ಎನ್ನ ತಂಗಡಿ

ಎನ್ನ ತಂಗಡಿ ತುಳು ಬಾಸೆದ ಸುರುತ್ತ ಸಿನೆಮಾ. ಈ ಚಿತ್ರೊ ೧೯೭೧ನೇ ಬುಡುಗಡೆ ಆಂಡ್. ಡಾಲಿ ಫಿಲಂಸ್ ಪನ್ಪಿನ ಸಂಸ್ಥೆ ಈ ಚಿತ್ರೊದ ನಿರ್ಮಾಣ ಮಲ್ದೆರ್. ಎಸ್ ಆರ್ ರಾಜನ್ ಈ ಚಿತ್ರೊದ ನಿರ್ಮಾಪಕೆರ್ ಬೊಕ್ಕ ನಿರ್ದೇಶಕೆರ್. ಉಂದೆನ್ ಸುರುಕ್ಕು ಕುಡ್ಲದ ಜ್ಯೋತಿ ಚಿತ್ರಮಂದಿರೊಡು ಬುಡುಗಡೆ ಮಲ್ದೆರ್.

ಚಿತ್ರೊದ ತಾಂತ್ರಿಕ ವರ್ಗೊ

ತುಳು ಭಾಸೆದ ಸುರುತ್ತ ಸಿನಿಮಾ ಎನ್ನ ತಂಗಡಿನ್ ಬೆಂಗಳೂರುದ ಡಾಲಿ ಫಿಲಂ ಬ್ಯಾನರ್ ದಡಿಟ್ಟ್ ಎಸ್ ಆರ್ ರಾಜನ್ ಪನ್ಪಿನಾರ್ ನಿರ್ಮಾಣ ಬೊಕ್ಕ ನಿರ್ದೇಶನ ಮಲ್ಪುವೆರ್. ಕೆ. ಬಿ ಭಂಡಾರಿ ಉಂದೆತ್ತ ಮೂಲಕಥೆ ಬೊಕ್ಕ ಚಿತ್ರಕಥೆನ್ ಬರೆತ್ತೆರ್. ಈ ಚಿತ್ರೊಡು ೨ ಪದ್ಯ ಉಂಡು ಅವೆನ್ ಬರೆತಿನಕುಲು ಬನ್ನಂಜೆ ಗೋವಿಂದಾಚರ್ಯೆರ್ ಬೊಕ್ಕ ಭೋಜ ಸುವರ್ಣ. ಟಿ. ಎ. ಮೋತಿ ಸಂಗೀತ ನಿರ್ದೇಶನ, ವರದನ್ ಛಾಯಾಗ್ರಾಹಣ ಮಲ್ದೆರ್.

ಪಾತ್ರೊಲು

ಈ ಚಿತ್ರೊಡು ಆನಂದ ಶೇಖರ್, ಸೋಮಶೇಖರ ಪುತ್ರನ್, ಮಂಗಳೂರು ದಿಲೀಪ್, ಲೋಕಯ್ಯ ಶೆಟ್ಟಿ, ದೇವಸ್ಯ ರಾಮಯ್ಯ ಶೆಟ್ಟಿ, ಪಂಡರಿಬಾಯಿ, ಕವಿತಾ ಪನ್ಪಿನಕಲು ಮುಖ್ಯ ಭೂಮಿಕೆಡ್ ಪಾತ್ರೊ ನಿರ್ವಹಣೆ ಮಲ್ದೆರ್. ಟಿ. ಎ ಶ್ರೀನಿವಾಸ್ ಚಿತ್ರಭಾರತಿ ಫಿಲ್ಮಂ ಡಿಸ್ಟರಿಬ್ಯೂಷನ್ ಸಂಸ್ಥೆದ ಮುಖೇನ ಚಿತ್ರೊದ ಹಂಚಿಕೆ ಮಲ್ದೆರ್. ಕುಡ್ಲದ ಜ್ಯೋತಿ ಟಾಕೀಸ್ಡ್ ೨ ವಾರ ಈ ಚಿತ್ರೊ ನಡತುದುಂಡು.

ಸಿನೆಮಾದ ಕಥೆ

ಅಮ್ಮ ಅಪ್ಪ ಇಜ್ಜಾಂದಿನ ಮೆಗ್ದಿ ಬೊಕ್ಕ ರಡ್ ಅಣ್ಣನಕುಲೆನ ಕಥೆ ಈ ಚಿತ್ರೊದ ಪ್ರಧಾನ ತಿರ್ಲ್. ಅಣ್ಣಗ್ ಇಲ್ಲದ ಜವಬ್ದಾರಿ ಇತ್ತಂಡ್ ಆಂಡ ಮೆಗ್ಯಗ್ ಈ ಬೇಲೆ ಆವೊಂದಿಜ್ಜಾಂಡ್. ಈ ವಿಷಯಗಾದ್ ಮೆಗ್ಯೆ ಬೊಕ್ಕ ಪಲಯೆ ಲಡಾಯಿ ಮಲ್ತೊನ್ನುವೆರ್. ಮೆಗ್ದಿ ಇಲ್ಲ ಕೈತಲ್ ದ ಆಣನ್ ಮೋಕೆ ಮಲ್ತ್ ದ್ ಮದಿಮೆ ಆಪಲ್. ಇಂಚ ಒಟ್ಟು ಎನ್ನ ತಂಗಡಿದ ಕಥೆ ನಡಪುಂಡು.