ಅಂಜಲಿ ಭಾಗವತ್

ಅಂಜಲಿ ಭಾಗವತ್ (ಜನನ ಡಿಸಂಬರ್ 5,1969) ವೃತ್ತಿಪರೆ ಭಾರತೀಯ ಶೂಟರ್. ಇಂಬೆರ್ 2002 ಟ್ 10 ಮೀಟರ್ ಏರ್ ರೈಫಲ್ ಡ್ ವಿಶ್ವೊಗು ಸುರುತ ಸ್ಥಾನೊಡು ಉಲ್ಲೇರ್. ಇಂಬೆರ್ 2003 ಟ್ ಮಿಲನ್ ಡ್ ಅರೆನ ಸುರುತ ವಿಶ್ವ ಕಪ್ ಫೈನಲ್ ನ್ 399/400 ಅಂಕದೊಟ್ಟುಗು ಗೆಂದುದೆರ್. ಅಂಜಲಿ ಐ.ಎಸ್.ಎಸ್.ಎಫ್ ಚಾಂಪಿಯನ್ ಆಫ್ ಚಾಂಪಿಯನ್ಸ್ ಪ್ರಶಸ್ತಿನ್ ಗೆಂದುದೆರ್ ಬೊಕ್ಕ 2002ಟ್ ಮ್ಯೂನಿಚ್ ಡ್ ನಡೆದಿನ ಏರ್ ರೈಫಲ್ ಪ ಅಂಜೊವುಲೆನ ಬೊಕ್ಕ ಪೊಂಜೊವುಲೆನ ಮಿಶ್ರೊ ಪಂದ್ಯೊಡು , ISSF/ಐ.ಎಸ್.ಎಸ್.ಎಫ್ ಚಾಂಪಿಯನ್ಸ್ ಟ್ರೋಫಿನ್ ಗೆಂದುದಿನ ಏಕೈಕ ಭಾರತೀಯರಾದುಲ್ಲೆರ್. ಆರ್ ಸತತವಾದ್ ಮೂಜಿ ಬಾರಿ ಒಲಿಂಪಿಕ್ಸ್ ಡ್ ಭಾರತೊ ದೇಶೊನು ಪ್ರತಿನಿಧಿಸಾದೆರ್. 2000ದ ಸಿಡ್ನಿ ಒಲಿಂಪಿಕ್ಸ್ ದ ಅಂತಿಮ ಸುತ್ತುದ ಸ್ಪರ್ಧಿಯಾದ್ ಇತ್ತೆರ್, ಈ ಸಾಧನೆನ್ ಮಂದಿನ ಭಾರತೊದ ಸುರುತ ಪೊಂಜೊವು ಶೂಟರ್ ಪನ್ಪಿನ ಪುಗರ್ಮೆ ಮೆರೆಗುಂಡು. ಕಾಮನ್ವೆಲ್ತ್ ಕ್ರೀಡಾಕೂಟ Archived 2018-02-05 ವೇ ಬ್ಯಾಕ್ ಮೆಷಿನ್ ಡ್ ಆರ್ 12 ಬಂಗಾರ್ ದ ಬೊಕ್ಕ 4 ಬೊಳ್ಳಿದ ಪದಕಲೆನ್ ಗೆಂದುದೆರ್. ಮೇರ್ 10 ಮೀಟರ್ ಏರ್ ರೈಫಲ್ ಬೊಕ್ಕ ಸ್ಪೋರ್ಟ್ಸ್ ರೈಫಲ್ 3ಪಿ ಡ್ ಕಾಮನ್ವೆಲ್ತ್ ದಾಖಲೆನ್ ನಿರ್ಮಾಣ ಮಂದೆರ್. 2003 ತ ಆಫ್ರೋ-ಏಷಿಯನ್ ಗೇಮ್ಸ್ ಡ್ ಕ್ರೀಡಾ 3ಪಿ ಬೊಕ್ಕ ಏರ್ ರೈಫಲ್ ಪಂದ್ಯೊಲೆಡ್ ಅನುಕ್ರಮವಾದ್ ಬಂಗಾರ್ ಬೊಕ್ಕ ಬೊಳ್ಳಿದ ಪದಕೊಲೆನ್ ಗಳಿಸಾದು ಇತಿಹಾಸ ನಿರ್ಮಾಣ ಮಂದಿನ ಸುರುತ ಭಾರತೀಯ ಮಹಿಳಾ ಶೂಟರ್ ಮೇರ್.ಬೊಳ್ಳಿ ಬೊಕ್ಕ 16 ಕಂಚುದ ಪದಕೊಲೆನ್ ಗೆಂದುದೆರ್, ಆಯಿತ ಜೊತೆಗ್ ಭಾರತೊಡು ನಡೆದಿನ ರಾಷ್ಟ್ರೀಯೊ ಸ್ಪರ್ಧೆಡ್ 8 ಪೊಸ ದಾಖಲೆನ್ಲಾ ನಿರ್ಮಾಣ ಮಂದೆರ್.

