ಕಿಶು ಏರ್ ಫ್ಲೈಟ್ 707

ಕಿಶ್ ಏರ್ ಫ್ಲೈಟ್ 707 ಪನ್ಪುನ ಕಿಶ್ ಏರ್ ನಿರ್ವಹಿಸುನ ನಿಗದಿತ ಪ್ರಯಾಣಿಕೆರ್ನ ಬೋಯಿಂಗ್ 707 ವಿಮಾನ ಆತ್oಡ್ . 1995ತ ಸೆಪ್ಟೆಂಬರ್ ೧೯ ತಾನಿ ಪರ್ಷಿಯನ್ ಕೊಲ್ಲಿದ ಟೆಹ್ರಾನ್ ರ್ದ್ ಕಿಶ್ ದ್ವೀಪಗ್ ಪೋವೊಂದಿತ್ತ್ ನ ವಿಮಾನನ್ ಕಂಡ್ ದ್ ಕೊನೊದಿತ್ತೆರ್ <ref> name="LAT1995">Miller, Marjorie (September 20, 1995). "Hijacking Takes Iranians to Israel: Mideast: Jet from Tehran with more than 170 passengers lands at desert base after running low on fuel. Armed flight attendant and five passengers seek asylum". Los Angeles Times.<\ref>.ಟೆಹ್ರಾನ್ ರ್ದ್ ಟೇಕ್ ಆಫ್ ಆಯಿನ ಕೆಲವೇ ಪೊರ್ತುಡು ಈ ಘಟನೆ ನಡತಿಂಡ್ , ಪಿಸ್ತೂಲ್ ಇತ್ತ್ ನ ವಿಮಾನದ ಅತೃಪ್ತ ಪರಿಚಾರಕೆ ರೆಜಾ ಜಬ್ಬಾರಿ ವಿಮಾನದ ನಿಯಂತ್ರಣನ್ ವಹಿಸೊಂದಿತ್ತೇರ್

ಅಪಹರಣದ ವಿವರಳು

ನೆಗೆವ್ನ ಯುವಿಡಿಎ ವಾಯುನೆಲೆ ಟಾರ್ಮಾಕ್ಡ್ ಉಂತುದು ಇತ್ತಿನ ಇರಾನ್ ದ ಕಿಶ್ ಏರ್ ಫ್ಲೈಟ್ 707ನ್ನು ಕಂಡ್ ದ್ ಬಲವಂತವಾದ್ ಲ್ಯಾಡಿಂಗ್ ಮಲ್ತ್ನ ದೃಶ್ಯ.

ಮೂಲತಃ ಕಿಶ್ ದ್ವೀಪಗ್ ಪೋವೊಡಾಯಿನ  ವಿಮಾನ ಕಾಂಡೆ ಸುಮಾರು  9 ಗಂಟೆಗ್ ಟೆಹ್ರಾನ್ ರ್ದ್ ಪಿದಾಡಿಂಡ್ . ವಿಮಾನ ರಾಪುನ ಸುಮಾರು ೯೦ ನಿಮಿಷಗ್ಲೆರ್ದ್ ಬೊಕ , ವಿಮಾನನ್ ಕಂಡ್ ದೆರ್ ಪಂದ್ ಪ್ರಯಾಣಿಕೆರೆಗ್ ಮೈಕದ ಮೂಲಕ ಮಾಹಿತಿ ಕೊರಿಯೆರ್ . ವಿಮಾನದ ಗಮ್ಯಸ್ಥಾನನ್ ತಕ್ಷಣ ಬಹಿರಂಗಪಡಿಸೀಜೆರ್ .ಅಪಹರಣಕಾರ, 30 ತ ಪ್ರಾಯದ ಇರಾನಿನ ವ್ಯಕ್ತಿ ರೆಜಾ ಜಬ್ಬಾರಿ, ಅಪಹರಣಗ್ ಇರಾನ್ ದ ಜೀವನವೇ ಕಾರಣ ಪಂದ್ ಅಸಮಾಧಾನ ವ್ಯಕ್ತಪಡಿಸಾದೆ. ಆರ್ ಸುರುಕು ಯುನೈಟೆಡ್ ಸ್ಟೇಟ್ಸ್ ಡ್ ಆಶ್ರಯದ ಹಕ್ಕು ಕೇಂಡೆರ್ ಡಲಾ ,ಅಯಿರ್ದ್ ಬೊಕ ಆರ್ ಇಸ್ರೇಲ್ ಡ್ ಉಂತೆರೆ  ತಮ್ಮ ವಿನಂತಿನ್ ಬದಳ್ತೆರ್ .[೧]

