ಗರ್ಭಕೋಶ: ಆವೃತ್ತಿಲೆನ ನಡುತ ವ್ಯತ್ಯಾಸೊ

==ಗರ್ಭಕೋಶೊದ ಬೇಲೆ==

ಪೊಂಜೊಲೆನ ಅಂಡಾಶಯೊಡ್ದು ಬುಡುಗಡೆ ಆಯಿನ ತೆತ್ತಿ(ಅಂಡಾಣು)ವೀರ್ಯಾಣುದೊಟ್ಟುಗು ಸೇರ್ದ್ ಗರ್ಭಕೋಶೊಗು ಪೋದು ಅಲ್ಪ ಅವು ಗರ್ಭಾಶಯೊಡು ಭ್ರೂಣ(ಬಾಲೆ)ವಾದ್ 9 ತಿಂಗೊಲುದ ಬುಳೆಚ್ಚಿಲ್ ಆನೆ ಮುಟ್ಟ ಜಾಗ್ರತೆಡ್ ಪತ್ತ್‌ದ್ ಉಂತಯೆರೆ ಈ ಗರ್ಭಕೋಶೊನೆ ಮುಖ್ಯವಾದುಂಡು.ಗರ್ಭಕೋಶೊದ ಉಲಯಿದ ಪದರ ಪ್ರತಿ ತಿಂಗೊಲು [[ಬಂಜಿನಾಲ್]] ಆಂಡ ಭ್ರೂಣದ ರಕ್ಷಣೆಗ್ ಬೋಡಾದ್ ಮಸ್ತ್ ದಪ್ಪವಾದ್ ರಚನೆ ಆಪುಂಡು . ಬಂಜಿನಾಲ್ ಆಯಿಜ್ಜಿಂಡ ಆ ದಪ್ಪದ ಅಂಗಾಂಶ ಪಿದಯಿದ ಕುದಿತ ಅವಧಿಡ್ ನೆತ್ತೆರ್‌ದೊಟ್ಟುಗು ಪಿದಯಿ ಪೋಪುಂಡು. ಪ್ರತಿ ಸರ್ತಿ ಪಿದಯಿದ ಕುದಿಡ್ದ್ ಬೊಕ್ಕ ಉಂದು ಪುನಃ ರಚನೆಯಾಪುಂಡು. ಋತುಚಕ್ರದ ಸಮಯೋಡು ಮಾತ್ರ ಉಂದೆಟ್ ಬದಲಾವಣೆ ತೋಜಿದ್ ಬರ್ಪುಂಡು.<ref>http://www.cancer.ca/en/cancer-information/cancer-type/uterine/uterine-cancer/the-uterus/?region=on</ref>

ನಮ ತೆರಿನಲೆಕ್ಕ ಮಾತ ಪೊಂಜೊಳೆನ ಗರ್ಭಕೋಶೊಲು ಒಂಜೆ ಲೆಕ್ಕ ಉಪ್ಪುಜಿ. ಕೆಲವೊಂಜಿ ಪೊಂಜೊಳೆನ ಗರ್ಭಕೋಶೊದ ಗಾತ್ರೊಡು ಬದಲಾವಣೆ ಉಪ್ಪುಂಡು. ಇಂಚಿತ್ತಿ ಸ್ಥಿತಿನ್ ಗರ್ಭಕೋಶದ ವಿರೂಪತೆ ಪನ್ಪೆರ್. ಪೊಂಜೊಳೆಗ್ ಸಾಮಾನ್ಯವಾದ್ [[ತಿಂಗೊಲ್ದ ಕುದಿ ಉಂತುನಿ|ತಿಂಗೊಲ್ದ ಕುದಿ]]ತ ಸಮಯೊಡು ಜಾಸ್ತಿ ನೆತ್ತೆರ್ ಪೋಪಿನ ,ಬೇನೆ , ಗೊಡ್ಡಾಪಿನ, ಅದಗದಗ ಗರ್ಭಪೋಪಿನಿ ,ಉಂದು ಮಾತ ಅಸಹಜ ಗರ್ಭಕೋಶದ ಲಕ್ಷಣೊಲು. ಇಂಚಿತ್ತಿ ಸಮಸ್ಯೆಲು ಉಪ್ಪುನ ಪೊಂಜೊಳು ಅಕುಲೆಗ್ ಅಸಹಜ ಗರ್ಭಕೋಶ ಉಂಡು ಪನ್ಪಿನೆನ್ ತೆರಿದುಪ್ಪುಜೆರ್. ಸಾಮಾನ್ಯ ಗರ್ಭಕೋಶೊಗು ಹೋಲಿಕೆ ಮಲ್ಪುನಗ ಮಸ್ತ್ ಕಿನ್ಯ ಬೊಕ್ಕ ಒಂಜೇ ಡಿಂಬನಾಳ ಇತ್ತ್ಂಡ ಅವೆನ್ ಯುನಿಕಾರ್ನ್ಯೂಯೆಟ್ ಗರ್ಭಕೋಶ ಪನ್ಪೆರ್. ಗರ್ಭಕೋಶ ಪೇರಳೆದ ಆಕಾರೊಡು ಇಜ್ಜಂದೆ ಹೃದಯದ ಆಕಾರೊಡಿತ್ತ್ಂಡ ಅವೆನ್ ಬಯೋಕಾರ್ನ್ಯೂಯೆಟ್ ಗರ್ಭಕೋಶ ಪನ್ಪೆರ್<ref>https://www.healthline.com/human-body-maps/uterus#anatomy-and-function</ref>