ಆರಂಭಿಕ ಜೀವನೊ

ಅಂಜಲಿ ರಾಮಕಾಂತ ವೇದಪಥಕ್ , 5 ಡಿಸೆಂಬರ್ 1969 ದಾನಿ ಪುಟ್ಟುದಿನಿ ,ಆರ್ ಮುಂಬೈದ ಕೊಂಕಣಿ ಕುಟುಂಬದಾರ್. ಪ್ರಸಿದ್ಧ ಕ್ರೀಡಾಪಟು ಕಾರ್ಲ್ ಲೆವಿಸ್ ಅರೆನ ಪ್ರೇರಣೆ ಪತ್ತೊಂದು, ಅಂಜಲಿ , ಕ್ರೀಡೆಲೆಡು ಆಸಕ್ತಿನ್ ಬೆಳೆಸಾಯೆರ್. ಇಂಬೆರ್ , ಸುರುತ ಬಾರಿ ಶೂಟಿಂಗ್ ಕಲ್ದಿನಿ ಬೊಕ್ಕ ಬಳಸ್ದಿನಿ ಆರ್ ನ್ಯಾಷನಲ್ ಕ್ಯಾಡೆಟ್ ಕಾರ್ಪ್ಸ್ (NCC)ಡ್ ಉಪ್ಪುನಗ. ಜೂಡೋ ,ಕರಾಟೆ ಬೊಕ್ಕ ಮುಂದುವರಿಸಿನ ಪರ್ವತಾರೋಹಣದ ಬಗ್ಗೆ ವಿದ್ಯಾರ್ಥಿಯಾದ್ ಇತ್ತಿನ ಭಾಗವತ್ NCC ದ ಕಡೆಗ್ ಮಸ್ತ್ ಆಕರ್ಷಿತರಾಯೆರ್. NCCದ ಒಟ್ಟುಗು ನಿಕಟ ಸಂಬಂಧ ಇತ್ತಿನ ಅಂಜಲಿ , ಮುಂಬೈದ ಕೀರ್ತಿ ಕಾಲೇಜಿಗ್ ಸೇರಿಯೆರ್. ತನ್ನ ಪಠ್ಯಕ್ರಮೊದ ಒಂಜಿ ಭಾಗವಾದ್ ಆರ್ ಎಮ್.ಆರ್.ಎ(ಮಹಾರಾಷ್ಟ್ರ ರೈಫಲ್ ಅಸೋಸಿಯೇಷನ್)ಗ್ ಪ್ರವೇಶ ಪಡೆಯೆರ್. ಅಂಜಲಿದರೆನ 21ನೇ ವರ್ಷೊಡು ಶೂಟಿಂಗ್ ಅಭ್ಯಾಸ ಪ್ರಾರಂಭ ಮಂತೆರ್ . 7 ದಿನೊಟೇ ಗನ್ ಪತ್ತೊಂದು 1988ದ ರಾಷ್ಟ್ರೀಯ ಚಾಂಪಿಯನ್ ಶಿಪ್ ಸ್ಪರ್ಧೆ ಡ್ ಭಾಗವಹಿಸಾದ್, ಮಹಾರಾಷ್ಟ್ರೊಕ್ ಬೊಳ್ಳಿ ಪದಕೊನ್ ಕಂತು ಕೊರ್ಯೆರ್.

