ಟಿಬೆಟಿಯನ್ ಮಾಸ್ಟಿಫ್

ಟಿಬೆಟಿಯನ್ ಮಾಸ್ಟಿಫ್ ಪಂಡ ಒಂಜಿ ಮಲ್ಲ ಟಿಬೆಟಿಯನ್ ಜಾತಿದ ನಾಯಿದ . ಉಂದೆಟ್ ರಡ್ಡ್ ಕೋಟ್ ರೋಮ, ಮಧ್ಯಮ ಬೊಕ್ಕ ಉದ್ದ ಉಪ್ಪುಂಡು. ಮುಲ್ತ ಹವಾಮಾನೊಗು ಬೊಡಾದುಪ್ಪುಂಡು. ಕಪ್ಪು ಬೊಕ್ಕ ಜಾಸ್ತಿ ಕಪ್ಪು, ಕಪ್ಪು ಬೊಕ್ಕ ಕಂದು ಬಣ್ಣ, ಕೆಂಪು ಬಣ್ಣದ ಬೇತೆ ಬೇತೆ ಛಾಯೆಲು (ತೆಲ್ಪಾದ್ ಬಂಗಾರ್ ಕಲರ್ದ್ ಜಾಸ್ತಿ ಕೆಂಪು ಮುಟ್ಟ) ಬೊಕ್ಕ ನೀಲಿ-ಬೂದು (ಪಂಡ ತೆಲ್ಪಾದ್ ತೊಜುನ ಕಪ್ಪು ಬಣ್ಣ), ಬೊಕ್ಕ ಕೆಲವೊಂಜಿ ಸರ್ತಿ ಅಯಿತ ಕೆಕ್ಕಿಲ್, ತಿಗಲೆ ಬೊಕ್ಕ ಕಾರ್‌ದಲ್ಪ ಬೊಲ್ದು ಬಣ್ಣದ ಗುರುತುಲು ಉಪ್ಪುಂಡು.

ಟಿಬೆಟಿಯನ್ ಮಾಸ್ಟಿಫ್
Origin	Tibetan Plateau
Traits Height Males 66 cm (26 in) Females 61 cm (24 in)
Kennel club standards Fédération Cynologique Internationale standard
Dog (domestic dog)

ಟೆನ್ ಪ್ರೈಸ್ಡ್ ಡಾಗ್ಸ್ ಸರಣಿ, ಒಂಜಿ ಟಿಬೆಟಿಯನ್ ಮಾಸ್ಟಿಫ್ ನ್ ಚಿತ್ರಿಸವುನ ಒಂಜಿ ಕಲಾಕೃತಿ.

ಟಿಬೆಟ್‌ಗ್ ಸುರುಕು ಬತ್ತಿನ ಯುರೋಪಿಯನ್‌ಲು ಮಾಸ್ಟಿಫ್ ಪನ್ಪಿನ ಪದನ್ ದೀಯೆರ್. ದಾಯೆ ಪಂಡ ಆ ಪುದರ್‌ನ್ ಪಶ್ಚಿಮೊಡು ಉಪ್ಪುನ ಬಹುತೇಕ ಮಲ್ಲ ನಾಯಿ ಜಾತಿಲೆನ್ ತೆರಿಪಾಯೆರೆ ಉಪಯೋಗ ಮಲ್ತೆರ್. ಟಿಬೆಟ್ ಗ್ ದುಂಬುದ ಪಾಶ್ಚಾತ್ಯ ಸಂದರ್ಶಕೆರ್ ಅಯಿತ ಕೆಲವು ಜಾತಿಲೆಗ್ ತಪ್ಪು ಪುದರ್ ದೀದಿತ್ತೆರ್, ಉದಾಹರಣೆಗೆ ಟಿಬೆಟಿಯನ್ ಟೆರಿಯರ್, ಉಂದು ಟೆರಿಯರ್ ಅತ್ತ್, ಬೊಕ್ಕ ಟಿಬೆಟಿಯನ್ ಸ್ಪ್ಯಾನಿಯಲ್, ಉಂದು ಸ್ಪ್ಯಾನಿಯಲ್ ಅತ್ತ್. ಈ ಜಾತಿದ ನಾಯಿಲೆಗ್ ಒಂಜಿ ಎಡ್ಡೆ ಪುದರ್ ಟಿಬೇಟಿಯನ್ ಪರ್ವತ ನಾಯಿ ಅತ್ತ್ಂಡ—ಅಯಿತ ಸುತ್ತುಡು ಬರ್ಪುನ ಲ್ಯಾಂಡ್ರೇಸ್ ಜಾತಿಗ್ ಸೇರಿನ — ಹಿಮಾಲಯನ್ ಪರ್ವತ ನಾಯಿ ಪಂಡ್ದ್ ದೀತೊಲಿತ್ತ್ಂಡ್.

