ಆನಂದಿಬಾಯಿ ಜೋಷಿ
ಆನಂದಿ ಗೋಪಾಲ ಜೋಷಿ ಅಥವೋ ಆನಂದಿಬಾಯಿ ಗೋಪಾಲರಾವ್ ಜೋಶಿ (ಮಾರ್ಚ್ 31,1865 - ಫೆಬ್ರವರಿ 26, 1887)ಇಂಬೆರ್ ಪಾಶ್ಚಾತ್ಯ ವೈದ್ಯಕೀಯ ಪದವಿ ಪಡೆಯಿನ ಸುರುತ ಪೊಂಜೋವು ವೈದ್ಯೆರ್. (ಕಾದಂಬಿನಿ ಗಂಗೂಲಿ ಕೂಡಾ ಅವ್ವೇ ವರ್ಷ, ಪಂಡಾ 1886ಟ್ ಆನಂದಿ ಬಾಯಿನ ಬೊಕ್ಕ ಪದವಿ ಪಡೆಯಿನಿ). ಆತೇ ಅತ್ತವಂದೆ ಪಾಶ್ಚಾತ್ಯ ದೇಶೋಗ್ ಪೋತಿನ ಸುರುತ ಒಂಜಿ ಹಿಂದೂ ಪೊಂಜೋವು,[೧] ಬೊಕ್ಕ ಅಮೇರಿಕೊದ ನೆಲದ ಮಿತ್ತು ನಡೆತಿನ ಸುರುತ ಹಿಂದೂ ಪೊಂಜೋವು ಪನ್ಪಿನ ಹೆಗ್ಗಳಿಕೆಲ ಮೆರೆಗ್ ಸಂದುಂಡು. [೨]
ಡಾ ಆನಂದಿಬಾಯಿ ಗೋಪಾಲರಾವ್ ಜೋಶಿ | |
|---|---|
 ಡಾ.ಆನಂದಿಬಾಯಿ ಜೋಶಿ ಅರೆನ ಭಾವಚಿತ್ರ |
ಜೀವನೊ
ಸಂಪೊಲಿಪುಲೆಆನಂದಿಬಾಯಿ ಅರೆನ ದುಂಬುದ ಪುದರ್ ಯಮುನಾ. ಇಂಬೆರ್ ಮಹಾರಾಷ್ಟ್ರದ ಪುಣೆಡ್ , ಒಂಜಿ ಸಾಂಪ್ರದಾಯಿಕ ಬ್ರಾಹ್ಮಣೊ ಕುಟುಂಬೊಡು ಪುಟ್ಟಿಯೆರ್. ಅರೆಗ್ ಒರುಂಬ ವರ್ಷ ಉಪ್ಪುನಗನೇ , ಅರೆಡ್ದ್ ಇರ್ವ ವರ್ಷ ಮಲ್ಲ ಆಯೀನ ಗೋಪಾಲ್ ರಾವ್ ಅರೆನ್ ವರಿಸಿಯೆರ್. ಮದಿಮೆಡ್ದ್ ಬೊಕ್ಕ ಮೆರೆನ ಪುದರ್ ಯಮುನಾ ಇತ್ತಿನ ಆನಂದಿಬಾಯಿ ಪಂದ್ ಬದಲಾಂಡ್.
