ಆಟಿತಪ್ಪು

ಆಟಿ ಸೊಪ್ಪು ಪಂಡ ಆಟಿ ತಿಂಗೊಲುಡು ಉಪಯೋಗಿಸವುನ ತಪ್ಪು. ನೆಟ್ಟ್ ಸುಮಾರ್ ಬಗೆತ ಮರ್ದ್ದ ಅಂಶಲು ಇಪ್ಪುಂಡು ಪನ್ಪೇರ್ ಹಿರಿಯಕುಲು. ಈ ತಪ್ಪು ಕೊಡಗು ಅಂಚಿದ ಕಡೆಟೆ ಜಾಸ್ತಿ ತಿಕ್ಕುಂಡು. ಮಾತಾ ಇಲ್ಲಡ್ಲ ಆಟಿದ ಪೊರ್ತುಡ್ ಆಟಿ ತಪ್ಪುದ ಪಾಯಸದ ಘಮ ಬರ್ಪುಂಡು. ಆಟಿ ತಿಂಗೊಲುದ ೧೮ನೇ ದಿನ ಆಟಿ ತಪ್ಪುಡು ಮರ್ದ್ದ ಅಂಶಲು ಉಂಡು ಪನ್ಪೇರ್. ಈ ದೈತ ತಪ್ಪುನು ನೀರ್ಡ್ ಪಾಡ್ದ್ ಕೊದ್ಯಂಡ ಆ ನೀರು ಕಡು ನೀಲಿ ಬಣ್ಣ ಆಪುಂಡು. ಆಟಿ ತಿಂಗೊಲುದ ಸುರುತ ದಿನರ್ದ್ ಒಂಜೊಂಜಿ ಬಗೆತ ಮರ್ದ್‌ದ ಅಂಶ ಈ ತಪ್ಪುಗು ಸೇರೊಂದು ಪೋಪುಂಡು, ೧೮ನೇ ದಿನಕ್ ೧೮ ಬಗೆತ ಮರ್ದ್ ಈ ತಪ್ಪುಗು ಸೇರುಂಡು ಪಂದ್ ಪನ್ಪೇರ್. ಆಟಿ ೧೮ನೇ ದಿನಕ್ ಈ ತಪ್ಪುನು ಪುರಿಂಚಿಂಡ ಕಮ್ಮೆನ ಬರ್ಪುಂಡು, ಬಾಕಿದ ದಿನೊಟು ಈ ತಪ್ಪುಗು ದಾಲ ಕಮ್ಮೆನ ಉಪ್ಪುಜಿ ಪನ್ಪೇರ್. ಬೇತೆ ದಿನಟ್ ಈ ತಪ್ಪುನು ನೀರ್ಡ್ ಬೈಪಂಡ ಆ ನೀರ್ ಕಡುನೀಲಿ ಬಣ್ಣಗ್ ಬರ್ಪುಜಿ ಪನ್ಪೇರ್. ಕಕ್ಕಡ ಪಂಡ ಆಟಿ ತಿಂಗೊಲು ಇಜ್ಜಂಡಾ ಘಟ್ಟಡ್ ಕರ್ಕಾಟಕ ಮಾಸ ಪಂದ್ಲಾ ಲೆಪ್ಪುವೆರ್. ಆ ಕಡೆಟ್ ಪುರ ಈ ತಪ್ಪುದ ತೆನಸ್ ಮಲ್ಪುವೆರ್.

