ಅಜಿತ್ ಕೆಂಭಾವಿ

ಅಜಿತ್ ಕೆಂಭಾವಿ (ಪುಟ್ಟುದಿನಿ ೧೬ ಆಗಸ್ಟ್ ೧೯೫೦) ಮೇರ್ ಭಾರತೀಯ ಖಗೋಳ ಭೌತಶಾಸ್ತ್ರಜ್ಞ . ಮೇರ್ ಪ್ರಸ್ತುತ ಭಾರತದ ಪುಣೆದ ಖಗೋಳವಿಜ್ಞಾನ ಬೊಕ್ಕ ಖಗೋಳ ಭೌತಶಾಸ್ತ್ರದ ಅಂತರ-ವಿಶ್ವವಿದ್ಯಾಲಯ ಕೇಂದ್ರ‌ಡ್ (ಐಯುಸಿಎಎ) ಪ್ರೊಫೆಸರ್ ಎಮೆರಿಟಸ್ ಆತೆರ್, ಐಟಿ ಮೇರ್ ಸಂಸ್ಥಾಪಕ ಸದಸ್ಯೆಲಾ ಆದಿತ್ತೆರ್. ಮೇರ್ ಅಂತರರಾಷ್ಟ್ರೀಯ ಖಗೋಳ ಒಕ್ಕೂಟದ ಉಪಾಧ್ಯಕ್ಷರಾದ್‌ಲಾ ಸೇವೆ ಮಲ್ತೊಂದುಲ್ಲೆರ್.

ಅಜಿತ್ ಕೆಂಭಾವಿ
ಪುಟ್ಟಿನ	೧೬ ಆಗಸ್ಟ್ ೧೯೫೦ ಹುಬ್ಬಳ್ಳಿ, ಕರ್ನಾಟಕ
ರಾಷ್ಟ್ರೀಯತೆ	ಭಾರತೀಯ
Alma mater	ಟಾಟಾ ಇನ್ಸ್ಟಿಟ್ಯೂಟ್ ಆಫ್ ಫಂಡಮೆಂಟಲ್ ರಿಸರ್ಚ್
Scientific career
ಕಾರ್ಯ ಕ್ಷೇತ್ರೊ	ಭೌತಶಾಸ್ತ್ರ, ಖಗೋಳವಿಜ್ಞಾನ, ಕಂಪ್ಯೂಟರ್ ವಿಜ್ಞಾನ
ಸಂಸ್ಥೆ	ಖಗೋಳವಿಜ್ಞಾನ ಮತ್ತು ಖಗೋಳ ಭೌತಶಾಸ್ತ್ರದ ಅಂತರ-ವಿಶ್ವವಿದ್ಯಾಲಯ ಕೇಂದ್ರ
ವಿವರಣಾತ್ಮಕ ಸಲಹೆಗಾರೆ	ಜಯಂತ್ ನರ್ಲಿಕರ್

ಪುಟ್ಟುದಿನಿ ಬೊಕ್ಕ ಜೀವನ

ಅಜಿತ್ ಕೆಂಭಾವಿ ಮೇರ್ ೧೬ ಆಗಸ್ಟ್ ೧೯೫೦ ಡ್ ಕರ್ನಾಟಕದ ಹುಬ್ಬಳ್ಳಿ ಡ್ ಪುಟ್ಟಿಯೆರ್. ಮೇರ್ ಬಯೋ - ಟೆಕ್ನಾಲಜಿಸ್ಟ್ ಆಶಾ ಕೆಂಭಾವಿ ಮೆರೆನ್ ಮದಿಮೆ ಆಯೆರ್. ಮೆರೆಗ್ ಅಲೆನ್ ಇನ್ಸ್ಟಿಟ್ಯೂಟ್ ಆಫ್ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್‌ಡ್ ಬೇಲೆ ಮಲ್ಪುನ ಅನಿರುಧ್ ಕೆಂಭಾವಿ ಪನ್ಪಿನ ಮಗೆ ಉಲ್ಲೆ.

