ಜನಮರ್ಲ್

ಜನಮರ್ಲ್ ಪನ್ಪಿನವು ತುಳು ಭಾಸೆದ ಸುರುತ್ತ ಮುದ್ರಿತ ನಾಟಕೊ. ೧೯೩೩ನೇ ಇಸವಿಡ್ ಮಾಧವ ತಿಂಗಳಾಯ ಪನ್ಪಿನಾರ್ ಈ ನಾಟಕೊನು ಬರೆತೆರ್. ಈ ನಾಟಕೊ ಸ್ವಾತಂತ್ರ್ಯ ತಿಕ್ಕುನ ದುಂಬುದ ತುಳು ನಾಡ್ದ ಸಾಮಾಜಿಕ ವ್ಯವಸ್ಥೆದ ಬಗೆನ್ ತೆರಿಪಾವುಂಡು.

ನಾಟಕ ಬರೆತಿನಾರ್

ಜನಮರ್ಲ್ ನಾಟಕೋ ತುಳುತ್ತ ಸುರುತ್ತ ನಾಟಕ ಪಂದ್ ಪನ್ಪೆರ್. ಉಂದೆನ್ ಬರೆತಿನ ಮಾಧವ ತಿಂಗಳಾಯೆರ್ ಸ್ವಾತಂತ್ರ್ಯ ಚಳವಳಿಟ್ ಪಾಲ್ ಪಡೆದಿತ್ತೆರ್. ಇಂಬೆರ್ ಶಿಕ್ಷಣ ಪ್ರಚಾರ ಮಲ್ಪೆರೆ ಹೊಯಿಗೆಬಜಾರ್ಡ್ ಜ್ಞಾನೋದಯ ಪನ್ಪಿನ ಸಮಾಜೊನು ಸ್ಥಾಪನೆ ಮಲ್ತ್ದ್ ಜನುಕುಲೆಗ್ ಶಿಕ್ಷಣ ಕೊರ್ಪುನು,ಮದ್ಯಪಾನ ಬೊಕ್ಕ ಮೂಡನಂಬಿಕೆದ ವಿರೋಧ ಚಳುವಳಿ ಮಲ್ಪೆರೆ ಸುರು ಮಲ್ದಿತ್ತೆರ್. ಊರುಡ್ದ್ ಊರುಗು ಪೋವೊಂದಿತ್ತಿನ ಮಾಧವ ತಿಂಗಳಾಯೆರ್ ಆರ್ನ ಎಲ್ಯ ಪ್ರಾಯೊಡೆ ಈ ನಾಟಕೊನು ಬರೆತ್ತೆರ್.

ರಂಗತಂತ್ರೊಲು

ಜನಮರ್ಲ್ ನಾಟಕೊಡು ಒಂಜಿ ದೃಶ್ಯದ ಬೊಕ್ಕ ಕುಡೊಂಜಿ ದೃಶ್ಯೊ ಬನ್ನಗ ಪರದೆನ್ ಗಳಸುವೆರ್. ಕಂಪೆನಿ ನಾಟಕೊಲೆನ ಲೆಕನೆ ರಾಗೊ ಬೊಕ್ಕ ತಾಳ ಇಪ್ಪುನ ಪದ್ಯೊಲು ಈ ನಾಟಕೊಡುಲ ಉಂಡು. ದುಂಬುದ ಕಾಲೊಡು ಜನಮರ್ಲ್ ನಾಟಕ ಒಂಜಿ ಪ್ರಯೋಗಾತ್ಮಕ ನಾಟಕವಾದ್ ಪುಗರ್ತೆ ಪಡೆಯುಂಡು. ಈ ನಾಟಕೊ ತುಳು ರಂಗ ಇತಿಹಾಸೊದ ಒಂಜಿ ವಿಸ್ತಾರ ವಿಶ್ಲೆಷಣೆನ್ ಕೊರ್ಪುಂಡು.

ನಾಟಕೊದ ತಿರ್ಲ್

ಜನಮರ್ಲ್ ನಾಟಕೊಡು ತುಳುನಾಡ್ದ ಸಾಮಾಜಿಕ ವ್ಯವಸ್ಥೆದ ಬಗ್ಗೆ ಬರೆತೆರ್. ಮದ್ಯಪಾನ, ಬದಿ ಸಂಪ್ರದಾಯೊ, ಅನಕ್ಷರತೆ, ಅಸ್ಪ್ರಶ್ಯತೆ, ಮೂಢನಂಬಿಕೆ ಇಂದೆತ್ತ ವಿರುದ್ಧ ಹೋರಾಟ ಮಲ್ಪುನ ನಾಯಕೆಯಾದ್ ರಮಾನಂದ ಪನ್ಪಿನ ಒಂಜಿ ಪಾತ್ರ ಇಪ್ಪುಂಡು. ಈ ನಾಟಕದ ನಾಯಕೆಯಾದ್ ಆಯೆನ್ ತೋಜಾವೆರ್. ಹೊಲೆಯ ತನಿಯೆ ಪನ್ಪಿನ ಪಾತ್ರ ಅಸ್ಪ್ರಶ್ಯತೆಗ್ ಪ್ರತಿಭಟನೆ ಮಲ್ಪುನ ವಿಚಾರೊಡು ಮುಸ್ಲಿಂ ಸಮುದಾಯೊಗು ಬಪಿ‍ನ ಕಥೆಲ ಈ ನಾಟಕೊಡು ಉಂಡು. ಕ್ರಿಸ್ತ ಮಿಷನರಿಲು ಕರಾವಳಿ ಭಾಗೊಡು ಇತ್ತಿನ ರೀತಿನ್ ಬೊಕ್ಕ ಪೊಸ ತಲೆಮಾರ್ಗ್ ಪೊಸ ರೀತಿದ ಜೀವನೊ ನಡೆಪಾವುನ್ ಸಾದಿನ್ ಜನಕುಲೆಗ್ ಪನ್ಪುನ ಪ್ರಯತ್ನೊನು ಈ ನಾಟಕ ಮಲ್ದ್ಂಡ್.

ಉಲ್ಲೇಖೊ

ತುಳು ಸಾಹಿತ್ಯ ಚರಿತ್ರೆ ಪುಸ್ತಕ (ಮುದ್ರಿತ ತುಳು ನಾಟಕಗಳು - ಮಹಾಲಿಂಗ ಭಟ್), ಕನ್ನಡ ಪ್ರಸಾರಾಂಗ ವಿದ್ಯಾಲಯ ಹಂಪಿ