ವಿಕಿಪೀಡಿಯ

ಚಾರುಲತಾ

ರವೀಂದ್ರನಾಥ ಟ್ಯಾಗೋರ್ ಅರೆನ "ನಾಸ್ತನಿರ್ಹ್ " ಕಾದಂಬರಿ ಆಧಾರಿತವಾಯಿನ ಈ ಚಿತ್ರೊ ಸೌಮಿತ್ರ ಚ್ಯಾಟಾರ್ಜಿ, ಮಾಧವಿ ಮುಖರ್ಜಿ ಬೊಕ್ಕ ಸೈಲೆನ್ ಮುಖರ್ಜಿ ನಟನೆ ಮಂದೇರ್. ಈ ಚಲನಚಿತ್ರನ್ ಸತ್ಯಜಿತ್ ರೆ ಅರೆನ ಅತೀ ಉತ್ತಮ ವಾಯಿನ ಕೃತಿಲೆಡ್ ಒಂಜಿ ಪಂದ್ ಪರಿಗಣಿಸಲಾತುಂಡು.ಸುರುತ ಬೊಕ್ಕ ಕಡೆತ ರಡ್ಡ್ ದೃಶ್ಯೊಲುಲ ವಿಮರ್ಶಾತ್ಮಕವಾದ್ ಮಸ್ತ್ ಮೆಚ್ಚುಗೆ ಪಡೆದುಂಡು. ಮಸ್ತ್ ದಾಲಾ ಒವ್ವೆ ಸಂಭಾಷಣೆ ಉಪ್ಪಂದೆ ಸುರುತ ದೃಶ್ಯೊ ಚಾರುಲತಾ ಅರೆನ ಒಂಟಿತನೊನು ಬೊಕ್ಕ ದೂರದರ್ಶಕದೊ ಮೂಲಕ ಆಲ್ ಪಿದಾಯಿದ ಜಗತ್ತನ್ ಎಂಚ ತೂಪಲ್ ಪನ್ಪಿನೆನ್ ತೋಜಾದುಂಡು.ಕಡೆತ ದೃಶ್ಯೊಡು ಚಾರುಲತಾ ಬೊಕ್ಕ ಅಲೆನ ಕಂಡನಿ ಕೈತಲ್ ಬತ್ತು ಕೈ ಪತ್ತರೆ ಪೋನಗ , ಪರದೆ ಅಡೆಗೇ ಮರಗಟ್ಟುಂಡು(ಫ್ರೀಜ್ ). ಸಿನೆಮಾಡೆಲು ಫ್ರೀಜ್ ಫ್ರೇಮ್ ದ ಸುಂದರವಾಯಿನ ಬಳಕೆ ಉಂದು ಪಂದ್ ವಿವರಿಸುದು೦ಡು. [೧]

