ಜಪಾನೀಸ್ ಬಾಸೆ

ಜಪಾನೀಸ್ ಭಾಷೆ (日本語 / にほんご - ನಿಹೊಂಗೊⓘ) ಮುಖ್ಯವಾದ್ ಜಪಾನ್ ಡ್ ಪಾತೆರುನ ಒಂಜಿ ವಿಶಿಷ್ಟ ಭಾಷೆ. ಜಗತ್ತ್‌ದ ಮುಖ್ಯವಾಯಿನ ಬಾಸೆಲೆಡ್ ಒಂಜಿ ಆಯಿನ ಜಪಾನೀಸ್, ಸುಮಾರ್ 130 ಮಿಲಿಯನ್ ಜನಕುಲು ಪಾತೆರುನ ಬಾಸೆ. ಜಪಾನ್‌ದ ಅಧಿಕೃತ ಬಾಸೆ ಆಯಿನ ಜಪಾನೀಸ್ ಉಂದು ಜಗತ್ತ್‌ಡ್ ಜಾಸ್ತಿ ಪಾತೆರುನ ಬಾಸೆಡ್ 9ನೇ ಸ್ತಾನೊಡು ಉಂಡು.

Map of Japanese dialects and Japonic languages

ಭೌಗೋಳಿಕ ವಿತರಣೆ

ಜಪಾನ್ ದೇಶೊಡು ಜನೊಕುಲು ಜಪಾನೀಸ್ ಬಾಸೆನ್ ಜಾಸ್ತಿ ಪಾತೆರುವೆರ್. ಜಪಾನ್ ದ ಪಿದಯಿಲಾ ಉಂದು ಬಾಸೆನ್ ಪಾತೆರುವೆರ್. ರಡ್ಡನೆ ವಿಶ್ವ ಯುದ್ಧೊಡು ಜಪಾನ್ ಆಕ್ರಮಣ ಮಲ್ತಿನ ಕೊರಿಯಾದ ಕೆಲವು ಭಾಗೊಲೆಡ್, ಚೀನಾ, ಫಿಲಿಪೈನ್ಸ್ ಬೊಕ್ಕ ಬೇತೆ ಬೇತೆ ಪೆಸಿಫಿಕ್ ದ್ವೀಪೊಲೆಡ್ ಜಪಾನೀಸ್ ಭಾಷೆನ್ ಅಧಿಕೃತ ಭಾಷೆ ಆದ್ ಕಲ್ಪಾವೊಂದಿತ್ತೆರ್. ಅಯಿತ ಪರಿಣಾಮವಾದ್, ಈ ದೇಶೊಲೆಡ್ ಮಸ್ತ್ ಹಿರಿಯೆರ್ ಇತ್ತೆಲಾ ಜಪಾನೀಸ್ ಭಾಷೆನ್ ಪಾತೆರುವೆರ್.

ಇತಿಹಾಸ

ಚೀನೀ ಬರವುದ ವ್ಯವಸ್ಥೆನ್ ಬೌದ್ಧ ಧರ್ಮದ ಒಟ್ಟುಗು ಬೇಕ್ಜೆಡ್ದ್ ಜಪಾನ್ ಗ್ ಆಮದು ಮಲ್ತೆರ್. ಸುರುತ ಗ್ರಂಥ, ಕೊಜಿಕಿ, ಎಂಟನೆ ಶತಮಾನೊದ ಸುರುತ ಭಾಗೊಗು ಸೇರ್ದಿನವು, ಬೊಕ್ಕ ಉಂದು ಪೂರ್ತಿ ಚೀನೀ ಅಕ್ಷರೊಲೆಡ್ ಬರೆಯಿನವು, ಉಂದು ಬೇತೆ ಬೇತೆ ಕಾಲೊಡು ಚೀನೀ, ಕನ್ಬುನ್ ಬೊಕ್ಕ ಪಿರಾಕ್ದ ಜಪಾನೀಸ್ ನ್ ಪ್ರತಿನಿಧಿಸರೆ ಉಪಯೋಗ ಆಪುಂಡು. ಈ ಕಾಲೊದ ಬೇತೆ ಗ್ರಂಥೊಲೆಡ್ ಇತ್ತಿಲೆಕನೆ, ಪಿರಾಕ್ ದ ಜಪಾನಿನ ವಿಭಾಗೊಲೆನ್ ಮನ್'ಯೋಗಾನೊಡು ಬರೆಯೆರ್. ಮನ್'ಯೋಗನಾ ವ್ಯವಸ್ಥೆನ್ ಆಧಾರ ಮಲ್ತ್ದ್, ಪಿರಾಕ್ದ ಜಪಾನೀಸ್ ನ್ 88 ಬೇತೆ ಬೇತೆ ಮೊರಾಲೆನ್ ಪುನರ್ನಿರ್ಮಾಣ ಮಲ್ಪೊಲಿ. ಉಂದು ಕಾಂಜಿ ನ್ ಅಯಿಕ್ಲೆನ ಧ್ವನಿಮುದ್ರಣ ಬೊಕ್ಕ ಶಬ್ದಾರ್ಥದ ಮೌಲ್ಯೊಲೆಗ್ ಬಳಸುವ. ಮನ್'ಯೋಗಾನೊಡು ಬರೆತಿನ ಗ್ರಂಥೊಲು ಇತ್ತೆ ಉಚ್ಚಾರ ಆಪಿನ ಪ್ರತಿಯೊಂಜಿ ಮೊರಾಲೆಗ್ ರಡ್ಡ್ ಬೇತೆ ಬೇತೆ ಕಾಂಜಿನ್ ಬಳಸುವೆರ್. ಈ ಮೊರೆಲೆನ ಗುಂಪು ದುಂಬು ಮಧ್ಯ ಜಪಾನೀಸ್ ಡ್ 67 ಗ್ ಕುಗ್ಗಿಂಡ್, ಆಂಡ ಕೆಲವು ಚೀನೀ ಪ್ರಭಾವೊಡ್ದ್ ಒರಿದುಂಡು.

ಉಲ್ಲೇಕೊಲು

೧. "２－17　海外在留邦人数". Statistics Bureau and Statistical Research and Training Institute. 2005. Archived from the original on 2007-11-26. Retrieved 2008-02-26.