ ಅನೇಕ ಸಾಧನೆ ಮಲ್ತೆರ್.
ಪತಂಜಲಿ ಯೋಗನ್ ಇಂದಿನ ದಿನಮಾನೊಗು ತಕ್ಕಂತೆ ಬದಲಾವಣೆಲೆನ್ ಮಲ್ತೊಂದು 'ಅಯ್ಯಂಗಾರ್ ಯೋಗ' ಪನ್ಪಿ ಪರಂಪರೆನೇ ಉಂಡು ಮಲ್ತೆರ್.
ಜಗತ್ತ್ ದ ಶ್ರೇಷ್ಠ ವಾಯೊಲಿನ್ ವಾದಕೆ ಯಹೂದಿ ಮೆನುಹಿನ್ ನರರೋಗೊಡು ನರೆಲೊಂದುಪ್ಪುನ ಪೊರ್ತುಡು ೧೯೫೨ಟ್ಟ್ ಭಾರತದ ಪ್ರಧಾನಿ ಜವಾಹರಲಾಲ ನೆಹರೂ ಲೆತ್ತಿನೆಕ್ಕ್ ಭಾರತೊಗು ಬತ್ತಿನಾರ್ ನರರೋಗೊ ಯೋಗೊಡು ಗುಣ ಆಪುಂಡುಂದು ತೆರಿದ್ ಅಯ್ಯಂಗಾರೆರೆನ ಕೈತಲ್ ಬತ್ತ್ ದ್ ತನ್ನ ಬೇನೆ ಗುಣ ಮಲ್ತೊಂಡೆರ್ ಉಂದು ಅಂತರರಾಷ್ಟ್ರೀಯ ಮಟ್ಟೊಡು ಅಯ್ಯಂಗಾರೆರ್ ಬುಲೆಯೆರೆ ಕಾರಣೊ ಆಂಡ್.
ಬಿ.ಕೆ.ಎಸ್.ಅಯ್ಯಂಗಾರೆರೆಡ್ದ್ ಯೋಗ ಪ್ರಯೋಜನ ಪಡೆಯಿನ ಮಲ್ಲ ಪುದರ್ದಕ್ಲೆನ ಮಲ್ಲ ಪಟ್ಟಿಯೇ ಉಂಡು: ಬಾಬು ರಾಜೇಂದ್ರ ಪ್ರಸಾದ್, ಜಯಪ್ರಕಾಶ್ ನಾರಾಯಣ್, ವೀರೇಂದ್ರ ಪಾಟೀಲ್, ಬಿ ಡಿ ಜತ್ತಿ, ತತ್ವಜ್ಞಾನಿ ಜಿಡ್ಡು ಕೃಷ್ಣಮೂರ್ತಿ, ಸಂಗೀತಗಾರೆ ಅಮ್ಜದ್ ಆಲಿಖಾನ್,ಕ್ರಿಕೆಟ್ ದ ಮೊಹಿಂದರ್ ಅಮರ್ ನಾಥ್, ಸಚಿನ್ ತೆಂಡೂಲ್ಕರ್, ದ್ರಾವಿಡ್, ಕುಂಬ್ಳೆ, ಸೆಹ್ವಾಗ್ ಇಂಚಿತ್ತಿ ಮಸ್ತ್ ಜನ ಅರೆನ ಶಿಷ್ಯೆರಾದಿತ್ತೆರ್.
ಬಿ ಕೆ ಎಸ್ ಅಯ್ಯಂಗಾರ್ ೨೦-೮-೨೦೧೪ದಾನಿ ಪೂನಾಡ್ ತೀರ್ ಪೋಯೆರ್.