ಕಥೆತ ವಸ್ತು ಸಂಪೊಲಿಪುಲೆ

ಚಾರುಲತಾ 1879ಡ್ ಕೊಲ್ಕತ್ತಾಡು ನಡೆತಿನ ರವೀಂದ್ರನಾಥ ಟ್ಯಾಗೋರ್ ಅರೆನ "ನಾಸ್ತನಿರ್ಹ್ (ದಿ ಬ್ರೋಕನ್ ನೆಸ್ಟ್) " ಕಥೆನ್ ಆಧಾರಿಸಿದುಂಡು.ಆದಗ ಬಂಗಾಳಿ ನವೋದಯದ ಉತ್ತುಂಗೊಡು ಇತ್ತುಂಡು ಬೊಕ್ಕ ಭಾರತೊ ದೇಶ ಬ್ರಿಟಿಷೆರ್ನ ಆಡಳಿತೊಡು ಇತ್ತುಂಡು.ಈ ಚಿತ್ರೊವ ಭೂಪತಿ ಪನ್ಪಿನ ಒರಿ ಬುದ್ಧಿವಂತೆ ಬೊಕ್ಕ ಅರೆನ ಪೊರ್ಲುದ ಬೊಡೆದಿ ಚಾರುಲತಾನ ಸುತ್ತ ಸುತ್ತುಂಡು.ಭೂಪತಿ ರಾಜಕೀಯೊ ಬೊಕ್ಕ ಸ್ವಾತಂತ್ರ್ಯೊ ಚಳವಳಿಡ್ ತೀವ್ರ ಆಸಕ್ತಿನ್ ಹೊಂದುದಿನ ಮೇಲ್ವರ್ಗದ ಬಂಗಾಳಿದ ಬುದ್ಧಿಜೀವಿ. ಆರ್ ರಾಜಕೀಯ ಪತ್ರಿಕೆ ಒಂಜೆನ್ ಸಂಪಾದಿಸುವೊಂದು ಬೊಕ್ಕ ಪ್ರಕಟಿಸಾವೊಂದು ಉಪ್ಪುವೆರ್.ಚಾರುಲತಾಗ್ ಕಲೆ, ಸಾಹಿತ್ಯೊ ಬೊಕ್ಕ ಕವಿತೆಡು ಮಸ್ತ್ ಆಸಕ್ತಿ. ಭೂಪತಿ ಬೊಡೆದಿನ್ ಮಸ್ತ್ ಮೋಕೆ ಮಂತುಂಡಲಾ, ಅರೆಗ್ ಚಾರುಲತಾ ಗ್ ಸಮಯ ಉಪ್ಪು ಜಿ. ಕೆಲಸದಕುಲೆನ ತಂಡನೇ ಉಪ್ಪುನ ಆ‌ ಇಲ್ಲಡ್ ಆಲೆಗ್ ಮನ್ಪರೆ ದಾಲಾ ಕೆಲಸ ಉಪ್ಪುಜಿ.ಆಲೆನ ಬೇಸರೊನು ಗೊತ್ತಾದು ಭೂಪತಿ, ಚಾರುಲತಾನ ಮಲ್ಲ ಪಲಯೆ ಉಮಾಪಾದ ಬೊಕ್ಕ ಅಯೆನ ಬೊಡೆದಿ ಮಂದಾರನ್ಲ ಅಕಲ್ನೊಟ್ಟಿಗ್ ಇಲ್ಲಡ್ ಉಂತರೆ ಲೆಪ್ಪು ಕೊರ್ಪೆರ್.