ಕುಕ್ಕು ಶುಂಠಿ
ಕುಕ್ಕುಶುಂಠಿ ಉಂದು ಮಂಜೊಲ್‌ದ ದೈ ಬುಕ್ಕ ಮಂಜೊಲ್‌ದ ಕಂಡೆದ ಲೆಕೊ ಇಪ್ಪುನ ಶುಂಠಿದ ಜಾತಿಗ್ ಸೇರ್ದಿನ ಒಂಜಿ ದಯಿ. ಉಂದೆತ ಇರೆ ಬುಕ್ಕ ಕಂಡೆ ಕುಕ್ಕುದ ಪರಿಮಳ ಇಪ್ಪುನೆಡ್‌ದಾವರ ಈ ದಯಿಕ್ ಕುಕ್ಕುಶುಂಠಿ ಪನ್ಪಿನ ಪುದರ್ ಬತ್‌ದ್ಂಡ್. ನೆತ್ತ ಸಸ್ಯಶಾಸ್ತ್ರೀಯ ಪುದರ್ ಕರ್ಕುಮ ಅಮಾಡ(Curcuma amada). ಈ ದಯಿತ್ತ ಕಂಡೆನ್ ದಕ್ಷಿಣ ಭಾರತೊಡು ಉಪ್ಪಡ್ ಮಲ್ಪರ ಅತ್ಂಡ ಉಪ್ಪಡ್‍ದೊಟ್ಟುಗು ಪಾಡರ ಗಲಸುವೆರ್. ಉತ್ತರ ಭಾರತ ಬುಕ್ಕ ನೇಪಾಲ ದೇಸೊದ ಕೆಲವು ಬಾಗೊಲೆಡ್ ಉಂದೆತ ಚಟ್ನಿ ಮಲ್ಪುವೆರ್[೧].
| ಕುಕ್ಕು ಶುಂಠಿ | |
|---|---|
| |
Scientific classification 
| |
| Missing taxonomy template (fix): | Curcuma |
| Species: | Template:Taxonomy/CurcumaC. amada'' |
| Binomial name | |
| Template:Taxonomy/CurcumaCurcuma amada Roxburgh
| |
| Synonyms | |
|
Curcuma mangga Valeton & van Zijp | |
ಬೇತೆ ಬಾಸೆಲೆಡ್ ಸಂಪೊಲಿಪುಲೆ
- ಕನ್ನಡ-ಮಾವುಶುಂಠಿ ಅತ್ಂಡ ಮಾವಿನ ಶುಂಠಿ, ಅಂಬೆಹಲ್ಲೆ ಗಿಡ
- ಸಂಸ್ಕೃತ- ಆಮ್ರಗಂಧಿ ಹರಿದ್ರಾ(ಸರ್ವಕಂಡೂವಿನಾಶಿನಿ)
- ತೆಲುಗು- ಮಾಮಿಡಿ ಅಲ್ಲಂ
- ತಮಿಳು- ಮಾಂಗಾಯಿ ಇಂಜಿ
- ಮಲಯಾಳ-ಮಾಂಙ ನಾರಿ
- ಹಿಂದಿ- ಆಮ್ ಹಲ್ದಿ
- ಇಂಗ್ಲಿಷ್- ಮ್ಯಾಂಗೊ ಜಿಂಜರ್
ದಯಿ ತೂವರ ಸಂಪೊಲಿಪುಲೆ
ದಯಿತ ಇರೆ ಬುಕ್ಕ ಕಂಡೆ ತೂವರ ಮಂಜೊಲ್ ದಯಿತಲೆಕ ಇಪ್ಪುಂಡು ಆಂಡ, ಐಡ್‌ದ್ ಒಂತೆ ಎಲ್ಯ. ನೆಲತ್ತ ಉಲಾಯಿ ಇತ್ತಿನ ಕಂಡೆಡ್ದ್ ದಯಿ ಪುಟ್ಟುಂಡು. ೧-೨ ಮೀಟರ್ ಎತ್ತರ ಬುಳೆವುಂಡು. ಪೂ ಒಂಜೆತ ಉಲಾಯಿ ಒಂಜಿ ಇತ್ತಿನ ತುತ್ತೂರಿದ ಲೆಕ ಇಪ್ಪುಂಡು. ಪೂತ್ತ ಬಣ್ಣ ಉಲಾಯಿ ಮಂಜೊಲು ಪಿದಯಿದ ಮೈ ಬೊಲ್ದು ಇಪ್ಪುಂಡು[೨].
