ಕುಕ್ಕುದ ಉಪ್ಪಡ್
ಕುಕ್ಕುನು ಉಪಯೋಗ ಮಲ್ತ್‌ದ್ ಮಲ್ಪುನ ಉಪ್ಪಡ್‌ನ್ ಕುಕ್ಕುದ ಉಪ್ಪಡ್ ಪಂಡ್ದ್ ಪನ್ಪೇರ್. ಉಂದು ಯೇತ್ ಸಮಯೋಗ್ಲಾ ದೀಯೊಲಿ. ಗಂಜಿದ ಒಟ್ಟುಗು ಉನಿಯೆರೆ ಉಂದು ಬಾರಿ ಲಾಯ್ಕ್ ಆಪುಂಡು. ಕುಕ್ಕುದ ಉಪ್ಪಡ್‌ಡ್ ಬೇತೆ ಬೇತೆ ವಿಧಾನ ಉಂಡು. ಕುಕ್ಕುದ ಉಪ್ಪಡ್' ][ಕುಕ್ಕು] ನ್ ಉಪಯೋಗಿಸಾದ್ ಮಸ್ತ್ ಬಗೆತ ಉಪ್ಪಡ್ ಮನ್ಪುವೇರ್. ಉಂದು ದಕ್ಷಿಣ ಬೊಕ್ಕ ಆಗ್ನೇಯ ಏಷ್ಯಾಡ್ ಲಾ ಮಸ್ತ್ ಜನಪ್ರಿಯವಾದುಂಡು.
ಇತಿಹಾಸೊ
ಸಂಪೊಲಿಪುಲೆಕುಕ್ಕುದ ಉಪ್ಪಡ್‌ಗ್ ಸಾವಿರಾರು ವರ್ಸೊದ ಇತಿಹಾಸ ಉಂಡು. ಕ್ರಿಸ್ತಶಕ ೧೬೦೦ ಕನ್ನಡದ ಕವಿ ಅಣ್ಣಾಜಿಯು ಅರೆನ ಸೌಂದರ್ಯ ವಿಲಾಸೊಡು ಕುಕ್ಕುದ ಮುಡಿಟ್ ಮಂದಿನ ಉಪ್ಪಡ್ ದ ಉಲ್ಲೇಕೊ ಉಂಡು.[೧]
ವಿಧೊಲು
ಸಂಪೊಲಿಪುಲೆಭಾರತೊಡು ಉಪ್ಪಡ್ ಮನ್ಪುನ ಪ್ರಕ್ರಿಯೆ ಬೇತೆ ಪ್ರದೇಶೊದಕಲೆನ ಲೆಕ್ಕ ಅತ್ತ್. ಕುಕ್ಕುನ್ ತುಂಡು ತುಂಡು ಮಂತುದು ಅಥಾವೊ ಕುಕ್ಕುದ ಮುಡಿಲೆನ್ ಉಪ್ಪುದ ಒಟ್ಟುಗು ಗಾಳಿ ಪೋವಂದಿನ ಭರಣಿಡ್ ಮಸ್ತ್ ಸಮಯ ದೀದ್ , ಬೊಕ್ಕ ಮಸಾಲೆ ಪಾಡುದು ಉಪ್ಪಡ್ ಮನ್ಪುನು. ಉಪ್ಪಡ್ ಭಾರತೊಡು ಒಂಜಿ ವಿಶೇಷವಾಯಿನ ಪದಾರ್ಥ ಆದು, ಉಂದೆನ್ ವಿವಿಧ ಬಗೆತೊ ತರಕಾರಿಲೆನ್ ಉಪಯೋಗ ಮಂತುದು ಮನ್ಪುವೇರ್.[೨] ಅಯಿಟುಲಾ ಕುಕ್ಕುದ ಮುಡಿತ ಉಪ್ಪಡ್ ಮಸ್ತ್ ಜನಪ್ರಿಯ ಆದುಂಡು. ವಿವಿಧೊ ಪ್ರದೇಶೊಲು ಬೊಕ್ಕ ಮಸಾಲೆ ವಿಧಾನಕು ಅನುಗುಣವಾದ್ ಅವೇತೊ ಅತ್ತ್ ಬಗೆ ಬಗೆತ ಕುಕ್ಕುದ ಉಪ್ಪಡ್ ಲು ಉಂಡು. ಅಯಿಟ್ ರಡ್ಡ್ ಬಗೆತ ಮಸ್ತ್ ಜನಪ್ರೀಯವಾಯಿನವು.