ಉಮಾಪಾದ ನಿಯತಕಾಲಿಕೆ ಬೊಕ್ಕ ಮುದ್ರಣಾಲಯೊನು ನಡಪರೆ ಸಹಾಯ ಮನ್ಪುವೆರ್. ಮಂದಾರನ ಅವಿವೇಕದ ಬೊಕ್ಕ ಒರಟಾಯಿನ ಮಾರ್ಗೊಡುದು, ಸೂಕ್ಷ್ಮ ಬೊಕ್ಕ ಬುದ್ಧಿವಂತ ಚಾರುಲತಾಗ್ ಎಡ್ಡೆ ಒಡನಾಡಿ ಆಪುಜಾಲ್. ಭೂಪತಿ‌ನ್ ಅರೆನ ಎಲ್ಯ ಸೋದರ ಸಂಬಂಧಿ ಅಮಲ್ (ಸೌಮಿತ್ರ ಚ್ಯಾಟರ್ಜಿ) ತಿಕ್ಕರೆ ಬರ್ಪೆರ್. ಆರ್ ಚಾರುಲತಾನ ಸಾಂಸ್ಕೃತಿಕ ಆಸಕ್ತಿನ್ ತೂದು ಅರ್ಥ ಮಂತುದು, ಅಲೆನ್ ಪ್ರೋತ್ಸಾಹ‌ ಮನ್ಪುಲೆ ಪಂದ್ ಭೂಪತಿನ್ ಕೇನುವೆರ್.ಅಮಲ್ ಪ್ರಾಯೊಡು ಎಲ್ಯ ಬೊಕ್ಕ ಪೊರ್ಲ ಕಂಟುದ ಜವನೆ, ಚಾರುಲತಾನನೇ ಪ್ರಾಯೊ ಆದುಪ್ಪು. ಅಯೆಗ್ ಸಾಹಿತ್ಯೊದ ಬಗ್ಗೆ ಮಹತ್ವಾಕಾಂಕ್ಷೆ ಬೊಕ್ಕ ಕವಿತೆಡ್ ಅಯೆನ ಆಸಕ್ತಿನ್ ಪುಟ್ಟೊಂದು ಇತ್ತ್ಂಡ್.ಆಯೆ ಆಲೆಗ್ ಅಗತ್ಯವಾಯಿನ ಬೌದ್ಧಿಕ ಒಡನಾಟ ಬೊಕ್ಕ ಗಮನೊನು ಕೊರೊಂದು ಇತ್ತೆರ್. ಅಂಚ, ಚಾರುಲತಾ ಬೊಕ್ಕ ಅಮಲ್ ನಾ ನಡುಟು ನಿಕಟ ಬೊಕ್ಕ ಕೀಟಲೆ ಮನ್ಪುನ ಸ್ನೇಹ ಬೆಳೆಯುಂಡು. ಆಲ್ ನಿಷೇಧ ಮಂದಿನ ಕವಿತೆಯೊಂಜೆನ್ ಆಯೆ ಪ್ರಕಟಿಸಾವೆ, ಬೊಕ್ಕ ಆಯೆಗ್ ಗೊತ್ತಾವಂದೆ ಲೆಕ್ಕ, ಆಲ್ ಅಲ್ನನೇ ಆಯಿನ ಎಲ್ಯ ಕಥೆಲೆನು ಪ್ರಕಟಿಸಾನಗ, ಅಲ್ಪ ದಾದಾನ ಒಂಜಿ ವೈರತ್ವೊದ ಸುಳಿನ್ ಕೊರ್ಪುಂಡು.ಚಾರುಲತಾ ಎನನ್ ಪ್ರೀತಿಸಾವೊಂದು ಉಲ್ಲಲ್ ಪಂದ್ ಅಯೆಗ್ ತೆರಿಯುಂಡು, ಆಂಡಾ, ಉಂದೆಟ್ ಉಪ್ಪುನ ಅಪರಾಧದೊಡ್ದು ಆಯೆ ಪ್ರತಿಯಾದ್ ಗೊತ್ತಾವಂದಿ ಲೆಕ್ಕ ವರ್ತಿಸರೆ ತೂಪೆ.ಈ ನಡುಟು, ಚಾರುಲತಾಳನ ಪಲಯೇ ಬೊಕ್ಕ ಅತ್ತಿಗೆ ಭೂಪತಿನ ಪಣವುನು ಪತ್ತೊಂದು ಬಲ್ಪುವೇರ್. ಉಂದು ಭೂಪತಿನ ಪತ್ರಿಕೆ ಮಾಧ್ಯಮನ್ ನಾಶ ಮನ್ಪುಂಡು.