ಕಡಿಯಾಳಿ ಶ್ರೀ ಮಹಿಷಮರ್ದಿನಿ ದೇವಸ್ಥಾನ

ಕಡಿಯಾಳಿ ಶ್ರೀ ಮಹಿಷಮರ್ದಿನಿ ದೇವಸ್ಥಾನ ಕರ್ನಾಟಕಡ್ ಪುರಾನ ಕಾಲಡಿಂಚಿ ರಜತ ಪೀಠಪಂದ್ ಪುದರಾಯಿನ ಉಡುಪಿ ನಗರದ ಮೂಡಾಯಿ ದಿಕ್ಕುಡ್ ಇಪ್ಪುನ ಕಡಿಯಾಳಿ ಗ್ರಾಮಡ್ ಕಡಿಯಾಳಿ ಶ್ರೀ ಮಹಿಷಮರ್ದಿನಿ ದೇವಸ್ಥಾನ ಉಂಡು. ಉಡುಪಿ ಬಸ್ ಸ್ಟ್ಯಾಂಡ್ ದು ಒಂಜರೆ ಕಿಲೋಮೀಟರ್ ದೂರಡ್ ಈ ದೇವಸ್ಥಾನ ಉಂಡು.

ಕಡಿಯಾಳಿ ಶ್ರೀ ಮಹಿಷಮರ್ದಿನಿ ದೇವಸ್ಥಾನ

ಇತಿಹಾಸ

ತೌಳವ ರಾಜಕುಟುಂಬದ ರಾಜೆ ಆದಿತ್ತಿನ ರಾಮಭೋಜ ಪನ್ಪಿನಾರ್ ಅಗಲೆಗ್ ಸಂತಾನ ಆವಡು ಪಂದು ಪುತ್ರಕಾಮೇಷ್ಠಿಯಾಗೊನು ಮಲ್ಪಾಯೆರ್. ಯಾಗಭೂಮಿನ್ ನೇಗಿಲುಡ್ ದಪ್ಪುನಗ ಒಂಜಿ ಸರ್ಪೆ ಸಿಕುದುಬೂರ್ದು ಸೈಪುಂಡು, ನೆತ್ತ ಕೆರ್ನ ಪ್ರಾಯಶ್ಚಿತೊಗ್ ಬೊಡಾದ್ ನಾರಾಯಣನ ದೇವಸ್ಥಾನದ ಪ್ರತಿಷ್ಠಾಪನೆ ಮಲ್ದೆರ್. ಅವ್ವು ಅನಂತೇಶ್ವರ ದೇವಸ್ಥಾನ, ಅವ್ವು ಅತ್ತಂದೇ ಈ ದೇವಸ್ಥಾನದ ಸುತ್ತ ನಾಲ್ ದುರ್ಗಾ ದೇವೆರ್ ನ ದೇವಸ್ಥಾನ ಉಂಡು. ಐಟ್ ಒಂಜಿ ಕಡಿಯಾಳಿ ಮಹಿಷಮರ್ದಿನಿ ದೇವಸ್ಥಾನ ಆತುಂಡ್ ಪಂದ್ ಪ್ರತೀತಿ ಉಂಡು. ಒರಿನ ಮೂಜಿ ದೇವಸ್ಥಾನ ಪಂಡ ಉಡುಪಿ ತಾಲೂಕುಡ್ ಬರ್ಪಿನ ಬೈಲೂರು ಮಹಿಷಮರ್ಧಿನಿ ದೇವಸ್ಥಾನ, ಕನ್ನರ್ಪಾಡಿಯ ಜಯದುರ್ಗೆ ಮತ್ತು ಪುತ್ತೂರು ದುರ್ಗಾಪರಮೇಶ್ವರಿ ದೇವಸ್ಥಾನ.

ವಿಶೇಷತೆ

ಉಡುಪಿ ಶ್ರೀ ಕೃಷ್ಣ ಮಠಕ್ ಲಾ ಕಡಿಯಾಳಿಗ್ ಲಾ ನಿಕಟವಾಯಿನ ಸಂಬಂಧ ಉಂಡು. ಉಡುಪಿಡ್ ಪರ್ಯಾಯ ಪೀಠಗ್ ಏರುನಡ್ ದುಂಬುಗ್ ಸ್ವಾಮಿಲು ದೇವಿನಡೆಗ್ ಬತ್ತುದು ಪ್ರಾರ್ಥನೆ ಮಲ್ಪುನು ಮುಲ್ತ ಸಂಪ್ರದಾಯವಾತುಂಡ್. ಮುಖ ಮಂಟಪದ ಕಂಬಡ್ ಕೊರೆತಿನ ಗಣಪತಿ ಬಕ ನನ ಒಂಜಿ ಕಂಬಡ್ ಮುಖ್ಯಪ್ರಾಣ ದೇವೆರೆನ ಕೊರೆದಿನ ವಿಗ್ರಹ ಉಂಡು. ಅಂಚನೆ ಈ ದೇವಾಲಯಡ್ ಒಂಜಿ ಕಡೇಟ್ ಧೂಮಾವತಿ ದೈವದ ಮಣೆ ಉಂಡು, ಪಿದಾಯಿಡ್ ಮರತ ನಂದಿ, ವಾಯುವ್ಯ ದಿಕ್ಕುಡ್ ಸುಬ್ರಹ್ಮಣ್ಯಸ್ವಾಮಿನ ದೇವಸ್ಥಾನ ಬಕ ಈಶಾನ್ಯ ದಿಕ್ಕುದ ಮುಲ್ಲೆಡ್ ವ್ಯಾಘ್ರಚಾಮುಂಡಿ ಗುಡಿ ಉಂಡು. ಈ ದೇವಸ್ಥಾನಡ್ ರಾಜ್ಯದ ಸುರುತ ತಿರ್ಗುನ ಮರದ ಮುಚ್ಚಿಗೆ ಉಂಡು. ಶುಕ್ರವಾರ ಕ್ಷೇತ್ರಡ್ ದೇವಿಗ್ ವಿಶೇಷವಾಯಿನ ದಿನ. ಪ್ರತಿ ಶುಕ್ರವಾರ ೧೨ ಸುವಾಸಿನಿನಗಲ ಸಮಾರಾಧನೆನ್ ಮುಲ್ಪ ನಡಪಾವೊಂದು ಬೈದೆರ್.

