ಅಜ್ಜಿಯಾಟ (ಪೆಟ್ಟ್ ಗೊಬ್ಬು)

ಅಜ್ಜಿಯಾಟ (ಪೆಟ್ಟ್ ಗೊಬ್ಬು):ಈ ಗೊಬ್ಬುನು ಒರಿ ಅತ್ತ್ಂಡ ಏತ್ ಜನಲಾ ಒಟ್ಟಾದ್ ಗೊಬ್ಬೊಲಿ. ನೆಟ್ಟ್ ಒರಿ ಅಜ್ಜಿಯಾದ್ ಒರಿದಿನಕುಲು ಜೋಕುಲೆನ ಪಾತ್ರೊಡ್ ಗೊಬ್ಬುವೆರ್. ಅಜ್ಜಿಯಾಟಡ್ ಸುಮಾರ್ ರೀತಿದ ಗೊಬ್ಬುಲು ಉಲ್ಲ. ಈ ಅಜ್ಜಿ ಗೊಬ್ಬುಡು ಅಜ್ಜಿ ಜೋಕುಲೆನ್ ಪೆಟ್ಟ್ ಕೊರ್ರೆ ಬೆರಿ ಪತ್ತುನೈನ್ ತುವರೆ ತಿಕ್ಕುಂಡು.

ಅಜ್ಜಿಯಾಟ (ಪೆಟ್ಟ್ ಗೊಬ್ಬು)

ಸಕ್ರೀಯ ವರ್ಸೊ	ಪಿರಾಕ್‍ದ ಗೊಬ್ಬು
ಗೊಬ್ಬುನಕುಲು	ಏತ್ ಜನಲಾ ಗೊಬ್ಬೊಲಿ
ಸ್ತಾಪನೆ ಪೊರ್ತು	ಏತ್ ಗಂಟೆಲಾ ಗೊಬ್ಬೊಲಿ
ಗೊಬ್ಬುನ ಸಮಯೊ	ಏತ್ ಗಂಟೆಲಾ ಗೊಬ್ಬೊಲಿ
ಕೌಶಲ್ಯೊ	ಅಜ್ಜಿಯಾಟ (ಪೆಟ್ಟ್ ಗೊಬ್ಬು)

ಗೊಬ್ಬುಡಿಪ್ಪುನ ಪಾತ್ರೊಲು

• ಅಜ್ಜಿ
• ಜೋಕುಲು

ಗೊಬ್ಬರೆ ಬೋಡಾಯಿನ ಸಾಮಾನುಲು

• ಕೋಲು
• ಕಡ್ಡಿ

ಗೊಬ್ಬು ಗೊಬ್ಬುನೆ ಎಂಚ ?

ಈ ಗೊಬ್ಬುಡು ಒರಿ ಅಜ್ಜಿನ ಪಾತ್ರೊಡು ಇತ್ತೊಂದು ಬಾಕಿದಕುಲು ವೃತ್ತಾಕಾರೊಡು ಅಜ್ಜಿ ಕುಲ್ದಿನ ಸುತ್ತ ಕುಲ್ಲುದು ಇಪ್ಪುವೆರ್. ಅಜ್ಜಿ ವೃತ್ತೊದ ಮದ್ಯೊಡು ಕುಲ್ಲುದು ಮಣ್ಣ್ ಒಕ್ಕುನಂಚ ಅನುಕರಣೆ ಮಲ್ಪರೆ ಸುರು ಮಲ್ಪುವೆರ್. ಅಪಗ ಈ ರೀತಿದ ಪಾತೆರಕತೆ ಅಕುಲೆನ ನಡುಟು ಆಪುಂಡು.

ಅಜ್ಜಿ ಜೋಕುಲೆ ನಡುಟು ಪಾತೆರಕತೆ

ಜೋಕುಲು: ಅಜ್ಜಿ, ಅಜ್ಜಿ ದಾದೆ ನಾಡ್ವರ್? ಅಜ್ಜಿ: ಸೂಜಿ ಮಗಾ
ಜೋಕುಲು: ಸೂಜಿ ದಾಯೆ?
ಅಜ್ಜಿ: ಚೀರಾವ್ ಪೊಲ್ಲರೆ
ಜೋಕುಲು: ಚೀರಾವ್ ದಾಯೆ?
ಅಜ್ಜಿ:ಪನವು ದೀವರೆ
ಜೋಕುಲು: ಪನವು ದಾಯೆ?
ಅಜ್ಜಿ: ಕಾವಲಿ ಕನವರೆ
ಜೋಕುಲು: ಕಾವಲಿ ದಾಯೆ?
ಅಜ್ಜಿ: ದೋಸೆ ಮಲ್ಪರೆ
ಜೋಕುಲು: ದೋಸೆ ದಾಯೆ?
ಅಜ್ಜಿ: ದೋಸೆ ತಿನರೆ
ಜೋಕುಲು: ತಿನ್ಪುನ ದಾಯೆ?
ಅಜ್ಜಿ: ಶಕ್ತಿ ಬರ್ರೆ
ಜೋಕುಲು: ಶಕ್ತಿ ದಾಯೆ?
ಅಜ್ಜಿ: ಪೆಟ್ಟ್ ಕೊರ್ರೆ
ಇಂಚ ಪೆಟ್ಟ್ ಕೊರ್ರೆ ಪಂಡ್‍ದ್ ಅಜ್ಜಿ ಬೆತ್ತ ಪತೊಂದ್ ಜೋಕುಲೆನ್ ಗಿಡ್ಪುವೆರ್. ಇಂಚ ಗಿಡ್ಪುನಗ ಅಜ್ಜಿನ ಕೈಕ್ ಏರ್ ದುಂಬು ತಿಕ್ಕುವೆರಾ ಅಕುಲು ಬರ್ಪಿನ ಸುತ್ತುಡು ಅಜ್ಜಿ ಆವೊಡು . ಇಂಚ ಈ ಗೊಬ್ಬುನು ಗೊಬ್ಬುವೆರ್.

ಬೇತೆ ಬಾಸೆಡ್ ಗೊಬ್ಬುದ ಪುದರ್

• ಅಜ್ಜಿಯಾಟ(ಕನ್ನಡಡ್)