ಈ ಪ್ರಸಂಗ ಭೂಪತಿನ್ ಛಿದ್ರ ಛಿದ್ರ ಮನ್ಪುಂಡು, ಇತ್ತೆ ಯಾನ್ ನಂಬರೆ ಅರ್ಹ ಉಪ್ಪುನ ಒರಿಯೇ ಒರಿ ವ್ಯಕ್ತಿ ಪಂಡ ಅವು ಅಮಲ್ ಪಂದ್ ಎನ್ನುದು ತನ್ನ ಬೇನೆನ್ ಅಮಲ್ ನೊಟ್ಟು ಪಟ್ಟು ವೆರ್ ಭೂಪತಿ.ಅಂಚಾ, ತನ್ನ ಸೋದರ ಸಂಬಂಧಿಗ್ ದ್ರೋಹ ಬಗೆಯಿನ ಅಪರಾಧೊಡು ಅಮಲ್ ಪಿರ ಬರ್ಪೆ.ತನ್ನನ್ ಪೋಷಿಸರೆ ಸಹಾಯೊ ಮಂದಿನ ಚಾರುಲತಾನ ಎಡ್ಡೆ ಬುದ್ಧಿಶಕ್ತಿದ ಬಗ್ಗೆಲಾ ಆರೆಗ್ ಅಸಮಾಧಾನವುಂಡು. ಆಯೆ ಭೂಪತಿಗ್ ಲೇಖನ ಒಂಜಿ ಬರೆದು ಅಕಲೆನ್ ಬುಡ್ದು ಪೋಪೆ, ದುಂಬುಗು ಚಾರುಲತಾ ಬರೆಪುನೇನ್ ಉಂತಾವುನೆನ್ ನಿಷೇಧ ಮಂತು ಪೋಪೆರ್ ಅಮಲ್.ಚಾರುಲತಾಗ್ ಮಸ್ತ್ ದುಃಖೊ ಆಂಡಾಲ. ತನ್ನ ನಿರಾಶೆನ್ ಮರೆಮಾಜವಾಳ್ . ಭೂಪತಿ ಆಕಸ್ಮಿಕವಾದ್ ತನ್ನ ಕೋಣೆಗ್ ಪೊಗ್ಗುನಗ, ಚಾರುಲತಾ ಅಮಲ್ ಗಾದ್ ಬುಲ್ಪುನೇನ್ ತೂಪೆರ್ . ಅದಾಗ ಅಮಲ್ ನಾ ಬಗ್ಗೆ ಚಾರುಲತಾ ಗ್ ದಾದಾ ಭಾವನೆ ಉಂಡು ಪಂದ್ ಭೂಪತಿ ಅರ್ಥ ಮನ್ಪುವೆರ್. ಅಡೆಗೇ ಆರ್ ಆಘಾತ ಬೊಕ್ಕ ದಿಗ್ಭ್ರಮೆ ಆಪು೦ಡು.ಬೊಕ್ಕ ಗಾಡಿ ಪತ್ತೊಂದು ಪೊಕ್ಕಡೆ ಅಡೆಗ್ ಇಡೆಗ್ ತಿರ್ಗುದು ಪಿರ ಚಾರುಲತಾನಡೆ ಬರ್ಪೆರ್. ಅದಾಗ ರಡ್ಡು ಜನಲ ಕೈ ಪತ್ತರೆ ಎದುರು ಎದುರು ಬರ್ಪೇರ್ ಅಡೇಗೆ ಅಲ್ಪ ಫ಼್ರೀಜ಼್ (Freez) ಆದ್ ತಾತ್ಕಾಲಿಕ ಸನ್ನೆಡ್ ಕಥೆ ಮುಗಿಯುಂಡು

