ಗಗನದೀಪ್ ಕಾಂಗ್

ರಾಯಲ್ ಸೊಸೈಟಿ ಲಂಡನ್‌ಗ್ ನೇಮಕ ಆಯಿನ ವಿಜ್ಞಾನಿ

ಗಗನ್‌ದೀಪ್ ಕಾಂಗ್ ೧೬೬೦ಕ್ ತಾಪನೆ ಆಯಿನ ಲಂಡನ್ ರಾಯಲ್ ಸೊಸೈಟಿಗ್ ನೇಮಕ ಆಯಿನ ವಿಜ್ಞಾನಿಯಾದುಲ್ಲೆರ್. ಮೆರನ ಈ ಸಾಧನೆ ಒಂಜಿ ಇತಿಹಾಸವಾದುಂಡು ದಾಯೆ ಪಂಡ ರೋಯಲ್ ಸೊಸೈಟ್‌ಗ್ ನೇಮಕ ಆಯಿನ ಭಾರತೊದ ಸುರುತ ಪೊಂಜೊವು ವಿಜ್ಞಾನಿ ಪನ್ಪಿ ಪುಗರ್ತೆ ಮೆರೆನವಾದುಂಡು. ೨೦೧೯ಡ್ ನೇಮಕ್ ಆಯಿನ ಪ್ರಪಂಚೊದ ೫೧ ವಿಜ್ಞಾನಿಲೆಡ್ 'ಗಗನ್‌ದೀಪ್ ಕಾಂಗ್‌ಲ(೫೬ವರ್ಷ) ಒರ್ತಿಯಾದುಲ್ಲೆರ್.[೧]

ಪೊಲಬು ಸಂಪೊಲಿಪುಲೆ

ಗಗನ್‌ದಿಪ್ ಕಾಂಗ್ ಫರಿದಾಬಾದ್‌ಡುಪ್ಪುನ ಟ್ರಾನ್ಸ್‌ಲೇಶನ್ ಹೆಲ್ತ್ ಸಯನ್ಸ್ ಎಂಡ್ ಟೆಕ್ನಾಲಜಿ ಇನ್‌ಸ್ಟಿಟ್ಯೂಟ್‌ಡ್ ಕಾರ್ಯನಿರ್ವಾಹಕ ನಿರ್ದೇಶಕೆರಾದ್ ಬೇಲೆ ಬೆಂದೊಂದುಲ್ಲೆರ್.ಇತ್ತೆ ೩೫೯ ವರ್ಷ ಪಿರಾಕ್‌ದ ಸೈಂಟಿಪಿಕ್ ಆಕಾಡೆಮಿಯಾಯಿನ ರಾಯಲ್ ಸೊಸೈಟಿ ಲಂಡನ್‌ದ ಫೆಲೊ ಆದ್ ನೇಮಕ ಆಯಿನ ಮೆರೆನ ಮಹತ್ ಸಾಧನೆ[೨]

