ಅನುರಾಧಾ ಭಟ್

ಅನುರಾಧಾ ಭಟ್ ಮೇರ್ ಭಾರತೀಯ ಚಲನಚಿತ್ರೊದ ಹಿನ್ನೆಲೆ ಗಾಯಕಿ. ಮೇರ್ ಕನ್ನಡ ಬಾಸೆದ ಚಲನಚಿತ್ರೊಲೆಡದ ಪದೊ ಪಂತೆರ್. ಹಂಸಲೇಖಾ, ಗುರುಕಿರಣ್, ವಿ.ಹರಿಕೃಷ್ಣ, ಮನೋ ಮೂರ್ತಿ, ಅರ್ಜುನ್ ಜನ್ಯ ಇಮಚಿನ ಮಾಂತ ಪ್ರಮುಕ ಕನ್ನಡ ಸಂಗೀತ ನಿರ್ದೇಸಕೆರೆನೊಟ್ಟು ೧೦೦೦ ರ್ದ್ಲಾ ಮಿತ್ತ್ ಸಿನಿಮೊಲೆಡ್ ಪದ ಪಂತೆರ್. ೧೪ ಬೇತೆ ಬೇತೆ ಬಾಸೆಲೆಡ್ ೫೦೦೦ ರ್ದ್ಲಾ ಮಿತ್ತ್ ಪದೊ ಪಂತೆರ್. ಮೇರ್ ೨೦೧೨ ನೇ ಇಸವಿದ ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿಯಾದ್ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿನ್ ಪಡೆತೆರ್. ೨ ಸರ್ತಿ ಫಿಲ್ಮ್ ಫೇರ್ ದ ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿ ಪ್ರಶಸ್ತಿ ಬುಕ್ಕ ೨೦೧೬ ನೇ ಇಸವಿಡ್ ಆರ್ಯಭಟ ಇಂಟರ್ನ್ಯಾಷನಲ್ ಅವಾರ್ಡ್ ನ್ ಗೆಂದ್ ದೆರ್.

ಅನುರಾಧಾ ಭಟ್
ಪುಟ್ಟಿನ	೨೩ ಜುಲೈ
ವರ್ಷಗಳು; ಸಕ್ರಿಯ	೨೦೦೬ –

ಪುಟ್ಟು ಬುಕ್ಕ ಬರವು

ಅನುರಾಧಾ ಭಟ್ ಮೇರ್ ಕರ್ನಾಟಕೊದ ಕುಡ್ಲಡ್ ಶ್ರೀಕೃಷ್ಣ ಭಟ್ ಬುಕ್ಕ ಶ್ರೀಮತಿ ಗಾಯತ್ರಿ ಶ್ರೀಕೃಷ್ಣ ಭಟ್ ದಂಪತಿಲೆಗ್ ಪುಟ್ಟಿಯೆರ್. ಅನುರಾಧಾ ಮೆರೆನ ಪೊಪ್ಪ ಅಮ್ಮಲಾ ಸಂಗೀತ ಪ್ರೇಮಿಲು. ಅನುರಾದಾ ಮರೆನ ತಂಗಡಿ ಅನುಪಮಾ ಭಟ್ ಒರ್ತಿ ನಿರೂಪಕಿ. ಅನುರಾಧಾ ಭಟ್ ಕಾರ್ಮೆಲ್ ಇಂಗ್ಲಿಷ್ ಸ್ಕೂಲ್ ಬುಕ್ಕ ಕೆನರಾ ಕಾಲೇಜಿಡ್ ಬರವುನು ಕಲ್ತ್ ದ್ ಬಿ.ಎಸ್ಸಿ. ಬುಕ್ಕ ಎಂ.ಬಿ.ಎ ಪದವಿನ್ ಪಡೆತೆರ್. ಅವೆರ್ದ್ ಬುಕ್ಕ ಬೆಂಗಳೂರುದ ಕಂಪನಿ ಒಂಜೈಟ್ ಎಚ್.ಆರ್. ಆದ್ ಬೇಲೆ ಮಲ್ತೆರ್.