ಪಾತ್ರೊಲು ಸಂಪೊಲಿಪುಲೆ

ಮಾಧವಿ ಮುಖರ್ಜಿ-ಚಾರುಲತಾ

ಸೌಮಿತ್ರ ಚಟರ್ಜಿ-ಅಮಲ್

ಶೈಲೆನ್ ಮುಖರ್ಜಿ-ಭೂಪತಿ ದತ್ತಾ

ಶ್ಯಾಮಲ್ ಘೋಷಾಲ್-ಉಮಾಪದ

ಗೀತಾಲಿ ರಾಯ್-ಮಂಡಾ

ಭೋಲನಾಥ್ ಕೋಯಲ್-ಬ್ರಜಾ

ಸುಕು ಮುಖರ್ಜಿ-ನಿಶಿಕಾಂತ

ದಿಲೀಪ್ ಬೋಸ್-ಶಶಾಂಕ

ಜಾಯೆದ್-ನಿಲೋತ್ಪಾಲ್ ಡೇ

ಬಂಕಿಮ್ ಘೋಷ್-ಜಗನ್ನಾಥ್

ಉತ್ಪಾದನೆ ಸಂಪೊಲಿಪುಲೆ

ಚಾರುಲತಾ ಚಿತ್ರೊ ಬಂಗಾಳಿ ಲೇಖಕೆರಾಯಿನ ರವೀಂದ್ರನಾಥ ಟ್ಯಾಗೋರ್ ಅರೆನ 1901ದ ಕಾದಂಬರಿ ನಾಸ್ತನಿರ್ (ದಿ ಬ್ರೋಕನ್ ನೆಸ್ಟ್) ನ್ ಆಧಾರಿಸುದುಂಡು. "ಉಂದು ಪಾಶ್ಚಿಮಾತ್ಯ ಗುಣಮಟ್ಟನ್ ಹೊಂದುದುಂಡು ಬೊಕ್ಕ ಚಲನಚಿತ್ರ ಆ ಗುಣಮಟ್ಟನ್ ಸ್ಪಷ್ಟವಾದ್ ಪಟ್ಟುದುಂಡು.ಅಯಿಕಾತ್ರ ಯಾನ್ ಮೊಜಾರ್ಟ್ ದ ಬಗ್ಗೆ ಚಾರುಲಾತಾಗ್ ಸಂಬಂಧಿಸಿಲೆಕ್ಕ ಅವೇತೊ ಮಾನ್ಯವಾಗದ್ ಪಾತೆರ್ವೇ.ಅಂಚಾದ್ ಯಾನ್ ಈ ಕಾದಂಬರಿನ್ ಮಸ್ತ್ ಇಷ್ಟ ಪಡ್ದೆ" ಪಂದ್ ರೇ ಪಂದ್ ಇತ್ತೆರ್ .[೨] ಸತ್ಯಜಿತ್ ರೆ 1901 ತ ಬದಲ್ 1897 ಕ್ ಚಾರುಲತಾ ಚಲನಚಿತ್ರೊನ್ ಹೊಂದಿಸರೆ ನಿರ್ಧಾರ ಮಂತು ಇತ್ತೆರ್ ರೇ. ಐತಿಹಾಸಿಕ ಹಿನ್ನೆಲೆ ಹೊಂದುದಿನ ವಿಷಯೊನ್ ಸಂಶೋಧಿಸಾರೆ ಅವೆತೋ ತಿಂಗೊಲು ಕರಿದು ಇತ್ತುಂಡು. [೩] ವೃತ್ತಿಜೀವನೊಡು ಸುರುತ ಬಾರಿಗ್ ಆರ್ ಪೂರ್ವ ನಿರ್ಮಾಣೊದ ಸಮಯೊಡು ಬೊಕ್ಕ ಚಿತ್ರೀಕರಣೊದ ಸಮಯೊಡು ಮಸ್ತ್ ಕೆಲೊಸ ಮಂದೆರ್. ರೇ , ಕಲಾ ನಿರ್ದೇಶಕ ಬನ್ಸಿ ಚಂದ್ರಗುಪ್ತ ಅರೆನೊಟ್ಟು ನಿಕಟವಾದ್ ಕೆಲಸ ಮಂದೆರ್ ಬೊಕ್ಕ ಒವ್ವೇ ಆಂತರಿಕ ದೃಶ್ಯೊನು ಸ್ಥಳೊಟು ಚಿತ್ರೀಕರಣ ಮಂದುಜೆರ್. 1880ತ ದಶಕೊಡು ಭಾರತನ್ ನಿಖರವಾದ್ ಚಿತ್ರಿಸರೆ ಪೂರಾ ಸೆಟ್ ಲೆನ್ ನಿರ್ಮಾಣ ‌ಮಂದು ಇತ್ತೆರ್. [೪] ಒರ ಚಾರುಲತಾ ಚಿತ್ರೊನು ಅರೆನ ಚಲನಚಿತ್ರೊಲೆಡ್ ಮಸ್ತ್ ಇಷ್ಟದ ಚಿತ್ರ ಪಂದ್ ಪಂದುಲಾ ಇತ್ತೆರ್.

