ಚೆನ್ನೆಕಾಯಿ

ಚೆನ್ನೆಕಾಯಿ ಚೆನ್ನೆಮಣೆ ಗೊಬ್ಬರೆ ಉಪಯೋಗ ಮನ್ಪುನ ಕಾಯಿಲೆನ್ ಚೆನ್ನೆಕಾಯಿಲು ಪಂದ್ ಮನ್ಪೆರ್. ಕವಡೆ, ಮಂಜೊಟ್ಟಿ ಕಾಯಿ, ಗುರುಗುಞಿ, ಪೊಂಗಾರ್ದ ಕಾಯಿ, ಪುಳಿತ ಬಿತ್ತ್ ಉಂದು ಪೂರಾ ಚೆನ್ನೆಕಾಯಿಲು.

ಮಂಜೊಟ್ಟಿ ಕಾಯಿ

ಕವಡೆ ಕಾಯಿ

ಕವಡೆ ಕಾಯಿ ಪಂದ್ ಲೆತ್ತುಂಡಲಾ ಅವು ನಿಜವಾದ್ ಬಂಜಿಡ್ ನಡಪುನ (ಗ್ಯಾಸ್ಟ್ರೋಪೋಡ) ಒಂಜಾಯಿನ ಸೈಪ್ರಿಡೀ ಕುಟುಂಬಕು ಸೇರುದಿನ ಪೊರ್ಲುದ ಮೃದ್ವಂಗಿಲು ( ನರ್ತೆದ ಜಾತಿ).

ಚಿತ್ರ: ಅಂಬೆಲೀಯ ಹೆಸಿಟೆಟಾ; ಕವಡೆ

ಉಂದು ಉಷ್ಣವಲಯೊದ ಕಡಲುಡು ಉಪ್ಪುನ ಈ ಕವಡೆಲು ಸಮಶೀತೋಷ್ಣವಲಯ ಬೊಕ್ಕ ಶೀತವಲಯೊಡುಲಾ ತೋಜುದು ಬರ್ಪುಂಡು. ಉಂದು ಸಾಮಾನ್ಯವಾದ್ ಹವಳೊದ ದಿಣ್ಣೆಡು ಉಪ್ಪುನ ಜಾಗೊಲೆ‍ಡ್ ಕಲ್ಲುಬಂಡೆಲು ಉಪ್ಪುನ ಸಮುದ್ರದ ಅಡಿಭಾಗೊಡು ಬದುಕುದು ಉಪ್ಪುಂಡು.ಒರ ಉಂದು ಸ್ಯತಿ ಬೊಕ್ಕ ಕವಡೆ ಕಾಯಿ ಪಂದ್ ಜನಕುಲು ಬಲ್ಮೆ ಪನರೆನ ಅತ್ತ್ ಚೆನ್ನೆ ಮಣೆ ಗೊಬ್ಬರೆನ ಉಪಯೋಗ ಮನ್ಪುವೇರ್.

ಮಂಜೊಟ್ಟಿ ಕಾಯಿ

ವೈಜ್ಞಾನಿಕ ಪುದರ್: Adenanthera pavonina (ಅಡೆನಾಂಥೆರಾ ಪಾವೊನಿನಾ) ಕನ್ನಡ:ಮಂಜೊಟ್ಟಿ ತುಳು: ಮಂಜೊಟ್ಟಿ ಮಲಯಾಳಂ: ಮಂಜಾಡಿ ಈ ಮಂಜೊಟ್ಟಿದ ಮರ ಬೇಗ ಬುಲೆವುಂಡು. ಮರ ಬಾರೀ ಪೊರ್ಲು ಆದ್ ನೆರೆಲು ಕೊರ್ರೆ ಪಂತಿನ ಮರ. ಉಂದೆತ ಇರೆ, ರೆಂಬೆ ಕೊಂಬೆಲು, ಅಯಿಟುಲಾ ವಿಶೇಸ ಆಯಿನ ಅಯಿತ ಬೀಜೊಲು. ಮರಟ್ ಉಪ್ಪುನಗನೇ ಬೀಜೊಲು ಪುಡಾದ್ ನೆಲಕ್ ಬುರುನ ದುಂಬು ಕಾಯಿಲು ತೊಜೊಂದು ಉಪ್ಪುಂಡು. ತುಳುನಾಡುಡ್ ಹೆಚ್ಚಾದ್ ಚೆನ್ನೆ ಮಣೆ ಗೊಬ್ಬರೆ ಮಂಜೊಟ್ಟಿದ ಕಾಯಿನ್ ಉಪಯೋಗ ಮನ್ಪುವೇರ್.

ಗುರುಗುಙಿ ಕಾಯಿ

ಕನ್ನಡ: ಮಾರ ಮಂಜೆಟ್ಟಿ, ದೊಡ್ಡ ಗುಲಗಂಜಿ. ಮಲಯಾಳಂ: ಮಂಚಡಿ. ತಮಿಳು: ಅನಿ ಕುಂದಮಣಿ ತೆಲುಗು: ಬಂಡಿ ಗುರಿವೆಂದ ತುಳು: ಮಂಜೊಟ್ಟಿ ವೈಜ್ಞಾನಿಕ ಪುದರ್:ಅಬ್ರಸ್ ಪ್ರೆಕಾಟೋರಿಯಸ್

ಗುರುಗುಙಿ)