ಹಿನ್ನೆಲೆಗಾಯನ

ಅನುರಾಧಾ ಭಟ್ ಮೇರ್ ಹಂಸಲೇಖಾ ಸಂಗೀತೊದ ನಿರ್ದೇಶನದಡಿಟ್ ಮೀರಾ ಮಾಧವ ರಾಘವ ಪನ್ಪಿನ ಚಲನಚಿತ್ರೊಗ್ "ವಸಂತ ವಸಂತ" ಪನ್ಪಿನ ಪದೊತ್ತ ಮೂಲಕ ಪೂರ್ಣ ಪ್ರಮಾಣೊದ ಹಿನ್ನೆಲೆ ಗಾಯಕಿ ಆಯೆರ್. ಅವೆರ್ದ್ ಬುಕ್ಕ ಚಂದನವನಟ್ಟ್ ಮಾಂತ ಸಂಗೀತ ನಿರ್ದೇಶಕೆರೆನೊಟ್ಟುಗು ಪದೊ ಪನರೆ ಅವಕಾಶ ತಿಕ್ಕಂಡ್. ಅಮಚನೆ ವಿ ಮನೋಹರ್, ಸಾಧುಕೋಕಿಲಾ, ರಾಜೇಶ್ ರಾಮನಾಥ್, ಗುರುಕಿರಣ್, ಮನೋಮೂರ್ತಿ, ಹರಿಕೃಷ್ಣ, ಅರ್ಜುನ್ ಜನ್ಯ ಮೊಕುಲೆನೊಟ್ಟುಗು ಅನುರಾಧಾ ಭಟ್ ಪದೊ ಪಂತೆರ್.

• ಮರಳಿ ಮರೆಯಾಗಿ (ಸವಾರಿ)
• ಜುಮ್ ಜುಮ್ ಮಾಯ (ವೀರ ಮದಕರಿ)
• ಜಂಗ್ಲಿ ಶಿವಲಿಂಗು (ಜಂಗ್ಲಿ)
• ಎಲ್ಲೆಲ್ಲೋ ಓಡುವ ಮನಸೆ (ಸಿದ್ಲಿಂಗು)
• ಬೈಟೆ ಬೈಟೆ (ವರದನಾಯಕ)
• ಶ್ರೀಕೃಷ್ಣ (ಭಜರಂಗಿ)
• ಉಸಿರಾಗುವೆ (ಬಹುಪರಾಕ್)
• ಚನನ ಚನನ (ಉಗ್ರಂ)
• ಓ ಬೇಬಿ (ರಿಕಿ)
• ಅಪ್ಪಾ ಐ ಲವ್ ಯು ಪಾ (ಚೌಕ) ಇಡೆ ಮುಟ್ಟ ಮೇರ್ ೧೦೦೦ ರ್ದ್ಲಾ ಜಾಸ್ತಿ ಕನ್ನಡ ಸಿನಿಮೊದ ಪದೊಕ್ಕುಲೆನ್ ಅಂಚನೆ ತುಳು, ತಮಿಳು ಬುಕ್ಕ ತೆಲುಗು ಬಾಸೆದ ಕೆಲವ್ ಸಿನಿಮೊಲೆಡ್ ಪದೊ ಪಂತೆರ್.

