ಇರಾವತಿ ಕರ್ವೆ
ಇರಾವತಿ ಕರ್ವೆ ಪ್ರಸಿದ್ಧ ಶಿಕ್ಷಣ ತಜ್ಞೆ, ಲೇಖಕಿ ಬೊಕ್ಕ ಮಾನವ ಶಾಸ್ತ್ರಜ್ಞೆ. ಭಾರತೊಡು ಆದಗ ಮಾನವಶಾಸ್ತ್ರ ಪನ್ಪಿನ ವಿಷಯೊ ಪೊಸತ್ ಅಂಚಾ ಶೈಶವ ಅವಸ್ಥೆ ಡೇ ಮಾನವಶಾಸ್ತ್ರ ವಿಷಯೊಡು ಸಾಧನೆ ಮಂದಿನ ಸುರುತ ಭಾರತದ ಪೊಂಜೊವು ಇರಾವತಿ ಕರ್ವೆ.ಇರಾವತಿ1905ಟ್ ಇತ್ತೆದ ಮಯನ್ಮಾರ್ ಅಥವೊ ಆದಗದ ಬರ್ಮ ದೇಶೊಡು ಜನಿಸಿದಿನಾರ್. ಆರ್ ಶ್ರೀಮಂತ ಚಿತ್ಪಾವನ್ ಬ್ರಾಹ್ಮಣೊ ಕುಟುಂಬೊಡು ಪುಟ್ಟಿಯೆರ್. ಅರೆನ ಅಪ್ಪ ಗಣೇಶ ಹರಿ ಕರ್ಮಾರ್ಕರ್ , ಆರ್ ಬರ್ಮ ಹತ್ತಿ ಕಂಪೆನಿಗ್ ಕೆಲಸ ಮಂತೊಂದು ಇತ್ತೆರ್.ಇರಾವತಿ ಪುಣೆದ ವಸತಿ ಶಾಲೆಡ್ ಪ್ರಾಥಮಿಕ ವಿದ್ಯಾಭ್ಯಾಸ ಮಂತುದು ಬೊಕ್ಕ ಫರ್ಗುಸನ್ ಕಾಲೇಜಿಡ್ ತತ್ತ್ವಶಾಸ್ತ್ರ ಕಲ್ತೆರ್.ಮುಂಬಯಿ ವಿಶ್ವವಿದ್ಯಾಲಯೊಡು 1928ಟ್ ಚಿತ್ಪಾವನ ಬ್ರಾಹ್ಮಣರೆನ ಬಗ್ಗೆ ಬರೆತಿನ ಸಂಶೋಧನೆಗ್ ಸ್ನಾತಕೋತ್ತರ ಪದವಿ ಪಡೆಯೆರ್.ಇರಾವತಿ ಕರ್ವೆನ ಕಂಡನಿನ ಪುದರ್ ದಿನಕರ ಧೋಂಡೋ ಕರ್ವೆ. ದಿನಕರ ಇರಾವತಿನ್ ಉನ್ನತ ವಿದ್ಯಾಭ್ಯಾಸಕ್ಕಾದ್ ಜರ್ಮನಿಗ್ ಕಡಪುಡಿಯೆರ್.[೧] ಇರಾವತಿ ಜರ್ಮನಿಡ್ ಮಾನವಶಾಸ್ತ್ರೊಡ್ ಡಾಕ್ಟೊರೇಟ್ ಪದವಿ ಪಡೆಯೆರ್.