ಸಾಧನೆ ಸಂಪೊಲಿಪುಲೆ

  • ತಮಿಳುನಾಡ್ದ ವೆಲ್ಲೂರು ಮೂಲದ ಗಗನದೀಪ್‌ ಕಾಂಗ್‌ ವೆಲ್ಲೂರುದ ಕ್ರಿಶ್ಚಿಯನ್‌ ಮೆಡಿಕಲ್‌ ಕಾಲೇಜ್‌ಡ್ ಜಠರ-ಕರುಳು ಸಂಬಂಧಿ ವಿಜ್ಞಾನಿಲೆನ ವಿಭಾಗೊದ ಪ್ರೊಫೆಸರ್‌ ಆದಿತ್ತೆರ್. ಪ್ರಸಕ್ತ ಭಾರತೊ ಸರಕಾರದ ಸ್ವಾಯತ್ತ ಜೈವಿಕ ತಂತ್ರಜ್ಞಾನ ಇಲಾಖೆದ ಪರಿವರ್ತನೀಯ ಆರೋಗ್ಯ ವಿಜ್ಞಾನಿ ಬೊಕ್ಕ ತಂತ್ರಜ್ಞಾನ ಸಂಸ್ಥೆದ ಕಾರ್ಯಕಾರಿ ನಿರ್ದೇಶಕರಾದುಲ್ಲೆರ್.
  • ಜೊಕುಲೆಡ ಹೆಚ್ಚೊಂದುಪ್ಪುನ ವೈರಲ್‌ ಸೋಂಕು ಬೊಕ್ಕ ಅವೆತ ತಡೆಕ್ ಬೋಡಾತಿನ ರೋಟಾ ವೈರಲ್‌ ಲಸಿಕೆದ ಪರೀಕ್ಷೆಡ್ ದುಂಬಾದ್ ಉಪ್ಪುನಾರ್ ಗಗನದೀಪ್‌. ಜೋಕುಲೆಗ್ ಕಿನ್ಯ ಪ್ರಾಯೊಡೆ ಕರ್ಲ್ ಸೋಂಕಾಪಿನಿ ಆವೆತ ತೊಂದರೆಲು, ಹಾಳ್ ನೀರ್‌ದ ಪರಿಣಾಮೊಲೆನ ಬಗ್ಗೆ ಅಧ್ಯಯನ ಮಲ್ಪುನೆದೊಟ್ಟುಗು, ತಂಕುಲೆನ ಜ್ಞಾನೊನು ಪೂರಾ ಕಾಯಿಲೆ ನಿವಾರಣೆ ಮಲ್ಪುನೆದ ಬಗ್ಗೆಕ್ ಉಪುಯೋಗ ಮಲ್ತೆರ್
  • ಗಗನದೀಪ್‌ ಅರೆನ ಸಾಧನೆದ ಕಾಲಘಟ್ಟ ಮುಖ್ಯವಾದುಂಡು. 1987ಡ್ ಎಂಬಿಬಿಎಸ್‌, 1991ಡ್ ಎಂ.ಡಿ ಮಲ್ತಿನ ಆರ್ ರಾಯಲ್‌ ಕಾಲೇಜು ಬೊಕ್ಕ ಹ್ಯೂಸ್ಟನ್‌ನ ಬೇಯ್ಲರ್‌ ಕಾಲೇಜ್‌ಡ್ ಉನ್ನತ ಅಧ್ಯಯನ ಮಲ್ತೆರ್ ಆಂಡಲ ಕುಡ ಬತ್ತ್‌ದ್ ಸೇರಿನಿ ಆರ್ ಕಲ್ತಿನ ವೆಲ್ಲೂರುದ ಕ್ರಿಶ್ಚಿಯನ್‌ ಮೆಡಿಕಲ್‌ ಕಾಲೇಜ್‌ಗ್.
  • 1990ನ ಅವಧಿಡ್ ಭಾರತೊದ ಮಾಮಲ್ಲ ರೋಗವಾದಿತ್ತಿನ ವಾಂತಿ-ಭೇದಿ ಅರೆನ ಅಧ್ಯಯನದ ಪ್ರಮುಖ ವಸ್ತುವಾದಿತ್ತ್ಂಡ್ ಅವೆಟ್‌ಲ ಕರುಳು ಸಂಬಂಧಿ ರೋಗೊಲು, ಜೋಕುಲೆಡ ಪೋಷಕಾಂಶದ ಕೊರತೆ, ಕರುಳು ಸಂಬಂಧಿ ರೋಗೊಲೆಗ್ ಲಸಿಕೆ ನಾಡುನ ಪ್ರಯತ್ನದ ಒಟ್ಟುಗು ಉಂದೊಂಜಿ ದೇಶದ ನೀತಿ ಆವೊಡು ಪಂದ್ ಪ್ರತಿಪಾದಿಸದೆರ್
  • ಕಕ್ಕುನ ಉರ್ಚುನ ಕಾರಣ ಆಪಿನ ರೋಟಾ ವೈರಸ್‌ದ ವಂಶವಾಹಿ ಭಿನ್ನತೆಲು, ಅವೆಡ್ದ್ ರಕ್ಷಣೆ ಪಡೆಪಿನ ಬಗ್ಗೆ 300ಡ್ದ್ ಜಾಸ್ತಿ ಸಂಶೋಧನಾತ್ಮಕ ಪ್ರಬಂಧೊಲೆನ್ ಪ್ರಕಟಿಸದೆರ್. ಉಂದೆ ಕಾರಣೊಗು ಆರೆಗ್ ಲಸಿಕೆ ಪಾಡುನೆಗ್ ಸಂಬಂಧಿಸಯಿನ ರಾಷ್ಟ್ರೀಯ ತಾಂತ್ರಿಕ ಸಲಹಾ ಸಮಿತಿಗ್ ಪ್ರವೇಶ ತಿಕ್ಕ್ಂಡ್. ವಿಶ್ವ ಆರೋಗ್ಯ ಸಂಸ್ಥೆಲ ಅರೆನ ಜ್ಞಾನೊನು ಜಾಗತಿಕ ಮಟ್ಟೊಗು ಅನ್ವಯ ಆಪಿಲೆಕ್ಕ ಮಲ್ಪೊಡು ಪನ್ಪುನ ನಿರ್ಧಾರ ಮಲ್ತ್ಂಡ್. ಇತ್ತೆ ಆರ್ ವಿಶ್ವಸಂಸ್ಥೆದ ಪ್ರಾದೇಶಿಕ ಲಸಿಕಾ ತಾಂತ್ರಿಕ ಸಲಹಾ ತಂಡದ ಮುಖ್ಯಸ್ಥೆ.