ಮಾನಾದಿಗೆಲು

• ಲಿಟಲ್ ಮಾಸ್ಟರ್ ಚಲನಚಿತ್ರೊರ್ದ್ "ಜ್ಞಾನಜ್ಯೋತಿ" ಪದೊಕ್ಕ್ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ- ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿ (೨೦೧೧–೧೨)
• ಉಗ್ರಂ ಚಿತ್ರದ "ಚನನ ಚಾನನ" ಪದೊಕ್ಕ್ ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿಗಾದ್ ಫಿಲ್ಮ್‌ಫೇರ್ ಪ್ರಶಸ್ತಿ - ಕನ್ನಡ (೨೦೧೫)
• ಬಾಹುಪರಾಕ್ ಚಿತ್ರೊದ "ಉಸಿರಾಗುವೆ" ಪದೊಕ್ಕ್ ಅತ್ಯುತ್ತಮ ಮಹಿಳಾ ಗಾಯಕಿ (೨೦೧೫) ಝೀ ಮ್ಯೂಸಿಕ್ ಪ್ರಶಸ್ತಿ
• "ಬೆಂಕಿಪಟ್ನ" ಚಿತ್ರೊದ "ಇರಲಿ ಹೇಗೆ" ಗಾಗಿ ಕರ್ನಾಟಕ ಚಿತ್ರ ರಸಿಕರ ಸಂಘ ಅತ್ಯುತ್ತಮ ಹಿನ್ನೆಲೆ ಗಾಯಕಿ ಪ್ರಶಸ್ತಿ (೨೦೧೬).
• ತುಳು ಚಲನಚಿತ್ರ "ಚಾಲಿ ಪೋಲಿಲು" ಚಿತ್ರೊದ "ಮಹಾಮಾಯೆ" ಪದೊಕ್ಕ್ ಅತ್ಯುತ್ತಮ ಹಿನ್ನೆಲೆ ಗಾಯಕಿಗಾದ್ ರೆಡ್ ಎಫ್ಎಂ ತುಳು ಚಲನಚಿತ್ರ ಪ್ರಶಸ್ತಿ (೨೦೧೬)
• ಹಿನ್ನೆಲೆ ಗಾಯನೊದ ಕ್ಷೇತ್ರೊಡ್ ಮೆರೆನ ಕೊಡುಗೆಗಾದ್ ಆರ್ಯಭಟ ಅಂತರರಾಷ್ಟ್ರೀಯ ಪ್ರಶಸ್ತಿ (೨೦೧೫) ಪಡೆತೆರ್.
• "ಚೌಕ" ಚಿತ್ರೊದ "ಅಪ್ಪಾ ಐ ಲವ್ ಯು ಪಾ" ಪದೊಕ್ಕ್ ಕನ್ನಡ ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿಗಾದ್ ಫಿಲ್ಮ್‌ಫೇರ್ ಪ್ರಶಸ್ತಿ (೨೦೧೮)
• ಚೌಕ" ಚಿತ್ರೊದ "ಅಪ್ಪಾ ಐ ಲವ್ ಯು ಪಾ" ಪದೊಕ್ಕ್ ಸಂತೋಮ್ - ಕನ್ನಡ ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿ ಪ್ರಶಸ್ತಿ (೨೦೧೮)
• "ಚೌಕ" ಚಿತ್ರೊದ "ಅಪ್ಪಾ ಐ ಲವ್ ಯು ಪಾ" ಪದೊಕ್ಕ್ ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿ (೨೦೧೮) ಸೈಮಾ ಪ್ರಶಸ್ತಿ.
• "ಚೌಕ" ಚಿತ್ರೊದ "ಅಪ್ಪಾ ಐ ಲವ್ ಯು ಪಾ" ಪದೊಕ್ಕ್ ಮಿರ್ಚಿ ಮ್ಯೂಸಿಕ್ ಅವಾರ್ಡ್ಸ್ ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿ - ಕನ್ನಡ (೨೦೧೮)
• ಚೌಕ" ಚಿತ್ರೊದ "ಅಪ್ಪಾ ಐ ಲವ್ ಯು ಪಾ" ಪದೊಕ್ಕ್ ಮಿರ್ಚಿ ಮ್ಯೂಸಿಕ್ ಅವಾರ್ಡ್ಸ್ ದಶಕದ ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿ - ಕನ್ನಡ (೨೦೨೧)