ಅನೂಪ್ ಸಾಗರ್

ಅನೂಪ್ ಸಾಗರ್ ಮೇರ್ ತುಳು ಪಿಚ್ಚರ್‌ತ ನಟೆ. ರಂಜಿತ್ ಬಜ್ಪೆ ನಿರ್ದೇಶನ ಮಲ್ದಿನ ಬೊಕ್ಕ ಶೋಧನ್ ಪ್ರಸಾದ್ ಬೊಕ್ಕ ಸ್ಯಾನ್ ಪೂಜಾರಿ ಸೆರ್ದ್ ಮಲ್ದಿನ ದುಂಬುದ ಪಿದೈಊರುದ ತುಳು ಮೂವಿ ನಿರೆಲ್ ಚಿತ್ರೋಡ್ ಮೇರ್ ಅಭಿನಯ ಮಲ್ದೆರ್. ಮೇರ್ ಬೊಕ್ಕೊಂಜಿ ತುಳು ಬ್ಲಾಕ್ಬಸ್ಟರ್ ಚಿತ್ರ ದಂಡ್ ಡ್ ನನಾತ್ ಬೇಲೆ ಮಲ್ಪೆರೆ ಪೋಯೆರ್. ಉತ್ಸಾಹಿ ಬೊಕ್ಕ ನೃತ್ಯ ಪ್ರಿಯರಾದಿತ್ತಿನ ಮೇರ್ ಓಷನ್ ಕಿಡ್ಸ್ ಡ್ಯಾನ್ಸ್ ಕಂಪನಿ ಪನ್ಪಿನ ಪ್ರಸಿದ್ಧ ಮನರಂಜನಾ ತಂಡೊತ ಭಾಗವಾದಿತ್ತೆರ್.

ಅನೂಪ್ ಸಾಗರ್
Born	ಅನೂಪ್ ಸಾಗರ್ ೬ ಡಿಸೆಂಬರ್ ಸಾಗರ, ಶಿವಮೊಗ್ಗ
Occupation	ಚಲನಚಿತ್ರ ನಟೆ
Years active	೨೦೧೪

ಜೀವನ

ಅನೂಪ್ ಡಿಸೆಂಬರ್ ೬ ಶಿವಮೊಗ್ಗ ಜಿಲ್ಲೆದ ಸಾಗರೊಡ್ ಪುಟ್ಯೇರ್. ಬೊಕ್ಕ ಮೇರ್ ಕುಟುಂಬದಕಲ್ನೋಟ್ಟುಗು ಕುಡ್ಲಗ್ ಪೋಯೆರ್. ಮೇರ್ ಕುಡ್ಲದ ಗ್ಲೋಬ್ ಕಾಲೇಜ್ ಆಫ್ ಟ್ರಾವೆಲ್ ಬೊಕ್ಕ ಟೂರಿಸಂಡ್ ಟ್ರಾವೆಲ್ ಬೊಕ್ಕ ಟೂರಿಸಂ ಡಿಪ್ಲೊಮೊನ್ ಮಲ್ತೆರ್. ಮೇರ್ ವಿಶ್ವಡ್ ಬೇತೆ ಬೇತೆ ಲೇಸ್‌ತ ಪ್ರದರ್ಶನ ತೊಜಪಾದಿನ ಪ್ರಸಿದ್ಧ ನೃತ್ಯ ತಂಡೊದ ಭಾಗವಾದಿತ್ತೆರ್ ಬೊಕ್ಕ ಉಂದು ಕೆಲವ್ ಬಾಲಿವುಡ್ ಬೊಕ್ಕ ಸ್ಯಾಂಡಲ್ ವುಡ್ ಚಲನಚಿತ್ರ ಸೆಲೆಬ್ರಿಟಿಲು ಬೊಕ್ಕ ಅರೇಬಿಕ್ ಕಲಾವಿದರೆಗ್ ನೃತ್ಯ ಸಂಯೋಜನೆಗ್ ಕಾರಣವಾತನ್ಡ್.