ಸಾಧನೆ ಬೊಕ್ಕ ಪ್ರಶಸ್ತಿಲು ಸಂಪೊಲಿಪುಲೆ

  • ೨೦೦೬ಡ್ ವುಮೆನ್ ಬಯೊಸೈಂಟಿಸ್ಟ್
  • ೨೦೦೮ಡ್ ಫೆಲೊ, ರಾಯಲ್ ಕಾಲೇಜ್ ಆಫ್ ಪೆತೋಲೋಜಿಸ್ಟ್,ಲಂಡನ್
  • ೨೦೦೯ಡ್ ಅಬೋಟ್ ಒರೇಶನ್ ಅವಾರ್ಡ್, ಇಂಡಿಯನ್ ಸೊಸೈಟ್ ಫಾರ್ ಗ್ಯಾಸ್ಟೊಇನ್ಟ್ರೋಲಜಿ
  • ೨೦೧೦ಡ್ ಫೆಲೊ,ಅಮೇರಿಕನ್ ಅಕಾಡೆಮಿ ಆಫ್ ಮೈಕ್ರೊ ಬಯೋಲಜಿ
  • ೨೦೧೧ಡ್ ಫೆಲೊ,ಇಂಡಿಯನ್ ಅಕಾಡೆಮಿ ಆಫ್ ಸಯನ್ಸ್
  • ೨೦೧೧ಡ್ ಡಾ.ವೈ ಯಸ್ ನಾರಾಯಾಣ ರಾವ್ ಒರೇಶನ್ ಅವಾರ್ಡ್, ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್
  • ೨೦೧೩ಡ್ ಫೆಲೊ,ನ್ಯಾಶನಲ್ ಅಕಾಡೆಮಿ ಆಫ್ ಸಯನ್ಸ್
  • ೨೦೧೪ಡ್ ರಾನ್‌ಬಾಕ್ಸಿ ರಿಸರ್ಚ್ ಅವಾರ್ಡ್ ೨೦೧೩ ಫಾರ್ ಮೆಡಿಕಲ್ ರಿಸರ್ಚ್
  • ೨೦೧೫ಡ್ ಡಾ. ಯಸ್ ಸಿ ಪರಿಜ ಒರೇಶನ್ ಅವಾರ್ಡ್, ಇಂಡಿಯನ್ ಅಕಾಡೆಮಿ ಆಫ್ ಟ್ರೋಫಿಕಲ್ ಪ್ಯಾರಸಿಟೊಲೊಜಿ
  • ೨೦೧೬ಡ್ ಫೆಲೊ,ಇಂಡಿಯನ್ ನ್ಯಾಶನಲ್ ಸಯನ್ಸ್ ಅಕಾಡೆಮಿ

ಉಲ್ಲೇಕೊಲು ಸಂಪೊಲಿಪುಲೆ

  1. "Archive copy". Archived from the original on 2019-04-22. Retrieved 2019-04-25.{{cite web}}: CS1 maint: archived copy as title (link)
  2. https://www.hic-vac.org/members/members-profiles/professor-gagandeep-k