ಕ೦ಡನಿನ ಸಹಕಾರ
ಸಂಪೊಲಿಪುಲೆಮೆರೆನ ಕಂಡನಿ ಗೋಪಾಲ್ ರಾವ್ , ಮಹಾರಾಷ್ಟ್ರೊದ ಕಲ್ಯಾಣಡ್ ಗುಮಾಸ್ತೆರಾದ್ ಕೆಲಸ ನಿರ್ವಹಣೆ ಮಂತೊಂದು ಇತ್ತೆರ್. ಆಯಿ ಡ್ದ್ ಬೊಕ್ಕ ಅರೆಗ್ ಅಲಿಬಾಗ್ ಬೊಕ್ಕ ಕೊಲ್ಕತ್ತಾಗ್ ವರ್ಗಾವಣೆ ಆಂಡ್. ಗೋಪಾಲ್ ರಾವ್ ಅದಾಗ ಪಂಡ ಆ ಕಾಲೊಡೇ ಪೊಣ್ಣು ಜೋಕುಲೆಗ್ ಶಿಕ್ಷಣೊ ಕೊರೊಡು ಪನ್ಪಿನ ಎಡ್ಡೆ ಮನೋಭಾವೊಡು ಇತ್ತೆರ್.ಆನಂದಿಬಾಯಿ ಅರೆನ ಚುರುಕುತನನ್ ತೂದ್, ಅರೆನ ಶಿಕ್ಷಣೊಗ್ ಪ್ರೋತ್ಸಾಹ ಕೊರಿಯೆರ್. ಆನಂದಿಬಾಯಿ ಅರೆನ ಪದಿನಾಲನೇ ವರ್ಷೊಡು ಆನ್ ಬಾಲೆಗ್ ಜನ್ಮ ಕೊರಿಯೆರ್, ಆಂಡಾ ಉತ್ತಮವಾಯಿನ ಚಿಕಿತ್ಸಾ ಸೌಲಭ್ಯೊಲು ಉಪ್ಪಂದಿನ ಕಾರಣ, ಪತ್ತು ದಿನೊ ಆಯಿ ಬೊಕ್ಕ ಬಾಲೆ ತೀರುದು ಪೊಂಡು. ಉಂದು ಆನಂದಿಬಾಯಿ ಅರೆನ ಜೀವನೊದ ಮಾ ಮಲ್ಲ ಘಟನೆ , ಈ ಘಟನೆ ಅರೆನ ಬದುಕಾನ್ ತಿರುಗಾಂಡು, ಅನಿಯೇ ಅರೆಗ್ ವೈದ್ಯೆ ಆವೊಡು ಪನ್ಪಿನ ಛಲ ಪುಟ್ಟುಂಡು.
ವೈದ್ಯಕೀಯ ವಿದ್ಯಾಭ್ಯಾಸೊಲು
ಸಂಪೊಲಿಪುಲೆಕೈ ಪತ್ತಿನ ಕಂಡನಿ ಗೋಪಾಲ್ ರಾವ್ ಅರೆನ ಸಹಕಾರೊಡು ಆನಂದಿಬಾಯಿ ಪಾಶ್ಚಾತ್ಯಡು ವೈದ್ಯಕೀಯ ಪದವಿ ಕಲ್ಪರೆ ಸಿದ್ಧರಾಯೆರ್. ಅಯಿಕ್ ಅರೆನ ಕಂಡನಿ 1880ಡ್ ಅಮೇರಿಕಾದ ಮಿಷನರಿ, ರಾಯಲ್ ವೆಲ್ದೆರ್ ಗಗ್ ಒಂಜಿ ಲೇಖನ ಪತ್ರೊನ್ ಬರೆಯೆರ್. ಆನಂದಿಬಾಯಿ ಅರೆನ ಈ ನಿರ್ಧಾರೊಕ್ ಅವೆತೋ ಬ್ರಾಹ್ಮಣೊ ಸಮಾಜದಕುಲು ವಿರೋಧನ್ ವ್ಯಕ್ತಪಡಿಸಾಯೇರ್. ಆಂಡಾ, ಕಂಡನಿನ ನಿರಂತರ ಬೆಂಬಲೊಡು ಅರೆನ ಆತ್ಮವಿಶ್ವಾಸೊನು ಹೆಚ್ಚಿಸಾಂಡ್. ಅವ್ವೇ ಛಲೊಟು 1883 ಟ್ ಎಂತಾರು ಆರ್ ಅಮೆರಿಕಾಗ್ ಪೋಯೆರ್. ಅಲ್ಪದ ಡ್ರೆಕ್ಸೆಲ್ ಪೊಂಜೊವುಲೆನ ವೈದ್ಯಕೀಯ ವಿಶ್ವವಿದ್ಯಾನಿಲಯೊನ್ ಸೇರಿಯೆರ್. ಆನಂದಿಬಾಯಿ ಹೆಚ್ಚಾದ್ ನಿಶಕ್ತಿ,ತರೆ ಬೇನೆ, ಶೀತ, ಜ್ವರೊಟು ಬಳಲೊಂದು ಇತ್ತೆರ್ . ಆಂಡಲಾ ಧೃತಿ ಕೆಡಂದೆ ಓದುನಂಚಿ ಗಮನ ಹರಿಸಾವೊಂದು ಇತ್ತೆರ್. [೩] ಉಂದು ಪೂರಾ ಕಷ್ಟೊದೊ ನಡುಟು ಅಕೇರಿಗ್ ಮಾರ್ಚ್, 11, 1886 ಟ್ ವೈದ್ಯಕೀಯ ಪದವಿನ್ ಪಡೆಯೆರ್. ಮೆರೆನ ಈ ಸಾಧನೆನ್ ರಾಣಿ ವಿಕ್ಟೋರಿಯ ಲಾ ಪುಗರಿಯೆರ್.