ಗೌರವೊಳು, ಪ್ರಶಸ್ತಿಳು ಬೊಕ್ಕ ಸದಸ್ಯತ್ವಳು

• ನ್ಯಾಷನಲ್ ಅಕಾಡೆಮಿ ಆಫ್ ಸೈನ್ಸಸ್ ದ ಫೇಲೋ.
• ಇಂಡಿಯನ್ ಅಕಾಡೆಮಿ ಆಫ್ ಸೈನ್ಸಸ್ ದ ಫೆಲೋ.
• ಆಸ್ಟ್ರೋನಾಮಿಕಲ್ ಸೊಸೈಟಿ ಆಫ್ ಇಂಡಿಯಾ ದ ಮಾಜಿ ಅಧ್ಯಕ್ಷ .
• ಭಾರತೀಯ ಸಾಪೇಕ್ಷತಾ ಬೊಕ್ಕ ಗುರುತ್ವಾಕರ್ಷಣೆದ ಸಂಘದ ಮಾಜಿ ಅಧ್ಯಕ್ಷ.
• ಅಂತರರಾಷ್ಟ್ರೀಯ ಖಗೋಳವಿಜ್ಞಾನ ಒಕ್ಕೂಟದ ಉಪಾಧ್ಯಕ್ಷ (೨೦೧೬ - ಇನಿಮುಟ್ಟ) .
• ೨೦೦೪ ಡ್ ಯುಜಿಸಿ ಹರಿ ಓಮ್ ವ್ಯಾಟ್ಸ್ ಪ್ರಶಸ್ತಿ .
• ರಾಜಾ ರಮಣ ಫೆಲೋಶಿಪ್ - ೨೦೧೭.
• ನವದೆಹಲಿದ ಕನ್ಸೋರ್ಟಿಯಂ ಫಾರ್ ಎಜುಕೇಷನಲ್ ಕಮ್ಯುನಿಕೇಷನ್ (ಸಿಇಸಿ)ದ ಆಡಳಿತ ಮಂಡಳಿದ ಮಾಜಿ ಅಧ್ಯಕ್ಷ.
• ಬೆಂಗಳೂರುದ ಭಾರತೀಯ ವಿಜ್ಞಾನ ಸಂಸ್ಥೆದ ಆಡಳಿತ ಮಂಡಳಿ ಬೊಕ್ಕ ನ್ಯಾಯಾಲಯದ ಸದಸ್ಯ.
• ಬೆಂಗಳೂರುದ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಆಸ್ಟ್ರೋಫಿಸಿಕ್ಸ್ ದ ಆಡಳಿತ ಮಂಡಳಿದ ಅಧ್ಯಕ್ಷ.
• ಭಾರತದ ಬಾಹ್ಯಾಕಾಶ ಆಯೋಗದ ಸದಸ್ಯ .