ಶಿಲ್ಪಕಲೆತ ಸೊಬಗ್

ಕಡಿಯಾಳಿದ ಮಹಿಷಮರ್ದಿನಿ ದೇವಿನ ವಿಗ್ರಹ ಕ್ರಿ.ಶ.೯೦೦-೭೫೦೦ ಮುಟದ ಶಿಲ್ಪದ ಶೈಲಿಡ್ ಉಂಡು.ಬಾದಾಮಿ ಚಾಲುಕ್ಯರ ಶಿಲ್ಪಲಕ್ಷಣ ವಿಗ್ರಹಡ್ ತೊಜುಂಡ್.ದೇವಸ್ಥಾನ ತೌಳವ ಶೈಲಿಡ್ ನಿರ್ಮಾಣ ಆತುಂಡ್. ೧೪೦೦/೧೫೦೦ ವರ್ಷದ ಇತಿಹಾಸ ಉಂಡು. ಉಂದು ವಿಗ್ರಹ ಸುಮಾರ್ ೩೦ ಇಂಚ್ ಎತ್ತರ ಇತ್ತುದು, ಮಿತ್ತುದ ರಡ್ಡ್ ಕೈಯಿಡ್ ಶಂಖ, ಚಕ್ರ, ತಿರ್ತುದ ಬಲತ ಕೈಯಿಡ್ ತ್ರಿಶೂಲ ಇತ್ತುದು ಐತ ತಿರ್ತುಡ್ ದೇವಿನ ಕಾರುದ ಬುಡಟ್ ಸೈತ್ ಬೂರ್ದಿನ ಮಹಿಷಾಸುರನ ಮಂಡೆನ್ ಒಸುದ್ ಪಸುದೆರ್. ಪಿರಾವುದ ಕಾರುನು ದೆರ್ತುದ್ ತಿರ್ತು ಬೂರ್ದಿನ ಮಹಿಷನ ಬೀಲ ದೇವಿನ ದತ್ತ ಕೈಟ್ ಉಂಡು. ದೇವಿಗ್ ಕಿರೀಟ, ಕುಂಡಲ, ಕೆಕ್ಕಿಲ್ಡ್ ಕರಿಮಣಿ ಬಕ ಸೊಂಟಡ್ ಒಂಜಿ ಪಟ್ಟಿ ಉಂಡು.

ದೇವಸ್ಥಾನದ ರಚನೆ

ಮಹಿಷಮರ್ದಿನಿ ದೇವಸ್ಥಾನ ೨೦೨೨ ಜೂನ್ ಡ್ ಜೀರ್ಣೋದ್ಧಾರವಾಯಿನ ಸಂದರ್ಭಡ್ ಸುಮಾರ್ ೧೨೦೦೦ ಚದರ ಅಡಿ ದೇವಸ್ಥಾನದ ಉಲಾಯಿದ ಅಂಗಣ, ಸುತ್ತು ಪೌಳಿ, ಪಿದಾಯಿದ ಅಂಗಣ ಶಿಲೆಡ್ ನಿರ್ಮಾಣ ಆತುಂಡ್. ಅಂಚೆನೆ ಪಿಲಿಚಂಡಿ ಬಕ ಪರಿವಾರ ದೈವೊಲ್ನ ಗುಡಿ ಉಂಡು.

ವಿಶೇಷ ಸೇವೆಗಳು

ಮದ್ಮೆ ಸೇರ್ದು ಮಾತ ಶುಭಕಾರ್ಯಗ್ ಪುಷ್ಪ ಪ್ರಸಾದ, ಚಂಡಿಕಾ ಹೋಮ, ಅನ್ನದಾನ, ಪೂತ ಪೂಜೆ, ರಂಗ ಪೂಜೆ, ಕುಂಕುಮಾರ್ಚನೆ, ತುಲಾಭಾರ ಸೇವೆ, ದೇವಿ ಪರಾಯಣ