ಜಲೇಹ್ ಎಸ್ಫಹಾನಿ

ಜಲೇಹ್ ಎಸ್ಫಹಾನಿ (1921 - 29 ನವೆಂಬರ್ 2007) ಇರಾನ್ ದ ಕವಿ ಬೊಕ್ಕ ಸಾಹಿತ್ಯ ವಿದ್ವಾಂಸೆರ್.

ಜಲೇಹ್ ಎಸ್ಫಹಾನಿ
ಜಲೇಹ್ ಎಸ್ಫಹಾನಿ 1937 ರಲ್ಲಿ
ಪುದರ್	ژاله اسفاهاني
ಪುಟ್ಟಿನ ಊರು	ಇಸ್ಫಹಾನ್, ಇರಾನ್
ಸೈತಿನ ದಿನೊ	29 ನವೆಂಬರ್ 2007 ಲಂಡನ್, ಇಂಗ್ಲೆಂಡ್
ದಂಪತಿಲು	ಶಮ್ಸ್-ಅಲ್-ದಿನ್ ಬಡಿ' ತಬ್ರಿಜಿ ​ ​ (m. ೧೯೪೬)​
ಕಲ್ತ್‌ನ ಸಂಸ್ಥೆ	ಬಾಕು ರಾಜ್ಯ ವಿಶ್ವವಿದ್ಯಾಲಯೊ ಮಾಸ್ಕೋ ಸ್ಟೇಟ್ ಯೂನಿವರ್ಸಿಟಿ
ಜೋಕುಲು	2

ಸುರುತ ಜೀವನ

ಜಲೆಹ್ ಎಸ್ಫಾಹಾನಿ (ಇಥಾಲ್ ಪಂಡ್ದ್ ನೋಂದಾಯಿತ ಆತ್ಂಡ್) 1921ಡ್ ಇಸ್ಫಾಹಾನ್ ಡ್ ಒಂಜಿ ಜಮೀನ್ದಾರೆರೆನ ಕುಟುಂಬೊಡು ಪುಟ್ಟುವೆರ್. ಆ ಕಾಲೊಡು ಬ್ರಿಟಿಷ್ ಮಿಷನರಿಲು ನಡಪಾವೊಂದಿತ್ತಿನ ಬೆಹೆಸ್ಟ್ ಐನ್ ಶಾಲೆಡ್ ಬೊಕ್ಕ ತೆಹ್ರಾನ್ ಡ್ ನೂರ್ಬಾಸ್ ಪ್ರೌಢಶಾಲೆಡ್ ಶಿಕ್ಷಣ ಪಡೆಯೆರ್. ಅರೆನ ಅಪ್ಪೆ ಅರೆನ ಶಾಲೆಗ್ ಪೋಯೆರೆ ಅನುಮೋದನೆ ಇಜ್ಜಂದಿನ ನಡುಟು, ಎಸ್ಫಹಾನಿ ಅರೆನ ಅಮ್ಮೆರೆಗ್ ಅಲೆನ ಶಿಕ್ಷಣೊಡು ಪ್ರಮುಖ ಪಾತ್ರ ವಹಿಸೊಂದಿತ್ತಿನ ಶ್ರೇಯೊನು ಕೊರ್ಪೆರ್. ಎಸ್ಫಹಾನಿ ಏಳ್ ವರ್ಸೊದ ಪೊಣ್ಣು ಆನಗ ಸುರುಕು ಕಬಿತೆಲೆನ್ ರಚನೆ ಮಲ್ಪೆರೆ ಸುರು ಮಲ್ತೆರ್. ಪ್ರೌಢಶಾಲೆಡ್ ಕಲ್ಪುನ ಪೊರ್ತುಡು "ಅಹ್ತರ್", "ಸೇಪಂತ" ಬೊಕ್ಕ "ಬದ್ತಾರ್" ಇಂಚಿತ್ತಿನ ಪತ್ರಿಕೆಲೆಡ್ ಆರೆನ ಕಬಿತೆಲು ಪ್ರಕಟ ಆವೊಂದಿತ್ತ್ಂಡ್. ಎಸ್ಫಹಾನಿನ ಸುರುತ ಕಬಿತೆ ಸಂಕಲನ "ಗೊಲ್ಹಾ-ಯೆ ൵odru" (ಕಾಡು ಪುಷ್ಪೊಲು) 1945ಡ್ ಟೆಹ್ರಾನ್ ಡ್ ಪ್ರಕಟ ಆಂಡ್. ಶಾಲೆಯಿಂದ ಪದವಿ ಪಡೆದ ನಂತರ, ಅವರು ನ್ಯಾಷನಲ್ ಬ್ಯಾಂಕ್‌ನಲ್ಲಿ ಕೆಲಸ ಮಾಡಿದರು, ಅಲ್ಲಿ ಅಕೌಂಟೆಂಟ್ ಆಗಿ ನೇಮಕಗೊಂಡ ಕೇವಲ ಮೂವರು ಮಹಿಳೆಯರಲ್ಲಿ ಒಬ್ಬರು.

