ಓಬುಡಿ ಗೊಬ್ಬು

ಓಬುಡಿ ಗೊಬ್ಬು:ಕಂಬುಲದ ಕಲೊಟ್ಟು ಎರುನ್ ಗಿಡ್ಪುನಗ ಎರುಕ್ಕುಲೆಗ್ ಉತ್ತೇಜನ ಕೊರ್ರೆ ಓಬುಡಿ ಪಂಡ್‍ದ್ ಪನ್ಪೆರ್. ಈ ಸಬ್ದೊದ ಅನುಕರಣೆ ಮಲ್ತೊಂದು ಗೊಬ್ಬುನೈರ್ದಾವರ ಈ ಗೊಬ್ಬುನು ಓಬುಡಿ ಗೊಬ್ಬುಂದು ಪನ್ಪೆರ್. ಈ ಗೊಬ್ಬುಡು ಮೂಜಿ ಜನ ಅತ್ತ್ಂಡ ಜಾಸ್ತಿ ಜನಲಾ ಗೊಬ್ಬೊಲಿ.

ಓಬುಡಿ ಆಟ

ಪ್ರಕಾರೊಲು	ಇಲ್ಲದ ಪಿದಾಯಿ ಪರಿಸರೊಡು ಗೊಬ್ಬುನ ಗೊಬ್ಬು
ಗೊಬ್ಬುನಕುಲು	ರಡ್ಡ್ ರ್ದ್ ಜಾಸ್ತಿ ಜನ ಗೊಬ್ಬೊನ ಗೊಬ್ಬು
ಗೊಬ್ಬುನ ಸಮಯೊ	< 60 min
ಪ್ರಾಯೊ	3+

ಗೊಬ್ಬರೆ ಬೋಡಾಯಿನ ವಸ್ತುಲು

• ಕಂಬುಲಡ್ ಗಲಸುನಂಚಿನ ಬೆತ್ತ

ಗೊಬ್ಬು ಗೊಬ್ಬುನೆ ಎಂಚ ?

ಈ ಗೊಬ್ಬುಡು ಮೂಜಿರ್ದ್ ಜಾಸ್ತಿ ಜೋಕುಲು ಇತ್ತ್ಂಡ ರಡ್ಡ್ ಜೋಕುಲು ಒಂಜಿ ಜೋಡಿ ಎರುತ್ತ ಪಾತ್ರೊ ಬುಕ್ಕ ಒರಿ ಎರು ಗಿಡ್ಪುನಾಯೆನ ಪಾತ್ರೊಡು ಇಪ್ಪುವೆರ್. ಇಂಚ ಎರುತ್ತ ಪಾತ್ರೊಡ್ ಇಪ್ಪುನಕುಲು ರಡ್ಡ್ ಕೈನ್ಲಾ ನೆಲಕ್ಕ್ ಊರ್ದ್ ಎರುತ್ತ ಲೆಕ ಅನುಕರಣೆ ಮಲ್ಪುವೆರ್. ಅಂಚನೆ ನನೊರಿ ಎರುಕ್ಕ್ ಬೆತ್ತೊಡ್ ಎದುರು ಗಿಡ್ಪುಲೆಕ ಪನೊಂದ್ ಕಂಬುಲದ ಕಲೊಟ್ಟು ಬಲ್ಪುಲೆಕ ಅನುಕರಣೆ ಮಲ್ಪುವೆ. ಕಂಬುಲದ ಕಲಟ್ಟ್ ಬಲಿಪುಲೆಕೊನೆ ಎರುತ್ತ ಪಾತ್ರೊಡು ಇತ್ತಿನಕುಲೆನ ಅಂಗಿನ್ ಒಯ್ತ್ ದ್ ಪತೊಂದು ಎರು ಬಲಿಪುಲೆಕ ಎರುತ್ತ ಪಾತ್ರೊಡ್ ಇತ್ತಿನಕುಲು ಎರು ಗಿಡ್ಪುನಾಯೆನ ಪಾತ್ರೊಡ್ ಇತ್ತಿನಾಯೆ ಓಬುಡಿ ಪನೊಂದು, ಒಂಜೆರ್ದ್ ಜಾಸ್ತಿ ಜೋಡಿ ಎರುಕುಲೆನ ಅನುಕರಣೆ ಮಲ್ಪಿನಕುಲು ಇತ್ತ್ಂಡ ಏರ್ ದುಂಬು ಪೋದು ಗೆಂದುವೆರ್ ಪನ್ಪಿನಂಚ ಈ ಗೊಬ್ಬುನು ಗೊಬ್ಬುವೆರ್. .

ಗೊಬ್ಬು ಗೊಬ್ಬರೆ ಕಾರಣ

ಕಂಬುಲ ಪಂಡ ಗೋಣೆರೆನ್ ಕೆಸರ್ ಕಂಡೊಡ್ ಗಿಡಪುನಾ, ಉಂದೊಂಜಿ ಪಂತ್ಹೊತಾ ಗೊಬ್ಬು ಅಂಚನೆ ತುಳುನಾಡ್ ದ ಗೊಬ್ಬು ಆಯ್ನೈರ್ದಾವರ ದುಂಬು ಮಾಂತ ಜೋಕುಲು ಉಂದೆತ್ತ ಅನುಕರಣೆ ಮಲ್ತೊಂದು ಈ ಗೊಬ್ಬುನು ಗೊಬ್ಬೊಂದಿತ್ತೆರ್.