ಇಂಧನ ಮಟ್ಟ ಕ್ಷೀಣಿಸಾಯೆರೆ ಪ್ರಾರಂಭ ಆನಗ , ಪೈಲಟ್ ಸೌದಿ ಅರೇಬಿಯಾ ಬೊಕ ಜೋರ್ಡಾನ್ ರಡ್ಡೆರ್ದ್ ಲಾ ಲ್ಯಾಂಡಿಂಗ್ ಅನುಮತಿಗ್ಲೇನ್ ಕೇಂಡೆರ್ , ಆಂಡ ಈ ವಿನಂತಿಗ್ಲೇನ್ ನಿರಾಕರಿಸಾಯೆರ್. ಅಯಿರ್ದ್ ಬೊಕ , ವಿಮಾನ ಇಸ್ರೇಲ್ ಕಡೆಕ್ ಪಿದಾನ್ಡ್ . ಜೋರ್ಡಾನ್ ರಾಜ ಹುಸೇನ್ ಆರ್ ಇಸ್ರೇಲ್ ಪ್ರಧಾನಿ ಯಿಟ್ಜಾಕ್ ರಾಬಿನ್ ಅರೆಗ್ ವಿಮಾನದ ವಿಧಾನದ ಬಗ್ಗೆ ಮಾಹಿತಿ ಕೊರ್ತೆರ್ ಪಂದ್ ವರದಿ ಆತ್oಡ್ .

ಇಸ್ರೇಲ್ ಡ್ ಜಪ್ಪುನೆ

ಕಂಡ್ ನ ವಿಮಾನಗ್ಲೆಗ್ ಸಹಾಯ ಮಲ್ಪುನೆತ ವಿರುದ್ಧ ಪ್ರಮಾಣಿತ ಇಸ್ರೇಲ್ ನೀತಿರ್ದ್ ವಿಮುಖೆರಾಯಿನ ಇಸ್ರೇಲ್ ಪ್ರಧಾನಿ ಯಿಟ್ಜಾಕ್ ರಾಬಿನ್, ಸಂಭಾವ್ಯ ಅಪಘಾತನ್ ತಡೆಗಟ್ಟೆರೆ ವಿಮಾನದ ಲ್ಯಾಂಡಿಂಗ್ಗ್ ಅಧಿಕಾರ ಕೊರಿಯೆರ್ .ವಿಮಾನಡ್ ಸಂಭವನೀಯ ಸ್ಫೋಟಕಗ್ಲೆ ಬಗ್ಗೆ ಆತಂಕರ್ದ್ ವಿಮಾನನ್ ಜನನಿಬಿಡ ಪ್ರದೇಶಗ್ಲೆರ್ದ್ ದೂರಡ್ ಉಪ್ಪುನ ನೆಗೆವ್ ಮರುಭೂಮಿದ ಒವ್ಡಾ ವಿಮಾನ ನಿಲ್ದಾಣಗ್ ಮರುನಿರ್ದೇಶಿಸಾಯೆರ್ .ಜತ್ತ್ ನೆರ್ದ್ ಬೊಕ , ಅಪಹರಣಕಾರೆ ಸುಮಾರು ಒಂಜಿ ಗಂಟೆರ್ದ್ ಬೊಕ  ಶರಣಾಯೆ . ಪ್ರಯಾಣಿಕೆರ್ ಇಸ್ರೇಲ್ ಡ್  ಜತ್ತೆರ್ , ಐನ್ ವಾಯುನೆಲೆಟ್ ಹೀಬ್ರೂ ಸಂಕೇತಗ್ಲೆರ್ದ್ ಆರ್ ಗುರುತಿಸಾಯೆರ್ .ಇಸ್ರೇಲಿ ಮಿಲಿಟರಿ ಸಿಬ್ಬಂದಿ ಅಕುಲೆಗ್ ವನಸ್ ಬೊಕ ಉಪಹಾರನ್ ಒದಗಿಸಾಯೆರ್ .ಐನ್ ಪ್ರಯಾಣಿಕೆರ್ ಇಸ್ರೇಲ್ ಡ್ ಆಶ್ರಯ ಕೋರಿಯೆರ್ ,ಬಾಕಿದಕುಲು ಮನದಾನಿ ಇರಾನ್ಗೆ ಪೋಪುನ ನಿರೀಕ್ಷೆ ದೀಯೆರ್ .