==ವಿರೂಪತೆ ಇತ್ತ್ಂಡ ಬಂಜಿನಾಲ್ ಆವೊಲಿಯ==

* ಸಂಭೋಗ ಕ್ರಿಯೆಡ್ ಬೇನೆ ಅಪುನೆ

* ಸೊಂಟ ಬೊಕ್ಕ ಬೇರಿ ಬೇನೆ ಆಪುನೆ

#ಗರ್ಭಕೋಶೊದು ಫೈಬ್ರಾಯುಡ್ ಗೆಡ್ಡೆ ಅದಿತ್ತ್ಂಡ.

#ಎಂಡೊಮೆಟ್ರಿಯೋಸಿಸ್ ಆಡಿತ್ತ್ಂಡ

==ಪತ್ತೆ ಮಲ್ಪುನ ವಿಧಾನ==

ಸ್ಕ್ಯಾನಿಂಗ್ ಮಲ್ತ್‌ದ್ ಗೆಡ್ಡೆ ಪತ್ತೆ ಮಲ್ಪೊಲಿ. ಅವೆಟ್‌ಲ ಗೊತ್ತಾಯಿಜ್ಜಿಂಡ ಎಂಆರ್‌ಐ ಮುಖಾಂತರ ತೆರಿಯೊಲಿ ಕಡಖಂಡಿತಾ ತಿರಿಯೊಡಾಂಡ ಹಿಸ್ಟ್ರೊಸ್ಕೋಪಿ ಮಲ್ತ್ ತೂವೊಲಿ.

ಕಿನ್ಯ ಗೆಡ್ಡೆಯಿತ್ತ್ಂಡ ಅವೆನ್ ಮರ್ದ್‌ದ ಮುಖಾಂತರ ಗುಣಮಲ್ಪೊಲಿ. ಕೆಲವು ತರತ ಗೆಡ್ಡೆಲೆಗ್ ಹಾರ್ಮೋನು ಚಿಕಿತ್ಸೆ ಕೊರೊಡಾಪುಂಡು. ಗೆಡ್ಡೆ ಮಸ್ತ್ ಮಲ್ಲ ಇತ್ತ್ಂಡ ಶಸ್ತ್ರಚಿಕಿತ್ಸೆ ಮಲ್ತ್‌ದ್ ದೆತ್ತ್‌ದ್ ಮರ್ದ್ ಮಲ್ಪೊಡಾಪುಂಡು. ಪೊಂಜೊಳೆಗ್ ನನ ಜೋಕುಲಾಪಿನ ಬೋಡಾದಿಜ್ಜಂಡ ಗರ್ಭಕೋಶೊನೆ ದೆಪ್ಪುನ ಶಸ್ತ್ರಚಿಕಿತ್ಸೆ ಮಲ್ಪುವೆರ್.

==ವನಸ್ಸ್ ತೆನಸ್ಸ್==