ಚೊಂಗ್ಕಿಂಗ್

ಚೊಂಗ್ಕಿಂಗ್ ಮಾಸ್ಟಿಫ್ ತುಗೌನ್ ಐತಿಹಾಸಿಕವಾದ್ ಚೊಂಗ್ಕಿಂಗ್, ಚೀನಾ ಡ್ ಬೇಟೆ ಬೊಕ್ಕ ಕಾವಲುಗಾದ್ ಬಳಕೆ ಮಲ್ತೊಂದಿತ್ತೆರ್.ಇನಿ ಈ ತಳಿನ್ ಅಕ್ಲೆನ ಕುಟುಂಬ ಬೊಕ್ಕ ಇಲ್ಲ್ ದ ನಿರ್ಭಯ ಬೊಕ್ಕ ಉಗ್ರ ರಕ್ಷಕೆ ಪಂಡ್ದ್ ಗೌರವಿಸವೆರ್. "ಚಾಂಗ್ಕಿಂಗ್ ಡಾಗ್" ಈ ಪದನ್ ಚುವಾಂಡೊಂಗ್ ಹೌಂಡ್ ನ್ ಸೂಚಿಸರೆಲಾ ಬಳಕೆ ಮಲ್ಪೊಲಿ. ಉಂದು ಸಿಂಗಾಪುರ್ ಡ್ ಉಂಡು. ರಡ್ಡ್ ನಾಯಿಲುಲಾ ಒಂಜೇ ರೀತಿದ ಫೌಂಡೇಶನ್ ಸ್ಟಾಕ್ ನ್ ಪಾಲ್ ಮಲ್ಪುವೆರ್ ಬೊಕ್ಕ ಅವು ತುಗೌದ ಭಾಗ ಆದುಂಡು.

ಚೀನೀ ಚೊಂಗ್ಕಿಂಗ್ ನಾಯಿ

ಕಪ್ಪುದ ಚೊಂಗ್ಕಿಂಗ್ನ ಮೋನೆ

ವಿವರಣೆ

ಚೊಂಗ್ಕಿಂಗ್ ನಾಯಿಲು ಮಧ್ಯಮ ಗಾತ್ರೊಡು ಉಪ್ಪುನವು ಕಾಂಪ್ಯಾಕ್ಟ್ ಸ್ನಾಯು ದೇಹೊಡು ಉಪ್ಪುಂಡು. ಅಯಿಕ್ಲೆನ ಬಾಲ ಎಲ್ಯ ಆದ್ ನೇರವಾದ್ ಉಪ್ಪೊಡು, ಉಂದೆನ್ "ಬಿದಿರುದ ಕಡ್ಡಿ" ಪಂಡ್ದ್ ವರ್ಣನೆ ಮಲ್ಪುವೆರ್.ಅಯಿಕ್ಲೆನ ಕೂದಲ್ದ ಕೋಟ್ ಎಲ್ಯ, ಒರಟು ಬೊಕ್ಕ ಕೆಂಪು-ಕಂದು ಅತ್ತ್ಂಡ ಕಪ್ಪು ಬಣ್ಣೊಡು ಉಪ್ಪುಂಡು. ಅವು ನೀಲಿ-ಕಪ್ಪು ನಾಲಯಿ, ಒಂಜಿ ಪ್ರಮುಖ ನಿಲುಗಡೆ ಬೊಕ್ಕ ಚೌಕದ ತಲೆ ಉಪ್ಪುಂಡು. ಅಯಿತ ಕೆಬಿಲು ಸ್ವಾಭಾವಿಕವಾದ್ ಚುಚ್ಚುಂಡು ಬೊಕ್ಕ ಕಡ್ತ್ ದ್ ಇಜ್ಜಿ. ಚೊಂಗ್ಕಿಂಗ್ ನಾಯಿಲೆಗ್ ಒಂಜಿ ಪಿದಯಿ ಪೋಪಿನ ಸ್ವಭಾವ, ಆತ್ಮವಿಶ್ವಾಸದ ವರ್ತನೆ, ಬಲವಾದ್ ಬೇಟೆದ ಹಟ ಬೊಕ್ಕ ಸಾಹಸ ಬೊಕ್ಕ ಮೋಜಿದ ಪ್ರೀತಿ ಇಪ್ಪುನ ಬಲವಾದ್ ಪಾತ್ರೊಲು ಉಪ್ಪುಂಡು. ಅವು ಸಾಮಾನ್ಯವಾದ್ ಜೋಕುಲೆನ್ ಪ್ರೀತಿ ಮಲ್ಪುಂಡು ಬೊಕ್ಕ ಎಚ್ಚರೊಡು ಬೊಕ್ಕ ನಿಷ್ಠಾವಂತ ಕುಟುಂಬದ ಕಾವಲುನಾಯಿಲೆನಲೆಕ ವರ್ತಿಸವುಂಡು. ಚೊಂಗ್ಕಿಂಗ್ ನಾಯಿಲೆಗ್ ಎಚ್ಚಿನ ಬೇಟೆದ ಹಟ ಬೊಕ್ಕ ಎಡ್ಡೆ ಸುವಾಸನೆದ ಸಾಮರ್ಥ್ಯ ಉಂಡು. ಚೊಂಗ್ಕಿಂಗ್ ನಾಯಿಲು ಮೊಲೊಡ್ದ್ ಸುರು ಮಲ್ತ್ ಬ್ಯಾಡ್ಜರ್, ನರಿ, ಪಂಜಿ, ಆಡು, ಜಿಂಕೆ ಬೊಕ್ಕ ಎಲ್ಯ ಕರಡಿಲೆನ್ ಬೇಟೆ ಮಲ್ಪೆರೆ ಒಂಜೊಂಜಿ ಅತ್ತ್ಂಡ ಗುಂಪುಡು ಬೇಟೆ ಮಲ್ಪೊಲಿ. ಅವು 15 ವರ್ಸೊ ಮುಟ್ಟ ದೀರ್ಘ ಆಯುಷ್ಯೊನು ಪಡೆಯೊಂದಿಪ್ಪುಂಡು.