ಇರಾವತಿ ಕರ್ವೆ | |
|---|---|
 | |
| ಪುಟ್ಟು | 15 ಡಿಸೆಂಬರ್1905 |
| ಸಯಿತಿನಿ | 11 ಆಗಸ್ಟ್ 1970 |
| ವೃತ್ತಿ | ಮಾನವಶಾಸ್ತ್ರಜ್ಞ |
| Spouse | ದಿನಕರ ಧೋಂಡೋ ಕರ್ವೆ |
ಉದ್ಯೋಗ
ಸಂಪೊಲಿಪುಲೆಇರಾವತಿ 1931 ಡ್ದ್ 1936 ಮುಟ್ಟ ಮುಂಬಯಿದ ಎಸ್ಎನ್‍ಡಿಟಿ ಪೊಂಜೊವುಲೆನ ವಿಶ್ವವಿದ್ಯಾಲಯೊಡು ಆಡಳಿತ ಅಧಿಕಾರಿಯಾದ್ ಕೆಲಸ ಮಂತೆರ್. ಅಯಿತ ಒಟ್ಟುಗು, ಆರ್ ಬೋಧನೆ ಬೊಕ್ಕ ಸಂಶೋಧನೆಲಾ ಮಂತೆರ್. 1939ಟ್ ಆರ್ ಪುಣೆದ ಡೆಕ್ಕನ್ ಕಾಲೇಜ್‌ಗ್ ವರ್ಗಾವಣೆ ಮನ್ಪಾಯೆರ್. ಕಡೆ ತನಕ ಅಲ್ಪನೇ ಇತ್ತೇರ್. ಇರಾವತಿ ಕರ್ವೆ ಭಾರತೊದ ಸುರುತ ಮಾನವ ಶಾಸ್ತ್ರಜ್ಞೆಯಾದ್ ಇತ್ತೆರ್.[೧] ಅರೆನ ಆಸಕ್ತಿದ ಕ್ಷೇತ್ರೊಲು ಮಸ್ತ್ ಇತ್ತುಂಡು. ಅವು ಪೂರಾ ಪೊಂಜೊವುಲೆಗ್ ಸಂಬಂಧಿಸಿದಿನ ವಿಷಯೊದ ಸುತ್ತಲೇ ಇತ್ತುಂಡು. ಅರೆಗ್ ಜಾನಪದೊಡುಲ ಆಸಕ್ತಿ ಇತ್ತುಂಡು. ಅರೆಗ್ ಮಾನವಶಾಸ್ತ್ರ, ಜಾತಿವಾದ, ಇತ್ಯಾದಿ ಬೊಕ್ಕ ಅಯಿತ ಒಂಜೆಕೊಂಜಿ ಸಂಬಂಧೊದ ಬಗ್ಗೆ ಸಂಶೋಧನೆಡ್ ಆಸಕ್ತಿ ಇತ್ತುಂಡು. ಆರ್ ಪುಣೆ ವಿಶ್ವವಿದ್ಯಾಲಯೊಡ್ ಮಾನವಶಾಸ್ತ್ರ ವಿಭಾಗೊನ್ ಸುರು ಮಂತೆರ್. ಮಸ್ತ್ ವರ್ಷಗಳೊ ಕಾಲ ಅಯಿತ ಮುಖ್ಯಸ್ಥೆಯಾದ್ ಕೆಲಸ ಮಂತೆರ್ . ಆರ್ ಮರಾಠಿ ಬೊಕ್ಕ ಇಂಗ್ಲೀಷ್ ಡ್ ಬರೆಯೊಂದು ಇತ್ತೆರ್.
ಕೃತಿಲು
ಸಂಪೊಲಿಪುಲೆKinship Organization in India (Deccan College, 1953)ಭಾರತೊಡು ಉಪ್ಪುನ ಅವೆತೋ ಸಮಾಜ ಶಾಸ್ತ್ರ ಸಂಸ್ಥೆದ ಅಧ್ಯಯನ. Hindu Society — an interpretation (Deccan College, 1961) ಹಿಂದು ಸಮಾಜದ ಅಧ್ಯಯನ. Maharashtra — Land and People (1968), ಮಹಾರಾಷ್ಟ್ರೊಡು ಉಪ್ಪುನ ಅವೆತೋ ಸಂಸ್ಥೆಲು ಬೊಕ್ಕ ಧಾರ್ಮಿಕ ಆಚಾರೊದ ಅಧ್ಯಯನ. Yuganta (ಯುಗಾಂತ), ಮಹಾಭಾರತೊದ ಅವೆತೋ ಪಾತ್ರೊಲೆನ ಅಧ್ಯಯನ ಬೊಕ್ಕ ವಿಮರ್ಶೆ. ಮರಾಠಿಡ್ ಉಪ್ಪುನ ಈ ಕೃತಿಗ್ 1968 ದ ಕೇಂದ್ರ ಸಾಹಿತ್ಯ ಅಕಾಡೆಮಿ ಪುರಸ್ಕಾರ ಸಂದುದುಂಡು.[೨] ಕನ್ನಡೊಡು ಈ ಕೃತಿನ್ ಸುರುತ ಬಾರಿಗ್ ಎಚ್. ಎಸ್. ಶಿವಪ್ರಕಾಶೆರ್ ಅನುವಾದಿಸಾಯೆರ್ ಬೊಕ್ಕ ಕೇಂದ್ರ ಸಾಹಿತ್ಯ ಅಕಾಡೆಮಿದಕುಲು ಅನುವಾದಿಸಿ ಪ್ರಕಟಿಸಾಯೆರ್.[೩]
ಪರಿಪೂರ್ತಿ (ಮರಾಠಿ)
