ಕೋಲಾಟ
ಕೋಲಾಟ ನಲಿಕೆ ಕರ್ನಾಟಕ ರಾಜ್ಯೊದ ಒಂಜಿ ಜನಪ್ರಿಯ ಜಾನಪದ ನಲಿಕೆ. ಐತಿಹಾಸಿಕ ದಾಖಲೆದ ಪ್ರಕಾರ ಈ ನಲಿಕೆ ಸುಮಾರ್ ಏಳನೇ ಶತಮಾನೊಡ್ದ್ ಬೈದ್ಂಡ್. ಇಂದು ಆಂಜೋವುಲು ನಲಿಪ್ಪುನ ಒಂಜಿ ನಲಿಕೆ ಆಂಡ ಇತ್ತೆ ಪೊಂಜೊವುಲುಲಾ ಈ ನಲಿಕೆನ್ ಮಲ್ಪುವೆರ್. ಬಾಯಿಡ್ ಪದ ಪಣೊಂದು ರಡ್ ಕೋಲುನು ಪತೊಂದು ನಲಿಪ್ಪುನ ಕೋಲಾಟದ ಕ್ರಮೊ. ಪತ್ತ್ ಇಜ್ಜಾಂಡ ಪದಿನಾಜಿ ಜನಕುಲ್ನ ತಂಡ ಕೋಲಾಟ ನಲಿಪ್ಪುವೆರ್.[೧]
ಕಲಾವಿದೆರೆನ ವೇಸ ಸಂಪೊಲಿಪುಲೆ
ಕೋಲಾಟ ನಲಿಪ್ಪುನ ಬಯಲು ಸೀಮೆದ ಕಲಾವಿದೆರ್ ಬೊಲ್ದು ಅಂಗಿ, ತರೆಕ್ ಬೊಕ್ಕ ಸೊಂಟೊಗು ಕುಂಟು ಕಟ್ ದ್ ಇಪ್ಪುವೆರ್. ಉತ್ತರ ಕರ್ನಾಟಕೊಡು ಗಟ್ಟಿ ಕಟ್ದಿನ ಕಚ್ಚೆ, ತರೆಕ್ ಟೊಪ್ಪಿ ಬೊಕ್ಕ ಸೊಂಟುಗು ಕುಂಟು ಕಟ್ಟುವೆರ್. ಕಾರ್ಡ್ ಗೆಜ್ಜೆಲಾ ಇಪ್ಪುಂಡು.[೨]
ವಾದ್ಯೊಲು ಸಂಪೊಲಿಪುಲೆ
ಕೋಲುದ ಪೆಟ್ ಗ್ ಸರಿಯಾದ ನಲಿಪ್ಪುನ ಕ್ರಮ ಕೋಲಾಟದ ಆಂಡ ಪದದೊಟ್ಟುಗು ಕೆಲವ್ ಕಡೆಟ್ ಮದ್ದಲೆ, ಡಪ್ಪು, ತಬಲಾ, ಢಕ್ಕೆ, ತಾಳ ಇಂಚಿತ್ತಿನ ವಾದ್ಯೊಲೆನ್ ಗಳಸುವೆರ್. ಕಲಾವಿದೆರ್ ಒರಿಯರ್ದೊರಿ ಕೋಲು ತಾಂಟಾವೊಂದು ಅಯಿತ್ತ ಪೆಟ್ ದ ಲೆಕೋನೆ ಪಜ್ಜ ದೀದ್ ಉಲಾಯಿ, ಪಿದಾಯಿ, ಸುತ್ತು ಬರ್ಪಿನ ನಲಿಕೆ ಮಲ್ಪುವೆರ್.
ಜಡೆ ಕೋಲಾಟ ಸಂಪೊಲಿಪುಲೆ
ಕೋಲಾಟ ನಲಿಕೆಡ್ ಜಡೆ ಕೋಲಾಟಲಾ ಒಂಜಿ ವಿಸೇಸೊ. ನಿರ್ದಿಷ್ಟವಾಯಿನ ಅಂತರೊಡು ರಡ್ ಮರತ್ತ ಕಂಬೊಲೆನ್ ದೀದ್ ಅಯ್ತ ಕೊಡಿಕ್ ಅಡ್ಡ ಮರನ್ ದೀಪೆರ್. ನೆಲಡ್ದ್ ಸುಮಾರ್ ಪದ್ರಾಡ್ ಅಡಿ ಎತ್ತರ ಇಪ್ಪುನ ಈ ಅಡ್ಡೊಗು ಕಲಾವಿದೆರೆನ ಸಂಖ್ಯೆದ ಆಧಾರೊದ ಮಿತ್ ಪದ್ರಾಡ್ ಇಜ್ಜಾಂಡ ಪದಿನಾಜಿ ಸೀರೆ ಇಜ್ಜಿಂಡ ಬಲ್ ಮಲ್ದ್ ಅಯಿಕ್ ಕಟ್ದ್ ತಿರ್ತ್ ಬುಡ್ಪೆರ್. ಈ ಬಲ್ ನ್ ಕಲಾವಿದೆರ್ ಅಕುಲ್ನ ಸೊಂಟೊಗು ಕಟ್ಟೊಂದು ಕೋಲುಡು ಗೊಬ್ಬೊಂದು ಗಂಟ್ ಪಾಡುವೆರ್. ಜಡೆತ್ತ ಲೆಕ ನೇಯ್ದ್, ಕುಡ ಅಯಿನ್ ಬುಡ್ಪಾವುನ ಕ್ರಮ ಉಂಡು. ಜಡೆ ನೇಯ್ನಗ ಚಾಮುಂಡಿನ ಮಿತ್ ಪದ ಬೊಕ , ಜಡೆ ಬಿಚ್ಚಾನಗ ಗೌರಿ ಪದಲೆನ್ ಪಣ್ಪುನ ಜಡೆ ಕೋಲಾಟದ ವಿಸೇಸ.