ವಿವರ

ತೋಜುನ ರೀತಿ

ತು-ಬೊನ ಸೈಡ್ ಪ್ರೊಫೈಲ್ ಒಂಜಿ ಸ್ಟಡ್ ನಾಯಿ ಪನ್ಪುನ ಒಂಜಿ ರೀತಿನ್ ತೋಜಾವುಂಡು.

ಟಿಬೆಟ್, ಲಡಾಖ್ ಬೊಕ್ಕ ಬೇತೆ ಎತ್ತರದ ಹಿಮಾಲಯದ ಪ್ರದೇಶೊಲೆಡ್ ಬದುಕುದು ಉಪ್ಪೆರೆ ಬೋಡಾಪಿನ ಗಟ್ಟಿತನೊನು ಉಂದು ಒರಿಪಾದ್ಂಡ್.

ನಾಯಿಲೆನ ಗುಂಪುದ ವರ್ತನೆ ಸೇರ್ದ್ ಸಹಜ ವರ್ತನೆಲು, ಕಠಿಣ ಪರಿಸರೊಡು ಬದುಕುನ ರೀತಿಡ್ ಉಂಡು. ಉಂದು ಕೆಲವು ಪ್ರಾಚೀನವಾದ್ ಉಪ್ಪುನ ನಾಯಿ, ಉಂದು ವರ್ಷೊಗು ರಡ್ಡ್ ಇಜ್ಜಾಂಡ ಒಂಜಿ ಒಂಜಿ ಸರ್ತಿ ಲೈಂಗಿಕ ಕ್ರಿಯೆನ್ (ಎಸ್ಟ್ರಸ್ ) ಮುಂದುವರಿಸವುಂಡು, ಉಂದು ಮಸ್ತ್ ಕಡಿಮೆ ಎತ್ತರೊಡು ಬೊಕ್ಕ ಅಯಿತ ಸ್ಥಳೀಯ ಹವಾಮಾನೊಡ್ದ್ ಮಸ್ತ್ ಸಮಶೀತೋಷ್ಣ ವಾತಾವರಣೊಡುಲಾ ಉಪ್ಪುಂಡು. ಈ ಗುಣಲಕ್ಷಣೊನು ಕುದ್ಕ (ತೋಳ) ಬೊಕ್ಕ ಬೇತೆ ಕಾಡ್ ದ ಪ್ರಾಣಿಲೆನಂಚಿನ ಕಾಡ್ ದ ಕ್ಯಾನಿಡ್ ಲೆಡ್ ಲಾ ತೂವೊಲಿ. ಅಯಿತ ಲೈಂಗಿಕ ಕ್ರಿಯೆ (ಎಸ್ಟ್ರಸ್) ಸಾಮಾನ್ಯವಾದ್ ನಿರ್ನಾಲ್‌ದ ಕಡೆಟ್ ನಡಪುನೆರ್ದಾತ್ರ, ಹೆಚ್ಚಿನ ಟಿಬೆಟಿಯನ್ ಮಾಸ್ಟಿಫ್ ನಾಯಿ ಕಿನ್ನಿಲೆನ್ ಡಿಸೆಂಬರ್ ಬೊಕ್ಕ ಜನವರಿ ನಡುಟು ದೀಪುಂಡು.

As of 2014 </link></link> , ಕೆಲವು ಬೊಲ್ದುದ ಟಿಬೆಟಿಯನ್ ಮಾಸ್ಟಿಫ್ ಲೆನ್ ಮಾರಾಟ ಮಲ್ಪೆರೆ ಸುರು ಮಲ್ತೆರ್.