ಮೆರೆಗ್ ಅನ್ವಿತಾ ಸಾಗರ್ ಪನ್ಪಿನ ಮೆಗ್ದಿ ಉಲ್ಲೆರ್. ಆರ್ ತುಳು ಚಲನಚಿತ್ರಡು ನಟಿಲಾ ಆತೆರ್, ಸಂದೀಪ್ ಶೆಟ್ಟಿನ ಎದುರು ದಂಡ್ ಚಿತ್ರಡು ನಟನೆ ಮಲ್ದೆರ್

ವೃತ್ತಿ ಜೀವನ

ಕುಡ್ಲಡ್ ಕಲ್ತ್ ದ್ ಬೊಕ್ಕ ಮುಂಬೈಡ್ ಟ್ರಾವೆಲ್ ಕನ್ಸಲ್ಟೆಂಟ್ ಆದ್ ೨ ವರ್ಷ ಬೇಲೆ ಮಲ್ತೆರ್. ಬೊಕ್ಕ ಮೇರ್ ಎಡ್ಡೆ ಅವಕಾಶೊನ್ ನಾಡೊಂದು ದುಬೈಗ್ ಪೋಯೆರ್. ಮೇರ್ ದುಬೈಡ್ ಬೇಲೆ ಮಲ್ತೊಂದಿಪ್ಪುನಗ, ಏಪಲಾ ನಟೆ ಆವೊಡುಂದ್ ಕನ ಕಟ್ಟುದಿತ್ತಿನ ಮೇರ್ ಫಾರ್ಚೂನ್ ಗ್ರ್ಯಾಂಡ್ ಹೋಟೆಲ್ ದುಬೈಡ್ ನಡೆತಿನ ನಿರೆಲ್ ಆಡಿಷನ್‌ಗ್ ಪೊದಿತ್ತೆರ್ ಬೊಕ್ಕ ಆಯ್ಕೆಯಾಯೆರ್. ನಿರೆಲ್ ಬಿಡುಗಡೆಯಿನ ಬೊಕ್ಕ ಮೆರೆನ ನಟನಾ ಕೌಶಲ್ಯ ಮೆಚ್ಚಿಯೆರ್.

ಚಿತ್ರಕಥೆ

ನಟೆಯಾದ್

ವರ್ಷ	ಚಲನಚಿತ್ರೊ	ಪಾತ್ರೊ	ನಿರ್ದೇಶಕೆ	ನಿರ್ಮಾಪಕೆ	ಟಿಪ್ಪಣಿ
೨೦೧೪	ನಿರೆಲ್	ಸಚಿನ್	ರಂಜಿತ್ ಬಜ್ಪೆ	ಶೋಧನ್ ಪ್ರಸಾದ್ | ಸ್ಯಾನ್ ಪೂಜಾರಿ	ಮುಖ್ಯ ಪಾತ್ರ
೨೦೧೫	ದಂಡ್	ಕಾರ್ತಿಕ್	ರಂಜಿತ್ ಬಜ್ಪೆ	ಶೋಧನ್ ಪ್ರಸಾದ್	ಋಣಾತ್ಮಕ ಪಾತ್ರ
೨೦೧೭	ಅರ್ಜುನ್ ವೆಡ್ಸ್ ಅಮೃತ		ರಘು ಶೆಟ್ಟಿ
೨೦೧೮	ಏರಾ ಉಲ್ಲೆರ್ಗೆ		ದೇವದಾಸ್ ಕಪಿಕಾಡ್
೨೦೧೮	ಮಾಯಾ ಕನ್ನಡಿ	ಗುರು

ಕೊರಿಯೋಗ್ರಾಫರ್ ಆದ್

ವರ್ಷ	ಚಲನಚಿತ್ರೊ	ಪದ್ಯ	ಟಿಪ್ಪಣಿ
೨೦೧೪	ನಿರೆಲ್	ಸೇರ್ನಗ ಈ ಮನಸ್
೨೦೧೫	ದಂಡ್	ನಿನ ತೆಲಿಕೆನ್ ಕಣ್ಣ ಮುಚ್ಚಿದರು