ಕೊರವಂಜಿ ಕೋಲಾಟ ಸಂಪೊಲಿಪುಲೆ
ಕರ್ನಾಟಕೊದ ಮಂಡ್ಯ ಜಿಲ್ಲೆಡ್ ವಿಸೇಸವಾದ್ ತೋಜಿದ್ ಬರ್ಪುನ ಕೋಲಾಟದ ನಲಿಕೆಗ್ ಕೊರವಂಜಿ ಕೋಲಾಟ ಪನ್ಪೆರ್ ಮೈಸೂರು, ಬೆಂಗಳೂರು, ಹಾಸನ, ತುಮಕೂರು, ಚಿತ್ರದುರ್ಗದ ಕಡೆಟ್ಲಾ ಈ ನಲಿಕೆ ಇಂಡು. ಪದ ಬೊಕ್ಕ ನಡುಟ್ಟೆ ಕೆಲವೊಂಜಿ ಪಾತೆರ ಅಂಚನೆ ಅಯಿತೊಟ್ಟುಗು ನಲಿಕೆ ಕೊರವಂಜಿ ಕೋಲಾಟದ ಕ್ರಮೊ. ಕೊರಮ(ಆಣುಲು) ಇಜ್ಜಿಂಡ ಕೊರವಂಜಿನಕುಲು(ಪೊಣ್ಣುಲು) ಈ ಕೋಲಾಟ ನಲಿಪ್ಪುವೆರ್.
ಕೋಲಾಟದ ಬಗೆಲು ಸಂಪೊಲಿಪುಲೆ
- ಸುತ್ಕೋಲು
- ದಾಟ್ಕೋಲು
- ತೂಗು ಕೋಲು
- ಬಿಚ್ಚು ಕೋಲು
- ಸಾಲು ಕೋಲು
- ಒಂದಾಳ್ ಸುತ್ತು
- ಎರಡಾಳ್ ಸುತ್ತು
- ಮೂರಾಳ್ ಸುತ್ತು
- ಆಳು ಕಂಡು ಆಳು
- ಮಲ್ಕಿನ ಕೋಲು
- ಮುರವಯ್ಯನ ಕೋಲು
- ಐದು ಚಿಟಗೆನ ಕೋಲು
- ಎರಡಾಳು ಜಗ್ಗು
- ಗೀಜಗನ ಕೋಲು
- ಹುಲಿದನವಿನ ಕೋಲು
- ಗೀರ್ ಕಡ್ಡಿ ಕೋಲು
- ಒಂಟಿಕೋಲು
- ತೆಕ್ಕೋಲು
- ವಸ್ತ್ರ ಕೋಲು
- ರಂಗೋಲಿ ಕೋಲು
- ಧಾಳಂಧುಳಿ
- ಒನಿಕೆ ಆಟ
- ಚಕ್ರದಾಟ
- ಎಡಚಂಟಿಗೆ
- ಏಳು ಚುಟಿಗಿ
- ಚೌದಾ ಚುಟುಗಿ
- ಪಂಚವದನ
- ಝಲಾ
- ತಾಳಕುಟ್ಟಿಗೆ
- ತಿಪ್ಪರಿ
- ಒಂಟಿ ಕಡ್ಡಿ
- ಆರ್ಕಡ್ಡಿ
- ಕಾಳ್ಗಡ್ಡಿ
- ತಟ್ಕಡ್ಡಿ
- ಓನಾಟು
- ಏಳು ಚುಟುಕಿ
- ಒಂಬತ್ತು ಚುಟಕಿ
- ಮೇರಿ ಕೋಲು
- ಗೋಪಿನ ಕೋಲು
- ಚಿತ್ತಾರ ಗೊಂಬೆ ಕೋಲು
- ಚಂಡಾಡುವ ಕೋಲು
- ಉಯ್ಯಾಲೆ ಕೋಲು
- ದಂಡೆ ಕೋಲು
- ಸೋಬಾನೆ ಕೋಲು
- ಹರುಗೋಲು
- ಚಕ್ಕೆ ಕೋಲು
- ಅಲವಣಿ ಕೋಲು
- ಉದ್ರಿ ಕೋಲು
- ಚಿನ್ನಾಡಿ ಕೋಲು
ಉಲ್ಲೇಕೊ ಸಂಪೊಲಿಪುಲೆ
- ↑ https://www.sobagu.in/%E0%B2%95%E0%B3%8B%E0%B2%B2%E0%B2%BE%E0%B2%9F/. Retrieved 7 February 2024.
{{cite web}}: Missing or empty|title=(help) - ↑ http://www.aayaama.com/ed12/-and-%233207%3B-and-%233240%3B-and-%233263%3B-and-%233236%3B-and-%233270%3B-and-%233240%3B-and-%233270%3B.php. Retrieved 7 February 2024.
{{cite web}}: Missing or empty|title=(help)