ಆಮಿ ಚಿನಿ ಗೋ ಚಿನಿ ತೋಮರೆ ಸಂಪೊಲಿಪುಲೆ

ಕಿಶೋರ್ ಕುಮಾರ್ ಪದ್ಯ ಪಂತಿನ "ಆಮಿ ಚಿನಿ ಗೋ ಚಿನಿ ತೋಮರೆ" ಪನ್ಪಿನ ರವೀಂದ್ರಸಂಗೀತ ಆರ್ ಪದ್ಯ ಪಂತಿನ ಸುರುತ ರವೀಂದ್ರಸಂಗೀತ. ಧ್ವನಿಮುದ್ರಣೊನು ಕೊಲ್ಕತ್ತಾಡ್ ಮನ್ಪುನೆನ್ ಹೆಚ್ಚಾದ್ ಬೊಂಬೆಡ್ ಮಂದೆರ್. ಕಿಶೋರ್ ಕುಮಾರ್ ,ಚಾರುಲತಾ ಬೊಕ್ಕ 1984ಡ್ ಬಿಡುಗಡೆ ಆಯಿನ ರೇ ಅರೆನ ಕುಡೊಂಜಿ ಚಿತ್ರ ಘರೆ ಬೈರೆ ರಡ್ಡೆಕ್ಲಾ ಒವ್ವೆ ಕಾಸುನು ದೆತ್ತೊಂದುಜೆರ್.

ಚಲನಚಿತ್ರೋತ್ಸವೊಡು ಸಂಪೊಲಿಪುಲೆ

ಟೊಮ್ಯಾಟೋಸ್ನಡ್ ಭಾರತದ ಚಲನಚಿತ್ರ ಒಂಜೆಕ್ ರೇಟಿಂಗ್ ಡ್ ಚಾರುಲತಾ, ಸರಾಸರಿ 9.2/10 ರೇಟಿಂಗ್ ತಿಕ್ಕುದಿತ್ತುಂಡು .ಈ ಚಲನಚಿತ್ರನ್ ಭಾರತೀಯ ಚಿತ್ರರಂಗದ ಇತಿಹಾಸೊಡೇ ನಿರ್ಮಿಸಲಾಯಿನ ಶ್ರೇಷ್ಠೊ ಚಲನಚಿತ್ರೊಲೆಡ್ ಒಂಜಿ ಪಂದ್ ವ್ಯಾಪಕವಾದ್ ಪರಿಗಣಿಸಲಾತುಂಡು ಬೊಕ್ಕ ವಿದೇಶಡುಲ ವ್ಯಾಪಕ ವಿಮರ್ಶಾತ್ಮಕ ಮೆಚ್ಚುಗೆನ್ ಗಳಿಸಿದುಂಡು. [೫]ದಿ ನ್ಯೂಯಾರ್ಕ್ ಟೈಮ್ಸ್ ದ ವಿಮರ್ಶೆ ಈ ಚಲನಚಿತ್ರ "ಪೂರೊ ರೇ ದರೆನ ಚಲನಚಿತ್ರೊದ ಲೆಕ್ಕನೇ ಭವ್ಯವಾದ್ ನಡೆತುಂಡು" ಪಂದ್ ಪಂತೆರ್.[೬] 1965ತ ದಿ ಟೈಮ್ಸ್ ಆಫ್ ಲಂಡನ್, ಈ ಚಲನಚಿತ್ರೊದ ಮೌಲ್ಯದ ಚಿತ್ರೊಣ ಇಂಗ್ಲಿಷ್ ದ ಪ್ರಭಾವ ಉಂಡು ಪಂದ್ ಟೀಕಿಸಾಂಡು [೭],ದಿ ಗಾರ್ಡಿಯನ್ ಪೀಟರ್ ಬ್ರಾಡ್ಷಾ ಈ ಚಲನೊಚಿತ್ರನ್ "ಅಸಾಧಾರಣವಾದ್ , ತಾಜವಾದ್ ದೆರ್ತ್ ತೋಜುನ ಚಲನೊಚಿತ್ರ" ಪಂದ್ ಲೆತ್ತೆರ್ .[೮]1992ಟ್ ಸೈಟ್ ಆಂಡ್ ಸೌಂಡ್ ಕ್ರಿಟಿಕ್ಸ್ ಪೋಲ್ ಆಫ್ ಗ್ರೇಟೆಸ್ಟ್ ಫಿಲ್ಮ್ಸ್ ಆಫ್ ಆಲ್ ಟೈಮ್ ಚಾರುಲತಾ 4 ಓಟುಲು ತಿಕ್ಕುಂಡು.[೯] ಈ ಚಲನಚಿತ್ರೊ ಬ್ರಿಟಿಷ್ ಫಿಲ್ಮ್ ಇನ್ಸ್ಟಿಟ್ಯೂಟ್ ವಿಮರ್ಶಕೆರೆನ ಸಮೀಕ್ಷೆಡ್ [೧೦]6ನೇ ಸ್ಥಾನ ಬೊಕ್ಕ 2002ಟ್ ಅಯಿತ ಬಳಕೆದಾರರೆನ ಸಮೀಕ್ಷೆಡು [೧೧]ಸಾರ್ವಕಾಲಿಕ "ಟಾಪ್ 10 ಇಂಡಿಯನ್ ಫಿಲ್ಮ್ಸ್" ಡ್ 7ನೇ ಸ್ಥಾನ ತಿಕ್ಕುದುಂಡು. ಈ ಚಲನಚಿತ್ರೊನ್ ಕೇನ್ಸ್ನಡ್ ತಿರಸ್ಕಾರ ಮಂತ್ ಕಾನ್ಸ್ ಸಮಸ್ತ ಚಿತ್ರ ತಂಡೊನು ನಿರಾಶೆಗೊಳಿಸಾದು ಇತ್ತುಂಡು [೧೨] ಈ ಕ್ರಮೊನ್ ಡೇವಿಡ್ ಲೀನ್ ಬೊಕ್ಕ ಇಂಗ್ಮರ್ ಬರ್ಗ್ಮನ್ ಆರ್ ಲ ಪ್ರತಿಭಟಿಸಾಯೆರ್. [೧೩] ಈ ಚಲನಚಿತ್ರೊ ಜೀನ್-ಲುಕ್ ಗೊಡಾರ್ಡ್ ಅರೆನ ಏಪೋಗುಲ ಇಷ್ಟದ ಚಿತ್ರ ಆದುಂಡು. 2013ರ ಕ್ಯಾನೆಸ್ ಚಲನಚಿತ್ರೋತ್ಸವೊಡು ಕ್ಯಾನೆಸ್ ಕ್ಲಾಸಿಕ್ಸ್ ವಿಭಾಗೊದ ಒಂಜಿ ಭಾಗವಾದ್ ಈ ಸಿನಿಮೊನ್ ಪ್ರದರ್ಶನ ಮಂತೆರ್.[೧೪] ಬರ್ಲಿನ್ ಚಲನಚಿತ್ರೋತ್ಸವಡ್ ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿ ನುಲಾ ಪಡೆಂಡು. [೧೫]