``ಅಬ್ರಸ್ ಪ್ರಿಕ್ಯಾಟೋರಿಯಸ್, ಸಾಮಾನ್ಯವಾದ್ ಜಾಕ್ವಿರಿಟಿ ಬೀನ್ ಅತ್ತ್ಂಡ ಗುಲಾಬಿ ಬಟಾಣಿ ಪಂಡ್ದ್ ಲೆಪ್ಪುವೆರ್, ಉಂದು ``ಫಾಬೇಸಿ ಕುಟುಂಬೊಡು ಒಂಜಿ ಪೂ ಬುಡ್ಪಿನ ಸಸ್ಯ. ಉಂದು ಒಂಜಿ ತೆಳುವಾಯಿನ, ಉದ್ದದ, ಪಿನ್ನೇಟ್-ಲೆಫ್ಲೆಟ್ ಇರೆ ಉಪ್ಪುನ ಸಸ್ಯ ಬೊಕ್ಕ ಪೊದೆಕುಲೆನ ಸುತ್ತಲ ಬುಳೆವುಂಡು. ಈ ಗಿಡ ಅಯಿತ ಬೀಜೊಲೆಗ್ ಪುದರ್ ಪೋತುಂಡು, ಉಂದೆನ್ ಮಣಿಲೆನ ರೂಪೊಡು, ತಾಳವಾದ್ಯೊಲೆಡ್, ಬೊಕ್ಕ ಚೆನ್ನೆಮಣೆ ಗೊಬ್ಬರೆಲಾ ಬಳಕೆ ಮಲ್ಪುವೆರ್.

ಪೊಂಗಾರ್ದ ಕಾಯಿ

ಕನ್ನಡ: ಹೊಂಗರು ತುಳು:ಪೊಂಗರ್ ಇಂಗ್ಲೀಷ್: Indian Coral Tree (ಭಾರತೀಯ ಹವಳದ ಮರ) ವೈಜ್ಞಾನಿಕ ಪುದರ್: Erythrina variegata ಸಾಮಾನ್ಯವಾದ್ ಪಿಲಿತ ಪಂಜ ಅಥಾವೊ ಭಾರತದ ಹವಳೊದ ಮರ ಪಂದ್ ಪೊಂಗರ್ ದ ಮರನ್ ಲೆಪ್ಪುವೇರ್. ಮೂಡಣ ಪೂರ್ವ ಆಫ್ರಿಕೊ, ಭಾರತೊದ ಉಪಖಂಡ, ಉತ್ತರ ಆಸ್ಟ್ರೇಲಿಯಾ, ಬೊಕ್ಕ ಹಿಂದೂ ಮಹಾಸಾಗರದ ದ್ವೀಪೊಲೆಡ್ ತೋಜುದು ಬರುಪುಂಡು. ತುಳುನಾಡುಡ್ ಸಾಮಾನ್ಯವಾದ್ ಮಸ್ತ್ ಕಜ್ಜಗ್ ಈ ಪೊಂಗರೆ ದ ಮರತ ಇರೆನೊ, ಅತ್ತ್ ಬೇಲಿ ಪಾಡರೆ ಪೊಂಗರೆ ಮರ ಕಡ್ತುದು ನಡ್ಪೆರ್. ಅಂಚೇನೆ ಚೆನ್ನೆಮಣೆ ಗೊಬ್ಬರೆ ಪೊಂಗರೆದ ಕಾಯಿನ್ ಉಪಯೋಗ ಮನ್ಪುವೆರ್.

• 
  ಪೊಂಗರ್ ದ ಮರ
• 
  ಪೊಂಗರೆ ಮರತ ಕಾಯಿ

ಪುಳಿತ ಬಿತ್ತ್

ತುಳು:ಪುಳಿ ಕನ್ನಡ: ಹುಣಸೆಹಣ್ಣು ಇಂಗ್ಲೀಷ್: ಟ್ಯಾಮರಿಂಡ್ ವೈಜ್ಞಾನಿಕ ಪುದರ್: ಟ್ಯಾಮರಿಂಡಸ್ ಇಂಡಿಕಾ ಉಂದು ಒಂಜಿ ದ್ವಿದಳ ಧಾನ್ಯೊದ ಮರ, ಉಂದು ಉಷ್ಣವಲಯೊದ ಆಫ್ರಿಕಾ ಬೊಕ್ಕ ಏಷ್ಯಾಡು ನೈಸರ್ಗಿಕವಾದ್ ತೋಜುದು ಬರ್ಪುಂಡು. ಟ್ಯಾಮರಿಂಡಸ್ ಕುಲ ಒಂಜೇ ಪ್ರಕಾರವಾದುಂಡು.ಪಂಡಾ ಉಂದೆಟ್ ಉಂದು ಒಂಜೇ ಜಾತಿ ಉಪ್ಪುನು. ಉಂದು ಫ್ಯಾಬೇಸೀ ಕುಟುಂಬೊಕ್ ಸೇರುದುಂಡು. ಆಟಿಡ್ ತಿನರೆ ತುಳುವೆರ್ ಮಸ್ತ್ ಪುಳಿತ ಬೀತ್ತ್ನ್‌ ದೆತ್ತ್ ದೀದ್ ಉಪ್ಪುವೆರ್. ತೊಡು ಆನಾಗ ಗೆಂಡೊಡು ಖಾಯಾದ್ ತಿನರೆ ಪುಳಿತ ಬೀಜ ಬೊಡೇ ಬೊಡು. ಅಂಚೆನೆ ಕೀರ್ ಕಟ್ಟುದು ಬರ್ಸ ಬನ್ನಗ ಚೆನ್ನೆ ಮಣೆ ಗೊಬ್ಬರೆಲಾ ಪುಳಿತ ಬೀಜನ್ ಉಪಯೊಗ ಮನ್ಪುವೇರ್.

• 
  ಪುಳಿತ ಮರೊಟ್ ಪುಳಿ
• 
  ಪುಳಿ ಬೊಕ್ಕ ಪುಳಿತ ಬಿತ್ತ್