ರಾಜಕೀಯ ಪರಿಣಾಮಗುಳು

ಕಂಡ್ ನ ಬೇಗನೇ ರಾಜಕೀಯ ಚರ್ಚೆದ ವಿಷಯ ಆಂಡ್ . ರಾನ್ ಅರಾದ್ (ಪೈಲಟ್) ಬಗ್ಗೆ ಮಾಹಿತಿ ಪಡೆಯೆರೆ ಪರಿಸ್ಥಿತಿನ್ ಬಳಸೆರೆ ನೆಸೆಟ್ ನ ಕೆಲವು ಸದಸ್ಯೆರ್ ಸಲಹೆ ಕೊರಿಯೆರ್ . ದಾಯೆ ಪಂಡ 1986ಟ್  ಇರಾನ್ದ ಪರ ಗೆರಿಲ್ಲಾಗ್ಲೆರ್ದ್ ಲೆಬನಾನ್ ಡ್ ಪತ್ತ್ ನ ಇಸ್ರೇಲಿ ನಾವಿಕ ರಾನ್ ಅರಾದ್. ಅರಾದ್ ಆಯನ ಅಪ್ಪೆ ಬಾಟ್ಯಾ ಒವ್ಡಾ ವಿಮಾನ ನಿಲ್ದಾಣಗ್ ಬತ್ತ್ ದ್ ತಮ್ಮ ಮಗನ ಬಂಧನದ ಬಗ್ಗೆ ಗಮನ ಸೆಲೆಯೆರೆ ಈ ಅವಕಾಶನ್ ಬಳಸೊಂಡೆರ್ . ಅಪಹರಣಕ್ಕೊಳಗಾಯಿನ ವಿಮಾನದ ಮಿತ್ತ್ "ಫ್ರೀ ರಾನ್ ಅರಾದ್" ಸ್ಟಿಕ್ಕರ್ಗ್ಲೆನ್ ದೀದ್ , ಐತ ತಳಭಾಗಡ್ "ದಯಮಲ್ತ್ ದ್ ರಾನ್ ಅರಾದ್ ಅರೆನ್ ಬಿಡುಗಡೆ ಮಲ್ಪುಲೇ " ಪಂದ್ ಮಲ್ಲ  ಬ್ಯಾನರ್ನ್ ರಾಪಾವೊಂದ್ ಉಪ್ಪುನ ತೋಜಿದ್oಡ್ ." ಇತನ್ಮಧ್ಯೆ, ಇರಾನ್ನ ಇಸ್ಲಾಮಿಕ್ ರಿಪಬ್ಲಿಕ್ ನ್ಯೂಸ್ ಏಜೆನ್ಸಿ ಅಪಹರಣನ್ ಇಸ್ರೇಲಿ ಪಿತೂರಿ ಪಂದ್ ಖಂಡಿಸಾಯೆರ್ ಬೊಕ ವಿಮಾನ, ಪ್ರಯಾಣಿಕೆರ್ ಬೊಕ ಅಪಹರಣಕಾರೆರೆನ್ ತಕ್ಷಣವೇ ಪಿರ ಕಣಯೆರೆ ಒತ್ತಾಯಿಸಾಯೆರ್.

ಬೊಕದ ಪರಿಣಾಮಗುಳು

ಸೆಪ್ಟೆಂಬರ್ 20 ತಾನಿ , ಕಂಡ್ ನ ವಿಮಾನ ಜಬ್ಬಾರಿನ್ ಹೊರತುಪಡಿಸಿ ಮಾತಾ ಪ್ರಯಾಣಿಕೆರ್ ಬೊಕ ಸಿಬ್ಬಂದಿಗ್ಲೇ ಒಟ್ಟಿಗೆ ಟೆಹ್ರಾನ್ಗೆ ಪೋಂಡು . ಅಕುಲೆಡ್ ಐನ್ ಪ್ರಯಾಣಿಕೆರ್ ಆಶ್ರಯ ಕೇಂಡೆರ್ ಪಂದ್ ವರದಿ ಆಂಡ್ .ರೆಜಾ ಜಬ್ಬಾರಿ ಆಶ್ರಯ ಕೇಂಡೆರ್ ಬೊಕ ಯಹೂದಿ ಧರ್ಮಗ್ ಮತಾಂತರ ಆಪುನ ಉದ್ದೇಶನ್ ಘೋಷಿಸಾಯೆರ್ .ಅರೆಗ್ ಇಸ್ರೇಲ್ ಜೈಲ್ ಡ್ ೮ ವರ್ಷ ಶಿಕ್ಷೆ ವಿಧಿಸಾಯೆರ್ ಆಂಡ ಆಶ್ರಯ ಕೊರ್ಪುನ ಸುರುಕು  ನಾಲ್ ವರ್ಷ ಕಳೆಯೆರ್ ಬೊಕ ಇಸ್ರೇಲ್ ಡ್ ಒರಿಯೆರ್.ಜಬ್ಬಾರಿ ಅಂತಿಮವಾದ್ ಇಸ್ರೇಲ್ ಪ್ರಜೆಯಾಯೆರ್ ಬೊಕ ಯಹೂದಿ ಧರ್ಮಗ್ ಮತಾಂತರ ಆಯೆರ್.