- ಕುಕ್ಕುದ ಮುಡಿತ ಉಪ್ಪಡ್.
- ತುಂಡು ತುಂಡು ಮಂತುದು ಮನ್ಪುನ ಉಪ್ಪಡ್.
ಉಂದೇಟ್ ಕುಕ್ಕುದ ಮುಡಿತ ಉಪ್ಪಡ್ ಇಡೀ ದಕ್ಷಿಣ ಭಾರತೊಡು ಜನಪ್ರಿಯ ಆದುಂಡು. ಉಪ್ಪಡ್ ಮನ್ಪರೆನೇ ಪಂದ್ ಕೆಲವು ನಿರ್ದಿಷ್ಟವಾಯಿನ ವಿಶೇಷಾಯಿನ ಬಗೆ ಬಗೆತ ಕುಕ್ಕುಲು ಉಲ್ಲಾ. ಉಪ್ಪಡ್ ನ್ ಉಪ್ಪು, ಎಣ್ಣೆ ಬೊಕ್ಕ ಮಸಾಲೆದ ಮಿಶ್ರಣೊನು ಗಳಿಸಾದ್ ಒಂಜಿ ನಿರ್ದಿಷ್ಟವಾಯಿನ ಪ್ರಕ್ರಿಯೆದ ಮೂಲಕ, ಅವೇತೋ ವರ್ಷ ಹಾಳ್ ಆವಂದಿ ಲೆಕ್ಕ ಉಪ್ಪಡ್ ನ್ ತಯಾರು ಮನ್ಪುವೆರ್.[೩]
ಕುಕ್ಕುದ ಮುಡಿತ (ಅಪ್ಪೆ ಮಿಡಿ) ಉಪ್ಪಡ್
ಸಂಪೊಲಿಪುಲೆಕಿನ್ಯ ಕಿನ್ಯ ಕುಕ್ಕುದ ಮುಡಿಲೆನ್ ಸಂಗ್ರಹ ಮಂತುದು ಮನ್ಪುನ ಉಪ್ಪಡ್ ನ್ ಕುಕ್ಕುದ ಮುಡಿತ (ಅಪ್ಪೆ ಮಿಡಿ) ಉಪ್ಪಡ್ ಪಂದ್ ಪನ್ಪೇರ್. ಅಪ್ಪೆ ಮಿಡಿ ಪಂದೇ ಜನಪ್ರಿಯವಾದುಪ್ಪುನ , ಉಪ್ಪಡ್ ಪಂದೇ ಉಪಯೋಗ ಮನ್ಪುನ ಕುಕ್ಕುಲು ಉಲ್ಲ. ಉಂದು ಬಾರೀ ಪರಿಮಳ ಬೊಕ್ಕ ಮಸ್ತ್ ರುಚಿಲಾ. ಅಂಚಾದ್ ಉಪ್ಪಡ್ ಗ್ ಬಾರೀ ಎಡ್ಡೆ.
ತುಂಡು ತುಂಡು ಮಂತುದು ಮನ್ಪುನ ಉಪ್ಪಡ್
ಸಂಪೊಲಿಪುಲೆಉಂದೆನ್ ಕಸಿ ಕುಕ್ಕುಡ್ ಹೆಚ್ಚಾದು ಮನ್ಪುವೇರ್. ಮಲ್ಲ ಮಲ್ಲ ಕುಕ್ಕುಲೆನ್ ತುಂಡು ಮಂತುದು ಮನ್ಪುನ ಉಪ್ಪಡ್‌ಗ್ ಉಪಯೋಗಿಸುವೆರ್.[೪] ದಕ್ಷಿಣ ಭಾರತೊಡು, ಉಪ್ಪಡ್ ಉಪ್ಪಂದಿನ ಇಲ್ಲ್ ಉಪ್ಪಂದ್. ಅಂಚನೇ ಒವ್ವೇ ಒಂಜಿ ಸಮಾರಂಭೊಲು ಆವಾಡ್ ಅನ್ನದಾನದಲ್ಪ ಸುರುಕಾದ್ ಇರೆತ ಕೊಡಿಗ್ ಬಲಸುನೇ ಉಪ್ಪಡ್.