ಸಂರಕ್ಷಣೆ ಸಂಪೊಲಿಪುಲೆ

ದಿ ಅಕಾಡೆಮಿ ಫಿಲ್ಮ್ ಆರ್ಕೈವ್ 1996ಡ್ ಚಾರುಲತಾ ಸಿನಿಮೊನ್ ಸಂರಕ್ಷಿಸಾದೆರ್.[೧೬]

ಪ್ರಶಸ್ತಿಲು ಸಂಪೊಲಿಪುಲೆ

ಈ ಚಲನಚಿತ್ರೊ ಒಂಜಿ ಪ್ರಸಿದ್ಧವಾಯಿನ ದೃಶ್ಯೊನು ಹೊಂದುದುಂಡು, ಉಂದೇಟ್ ಚಾರುಲತಾ (ಮಾಧವಿ ಮುಖರ್ಜಿ) ಅಮಲ್ (ಸೌಮಿತ್ರ ಚಟರ್ಜಿ) ಅರೆನ್ ತೂವೊಂದು ಉಪ್ಪುನಗ ರವೀಂದ್ರನಾಥ ಟ್ಯಾಗೋರ್ ಅರೆನ "ಫುಲೆ ಫುಲೆ ಧೋಲೆ ಧೋಲೆಯ" ಪದ್ಯನ್ ತೂಗಾಟೊಡು ಪದ್ಯ ಪನೊಂದು ಉಪ್ಪುವೆರ್. ಈ ದೃಶ್ಯ ಪೂರೆರ್ನಲ ಮನಸ್ ಡ್ ಅಚ್ಚಳಿಯದೆ ಉಂತುಂಡು.

