ಕಲ್ಲಡ್ಕ ಟೀ

ಕಲ್ಲಡ್ಕ ಟೀ ಕಲಡ್ಕ, ರಾಷ್ಟೀಯ ಹೆದ್ದಾರಿ ೭೫ ಟ್ಟೆ ಇಪ್ಪುನ ಒಂಜಿ ಊರು. ಕಲ್ಲಡ್ಕ ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ತಾಲೂಕುಡು ಉಂಡು. ಜಿಲ್ಲಾ ಕೇಂದ್ರವಾದ್ ಕುಡ್ಲರ್ದ್ ಪೂರ್ವಡ್ ೩೨ ಕಿಮೀ ದೂರಡ್ ಉಂಡು. ಕಲ್ಲಡ್ಕಡ್ ತಿಕ್ಕುನ ಒಂಜಿ ವಿಭಿನ್ನ ಶೈಲಿದ ಚಾ ಕಲ್ಲಡ್ಕ ಟೀ ಪಂದ್ ಪುದರ್ ಪೋತುಂಡು.

ಕಲ್ಲಡ್ಕ ಟೀ

ಬೇತೆ ಪುದರ್	ಕಲ್ಲಡ್ಕ ಟೀ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕಲ್ಲಡ್ಕ, ದಕ್ಷಿಣ ಕನ್ನಡ ಜಿಲ್ಲೆ
Created by	ಲಕ್ಷೀ ನಾರಾಯಣ ಹೊಳ್ಳ
ಬೊಡಾಯಿನ ಸಾಮಾನ್	ಪೇರ್

ವಿಶೇಷತೆ

ಈ ಚಾ ಕ್ಕ್ ಪಾಡಿನ ಪೇರ್ ಚಾ ತೊಟ್ಟು ಸೇರ್ದ್ ಲೋಟೆಡ್ ಬೇತೆ ಬೇತೆ ನೇ ಇಪ್ಪುಂಡು. ಪಂಡ ಲೋಟೆದ ಅರ್ಧ ಭಾಗ ಪರ‍್ದಂಚ ಬೊಕ್ಕ ಅರ್ಧ ಚಾ ಲಕ ತೋಜುಂಡು.

ಇತಿಹಾಸ

೧೯೫೨ ಟ್ಟ್ ಲಕ್ಷೀ ನಾರಾಯಣ ಹೊಳ್ಳೆರ್ ಕಲ್ಲಡ್ಕ ಡ್ ಸುರು ಮಲ್ತಿನ ಹೋಟೆಲ್ ಡ್ ಪೊಸ ಬಗೆತ್ತ ಚಾ ಮಲ್ಪೆರೆ ಶುರು ಮಲ್ತೆರ್. ಲಕ್ಷ್ಮಿ ನಾರಾಯಣ ಕುಟುಂಬಗ್ ಸೇರ್ದಿನ ಹೋಟೆಲ್ ಡ್ ಕಲ್ಲಡ್ಕ ಟೀ ತಿಕ್ಕುಂಡು. ಇತ್ತೆ ಶಿವರಾಮ ಹೊಳ್ಳ ಈ ಹೋಟೆಲ್ನ್ ನಡಪಾವೊಂದು ಉಲ್ಲೆರ್.

ಮಲ್ಪುನ ವಿಧಾನೊ

ಕುಪ್ಪಿ ದ ಲೋಟೆಗ್ ಸಕ್ಕರೆ ಪಾಡ್ದಿನ ಪೇರ್ ಬೊಕ್ಕ ಬೇತೆನೆ ತೋಜುನ ಡಿಕಾಕ್ಷನ್ ಟೀ ನ್ ಪಲ್ಪರೆ ಬೇತೆ ನೇ ವಿಧಾನೊನು ಅನುಸರಿಸೊಂದು ಉಲ್ಲೆರ್.

೯ ಚಮಚ ಚಹಾ ಪೊಡಿನ್ ಲಾಯ್ಕ್ ಡ್ ದೆಕ್ಕ್ದಿನ ಕುಂಟುಡ್ ಪಾಡ್ದ್ ಸುಮಾರ್ ೫೦೦ ಮಿಲಿ ಕೊದಿಪುನ ನೀರ್ ಪಾಡ್‌ದ್ ಸರಿಟ್ಟ್ ಪುಂಟಿದ್ ಅರಿಪುವೆರ್. ಬೊಕ್ಕ ತಿಕ್ಕಿನ ಕಷಾಯದ ತೋಪುನು ಕೊದಿಪುನ ನೀರ್‌ಡ್ ದೀದ್ ಕಷಾಯದ ತಾಪಾಮಾನನ್ ೯೦ ಡಿಗ್ರಿ ಕಡಪುಲಕ ತೂವೊನುವೆರ್ ಬೊಕ್ಕ ಸುಮಾರ್ ಅರ್ಧ ಲೀಟರ್ ದಾತ್ ಕೊದಿಪುನ ಪೇರ್ ನ್ ೪ ಚಮಚ ದಾತ್ ಸಕ್ಕರೆ ಪಾಡಿನ ತೋಪುಗು ಪಾಡೊಡು. ಬೊಕ್ಕ ಬೆಚ್ಚ ನೀರ್ ಡ್ ಪಾಡ್ದ್ ದೀತಿನ ಕುಪ್ಪಿದ ಲೋಟೆನ್ ಪಿದಾಯಿ ದೆತ್ತ್ ಸಕ್ಕರೆ ಪಾಡಿನ ಪೆರ್ ನ್ ನುರೆ ಮಲ್ತ್ ಲೋಟೆದ ಮುಕ್ಕಾಲ್ ಭಾಗದಾತ್ ಜಿಂಜವೆರ್. ಬೊಕ್ಕ ಚಮಚ ಡ್ ಮೆಲ್ಲ ಅಯಿತ್ತ ಮಿತ್ತ್ ಚಾ ಕಷಾಯನ್ ಪಾಡುವೆರ್. ಅಡೆಗ್ ಕಲ್ಲಡ್ಕ ಟೀ ತಯಾರ್!