ವೃತ್ತಿ

ಇರಾನ್ ದ ಬರವುದಕುಲೆನ ಸುರುತ ಸಮ್ಮೇಳನೊನು 1946ಡ್ ಟೆಹ್ರಾನ್ ಡ್ ನಡಪಾಯೆರ್, ಬೊಕ್ಕ ಎಸ್ಫಾಹಾನಿ ಒಂಜೇ ಒರ್ತಿ ಪೊಣ್ಣು ಹಾಜರಾತಿನಕುಲು, ಬೊಕ್ಕ 2000 ಜನೊಕ್ಲೆಗ್ ಒಂಜಿ ಕಬಿತೆನ್ ಪಠಣ ಮಲ್ತೆರ್. ಅವ್ವೇ ವರ್ಷ, ಇರಾನ್ ದ ಕಮ್ಯುನಿಸ್ಟ್ ಟುಡೇ ಪಾರ್ಟಿದ ಸದಸ್ಯೆ ಬೊಕ್ಕ ಪಹ್ಲವಿ ಆಡಳಿತದ ವಿರೋಧಿ ಶಮ್ಸ್-ಅಲ್-ದಿನ್ ಬದಿ ತಬ್ರಿಜಿನ್ ಮದಿಮೆ ಆಯೆರ್. ಶಾ ಮೊಹಮ್ಮದ್ ರೆಜಾ ಪಹ್ಲವಿನ ಮಿತ್ತ್ ವಿಫಲವಾದ್ ಕೊಲೆ ಮಲ್ಪುನ ಪ್ರಯತ್ನೊದ ಬೊಕ್ಕ ತುಡೆಹ್ ಪಕ್ಷೊನು ನಿಷೇಧ ಮಲ್ತಿನಗ, ಜೋಡಿ ಸೋವಿಯೆತ್ ಒಕ್ಕೂಟೊಗು ಪಲಾಯನ ಮಲ್ತೆರ್, ಬಾಕು ಡ್ ನೆಲೆಯಾಯೆರ್. ಅಲ್ಪ ಉಪ್ಪುನಗ, ಎಸ್ಫಹಾನಿ ರಡ್ಡ್ ಜೋಕುಲೆಗ್ ಜನ್ಮ ಕೊರಿಯೆರ್. 1952ಡ್ ಬಾಕು ರಾಜ್ಯ ವಿಶ್ವವಿದ್ಯಾಲಯದ ಭಾಷಾಶಾಸ್ತ್ರ ವಿಭಾಗೊಡ್ದ್ ಪದವಿ ಪಡೆಯೆರ್. ೧೯೫೪ಡ್, ಕುಟುಂಬ ಮಾಸ್ಕೋ ಗ್ ಪೋಯೆರ್. ಆರ್ ಲೊಮೊನೊಸೊವ್ ಮಾಸ್ಕೋ ಯೂನಿವರ್ಸಿಟಿ ಡ್ "ಇರಾನ್ ಡ್ ಆಧುನಿಕ ಕವಿತೆ" ಪನ್ಪಿನ ಶೀರ್ಷಿಕೆಡ್ ಅರೆನಡಾಕ್ಟರೇಟ್ ಪ್ರಬಂಧ ನ್ ಯಶಸ್ವಿಯಾದ್ ಮಂಡಣೆ ಮಲ್ತೆರ್. ೧೯೬೦ ಡ್ದ್ ೧೯೮೦ ಮುಟ್ಟ, ಎಸ್ಫಹಾನಿ ಒರಿ ಸಾಹಿತ್ಯ ವಿದ್ವಾಂಸೆರಾದ್ ಬೇಲೆ ಮಲ್ತೆರ್ ಬೊಕ್ಕ ಮ್ಯಾಕ್ಸಿಮ್ ಗೊರ್ಕಿ ಸಾಹಿತ್ಯ ಸಂಸ್ಥೆ ಡ್ ಪರ್ಷಿಯನ್ ಭಾಷೆನ್ ಕಲ್ಪಾವೆರ್. ಅಲ್ಪ ಉಪ್ಪುನಗ, ಆರ್ ಕನಿಷ್ಠ ನಾಲ್ ಸಂಶೋಧನಾ ಯೋಜನೆಲೆನ್ ವಿವಿಧ ಕವಿಲೆನ್ ಬೊಕ್ಕ ಆಧುನಿಕ ಪರ್ಷಿಯನ್ ಕಾವ್ಯೊದ ವಿವಿಧ ಅಂಶೊಲೆನ್ ಮುಗಿತೆರ್, ಅವುಲು ಮುಖ್ಯವಾದ್ ಇರಾನ್, ಅಫ್ಘಾನಿಸ್ತಾನ ಬೊಕ್ಕ ತಾಜಿಕಿಸ್ತಾನೊಡು ಆಧುನಿಕವಾದಿ ಕಾವ್ಯೊದ ವಿಕಾಸೊದ ಅಧ್ಯಯನಲಾ ಆಂಡ್. ರಷ್ಯಾಡ್ ಇತ್ತಿನ ಪೊರ್ತುಡು, ಪರ್ಷಿಯನ್ ಸಾಹಿತ್ಯೊದ ಒಂಜೇ ಒಂಜಿ ಪೊಣ್ಣು ಮೋನೆ ಪಂಡ್ದ್ ಪುದರ್ ಪಡೆಯೆರ್. ಪರ್ಷಿಯನ್ ಭಾಷೆ ಪಾತೆರುನಕುಲೆನ ನಡುಟು ಸಾಹಿತ್ಯಿಕ ಸಹಕಾರದ ಬಗ್ಗೆ ಪಾತೆರೊಲೆನ್ ಉತ್ತೇಜಿಸೆರೆ ಬೊಕ್ಕ ಪ್ರಸ್ತುತ ಮಲ್ಪೆರೆ ಎಸ್ಫಾಹಾನಿ ತಾಜಿಕಿಸ್ತಾನ್, ಅಫ್ಘಾನಿಸ್ತಾನ ಬೊಕ್ಕ ಮಧ್ಯ ಏಷ್ಯಾದ ಬೇತೆ ಭಾಗೊಲೆಗ್ ಆಗಾಗ್ಗೆ ಪೋಯೆರ್. ತಾಜಿಕಿಸ್ತಾನ್ ಡ್, ಎಸ್ಫಾಹಾನಿ ರಷ್ಯನ್ ಬೊಕ್ಕ ಅಜೆರಿ ಟರ್ಕಿಶ್ ಭಾಷೆಡ್ ಬರೆತಿನ ಕಬಿತೆಲೆನ್ ಪ್ರಕಟಿಸಯೆರ್, ಬೊಕ್ಕ ಏಳ್ ಸಿರಿಲಿಕ್ ಭಾಷೆಡ್ ಪರ್ಷಿಯನ್ ಸಂಗ್ರಹೊಲು. ಅಂಚನೆ, ಆರ್ ಕೆಲವು ನಾಟಕೀಯ ಕೃತಿಲೆನ್ ಬರೆಯೆರ್, ಅವುಲು ಒಂಜಿ ಕೃತಿನ್ ದುಶಾನ್ಬೆ ಡ್ ೧೯೫೯ ಬೊಕ್ಕ ೧೯೬೦ಡ್ ಒಪೆರಾ ಆದ್ ಪ್ರದರ್ಶನ ಮಲ್ತೆರ್. ಇರಾನ್ ದ ಇಸ್ಲಾಮಿಕ್ ಕ್ರಾಂತಿ ಸುರು ಆಯಿ ಬೊಕ್ಕ, ಎಸ್ಫಹಾನಿ ಬೊಕ್ಕ ಅರೆನ ಕುಟುಂಬ ೧೯೮೦ಡ್ ಇರಾನ್ ಗ್ ಪಿರ ಬತ್ತೆರ್. ಎಸ್ಫಾಹಾನಿನ ಗಡಿಪಾರ್ ದ ಪೊರ್ತುಡು, ಪರ್ವಿಜ್ ನಟೇಲ್-ಖಾನ್ಲಾರಿ ಅರೆನ ಕೆಲವು ಕಬಿತೆಲೆನ್ ಅರೆನ "ಸೋಖಾನ್" ಪತ್ರಿಕೆಡ್ ಪ್ರಕಟ ಮಲ್ತೆರ್. ಗಡಿಪಾರ್ ಡ್ ಇತ್ತಿನ ಅರೆನ ಸುರುತ ಕಬಿತೆದ ಸಂಗ್ರಹ "ಜೆಂಡಾ ರುಡ್" 1965ಡ್ ಮಾಸ್ಕೋಡ್ ಪ್ರಕಟ ಆಂಡ್. ಈ ಸಂಗ್ರಹೊನು ಇರಾನ್ ಡ್ ಒಂಜಿ ಎಲ್ಯ ಪ್ರಸರಣೊದ ಬೊಕ್ಕ ನಿಷೇಧ ಮಲ್ತೆರ್, ಆಂಡ ಕ್ರಾಂತಿದ ಬೊಕ್ಕ ೧೯೮೧ಡ್ ಟೆಹ್ರಾನ್ ಡ್ ಪುನರ್ ಮುದ್ರಣ ಮಲ್ತೆರ್. ಅರೆನ ವಾಪಸ್ ಬನ್ನಗ ಅರೆನ ತೆಹ್ರಾನ್ ಡ್ ``ಅಗರ್ ಹೆಜರ್ ಕಲಾಂ ದಷ್ಟಮ್ (ಎಂಕ್ ಒಂಜಿ ಸಾವಿರ ಪೆನ್ ಇತ್ತ್ಂಡ) ಪ್ರಕಟ ಮಲ್ತೆರ್. ಅರೆನ ವಾಪಸ್ ಬತ್ತಿನ ರಡ್ಡ್ ವರ್ಷೊಡ್ದು ಬೊಕ್ಕ, ತುಡೆಹ್ ಪಾರ್ಟಿನ್ ಇರಾನ್ ಡ್ ಕುಡ ನಿಷೇಧ ಮಲ್ತೆರ್ ಬೊಕ್ಕ ಎಸ್ಫಾಹಾನಿ ಬೊಕ್ಕ ಅರೆನ ಕುಟುಂಬದಕುಲು ಕುಡ ಇಷ್ಟವಾಯಿನ ರೀತಿಡ್ ವಲಸೆ ಪೋಯೆರ್, ಈ ಸರ್ತಿ ಲಂಡನ್ ಗ್, ಅಲ್ಪ ಅರೆನ ಬಾಕಿದ ಜೀವನೊನು ಕಳೆಯೆರ್.

