ಪೇರೊಳು

ಪೇರೆಂಗಾಯಿ, ಪೇರೊಲು, ಪೇರೊಳು, ಪೇರಾಂಗಾಯಿ, ಪೇರಳೆ ಇಂಚ ಲೆಪ್ಪುನ ನೆಕ್ಕ್ ಕನ್ನಡೊಡು ಪೇರಳೆ ಹಣ್ಣು ಇಜ್ಜಾಂಡ ಸೀಬೆ ಹಣ್ಣು ಪಂದ್ ಪನ್ಪೆರ್. ಉಂದು ಪಚ್ಚೆ ಬಣ್ಣದ, ಒಂಜಿ ಪುಂಡಿದಾತ್ ಮಲ್ಲ ಇಪ್ಪುನ ಪರ್ಂದ್. ಉಂದೆತ್ತ ದೈ ಬಾರಿ ಗಟ್ಟಿದವು. ಬಾಯಿ ಬೇನೆ ಬೊಕ್ಕ ಅಗ್ರಗ್ ಪೇರೆಂಗಾಯಿ ದೈತ್ತ ಕೊಡಿನ್ ಮರ್ದ್ ಲೆಕ ತಿನ್‌ಪೆರ್. ಇಂದೆತ್ತ ಪೂ ಬೊಕ್ಕ ಕೊಡಿ ಮಸ್ತ್ ಮರ್ದ್‌ಲೆಗ್ ಆಪುಂಡು. ಪೇರೆಂಗಾಯಿದ ಪರ್ಂದ್ ತಿನಿಯೆರೆ ಆಪುಂಡು. ಪೇರಳೆ ಕಾಯಿ ಪೂರಗಲೆಗ್ ಪರಿಚಯ ಇತ್ತಿನ ಪರಂದ್. ಬೇತೆ ಪರ್ಂದ್‌ಲೆಗ್ ಹೋಲಿಸಾಂಡ ಒಂತೆ ಕಮ್ಮಿ ಕಾಸ್‌ಗ್ ತಿಕ್ಕುನ ಪರ್ಂದ್. ನೆಟ್ಟ್ ಆರೋಗ್ಯನ್ ಕಾಪಾಡುನ ಗುಣ/ಅಂಶಲಾ ಉಂಡು.

ಪೇರಳೆ

ಮರ್ದ್ ಆದ್ ಪೇರಳೆ

ಉಂದೆತ ವೈಜ್ನಾನಿಕ ಪುದರ್ psidium guajaja. ಉಂದು ಪರಬೆರೆನ ಸಹಜ ಕಾಯಿಲೆ ಆಯಿನ ಮರೆವು, ದೃಷ್ಟಿಗ್ ಸಂಬಂಧಿಸಿದಿನ ತೊಂದರೆ, ಸಂಧಿವಾತ ಬೇನೆನ್ ಕಡಿಮೆ ಮಲ್ಪುಂಡು. ಒಂಜಿ ಮಧ್ಯಮ ಪರ್ಂದ್‌ಡ್ ಉಪ್ಪುನ ಶೇ.೦.೯ದಾತ್ ಕೊಬ್ಬು, ೮೪ ಕ್ಯಾಲೋರಿ, ೬೯ ಮಿ.ಗ್ರಾಂ ವಿಟಮಿನ್ ಸಿ ಪೇರೊಲುಡು ಉಂಡು. ದಿನಾಲ ಉಂದೆನು ತಿನೊಂದಿತ್ತುಂಡ ನೆತ್ತೆರುಡ್ ಇಪ್ಪುನ ಕಡಿಮೆ ಆಪುಂಡು. ನೆಟ್ಟ್ ನಾರ್‌ದ ಅಂಶ ಜಾಸ್ತಿ ಉಪ್ಪುನೆರ್ದ್ ಆದ್ ಮಲಬದ್ಧತೆ ಸಮಸ್ಯೆ ಉಪ್ಪುನಕ್‌ಲ್ ತಿಂದ್ಂಡ ಮಸ್ತ್ ಲಾಭ ತಿಕ್ಕುಂಡು.