ವೃತ್ತಿಜೀವನೊ

ಸಂಜಯ್ ಚಕ್ರವರ್ತಿ , ಅಂಜಲಿ ಭಾಗವತ್ ಅರೆನ ಸುರುತ ತರಬೇತುದಾರೆರ್. ಅಂಜಲಿ ಭಾಗವತ್ ಅರೆಗ್ 5 ವರ್ಷೊ ಕಾಲ ತರಬೇತಿ ಕೊರ್ದು ,ಅಯಿಟ್ ಮೂಲಭೂತ ಕೌಶಲ್ಯನ್ ಹೆಚ್ಛು ಮನ್ತಿನ ಸಂಪೂರ್ಣ ಕೀರ್ತಿ ಅರೆನ ಗುರುಕಲೆನ ಪಂದ್ ಖುಷಿಟ್ ಪನ್ಪೆರ್. 1988ಟ್ ರಾಷ್ಟ್ರೀಯ ಚಾಂಪಿಯನ್ಶಿಪ್ ಡ್ ಸುರುತ ಸರಿ ಭಾಗವಹಿಸಿ ಅರೆನ ವೃತ್ತಿ ಜೀವನೊನು ಪ್ರಾರಂಭಿಸಾಯೆರ್. ಅರೆನ ರಾಜ್ಯೊಕ್ ಆರ್ ಬೊಳ್ಳಿನ್ ಗೆಂದುದೆರ್. ಮಹಾರಾಷ್ಟ್ರೊ ತಂಡೊದ ಪರವಾದ್ ಅಂಜಲಿ ಗೊಬ್ಬೊಂದು ಇತ್ತೆರ್. ದೇಶೀಯ ಸ್ಪರ್ಧೆಲೆಡು 55 ಬಂಗಾರ, 35 ಬೊಳ್ಳಿ ಬೊಕ್ಕ 16 ಕಂಚುದ ಪದಕೊಲೆನ್ ಪಡೆದ್ ತುಂಡು ಮನ್ಪರೆ ಆವಾಂದಿನ ದಾಖಲೆನ್ ನಿರ್ಮಿಸಾದೆರ್.1995 ಟ್ SAF ಆಟೊಡು ಪಾಲ್ಗೋಳ್ಳುನ ಮೂಲಕ ಅಂಜಲಿ ಭಾಗವತ್ ಸುರುತ ಅಂತರರಾಷ್ಟ್ರೀಯೊ ಸ್ಪರ್ಧೆಡು ಭಾಗವಹಿಸಾಯೆರ್. 1999 ಡ್ ಆಕ್ಲೆಂಡ್ನ ಡ್ ನಡೆತಿನ ಕಾಮನ್ವೆಲ್ತ್ ಚಾಂಪಿಯನ್ಷಿಪ್ ಡ್ ಆರ್, ಸುರುತ ಬಾರಿ ಅಂತರರಾಷ್ಟ್ರೀಯೊ ಮಟ್ಟೊಡು ಬಂಗಾರ್ ದ ಪದೊಕ ಪಡೆಯೆರ್, ಅಲ್ಪ ಆರ್ 3 ಬಂಗಾರ್ ದ ಪದಕೊಲೆನ್ ಬೊಕ್ಕ ಒಂಜಿ ಬೊಳ್ಳಿ ದ ಪದಕೊನು ಏರ್ ರೈಫಲ್, 3ಪಿ ಏಕ ವ್ಯಕ್ತಿ ಬೊಕ್ಕ ತಂಡೊ ಪಂದ್ಯಡುಲ ಗೆಂದಿಯೆರ್. ಅಂಜಲಿ ಭಾಗವತ್ ಭಾರತಕ್ಕಾದ್ ವಿಶ್ವಕಪ್ ಗೆಂದುದಿನ ಏಕೈಕ ಮಹಿಳೆ. ತನ್ನ ರಷ್ಯಾದ ಪ್ರತಿಸ್ಪರ್ಧಿ ಗಾಲ್ಕಿನಾ ಲಿಯುಬೊವ್ ಅರೆನ್ ಒರ್ತಿ ಮಾದರಿ ಪ್ರತಿಸ್ಪರ್ಧಿಯಾದ್ ಪರಿಗಣಿಸುವೆರ್. ಡಿಸೆಂಬರ್ 1999 ಡ್ ಇಂಡಿಯನ್ ಶೂಟಿಂಗ್ ತಂಡೊಗ್ ತರಬೇತುದಾರರಾಯಿನ ಲಸ್ಲೊ ಸ್ಜುಕ್ಸಕ್ ಅರೆನ ಅಡಿಟ್ ತರಬೇತಿನ್ ಪ್ರಾರಂಭಿಸಾಯೆರ್. ಮಲೇಶಿಯನ್ ಶೂಟಿಂಗ್ ತಂಡೊಡು ಲಸ್ಲೊರೆನ ಕೆಲಸವನ್ನು ತೂದು ಅಂಜಲಿ ಭಾಗವತ್ ಲಸ್ಜ್ಲೋಗ್ ವೈಯಕ್ತಿಕವಾದ್ ಸಂಪರ್ಕಿಸಾಯೆರ್. ಹಂಗೇರಿಯನ್ ತಂಡೊ ಒಂಜಿ ವರ್ಷೊ ಮುಟ್ಟ ಒರಿಂಡು, ಈ ಅವಧಿಡ್ 2000ದ ಸಿಡ್ನಿ ಒಲಿಂಪಿಕ್ಸ್ನಡ್ ಅಂಜಲಿ ವೈಲ್ಡ್ ಕಾರ್ಡ್ ಪ್ರವೇಶೊ ಪಡೆಯೆರ್, ಅಲ್ಪ ಆರ್ ಅಂತಿಮೊ ಸುತ್ತುದ ಮುಟ್ಟ ತಲುಪಿಯೆರ್.2001 ಡ್ದ್ 2004 ಮುಟ್ಟ, ಅಂಜಲಿ ಭಾಗವತ್ ತರಬೇತುದಾರ ಉಪ್ಪಂದೆ ತರಬೇತಿನ್ ಪಡೆಯೆರ್ ಆಂಡಲಾ, 2002 ಟ್ ವಿಶ್ವೊಡೇ ನಂಬರ್ ಒನ್ ಆವರೆ ಯಶಸ್ವಿ ಆಯೇರ್.2006ಟ್, ಲಾಸ್ಜ್ಲೋ ರಾಷ್ಟ್ರೀಯ ಶೂಟಿಂಗ್ ತಂಡೊದ ಕೋಚ್ ಆದ್ ಕುಡ ಸೇರಿಯೆರ್, ಬೊಕ್ಕ 2008ದ ಮುಟ್ಟ ಅಂಜಲಿ ಭಾಗವತ್ ಅರೆನೊಟ್ಟು ತರಬೇತಿ ಪಡೆಯೆರ್. 2008ಟ್ , ಭಾರತೀಯ ರಾಷ್ಟ್ರೀಯ ಸೇನೆ ಸ್ಟಾನಿಸ್ಲಾವ್ ಲ್ಯಾಪಿಡಸ್ ಅರೆನ್ ರಾಷ್ಟ್ರೀಯ ತಂಡಕು ತರಬೇತುದಾರರಾದ್ ನೇಮಕ ಮಂತುಂಡು. 2002ಟ್ ಚಾಂಪಿಯನ್ಸ್ ನ ಚಾಂಪಿಯನ್ಸ್ ಆದ್ ಗೆಂದುದ್ದು ತನ್ನ ವೃತ್ತಿಜೀವನೊಡು ಅತ್ಯುತ್ತಮ ಕ್ಷಣ ಪಂದ್ ಭಾಗವತ್ ಪನ್ಪೆರ್. ಅಂಜಲಿ, ಇದನೆಟ್ಟ ಈ ಪ್ರಶಸ್ತಿಯನ್ನು ಗೆಂದುದಿನ ಏಕೈಕ ಭಾರತೀಯರಾದೆರ್.