ಇತಿಹಾಸ

ಬೇತೆ ತುಗೌಲೆನಲೆಕನೆ, ಚೊಂಗ್ಕಿಂಗ್ ಚೀನಾದ ಮೂಲ ನಿವಾಸಿ ಪಂಡ್ದ್ ನಂಬುನವು, ಹಾನ್ ರಾಜವಂಶದ ಕಾಲೊಡು ಸುರುಕು ತೋಜಿದ್ ಬತ್ತ್ಂಡ್. ಸೆರಾಮಿಕ್ ಚೊಂಗ್ಕಿಂಗ್ ನಾಯಿ ಮೂರ್ತಿಲು ಚೊಂಗ್ಕಿಂಗ್ ದ ಜಿಯಾಂಗ್ಬೀ ಪ್ರದೇಶೊಡು ಸ್ಮಶಾನೊಲೆನ್ ಕಾಪುನವು ತೋಜಿದ್ ಬತ್ತ್ಂಡ್, ಉಂದು ಸುಮಾರ್ 206 BCE- 220 AD ಮುಟ್ಟ ಉಂಡು. ಮೂಲತಃ ಒಂಜಿ ಪೂರ್ವ ಸಿಚುವಾನ್ ದ ಪರ್ವತ ಪ್ರದೇಶೊಲೆಡ್ ಬೇಟೆದ ನಾಯಿ, ಚೊಂಗ್ಕಿಂಗ್ ದ ತ್ವರಿತ ನಗರೀಕರಣ ಜನಸಂಖ್ಯೆ ಕುಸಿತೊಗು ಕಾರಣವಾದ್ ಗಮನಾರ್ಹವಾದಿತ್ತ್ಂಡ್. ಆಂಡಲಾ, ೧೯೭೦ ದಶಕೊಡು. ದಶಕೊಡ್ದ್ ಬೊಕ್ಕ, ಈ ತಳಿನ್ ಪುನಃಸ್ಥಾಪಿಸೆರೆ ಗಂಭೀರ ಪ್ರಯತ್ನೊಲು ನಡತ್ಂಡ್ ಬೊಕ್ಕ ಅವು ಒಂಜಿ ಜನಪ್ರಿಯ ಉಪಯುಕ್ತತೆ ಬೊಕ್ಕ ಸಹಚರ ನಾಯಿ ಆದ್ ಬದಲಾತ್ಂಡ್.