ನೈರುತ್ಯೊ

ನೈರುತ್ಯೊ (ನೈಋತ್ಯ, ನೈರುತ್ಯ,South-west, SW, S 45° W) ನಂಮ ಭೂಮಿದ ಸಹಜ ಆಯಂಸ್ಕಾತೀಯ ಗುಣತ ಮಿತ್ತ್ ಗುರುತು ಮಲ್ಪರೆ ಸಾಧ್ಯ ಆಪಿನ ಒಂಜಿ ನಿರ್ದಿಷ್ಟ ದಿಕ್ಕ್: ಉಂದು ತೆಂಕಾಯಿ ಬೊಕ ಪಡ್ಡಾಯಿ ದಿಕ್ಕುಲೆನ ಸಮಾ ನಡುಟು, ಇನ್ನಗ ತೆಂಕಾಯಿಡ್ದ್ 45° ಕೋನೊಡು ಪಡ್ಡಾಯಿದಂಚಿ ಉಪ್ಪುನ ದಿಕ್ಕ್.

ದಿಕ್ಸೂಚಿ ಫಲಕ ಪಟ್ಟಿ- 225 ಡಿಗ್ರಿಡ್ ನೈರುತ್ಯ ದಿಕ್ಕು (ದಿಕ್ಕುಲೆನ್ ಜರ್ಮನ್ ಭಾಷೆಡ್ ತೋಜಾದೆರ್)

ವಾಸ್ತು ಶಾಸ್ತ್ರೊಡು ನೈರುತ್ಯೊ ಸಂಪೊಲಿಪುಲೆ

ವಾಸ್ತು ಶಾಸ್ತ್ರದ ಪ್ರಕಾರ ಈ ದಿಕ್ಕುಗು ರಾಹು ಅಧಿಪತಿ. ರಾಕ್ಷಸ ಗುಣತ ರಾಹು ಅದೃಷ್ಟ,ಆರೋಗ್ಯ,ಆರ್ಥಿಕತೆ ಬೊಕ ಸ್ಥಿರತೆದ ಗುಣಕುಲೆಗುಲಾ ಸಂಬಂಧ ಇಪ್ಪುನಾಯೆ ಇಂದ್ ದುಂಬುದಕಲೆನ ನಂಬಿಕೆ.ಅಂಚಾದ್ ವಾಸ್ತು ಶಾಸ್ತ್ರದ ಪದ್ಧತಿಡ್ ಇಲ್ಲ್ ಕಟ್ಟುನಗ ಜೆಪ್ಪುನ ಕೋಣೆನ್ ನೈರುತ್ಯೊ ದಿಕ್ಕುಡು ರಚನೆ ಮಲ್ಪುವೆರ್.

ನೈರುತ್ಯ ದಿಕ್ಕ್'ದ ಗುರುತು ಸಂಪೊಲಿಪುಲೆ

ನೈರುತ್ಯ ದಿಕ್ಕುನು ಗುರುತು ಮಲ್ಪುನ ವಿಧಾನೊಲು:

ಸಾಮಾನ್ಯ ಗುರುತು ಸಂಪೊಲಿಪುಲೆ

ಸೂರ್ಯೆ ಕಂತುನ ದಿಕ್ಕು ಪಡ್ಡಾಯಿ (ಪಶ್ಚಿಮ). ಪಡ್ಡಾಯಿ ದಿಕ್ಕುಗು ಮೋಣೆ ಪಾಡ್ದ್ ಉಂತುಂಡ, ಮೂಂಕುದ ನೇರೊಗು ದತ್ತ್'ಗ್ 45 ಡಿಗ್ರಿ ಆಪಿನವೆ ನೈರುತ್ಯ ದಿಕ್ಕ್.

ಆಯಸ್ಕಾಂತೀಯ ದಿಕ್ಸೂಚಿ ಸಂಪೊಲಿಪುಲೆ

ಆಯಸ್ಕಾಂತ ಆಧಾರಿತ ದಿಕ್ಸೂಚಿ (Magnetic compass- ಕಂಪಾಸ್) ಬಳಕೆ ಮಲ್ತ್'ದ್ ನೈರುತ್ಯ ದಿಕ್ಕುನು ದಿಂಜ ನಿಖರವಾದ್ ತೋಜಾವರೆ ಆಪುಂಡು. ದಿಕ್ಸೂಚಿಡ್ ಆಯಸ್ಕಾಂತದ ಸಪೂರ ಪಟ್ಟಿ ಒಂಜಿ ಉಪ್ಪುಂಡು. ಆಯಸ್ಕಾಂತ ಪಟ್ಟಿದ ಸಹಜ ಗುಣ ಇನ್ನಗ ಅವೆನ್ ನೇಲಾಂಡ ಅವು ಬಡಕಾಯಿ -ತೆಂಕಾಯಿ ದಿಕ್ಕುಗು ಸಮನಾದ್ ತಿರುಗುದ್ ಉಂತುಂಡು. ದಿಕ್ಸೂಚಿಲೆಡ್ ಆಯಸ್ಕಾಂತ ಪಟ್ಟಿ ಬಡಕಾಯಿ ತೋಜಾವುನೆನ್ ಕೆಂಪು ಬಣ್ಣೊಡು ಬೊಕ N ಇಂದ್ ಬರೆದ್ ಗುರುತು ಮಲ್ತ್'ದುಪ್ಪುವೆರ್. ದಿಕ್ಸೂಚಿದ ಉಲಾಯಿ ಉರುಟುದ ಫಲಕೊಡು 0 ಡಿಗ್ರಿರ್ದ್ 360 ಡಿಗ್ರಿ ಮುಟ್ಟ ಪ್ರದಕ್ಷಿಣಾಕಾರೊಡು ( ಗಡಿಯಾರ ತಿರುಗುನಂಚ -clockwise) ಸಮಾನ ಭಾಜಕ ಗುರುತುಲೆನ್ ಡಿಗ್ರಿದ ಅಂಶೊಲೆನ್ ಬರೆದ್ ತೋಜಾದುಪ್ಪುವೆರ್. ದಿಕ್ಸೂಚಿದ ಬಡಕಾಯಿ ದಿಕ್ಕು ನಂಮ ಭೂಮಿದ ಬಡಕಾಯಿ ದಿಕ್ಕುಗು ಒಂದುನ ಲೆಕ್ಕ ಪತ್'ದ್ ಉಂತಿಯರ್ಡ ಬಡಕಾಯಿದ 0 (360) ಡಿಗ್ರಿರ್ದ್ 225 ಡಿಗ್ರಿ ಆಪಿನ ದಿಕ್ಕೇ ನೈರುತ್ಯ.

ನೈರುತ್ಯೊ

ವಿಸಯೊಲು

ವಾಸ್ತು ಶಾಸ್ತ್ರೊಡು ನೈರುತ್ಯೊ ಸಂಪೊಲಿಪುಲೆ

ನೈರುತ್ಯ ದಿಕ್ಕ್'ದ ಗುರುತು ಸಂಪೊಲಿಪುಲೆ

ಸಾಮಾನ್ಯ ಗುರುತು ಸಂಪೊಲಿಪುಲೆ

ಆಯಸ್ಕಾಂತೀಯ ದಿಕ್ಸೂಚಿ ಸಂಪೊಲಿಪುಲೆ

ಉಂದೆನ್ಲಾ ತೂಲೆ ಸಂಪೊಲಿಪುಲೆ

ಉಲ್ಲೇಕೊ ಸಂಪೊಲಿಪುಲೆ