ಸಲಕರಣೆಲು ಬೊಕ್ಕ ಪ್ರಾಯೋಜಕೆರ್

ಅಂಜಲಿ ಭಾಗವತ್ ಅರೆನ ಏರ್ ರೈಫಲ್ ಸ್ಪರ್ಧೆಗ್ ಜರ್ಮನ್ ನಿರ್ಮಿತ ಫಿನ್ವರ್ಕ್ಬಾವು ರೈಫಲ್ ನ್ ಉಪಯೋಗಿಸಾವೆರ್. 10ಮೀಟರ್ ಗ್ ಅಂಜಲಿ ಫಿನ್ವರ್ಕ್ಬಾವುಗ್ ಆದ್ಯತೆ ಕೊರ್ಪೆರ್

ಆಂಡಾ 50ಮೀ ಗ್ 0.22 ವಾಲ್ಥರ್ ನ್ ಉಪಯೋಗಿಸಾವೆರ್.

ಅಂಜಲಿ ಭಾಗವತ್ ಅರೆಗ್ ಸುರುತ ಬಾರಿ 1993 ಟ್ ಬಾಲಿವುಡ್ ನಟ ಬೊಕ್ಕ ಸಹವರ್ತಿ ಶೂಟರ್ ನಾನಾ ಪಾಟೇಕರ್ ಶೂಟಿಂಗ್ ಕಿಟ್ ನ್ ಉಡುಗೊರೆಯಾದ್ ಕೊರ್ತೆರ್.

2000ಟ್ ಹಿಂದೂಜಾ ಫೌಂಡೇಶನ್ ಬೊಕ್ಕ

2008ಟ್ ಮಿತ್ತಲ್ ಚಾಂಪಿಯನ್ಸ್ ಟ್ರಸ್ಟ್ ದಕುಲು ಸಲಕರಣೆಲೆನ್ ಉಡುಗೊರೆ ಆದ್ ಕೊರ್ತೆರ್.

ಹ್ಯುಂಡೈ ಕಾರ್ಪೊರೇಷನ್ ಕೂಡಾ 2004ಟ್ , ದುಂಬು ಲಾ ಭಾಗವತ್ ರ ತರಬೇತಿಗ್ ಬೆಂಬಲ ಕೊರೊಂದು ಇತ್ತುಂಡು.

ಪ್ರಶಸ್ತಿಲು

2003: ರಾಜೀವ್ ಗಾಂಧಿ ಖೇಲ್-ರತ್ನ

2000: ಅರ್ಜುನ ಪ್ರಶಸ್ತಿ

1992: ಶ್ರೀ ಶಿವ ಛತ್ರಪತಿ ಪ್ರಶಸ್ತಿ

1993: ಮಹಾರಾಷ್ಟ್ರ ಗೌರವ್ ಪುರಸ್ಕಾರ

1993: ವಸಂತ್ರಾವ್ ನಾಯಕ್ ಪ್ರತಿಷ್ಠಾನ್ ಪುರಸ್ಕಾರ

2002: ಇಂಡೋ-ಅಮೆರಿಕನ್ ಸೊಸೈಟಿ ಯಂಗ್ ಅಚೀವರ್ ಪ್ರಶಸ್ತಿ

2003: ಟೈಮ್ಸ್ ಗ್ರೂಪ್ ಮಹಾರಾಷ್ಟ್ರ ಶಾನ್

2003: ಹೀರೋ ಇಂಡಿಯನ್ ಸ್ಪೋರ್ಟ್ಸ್ ಅವಾರ್ಡ್-ಬೆಸ್ಟ್ ಸ್ಪೋರ್ಟ್ಸ್ ವುಮನ್

2003: ವರ್ಷದ ಎಚ್ಐಎಸ್ಎ ಕ್ರೀಡೆ ಮಹಿಳೆ

2003: ವರ್ಷದ ಎಚ್ಐಎಸ್ಎ ಶೂಟರ್

೨004: ವರ್ಷದ ಎಚ್ಐಎಸ್ಎ ಶೂಟರ್

2005: GR8 ಮಹಿಳಾ ಸಾಧಕರ ಪ್ರಶಸ್ತಿ

2005: ಶಿಕ್ಷಕರ ಸಾಧನೆ ಪ್ರಶಸ್ತಿ

2006: ಎಫ್ ಐ ಇ ಫೌಂಡೇಶನ್ ರಾಷ್ಟ್ರೀಯ ಪ್ರಶಸ್ತಿ