ಜೀವನೊದ ಪಿರವುದ ಜೀವನ ಬೊಕ್ಕ ಮರಣೊ

ಲಂಡನ್ ಡ್ ಜೀವನ ಮಲ್ಪುನಗ, ಎಸ್ಫಹಾನಿ ತನ್ನ ಸ್ವಂತ ಕೃತಿಲೆನ್ ಬರೆಯೆರೆ ತನ್ನ ಸಮಯೊನು ಮೀಸಲಾತ್ ದ್, ಮೂಲ ಕಬಿತೆದ 10 ಸಂಪುಟೊಲೆನ್ ಬಿಡುಗಡೆ ಮಲ್ತೆರ್. ಅರೆನ ಆತ್ಮಚರಿತ್ರೆ ಸಾಯಾ-ಯೆ ಸಲಾಹಾ (ವರ್ಷೊಲೆನ ನೆರಳು) ೨೦೦೦ಡ್ ಬಿಡುಗಡೆ ಆಂಡ್. ೨೦೦೬ಡ್, ಎಸ್ಫಹಾನಿನ ಆಯ್ಕೆ ಮಲ್ತಿನ ಕಬಿತೆಲೆನ ಸುರುತ ಇಂಗ್ಲಿಷ್ ಅನುವಾದೊನು ಅರೆನ ಸ್ನೇಹಿತೆ ರುಹಿ ಸಾಹ್ಫಿ ಬರೆಯೆರ್, ಉಂದೆತ ಶೀರ್ಷಿಕೆ "ವಲಸೆ ಪಕ್ಕಿಲು".

ನವೆಂಬರ್ ೨೯, ೨೦೦೭ಡ್, ಎಸ್ಫಾಹಾನಿ ಲಂಡನ್ ಡ್ ೮೬ ವರ್ಸೊದ ಪ್ರಾಯೊಡು ತೀರ್ ಪೋಯೆರ್. ಆರ್ ಅರೆನ ರಡ್ಡ್ ಜೋಕುಲೆನ್ ಈ ಪ್ರಪಂಚೊಡು ಬುಡ್ದು ಪೋಯೆರ್.