ಭಾರತೀಯ ಖಗೋಳಶಾಸ್ತ್ರಗ್ ಕೆಂಭಾವಿ ಮೆರ್ನ ಕೊಡುಗೆಳು

ಭಾರತದಡ್ ಸಂಶೋಧನಾ ಕ್ಷೇತ್ರವಾದ್ ಖಗೋಳವಿಜ್ಞಾನದ ಅಭಿವೃದ್ಧಿಡ್ ಕೆಂಭಾವಿ ಮೇರ್ ಮಸ್ತ್ ಮಹತ್ವದ ಪಾತ್ರ ವಹಿಸ್‌ದೆರ್. ಐಯುಸಿಎಎಡ್ ವಿಸಿಟರ್ ಪ್ರೋಗ್ರಾಂದ ಡೀನ್ ಆದ್, ಖಗೋಳ ಸಂಶೋಧನೆದ ಉತ್ತೇಜನಕ್ಕಾದ್ ಐಯುಸಿಎಎ ಬೊಕ್ಕ ಇಡೀ ಭಾರತೊಡ್ ನಡೆತಿನ ನನಾತ್ ಕಾರ್ಯಕ್ರಮದ ಬೆಳವಣಿಗೆಗ್ ಬೊಕ್ಕ ಪೋಷಣೆಗ್ ಮೇರ್ ಕಾರಣರಾದಿತ್ತೆರ್. ಐಯುಸಿಎಎ ನಿರ್ದೇಶಕರಾದ್, ಸಧರ್ನ್ ಆಫ್ರಿಕನ್ ಲಾರ್ಜ್ ಟೆಲಿಸ್ಕೋಪ್ (ಎಸ್ಎಎಲ್ಟಿ), ಥರ್ಟಿ ಮೀಟರ್ ಟೆಲಿಸ್ಕೋಪ್ (ಟಿ.ಎಮ್.ಟಿ), ಬೊಕ್ಕ ಲೇಸರ್ ಇಂಟರ್ಫೆರೋಮೀಟರ್ ಗ್ರಾವಿಟೇಶನಲ್ - ವೇವ್ ಅಬ್ಸರ್ವೇಟರಿ (ಎಲ್ಐಜಿಒ) ಸೇರ್ ದ್ ನನಾತ್ ಅಂತರರಾಷ್ಟ್ರೀಯ ಯೋಜನೆಡ್ ಭಾರತದ ಪಾಲ್ಗೊಳ್ಳುವಿಕೆನ್ ಗಟ್ಟಿಮಲ್ಪುನಲ್ಪ ಮೇರ್ ಪ್ರಮುಖ ಪಾತ್ರನ್ ವಹಿಸೊಂದೆರ್. ಮೇರ್ ವಿಶ್ವವಿದ್ಯಾಲಯ ಕಾಸ್ ಸಹಾಯ ಆಯೋಗದ (ಭಾರತ) ಅಡಿಟ್ ಇನ್ಫೋನೆಟ್ ಯೋಜನೆನ್ ಕಲ್ಪಿಸಾದ್ ಕಾರ್ಯಾಗತ ಮಲ್ತೆರ್, ಇಂದು ಮಾಹಿತಿ ಬೊಕ್ಕ ಸಂವಹನ ತಂತ್ರಜ್ಞಾನದ ಪ್ರಯೋಜನನ್ ಭಾರತದ ಮಾತ ವಿಶ್ವವಿದ್ಯಾಲಯಗ್ ಕನಾಂಡ್. ref>economic times</ref>ಕೆಂಭಾವಿ ಮೇರ್ ಜನಸಾಮಾನ್ಯರ್ ಡ್ ಖಗೋಳಶಾಸ್ತ್ರದ ಮಾಹಿತಿನ್ ಉತ್ತೇಜನ ಮಲ್ಪೆರೆ ನನಾತ್ ಸಾರ್ವಜನಿಕ ಪಾತೆರ ಬೊಕ್ಕ ಪ್ರಸ್ತುತಿನ್ ಕೊರ್ತೆರ್. ಜಯಂತ್ ಬೊಕ್ಕ ಮಂಗಳಾ ನರ್ಲಿಕರ್ ಲಾ-ಲೇಖನದ 'ನಭಾತ್ ಹಸ್ರೆ ತಾರೆ' ಪನ್ಪಿನ ಮರಾಠಿ ಪುಸ್ತಕನ್ ಕೆಂಭಾವಿ ಮೇರ್ ಬರೆತೆರ್.

ಸಂಶೋಧನಾ ಕ್ಷೇತ್ರೋಲು

ಕೆಂಭಾವಿ ಮೇರ್ ಪರಿಣತಿದ ಕ್ಷೇತ್ರಗಡ್ ಜಾಸ್ತಿ ಗುರುತ್ವದ ಸಿದ್ಧಾಂತ ಎಕ್ಸ್‌ಟ್ರಾಗ್ಯಾಲಾಕ್ಟಿಕ್ ಆಸ್ಟ್ರೋನಮಿ ಬೊಕ್ಕ ಖಗೋಳವಿಜ್ಞಾನದ ದತ್ತಸಂಚಯ ನಿವರ್ಹಣೆ ಸೇರ್ದ್ಂಡ್.