ತಿಮರೆ

ತಿಮರೆ ಒಂಜಿ ಬೂರುದ ದೈ. ಇಂದೆನ್ ಕನ್ನಡೊಡ್ ಒಂದೆಲಗ, ಸಂಸ್ಕ್ರತಡ್ ಬ್ರಾಹ್ಮಿ ಪನ್ಪೆರ್. ಉಂದೆತ ವೈಜ್ನಾನಿಕ ಪುದರ್ ಸೆಂಟಿಲ್ಲ ಎಸಿಯಾಟಿಕ. ಉಂದು ಎಲ್ಯ ಬೂರುಡು ಬುಲೆಪಿನ ಪಚ್ಚೆ ರಂಗ್‌ದ ದೈ. ಕಂಡದ ಪುಣಿಟ್ಟ್, ತಾರೆದ ಕಟ್ಟೆಡ್, ಪೂರ ದೈತ ಮುದೆಲ್‍ಡ್ ತೋಟೊಲೆಡ್, ತಂಪು ಜಾಗೆಲೆಡ್ ಬುಲೆವುಂಡು. ಉಂದೆಟ್ ಮಲ್ಲ ಇರೆತ್ತ ತಿಮರೆ, ಜಲ ತಿಮರೆ , ಗಜ ತಿಮರೆ ಇಂಚ ಬೇತೆ ಬೇತೆ ನಮೂನೆ ಉಂಡು. ತುಲುವೆರ್ ಉಂದೆನ್ ಪುದ್ದರ್ದಾನಿ ಎಚ್ಚ್ಯದ್ ಗಳಸುವೆರ್. ನೆತ್ತ ಇರೆನ್‍ ತಾರಾಯಿ, ಪುಳಿ, ಕಾಯಿಮುಂಚಿ, ಬೊಳ್ಳೊಳ್ಳಿ, ಉಪ್ಪು ಪಾಡ್ದ್ ಕಡೆದ್ ಚಟ್ನಿ ಮಲ್ಲುವೆರ್. ತಾರಾಯಿದ ಎಣ್ಣೆದೊಟ್ಟುಗು ನೆತ್ತ ಇರೆ ಪಾಡ್ದ್ ಬೆಚ್ಚ ಮಲ್ತ್ ದೀದ್ ತರೆಕ್ಕ್ ಪಾಡುವೆರ್. ಉಂದು ನೆಂಪುದ ಶಕ್ತಿ ಎಚ್ಚಾವುಂಡು ಪನ್ಪುನ ನಂಬುಗೆಗ್ ಆಯುರ್ವೇದ ಶಾಸ್ತ್ರೊ ಬಲ ಕೊರ್ಪುನ್ಡು. ವಿಶೇಷವಾದ್ ಎಲ್ಯ ಜೋಕುಲೆಗ್ ಎಡ್ಡೆ ಪನ್ಪಿನ ಗ್ಯಾನ ತುಲುವೆರೆಗ್ ಉಂಡು. ನೆತ್ತ ಚಟ್ನಿನ್‍ ರಾತ್ರೆಗ್‍ ಉಪಯೋಗ ಮಲ್ಪುಜೆರ್.

ತಿಮರೆ

ಉಪಯೋಗ

ತರೆ ಕೂಜಲ್‍ ಎಡ್ಡೆ ಬರ್ಯರೆ ತಿಮರೆ ತೊಪ್ಪುನು ತಾರೆದ ಎಣ್ಣೆಡ್ ಕೊದ್ಯಾದ್‍ ತರೆತ್ತ ಎಣ್ಣೆ ಮಲ್ಪುವೆರ್. ತಾರಾಯಿದ ಚಟ್ನಿ ಮಲ್ಪುನಗ ನೆತ್ತ ತೊಪ್ಪು ಪಾಡುವೆರ್. ಚರ್ಮದ ತೊದರೆಯಾಯಿನ ಸೋರಿಯಾಸಿಸ್, ಕಿರ್ಬುನಿ ಬೊಕ್ಕ ಗಾಯೊಡು ರೇಶಿ ಆವಂದಿಲೆಕ್ಕ.