ಭೋವರ (ಮರಾಠಿ)
ಅಮಚಿ ಸಂಸ್ಕೃತಿ (ಮರಾಠಿ)
ಸಂಸ್ಕೃತಿ (ಮರಾಠಿ)
ಗಂಗಾಜಲ (ಮರಾಠಿ)
ಟಿಪ್ಪಣಿಲು
ಸಂಪೊಲಿಪುಲೆದಿನಕರ್ ಕರ್ವೆ ಬೊಕ್ಕ ಫರ್ಗುಸನ್ ಕಾಲೇಜಿದ್ ಪ್ರಾಂಶುಪಾಲರಾಯೆರ್.[೪] ಕಾರ್ವೆ ತನ್ನ ಪಿಎಚ್‌ಡಿಗಾಗದ್ ತತ್ವಶಾಸ್ತ್ರ, ಸಂಸ್ಕೃತ ಬೊಕ್ಕ ಪ್ರಾಣಿಶಾಸ್ತ್ರ ಬೊಕ್ಕ ಸುಜನನಶಾಸ್ತ್ರನ್ ಅಧ್ಯಯೊನ ಮನ್ದೆರ್, ಉನ್ದೆನ್ ಮಾನವನ ತಲೆಬುರುಡೆದ ಸಾಮಾನ್ಯ ಅಸಿಮ್ಮೆಟ್ರಿ ಪನ್ದ್ ಪುದರ್ ದೀಯೆರ್.[೪]
ಕರ್ವೆ ಕುಟುಂಬೊದ ಅಸಾಂಪ್ರದಾಯಿಕತೆತ ಉದಾಹರಣೆಡ್ ಐರಾವತಿ ವಿವಾಹಿತ ಹಿಂದೂ ಪೊನ್ಜೊಉಲೆಗ್ ಸಂಬಂಧಿಸಿನ ಒವ್ವೆ ಸಾಂಪ್ರದಾಯಿಕ ಚಿಹ್ನೆಲೆನ್ ಪಾಡರೆ ನಿರ್ಧಾರ ಮನ್ತು ಎತ್ತೆರ್, ಆರ್, ಅರೆನ ಕನ್ದನಿ ಬೊಕ್ಕ ಅರೆನ ಜೊಕುಲ್ನ ನಡುತ ಸಮ್ನ್ಧ ದ್ ಸಂಬೋಧನೆಟ್ ಅಸಾಮಾನ್ಯ ಮಟ್ಟದ ಪರಿಚಿತತೆ ಬೊಕ್ಕ ಸ್ಕ್ಕೊಟರ್ ಡ್ ಸವಾರಿ ಮನ್ದಿನ ಪುಣೆದ ಸುರುತ ಪೊನ್ಜವು ಆದ್ ಉಲ್ಲೆರ್.[೪]
ಉಲ್ಲೇಕೊಲು
ಸಂಪೊಲಿಪುಲೆವರ್ಗ:ಸ್ತ್ರೀವಾದೊ ಬುಕ್ಕೊ ಜಾನಪದೊ 2024
- ↑ ೧.೦ ೧.೧ Sundar, Nandini (2007), "In the cause of anthropology: the life and work of Irawati Karve", in Uberoi, Patricia; Sundar, Nandini; Deshpande, Satish, Anthropology in the East: The founders of Indian Sociology and Anthropology, New Delhi: Permanent Black, ISBN 978-1-90542-277-7
- ↑ "ಆರ್ಕೈವ್ ನಕಲು". Archived from the original on 2016-03-04. Retrieved 2015-05-19.
- ↑ "ಆರ್ಕೈವ್ ನಕಲು" (PDF). Archived from the original (PDF) on 2015-03-05. Retrieved 2015-05-19.
- ↑ ೪.೦ ೪.೧ ೪.೨ ಸುಂದರ್, ನಂದಿನಿ (2007), "ಇನ್ ದಿ ಕಾಸ್ ಆಫ್ ಆಂತ್ರಪಾಲಜಿ: ದಿ ಲೈಫ್ ಅಂಡ್ ವರ್ಕ್ ಆಫ್ ಐರಾವತಿ ಕಾರ್ವೆ", ಉಬೆರಾಯ್, ಪೆಟ್ರಿಷಿಯಾ; ಸುಂದರ್, ನಂದಿನಿ; ದೇಶಪಾಂಡೆ, ಸತೀಶ್ (ಸಂ), ಪೂರ್ವದಲ್ಲಿ ಮಾನವಶಾಸ್ತ್ರ: ಭಾರತೀಯ ಸಮಾಜಶಾಸ್ತ್ರ ಮತ್ತು ಮಾನವಶಾಸ್ತ್ರದ ಸಂಸ್ಥಾಪಕರು , ನವೀನ: ಪರ್ಮನೆಂಟ್ ಬ್ಲಾಕ್, ISBN 978-1-90542-277-7