ಟಿಬೆಟಿಯನ್ ಮಾಸ್ಟಿಫ್ ನ ರೋಮ ಪಂಡ ಕೋಟ್‌ಡ್ ಮಸ್ತ್ ಮಲ್ಲ ಜಾತಿಲೆಡ್ ತೋಜುದ್ ಬರ್ಪುನ ನಾಯಿದ ವಾಸನೆ ಇಜ್ಜಿ. ಕೋಟ್, ಅಯಿತ ಉದ್ದ ಅತ್ತಂದೆ ಬಣ್ಣ (ಲು) ದಾದ ಇತ್ತ್ಂಡಲಾ, ಮಣ್ಣ್ ಬೊಕ್ಕ ವಾಸನೆನ್ ಕುಡ್ತು ಪಾಡುಂಡು. ನಾಯಿಲು ವರ್ಷಪೂರ್ತಿ ಒಂತೆ ರೋಮಲೆನ್ ತಾಲ್ಪಾಂಡಲಾ ಸಾಮಾನ್ಯವಾದ್ ಕರೆಗಾಳಿದ ಕಡೆಟ್ ಅತ್ತಂಡ ವಸಂತ ಋತುದ ಸುರುತ ಭಾಗೊಡು ಮಸ್ತ್ ರೋಮಲೆನ್ ಉದುರ್ಪಾವುಂಡು. ಕೆಲವೊಂಜಿ ಸರ್ತಿ ಕಮ್ಮಿ ರೋಮಲೆನ್ ಅರೆಗಾಲದ ಕಡೆಟ್ ಅತ್ತಂಡ ನಿರ್ನಾಲ್‌ದ ಸುರುಟು ತಾಲ್ಪಾವುಂಡು. (ನಾಯಿಗ್ ಕ್ರಿಮಿನಾಶಕ ಮಲ್ಪುನವು ರೋಮದ ಟೆಕ್ಸ್ಚರ್, ಸಾಂದ್ರತೆಲು ರೋಮಲೆನ್ ತಾಲ್ಪೆರೆ ಪರಿಣಾಮ ಬೂರುಂಡು.

೧೮೫೦ ದಶಕೊದ ಟಿಬೆಟಿಯನ್ ನಾಯಿ

೧೯೦೪ಡ್ ಟಿಬೆಟಿಯನ್ ನಾಯಿದ ವಾಸ್ತವಿಕ ಪ್ರಾತಿನಿಧ್ಯ/ತೊಜಾವುನ "ಜರ್ಮನ್ ನಾಯಿಲು". ಹೆಲಿಯೋಗ್ರೇವ್ಯೂರ್, ರಿಚರ್ಡ್ ಸ್ಟ್ರ್ಬೆಲ್

ಉಲ್ಲೇಕೊಲು

• ಆಲ್ಡರ್ಟನ್, ಡೇವಿಡ್ (೧೯೮೪). ನಾಯಿ . ಲಂಡನ್: ಮೆಕ್ಡೊನಾಲ್ಡ್. ಐಎಸ್ಬಿಎನ್ 0-356-10443-5 .
• ಫೋಗ್ಲೆ, ಬ್ರೂಸ್, ಡಿವಿಎಂ (೨೦೦೦). ನಾಯಿದ ಪೊಸ ವಿಶ್ವಕೋಶ . ಡೊರಿಂಗ್ ಕಿಂಡರ್ಸ್ಲಿ (ಡಿಕೆ). ಐಎಸ್ಬಿಎನ್ 0-7894-6130-7 .
• ಕುವಾಂಗ್ ನಿ [倪匡] (೨೦೦೦).真实的藏獒 [ ನಿಜವಾದ್ ಟಿಬೆಟಿಯನ್ ಮಾಸ್ಟಿಫ್ ]. ಬೀಜಿಂಗ್: ಗುವೊ ಜಿ ವೆನ್ ಹುವಾ ಚು ಬಾನ್ ಗೊಂಗ್ ಸಿ. ಐಎಸ್ಬಿಎನ್ 7-80173-535-8 . ಒಸಿಎಲ್ಸಿ 229909428 .
• ಮೆಸ್ಸರ್ಶ್ಮಿಟ್, ಡಾನ್ (೨೦೧೦). ಟಿಬೆಟ್ ಬೊಕ್ಕ ಹಿಮಾಲಯದ ಮಲ್ಲ ನಾಯಿಲು . ಆರ್ಕಿಡ್ ಪ್ರೆಸ್  .
• ಪಾಲ್ಮರ್, ಜೋನ್ (೧೯೯೪). ನಾಯಿ ತಳಿಲೆನ ಸಚಿತ್ರ ವಿಶ್ವಕೋಶ . ಐಎಸ್ಬಿಎನ್ 0-7858-0030-1 .
• ಶುಲರ್, ಎಲಿಜಬೆತ್ ಮೆರಿವೆದರ್ (ಸಂ.) (೧೯೮೦). ಸೈಮನ್ & ಶುಸ್ಟರ್ ನ ನಾಯಿಲೆನ ಮಾರ್ಗದರ್ಶಿ . ಐಎಸ್ಬಿಎನ್ 0-671-25527-4 .