ಕಂಚಲದ ಚಟ್ನಿ

ಕಂಚಲ ಪನ್ಪಿನ ಒಂಜಿ ತರಕಾರಿ. ಉಂದೆಕ್ ಕನ್ನಡಡ್ ಹಾಗಲಕಾಯಿ, ಇಂಗ್ಲಿಷ್ ಡ್ Bitter gourd ಪಂಡ್ದ್ ಪನ್ಪೇರ್. ಉಂದು ಕೈಪೆ ಇಪ್ಪುನಂಚಿನ ಒಂಜಿ ತರಕಾರಿ. ಉಂದೆಟ್ ಮಸ್ತ್ ಕಜಿಪುಲೆನ್ ಮಲ್ಪುವೆರ್. ಐಟ್ ಚಟ್ನಿ ಲಾ ಒಂಜಿ. ಕಾಂಚಲ್ ಇತ್ತಂಡ ಎಂಚಲ ಉಣೊಲಿ ಪಂಡ್ದ್ ಪನ್ಪೆರ್.

ಕಂಚಲ್ ದೈ

ಕಂಚಲದ ಚಟ್ನಿ

ಬೇತೆ ಪುದರ್	ಕಂಚಲದ ಚಟ್ನಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆ, ಕುಂದಾಪುರ, ಕಾಸರಗೋಡು, ಸಮಸ್ತ ಕರ್ನಾಟಕ ರಾಜ್ಯೋಡು
ಬೊಡಾಯಿನ ಸಾಮಾನ್	ಕಂಚಲ

ಬೋಡಾಪಿನ ಸಾಮಾನುಲು

ಕಂಚಲ್

• ಕಂಚಲ
• ಮುಂಚಿ
• ಉರ್ದು
• ಸಂಬರ
• ತಾರಾಯಿ
• ಉಪ್ಪು
• ಪುಲಿ
• ಬೆಲ್ಲ
• ಮಂಜೊಲ್ದ ಪೊಡಿ
• ತಾರಾಯಿದ ಎಣ್ಣೆ
• ಜೀರಿಗೆ
• ದಾಸೇಮಿ
• ಬೇವುರೆ

ಮಲ್ಪುನ ವಿಧಾನೊ

ಒಂಜಿ ಬಣಾಲೆಗ್ ರಡ್ ಚಮಚ ಎಣ್ಣೆನ್ ಬೆಚ್ಚ ಮಲ್ತ್ ದ್ ತುರೀತಿನ ಕಂಚಲ್ ನ್ ಪಾಡ್ದ್ ಅವ್ವೆನ್ ಪೊತ್ತುದು ದೀಯೋಡು. ಬೊಕ್ಕ ಒಂಜಿ ಬಣಾಲೆಡ್ ಎಣ್ಣೆ ಪಾಡ್ದ್ ಮುಂಚಿ, ಉರ್ದು, ತಾರಾಯಿ ಪಾಡ್ದ್ ಪೊತ್ಪೊಡು. ಪೊತ್ತುದಿನ ತಾರಾಯಿಗ್ ಮಂಜಲ್, ಉಪ್ಪು, ಬೆಲ್ಲ, ಪುಲಿ ಪಾಡೊಡು. ಕಡೆಪಿ ಕಲ್ ಗ್ ಪೊತ್ತುದಿನ ಕಂಚಲ, ತಾರಾಯಿ ಪಾಡ್ದ್ ಚೂರು ನೀರ್ ಪಾಡ್ದ್ ಕಡೆವೊಡು. ಬೊಕ್ಕ ಎಣ್ಣೆಗ್ ಜೀರಿಗೆ, ದಾಸೆಮಿ, ಬೇವುರೆ ನ್ ಒಗ್ಗರಣೆ ಪಾಡ್ದ್ ಅವ್ ಚೌಲಿ ಆಯ್ ಬೊಕ್ಕ ಚಟ್ನಿ ಗ್ ಪಾಡೊಡು.

ಉಪಯೋಗುಲು

ತಿಂಗೊಲ್ಗೊರ ಕಂಚಲ ತಿನ್ಪುನೆಟ್ದ್ ಬಂಜಿಡ್ ಇಪ್ಪುನಂಚಿನ ಕಲ್ಮಸೊಲು ದೂರ ಆಪುಂಡು.