ಮುಖಪುಟ ಮಾಧ್ಯಮ ಸಂಪೊಲಿಪುಲೆ

2013ದ ದಿ ಕ್ರೈಟೀರಿಯನ್ ಕಲೆಕ್ಷನ್ ಪುನಃಸ್ಥಾಪನೆ ಮಂತಿನ ಹೈ-ಡೆಫಿನಿಷನ್ ಡಿಜಿಟಲ್ ಬದಲಾವಣೆ ಬೊಕ್ಕ ಪೊಸ ಪುದರ್ ದ ಅಡಿಟ್ ಅನುವಾದೊಲೆನ್ ಬಿಡುಗಡೆ ಮಂತು ಇತ್ತುಂಡು.[೧೭] ಯುನೈಟೆಡ್ ಕಿಂಗ್ಡಮ್ ಡ್ ಉಂದು ದೂರದರ್ಶನೊಡು 2013ಟ್ ಒರಂಬನೇ ಅತೀ ಹೆಚ್ಚು ತೂತೀನ ವಿದೇಶಿ ಭಾಷೆದ ಚಲನಚಿತ್ರೊ ಚಾರುಲತಾ.[೧೮]

ಉಲ್ಲೇಕೊಲು ಸಂಪೊಲಿಪುಲೆ

  1. ↑ Ray, Satyajit (2015). Prabandha Sangraha. Kolkata: Ananda Publishers. pp. 43–48. ISBN 978-93-5040-553-6.
  2. ↑ Robinson. pp. 160
  3. ↑ Robinson. pp. 161.
  4. ↑ Robinson. pp. 157.
  5. ↑ "Charulata (1964)". Rotten Tomatoes (in ಇಂಗ್ಲಿಷ್). Archived from the original on 28 November 2017. Retrieved 11 October 2017.
  6. ↑ Robinson. pp. 156.
  7. ↑ Robinson. pp. 157.
  8. ↑ Aaron and Mark Caldwell (2004). "Sight and Sound". Top 100 Movie Lists. Archived from the original on 29 July 2009. Retrieved 19 April 2009.
  9. ↑ Bradshaw, Peter (21 August 2014). "Charulata review-a vitamin boost for the mind and heart". The Guardian. Archived from the original on 12 November 2020. Retrieved 15 July 2021.
  10. ↑ "Top 10 Indian Films". British Film Institute. 2002. Archived from the original on 15 May 2011. Retrieved 14 March 2009
  11. ↑ "User Poll: Indian Top 10". British Film Institute. 2002. Archived from the original on 30 May 2008.
  12. ↑ Gupta, Ranjan Das (2011-04-30). "Ray at Cannes". The Hindu. Archived from the original on 25 September 2020. Retrieved 2021-05-18.
  13. ↑ Gupta, Ranjan Das (2011-04-30). "Ray at Cannes". The Hindu. Archived from the original on 25 September 2020. Retrieved 2021-05-18.
  14. ↑ Gupta, Ranjan Das (2011-04-30). "Ray at Cannes". The Hindu. Archived from the original on 25 September 2020. Retrieved 2021-05-18.
  15. ↑ Malcolm, Derek (22 August 2014). "Charulata". London Evening Standard. p. 43
  16. ↑ "Preserved Projects". Academy Film Archive. Archived from the original on 15 August 2016. Retrieved 11 August 2016.
  17. ↑ "Charulata: "Calm Without, Fire Within" – From the Current – The Criterion Collection". Archived from the original on 17 March 2015. Retrieved 2015-03-19.
  18. ↑ Statistical Yearbook 2014 (Report). 2014. Archived on 1 May 2022. Error: If you specify |archivedate=, you must also specify |archiveurl=. Retrieved 25 April 2022.
"https://tcy.wikipedia.org/w/index.php?title=ಚಾರುಲತಾ&oldid=167591"ಡ್ದ್ ದೆತ್ತೊಂದುಂಡು