ಆಟಿ ಸೊಪ್ಪು

ಆಟಿ ತಪ್ಪುದ ಪೊಲಬು

ಮೂಜಡಿತಾತ್ ಎತ್ತರ ಬಳಪುನ ಈ ದೈಕ್ ಆಟಿ ತಿಂಗೊಲುದ ಸುರುತ ದಿನರ್ದ್ ಬಗೆ ಬಗೆತ ಮರ್ದ್‌ದ ಅಂಶಲು ಸೇರುಂಡುಗೆ. ಕೊಡಗುಡು ಬೋಡಾಪುನಾತ್ ಮರ್ದ್ದ ಅಂಶಲು ಉಪ್ಪುನ ದೈಕುಲೆದ ಪ್ರಭೇದ ಉಂಡುಗೆ .ಆಂಡ ಐಟ್ ಆಟಿ ತಪ್ಪು ಮುಖ್ಯವಾಯಿನ , ನನ ವೈಜ್ಞಾನಿಕವಾದ್ 'ಜಸ್ಟೀಸಿಯ ವೈನಾಡೆನ್ನಿಸ್' ಪಂದ್ ಲೆಪ್ಪುನ ಈ ದೈ ಜಿಲ್ಲೆದ ಕಾಡ್ಡ್ ಅತಂದೆ, ಕಾಫಿದ ತೋಟಡ್ಲ ಜಾಸ್ತಿ ತಿಕ್ಕುಂಡ್.೧೮ ದಿನ ಮುಟ್ಟ ದಿನಕ್ಕೊಂಜಿ ಮರ್ದ್‌ದ ಅಂಶಲು ಸೇರ್ದ್ ೧೮ನೇ ದಿನ ಕಮ್ಮೆನ ಕೊರ್ಪುಂಡು . ಅಂಚಾದ್ ಆನಿ ಆ ದೈನ್ ಬೇಯಿಪಾದ್ ರಸ ದೆತೊಂಡ ಸರ್ರೋಡು ವಾ ರೋಗಲ ಇತ್ತ್ನ್ದ ಅವು ದೂರ ಆಪುಂಡು ಪನ್ಪಿನ ನಂಬಿಕೆ ಹಿರಿಯೆರ್ಡ ಉಂಡು . ಅವು ಇತ್ತೆಲಾ ಅಂಚನೆ ಮುಂದುವರಿದ್ ಬೈದ್ಂಡ್ . ಕೆಂಪುದ ಈ ರಸಟ್ ಪಾಯಸ ಬೊಕ ನಾನಾ ಬಗೆತ ತೆನಸ್ಲಾ ರೆಡಿ ಮಲ್ಪುವೆರ್.

ಆಟಿ ತಪ್ಪುದ ಮರ್ದ್‌ದ ಗುಣ

ಆಟಿ ತಪ್ಪುದ ರಸ ಪರ್ ನ್ಡ ಶೀತ ಜ್ವರ ಪೂರಾ ಕಮ್ಮಿ ಆಪುಂಡುಗೆ. ಐಕ್ಲಾ ಒಂಜಿ ಕಾರಣ ಉಂಡು. ಕೊಡಗುಡು ಮಲೆನಾಡ್ ಡ್ ಪುರಾ ಆಟಿ ತಿಂಗೊಲುಡು ಜೋರು ಬರ್ಸ ಬರ್ಪುನೇರ್ದ್ ಜನಕುಲೆಗ್ ಜಾಸ್ತಿ ಸರ್ರೋಡು ಶೀತ ಪುರಾ ಆವೊಂದಿಪ್ಪುಂಡು . ಒಟ್ಟಿಗೆ ರಡ್ಡ್ ತಿಂಗೊಲು ಮಾತ ಬೆನ್ನಿ ಮಳ್ತೊಂದುಪ್ಪುನೆರ್ದಾತ್ರ, ಸರ್ರಡ್ ರೋಗನಿರೋಧಕ ಶಕ್ತಿಲು ಕಮ್ಮಿ ಆದುಪ್ಪುಂಡು. ಅಪಗ ಈ ತಪ್ಪುದ ರಸೊನು ಪರ್ನ್ಡ ಸರ್ರಡ್ ಉಷ್ಣಾಂಶ ಎಚ್ಚಾದ್ ರೋಗನಿರೋಧಕ ಶಕ್ತಿಲು ಎಚ್ಚಾಪುಂಡು. ಅತಂದೆ ಕಂಡೊಡು ಬೆನ್ನಿ ಮಲ್ತಿ ಬೊಕ್ಕ , ಸರ್ರ ಬೆಚ್ಚ ಆಯೆರೆ ಈ ತಪ್ಪುದ ಪಾಯಸನ್ ಮಲ್ತ್ ಪರ್ಪೆರ್.