ಆಟಿದ ಗಾದೆಲು
ಆಟಿದ ಗಾದೆಲು
ಆಟಿ
ಸಂಪೊಲಿಪುಲೆಆಟಿ ತಿಂಗೋಳು ತುಳುನಾಡ್ ದಕಲೆಗ್ ಮಸ್ತ್ ಕಷ್ಟಕರವಾಯಿನ ಕಾಲವಾದು ಇತ್ತುಂಡು.ಆಂಡಾ ಕಾಲಘಟ್ಟ ಬದಲಾದ್ ಬಡೊತನ, ರೋಗರುಜಿಲು ಕಡಿಮೆಯಾಂಡ್, ತುಳುನಾಡ್ ಬದಲಾಂಡ್. ಆಂಡಾಲಾ ಹಿರಿಯೆರ್ ಉಂಡು ಮಂದಿನ ಆಟಿದೊ ಗಾದೆಲುನು ನಮ ಮರೆಪರೆ ಬಲ್ಲಿ. ಅವು ಕಾರಣೊಗು ಕೆಲವು ತುಳುನಾಡುದ ಆಟಿದ ಗಾದೆಲುನು ಮುಲ್ಪ ಕೊರ್ತೆ.
ಗಾದೆಲು
ಸಂಪೊಲಿಪುಲೆಗಾಥಾ ಪನ್ಪಿನ ಪ್ರಾಕ್ರತ ಪದೊದ ಬೊಕ್ಕೊಂಜಿ ರೂಪನೇ ಗಾದೆಲು. ಗಾದೆಲು ಒಂಜಿ ನಾಡ್ ದ ಜನಸಾಮಾನ್ಯೆರ್ ನಿತ್ಯ ವ್ಯವಹಾರೊಡು ಸಹಜವಾಗದ್ ಬಳಸುನ ರೂಡಿಗತ ಅಲಂಕಾರಿಕ ಆದ್ ಉಪ್ಪುನ ಒಂಜಿ ಪೊರ್ಲು ದ ಪಾತೆರ. ಉಂದು ಯಾರೆಡ್ದ್ ಪುಟ್ಟುಂಡುಪಂದ್ ಪನರೆ ಆವಂದ್. ಮುಲ್ಪ ಒಂಜಿ ವಿಶೇಷ ಅನುಭವ ನುಡಿಗಟ್ಟ್ ದ ರೂಪೊಡು ಪ್ರಕಟ ಆಪುಂಡು.
ಗಾದೆದ ಲಕ್ಷಣೊಲು
ಸಂಪೊಲಿಪುಲೆ೧. ಸಂಕ್ಷಿಪ್ತವಾದ್ ಚುಟುಕಾದುಪ್ಪುಂಡು.
೨. ಪ್ರಾಸಬದ್ಧ ಅಕ್ಷರೊಲು ಅರ್ಥ ಪೂರ್ಣವಾದ್ ಜೋಡಣೆ ಆದು ಉಪ್ಪುಂಡು.
೩. ಓವಂಡಾಲ ಒಂಜಿ ಉಪಮೆ ಅಥವೊ ದ್ರಷ್ಟಾಂತ ಅಯಿಟ್ ದೆಂಗ್ ದ್ ಉಪ್ಪುಂಡು.
ಆಟಿದ ಗಾದೆಲು
ಸಂಪೊಲಿಪುಲೆಆಟಿಡ್ ನಕ್ಕುರು ಮರಿಟ ಪೊಣ್ಣು ಕೇನರೆ ಪೋಪುಂಡುಗೆ
ಆಟಿಡ್ ತೆಡ್ಲ್ ಬತ್ತ್ಂಡ ಅಟ್ಟಪೊಲಿಪೋವು ಸೋಣೊಡು ತೆಡ್ಲ್ ಬತ್ತ್ಂಡ ಸೊಂಟ ಪೊಲಿಪೋವು.
ಆಟಿಡ್ ಕಣೆ ಬತ್ತ್ಂಡ ಅಟ್ಟ ಪೊಲಿಪೋವು ಸೋಣೊಡು ಕಣೆ ಬತ್ತ್ಂಡ ಸೊಂಟ ಪೊಲಿಪೋವು.
ಆಟಿಡ್ ಕಣೆ ಬತ್ತ್ಂಡ ಅಟ್ಟ ಮುದ್ಯುಂಡು ಸೋಣೊಡು ಕಣೆ ಬತ್ತ್ಂಡ ಸೊಂಟ ಮುದ್ಯುಂಡು.
ಆಟಿಡ್ದ್ ಬೊಕ್ಕ ಅರೆಗಾಲ, ಮಾಯಿಡ್ದ್ ಬೊಕ್ಕ ಮರಿಯಾಲ
ಆಟಿ ಆಡೊಂದು ಪೋಪುಂಡು ಸೋನೊ ಓಡೊಂದು ಪೋಪುಂಡು
ಆಟಿ ಆನೆದಲೆಕ ಪೋಪುಂಡು ಸೋನೊ ಕುದ್‌ರೆದಲೆಕ ಪೋಪುಂಡು
ಕನಿಕರೊದಾಯಗ್ ಆಟಿ ಸುಖೊತಾಯಗ್ ಸುಗ್ಗಿ
ಆಟಿದ ಬಾಲೆ ತುಳುವೆ ಪೆಲಕಾಯಿದ ಬೋಲೆ
ಆಟಿಡ್ ತೆಡಿಲ್ ಮೊಟ್ಟ್ಂಡ ಅಟ್ಟೊ ಪೊಲಿಯು ಸೋನೊಡು ತೆಡಿಲ್ ಮೊಟ್ಟ್ಂಡ ಸೊಂಟೊ ಪೊಲಿಯು
ಆಟಿಡ್ ಬರ್ಸ ಬತ್ತ್ಂಡ ಅರಿ ಬುಲೆವು, ಮಾಯಿಡ್ ಬರ್ಸ ಬತ್ತ್ಂಡ ಮಲೆ ಬುಲೆವು.
ಆಟಿದ ದೊಂಬುಗು ಆನೆದ ಬೆರಿ ಪುಡವು.
ಆಟಿದ ಪೆಲಕಾಯಿ ನಂಜಿ ಮಗಾ, ಅಮ್ಮೆ ಬತ್ತೆನಾ ತೂಲ ಮಗಾ.[೨]