ಪೊಣ್ಣು ಮಲ್ಲಾಪಿನಿ: ಆವೃತ್ತಿಲೆನ ನಡುತ ವ್ಯತ್ಯಾಸೊ

=== ಮೆನಸ್ಟ್ರುವೇಶನ್ ===

ಮಿರೆತ ಗಾತ್ರ ಮಲ್ಲೆ ಆದ್ ಜನನಾಂಗದ ಮಿತ್ತ್ ಕೂಜಲ್ ಬಳಪೆರೆ ಸುರು ಆಯಿ ಬೊಕ್ಕ ಪೊಣ್ಣು ಋತುಮತಿ ಆಪಲ್.ಈ ಪೊರ್ತುಡು ೩ಡ್ದ್ ೮ ದಿನ ಮುಟ್ಟ ಋತುಸ್ರಾವ ಉಪ್ಪುಂಡು.ಬೊಕ್ಕ ಪ್ರತಿ ತಿಂಗೊಳು ಅವ್ವೆ ಸಮಯೊಗು ಋತುಚಕ್ರ ಪಿರ ಆಪುಂಡು<ref>https://www.plannedparenthood.org/learn/health-and-wellness/menstruation</ref>.

ಪೊಣ್ಣು ಮಲ್ಲೆ ಆದ್ ಒರ ಋತುಮತಿ ಆಯಿ ಬೊಕ್ಕ ಪ್ರತಿ ೨೮-೩೦ದಿನೊಕ್ಕು ಒರ ಪಿರ ಋತುಸ್ರಾವ ಆವೊಂದುಪ್ಪುಂಡು .ಇಂಚ ಕ್ರಮಾಗತವಾದ್ ತಿಂಗೊಲುಗು ಒರ ಆಪಿನ ಋತುಸ್ರಾವೊನು ತಿಂಗೊಲ್ದ ಕುದಿ (ಋತುಚಕ್ರ) ಪನ್ಪೆರ್. ಒಂಜಿ ಋತುಸ್ರಾವದ ಸುರುತ ದಿನೊಡ್ದು ನನೊಂಜಿ ಋತುಸ್ರಾವದ ಸುರುತ ದಿನೊಕು ತಿಂಗೊಲ್ದ ಕುದಿತ ಲೆಕ್ಕ ಪಾಡೊಲಿ. ಸಾಮಾನ್ಯವಾದ್ ತಿಂಗೊಲ್ದ ಕುದಿ ೨೮ ದಿನೊಕ್ಕು ಒರ ಬರ್ಪುಂಡು.ತಿಂಗೊಲ್ದ ಕುದಿ ಕ್ರಮಾಗತವಾದ್ ಬರೊಂದಿತ್ತ್ಂಡಾ ಸರೀರೊಗು ಬೋಡಾಪಿನ ಹಾರ್ಮೊನ್ಸ್ ಉತ್ಪತ್ತಿ ಆದ್ ಅರೋಗ್ಯ ಸರಿಯಾದ್ ಉಪ್ಪುಂಡು.ಪ್ರತಿ ತಿಂಗೊಲುಗು ಪೊಣ್ಣು ಗರ್ಭವತಿ ಆಯೆರೆ ಬೋಡಾಪಿನ ತೆತ್ತಿ ಅಂಡಾಶಯೊಡು ಬುಳೆದ್ ಋತುಸ್ರಾವದ ಒಟ್ಟುಗು ಡಿಸ್‌ಚಾರ್ಜ್ ಆಪುಂಡು.

ಪೊಣ್ಣು ಮಲ್ಲೆ ಆದ್ ಋತುಮತಿ ಆಯಿ ಬೊಕ್ ಈಸ್ಟ್ರೋಜನ್ ಸ್ರವಿಕೆದ ಲೆವೆಲ್ ಜಾಸ್ತಿ ಆದ್ ಸರೀರೊದ ಅರೋಗ್ಯ ಎಡ್ಡೆ ಆದ್ ಎಲು ಪೂರಾ ಗಟ್ಟಿ ಆಪುಂಡು.ಈಸ್ಟ್ರೋಜನ್ ಗರ್ಭಕೋಶದ ಪದರ(ಗೋಡೆ)ನ್ ದಪ್ಪ ಮಲ್ತ್‌ದ್ ಭ್ರೂಣದ ಸಂರಕ್ಷಣೆಗ್ ಸಹಕಾರಿಯಾಪುಂಡು.

ಋತುಸ್ರಾವ ಆದ್ ೧೪ ದಿನ ಆನಗ ಅಂಡಾಶಯೊಡು ಬುಳೆವೊಂದಿತ್ತಿನ ತೆತ್ತಿ ಬುಡುಗಡೆ ಆದ್ ಡಿಂಬನಾಳದ ಮುಖಾಂತರ ಗರ್ಭಾಶಯೊಗು ಬರ್ಪುಂಡು.ಆ ಸಮಯೊಡು ಪೊಣ್ಣು ಬೊಕ್ಕ ಆಣ್ ಸಂಭೋಗ ಮಲ್ತ್ಂಡ ವೀರ್ಯಾಣು ಬುಡುಗಡೆಯಾದ್ ಆ ವೀರ್ಯಾಣು ಪೊಣ್ಣನ ಗರ್ಭಾಶಯ ಸೇರ್ದ್ ಭ್ರೂಣವಾದ್ ಬೆಳವಣಿಗೆ ಆಪುಂಡು.ಭ್ರೂಣ ಗರ್ಭಾಶಯೊಡು ಬುಳೆವೊಂದಿತ್ತಿನ ಪೊಣ್ಣನ್ ಗರ್ಭವತಿ ಪನ್ಪೆರ್.ಪೊಣ್ಣು ಗರ್ಭವತಿ ಆದಿತ್ತ್ಂಡ ಒರ್ಂಬ್ ತಿಂಗೊಲು ಋತುಸ್ರಾವ ಆಪುಜಿ.

ಪೊಂಜೊವುಲುಲೆನ ಋತುಸ್ರಾವ ಸಾಮಾನ್ಯವಾದ್ ೪೫ಡ್ದ್ ೫೫ ವರ್ಷೊದ ಉಲಯಿಡ್ ಉಂತುಂಡು ಉಂದೆನ್ [[ತಿಂಗೊಲ್ದ ಕುದಿ ಉಂತುನಿ]] ಪನ್ಪೆರ್.

== ಉಲ್ಲೇಕೊ ===