ಭಾರತೊಕ್ ವಾಪಸ್
ಸಂಪೊಲಿಪುಲೆಆಯಿ ಡ್ದ್ ಬೊಕ್ಕ ಭಾರತೊಕ್ ವಾಪಸ್ ಆನಗ ಮೆರೆಗ್ ಅದ್ಧೂರಿದ ಸ್ವಾಗತೊನು ಕೊರಿಯೆರ್.[೪] ಬೊಕ್ಕ ಡಾ|ಆನಂದಿಬಾಯಿ ಕೊಲ್ಹಾಪುರದ ಆರ್.ಸಿ.ಎಸ್.ಎಮ್ ಸರ್ಕಾರಿ ವೈದ್ಯಕೀಯ ಕಾಲೇಜುದ ಬೊಕ್ಕ ಸಿ.ಪಿ. ಆರ್ ಆಸ್ಪತ್ರೆದ ಮಹಿಳಾ ವಿಭಾಗೊದ ಮುಖ್ಯಸ್ಥರಾಯೆರ್ .[೫]
ವಿಧಿವಶ
ಸಂಪೊಲಿಪುಲೆನಮ ಒಂಜಿ ಎನಿಯಡ ಕಾಲ ಬೊಕ್ಕೊಂಜಿ ಎನ್ನುಂಡುಗೆ ಅಂಚೆನೇ ದುರದೃಷ್ಟವಶಾತ್ ಆದ್ ಡಾ|ಆನಂದಿಬಾಯಿ ಅರೆನ ಇರ್ವತ್ತರಡ್ಡ್ ವರ್ಷೊಡೇ ಅನಾರೋಗ್ಯದ ಕಾರಣೊಡು ಫೆಬ್ರುವರಿ 26, 1887 ತೀರುದು ಪೋಯೇರ್. ಅರೆನ ಈ ಸಾವುಗ್ ಇಡೀ ದೇಶೋನೇ ಮರುಗುದಿತ್ತುಂಡು. [೬]
ಉಲ್ಲೇಕೊಲು
ಸಂಪೊಲಿಪುಲೆ- ↑ Eron, Carol (1979). "Women in Medicine and Health Care". In O'Neill, Lois Decker (ed.). The Women's Book of World Records and Achievements. Anchor Press. p. 204. ISBN 0-385-12733-2. First Hindu Woman Doctor
- ↑ "Historical Photos Depict Women Medical Pioneers". Public Radio International. 2013-07-12. Retrieved 2013-10-29.
- ↑ Scan of letter Archived 2018-09-29 ವೇಬ್ಯಾಕ್ ಮೆಷಿನ್ ನಲ್ಲಿ. from Anandibai Joshi to Alfred Jones, June 28, 1883; DUCOM Archives
- ↑ "Why is a Crater on Venus Named After India's Dr Anandibai Joshi?". The Quint (in ಇಂಗ್ಲಿಷ್). 14 March 2016. Retrieved 17 March 2020.
- ↑ DelhiMarch 31, India Today Web Desk New; March 31, India Today Web Desk New; Ist, India Today Web Desk New. "Who is Anandi Gopal Joshi to whom Google dedicated a Doodle?". India Today (in ಇಂಗ್ಲಿಷ್). Retrieved 17 March 2020.
- ↑ The Life of Dr. Anandabai Joshee: A Kinswoman of the Pundita Ramabai Archived 2018-09-29 ವೇಬ್ಯಾಕ್ ಮೆಷಿನ್ ನಲ್ಲಿ., published by Roberts Brothers, Boston