ಗುಜ್ಜೆಗೂಂಜಿ ಚಟ್ನಿ

ದುಂಬುದ ಕಾಲೊಡು ಆಟಿ ತಿಂಗೊಲುಡು ದಿರಿಕೂಟ ಬರ್ಸೊಗು ತಿನಿಯೆರೆ ಬಂಙದ ಕಾಲೊ.ಉಪ್ಪುಡು ಪಾಡ್ದ್ ದೀನ ಗುಜ್ಜೆಗೂಂಜಿದ ಚಟ್ನಿ ಮಲ್ತೊಂದಿತ್ತೆರ್ . ಗುಜ್ಜೆಗೂಂಜಿ ಚಟ್ನಿ ಪಂಡ ಪೆಲಕಾಯಿದ ಎಲ್ಯ ಗೂಂಜಿಡ್ ಮಲ್ತಿನ ಚಟ್ನಿ .

ಇತಿಹಾಸ

ದುಂಬುದಕುಲು ಪೆಲಕಾಯಿ ತಿಂದ್ದ್ ಬೊಕ್ಕ ಒರಿನ ಗೂಂಜಿನ್ ದಕ್ಕುನ ಬದಲ್ ಭರಣಿಡ್ ಕುದಿಯದ್ ತಣಿತ್‌ನ ಉಪ್ಪು ನೀರ್ಡ್ ಪಾಡ್‌ದ್ ದೀದ್ ಒಂತೆ ದಿನ ಕಡಿದ್ ಪಂಡ ಮರಿಲಲೊಡು ಆಟಿದ ಬರಗಾಲದ ಪೊರ್ತುಡು ತಿನೊಂದಿತ್ತೆರ್ ಅವೆನ್ ಚಟ್ನಿ ಮಲ್ತ್ ದ್ ತಿನ್ನರೆ ಎಡ್ಡೆ ಆಪುಂಡು. ಉಂದು ಗಂಜಿ ದೊಟ್ಟು ತಿನರೆ ಬಾರಿ ಲಾಯ್ಕ್ ಆಪುಂಡು. ಮರಿಯಾಲದ ಸಮಯೊಡು ಹೆಚ್ಚಾದ್ ಮಲ್ಪುವೆರ್ ಬೋಡಾಪಿನ ಮಸಾಲೆ ವಸ್ತುಲು ಕುಮ್ಟೆ ಮುಂಚಿ, ತಾರಾಯಿದ ಪಿರೆ, ಪುಳಿ, ಉಪ್ಪು, ಶುಂಠಿ, ಗುಜ್ಜೆದ ಗೂಂಜ, ದಾಸೆಮಿ, ಬೇಸೊಪ್ಪು,

ಮಲ್ಪುನ ವಿಧಾನೊ

ಗುಜ್ಜೆ ಗೂಂಜಿನ್ ಉಪ್ಪು ನೀರ್ಡ್ಡ್ ದೆತ್ತ್‌ದ್ ಚೂರು ಪೊರ್ತು ಉಪ್ಪು ಬುಡ್ಪುನೇಟ ಬೊದ್ಲೆರೆ ಪಾಡ್ದ್ ಬೊಕ್ಕ ತುಂಡು ಮಲ್ತ್ ದೀವೊವೊಡು ಬೊಕ್ಕ್ಬಾ ದಿಕ್ಕೆಲ್‌ಡ್ ಬಣಲೆ ದೀದ್ ಚೂರು ಎಣ್ಣೆ ಪಾಡ್ದ್ ಲುಂಗೆಲ್ ಮುಣ್ಚಿ , ಸಾಸಿಮಿನ್ ಪೊಗ್ಪೊಡು ಅಯಿಕ್ ತಾರಾಯಿದ ಪಿರೆ ಪುಳಿ ಉಪ್ಪು ಶುಂಠಿ ಸೇರಾದ್ ಸಣ್ಣ ಕಡೆವೊಡು ಸಣ್ಣ ತುಂಡು ಮಲ್ತ್ ದೀನ ಗೂಂಜಿನ್ ಸೇರಾದ್ ಸೌಟಡ್ ಪುರುಂಚೊಡು.ಅವೆಡ್ದ್ ಬೊಕ್ಕ ಬೇಸೊಪ್ಪುದ ಒಗ್ಗರಣೆ ಕೊರೊಡು. ಗೂಂಜಿ ಚಟ್ನಿಗ್ ಲುಂಗೆಲ್ ಮುಣ್ಚಿದ ಬದಲ್ ಪಜಿ ಮುಣ್ಚಿಲ ಉಪಯೋಗ ಮಲ್ಪೊಲಿ .ಚಟ್ನಿ ಕಡೆನಗ ಸಾಸಿಮಿ ಬೋಡಾಂಡ ಮಾತ್ರ ಉಪಯೋಗ ಮಲ್ಪೊಲಿ .ಒಗ್ಗರಣೆಗ್ ಮಾತ್ರ ಉಪಯೋಗ ಮಲ್ತ್ಂಡಲ ಯಾವುಂಡು