ಬುಳೆಪಾವುನಿ ಸಂಪೊಲಿಪುಲೆ
ಕರ್ನಾಟಕ, ಕೇರಳ, ತಮಿಳುನಾಡು, ಮಹಾರಾಷ್ಟ್ರ ರಾಜ್ಯೊಲೆಡ್ ಕುಕ್ಕುಶುಂಠಿನ್ ಬುಳೆಪಾವೆರ್. ಮರಿಯಾಲದ ಪೊರ್ತುಗು ಕುಕ್ಕುಶುಂಠಿ ದಯಿತ ಒಂಜಿ ಕಂಡೆ ನಡಿಂಡ ಎಡ್ಡೆ ಸೋಕುಡು ಬುಳೆವುಂಡು. ಅರೆಗಾಲೊಡು ನೆಲತ್ತ ಉಲಾಯಿ ಸುಪ್ತರೂಪೊಡು ಇಪ್ಪುಂಡು. ಮರಿಯಾಲದ ಪೊರ್ತುಗು ಎಡ್ಡೆ ಹೆಗ್‍ಲ್ದ್ ಬುಳೆವುಂಡು. ದಯಿ ಬುಳೆಯಿಲೆಕೊನೆ, ಪೊಸ ಕಂಡೆ ನೆಲತ್ತಡಿಟ್ ಬುಳೆವೊಂದು ಪೋಪುಂಡು. ಈ ದಯಿಕ್ ಸೀಕ್ ಬರ್ಪುನು ಕಡಮೆ[೩].
ಗಲಸುನಿ ಸಂಪೊಲಿಪುಲೆ
ಅಟಿಲ್ ಸಂಪೊಲಿಪುಲೆ
ದಯಿತ್ತ ಕಂಡೆನ್ ದಕ್ಷಿಣ ಭಾರತೊಡು ಉಪ್ಪಡ್ ಮಲ್ಪರ ಅತ್ಂಡ ಉಪ್ಪಡ್‍ದೊಟ್ಟುಗು ಪಾಡರ ಗಲಸುವೆರ್. ಉತ್ತರ ಭಾರತ ಬುಕ್ಕ ನೇಪಾಲ ದೇಸೊದ ಕೆಲವು ಬಾಗೊಲೆಡ್ ಉಂದೆತ ಚಟ್ನಿ ಮಲ್ಪುವೆರ್. ಕಂಡೆಡ್ದ್ ಪಸೆಂಗಿರಿ, ಉಪ್ಪಡ್, ಸಲಾಡ್ ಮಲ್ಪೊಲಿ. ಕೇರಳ ಬುಕ್ಕ ತಮಿಳುನಾಡು ರಾಜ್ಯೊಡು ಕುಕ್ಕುಶುಂಠಿದ ಉಪ್ಪಡ್ ಎಚ್ಚ ಗಲಸುವೆರ್[೪].
ಮರ್ದ್ ಸಂಪೊಲಿಪುಲೆ
ಆಕ್ಸ್‌ಫರ್ಡ್ ವಿವಿದಕುಲು ಮಲ್ತಿನ ಸಂಸೋಧನೆದ ಪ್ರಕಾರ, ಕ್ಯಾನ್ಸರ್ ಗುಣ ಮಲ್ಪಿನ ಶಕ್ತಿ ಮಂಜೊಲುಡ್ದು ಜಾಸ್ತಿ ಕುಕ್ಕು ಶುಂಠಿಗ್ ಉಂಡು ಪಂಡ್ದ್ ತೆರಿದ್‌ಬತ್ಂಡ್[೫]. ಕುಕ್ಕು ಶುಂಠಿ ದೆತೊಂಡ ಅಜೀರ್ಣ ಕಡಮೆ ಆಪುಂಡು ಅಂಚನೆ ಬಾಯಿರುಚಿ ಎಚ್ಚ ಆಪುಂಡು. ಚರ್ಮೊ ಕಿರುಂಬಿಲೆಕ ಆಂಡ, ಕುಕ್ಕುಶುಂಠಿದ ಕಂಡೆನ್ ಅರೆತ್‌ದ್ ಲೇಪ ಮಲ್ತ್ ಪತ್ತಾಂಡ, ಕಿರುಂಬುನ ಕಡಮೆ ಆಪುಂಡು.
ಉಲ್ಲೇಕೊಲು ಸಂಪೊಲಿಪುಲೆ
- ↑ "Back to types! Towards stability of names in Indian Curcuma L. (Zingiberaceae)" (PDF). ibot.sav.sk. Jana Leong-Škorničková, Otakar Šída & Karol Marhold. Retrieved 31 July 2022.
- ↑ "ಮಾವಿನ ಶುಂಠಿ ವಿಶೇಷತೆಗಳು". ಸಂಪದ. By Ashwin Rao K P. Retrieved 31 July 2022.
- ↑ "ಮಾವಿನ ಶುಂಠಿ ವಿಶೇಷತೆಗಳು". ಸಂಪದ. By Ashwin Rao K P. Retrieved 31 July 2022.
- ↑ "Back to types! Towards stability of names in Indian Curcuma L. (Zingiberaceae)" (PDF). ibot.sav.sk. Jana Leong-Škorničková, Otakar Šída & Karol Marhold. Retrieved 31 July 2022.
- ↑ "Cytotoxic activity of the methanolic extract of leaves and rhizomes of Curcuma amada Roxb against breast cancer cell lines". pubmed.ncbi.nlm.nih.gov. National Library of Medicine. Retrieved 31 July 2022.