ತುಂಕು ಅಬ್ದುಲ್ ರೆಹಮಾನ್
| ಈ ಲೇಕನೊನ್ ವಿಕಿಪೀಡಿಯ ಏಷ್ಯನ್ ತಿಂಗೊಲು 2024 ಸಮಯೊಡ್ ಉಂಡ್ ಮಾನ್ತ್‌‍ನವು. |  |
ತುಂಕು ಅಬ್ದುಲ್ ರೆಹಮಾನ್ ಸ್ವತಂತ್ರ ಮಲಯಾ ದೇಶದ ಬೊಕ ಸ್ವತಂತ್ರ ಮಲೇಷಿಯಾ ದೇಶದ ಮೊದಲ ಪ್ರಧಾನಿಯಾದ್ ೧೯೫೭-೧೯೭೦ತ ಅವಧಿಡ್ ಆಡಳಿತ ನಡಪಾಯೆರ್ . ಬಾಪಾ ಕೆಮೆರ್ಡೆಕಾನ್, ಬಾಪಾ ಮಲೇಷಿಯಾ (ಮಲೇಷಿಯಾದ ರಾಷ್ಟ್ರಪಿತ) [೧] ಪಂದ್ ಖ್ಯಾತಿ ಪಡೆಯೆರ್.
| ತುಂಕು ಅಬ್ದುಲ್ ರೆಹಮಾನ್ ಪುತ್ರ ಅಲ್ ಹಜ್ | |
|---|---|
ಸ್ವತಂತ್ರ ಮಲಯಾ ದೇಶದ ಬೊಕ ಸ್ವತಂತ್ರ ಮಲೇಷಿಯಾ ದೇಶದ ಸುರುತ ಪ್ರಧಾನಿ
|
ಜನನ
ಸಂಪೊಲಿಪುಲೆ೮ ಫ಼ೆಬ್ರವರಿ ೧೯೦೩ಡ್ ಕೇಡಾ ಪ್ರಾಂತ್ಯದ ಅಲೋರ್ ಸೆಟಾರ್ಡ್ ಖೇಡಾ ಸುಲ್ತಾನ್ ವಂಶಗ್ ಸೇರ್ನ ಪ್ರತಿಷ್ಠಿತ ಕುಟುಂಬದ ಸುಲ್ತಾನ್ ಅಬ್ದುಲ್ ಹಮೀದ್ ಹಲೀಂ ಶಾಹ್ ರ ೭ನೆ ಮಗೆ ಆದ್ ಪುಟ್ಟುನ ಅಬ್ದುಲ್ ರೆಹಮಾನ್ ೧೯೨೦ಡ್ ಕೇಂಬ್ರಿಬ್ಜ್ ವಿಶ್ವವಿದ್ಯಾಲಯಗ್ ವಿದ್ಯಾಭ್ಯಾಸಗ್ ಪೋಯೆರ್ .
ಓದಿನೆ
ಸಂಪೊಲಿಪುಲೆ೧೯೧೯ಡ್ ವಿದ್ಯಾರ್ಥಿ ವೇತನದ ಮೂಲಕ ಕೇಂಬ್ರಿಬ್ಜ್ ವಿಶ್ವವಿದ್ಯಾಲಯಗ್ ಅಧ್ಯಯನಗ್ ಪೋಯಿನ ರೆಹಮಾನ್, ಸೇಂಟ್ ಕ್ಯಾಥರೀನ್ ಕಾಲೇಜಿಡ್ ಪದವಿ ಪಡೆಯೆರ್ . ೧೯೨೬ಡ್ ಸಿಂಗಾಪುರಗ್ ಬತ್ತ್ ನ ರೆಹಮಾನ್, ೧೯೩೦ ಬೊಕ ೩೧ಡ್ ರಡ್ಡ್ ಸರ್ತಿ ಕಾನೂನು ಪದವಿ ಪಡೆಯೆರೆ ವಿಫಲರಾಯೆರ್ . ಕುಟುಂಬ ೧೯೩೩ಡ್ ಕುಲಿಂಡ್ ಮೆರಿಯಂ ಚೊಂಗ್ ಅರೆನ್ ಮದಿಮೆ ಆಯಿನ ರೆಹಮಾನ್, ೧೯೩೫ಡ್ ಮೆರಿಯಂ ಮಲೇರಿವೈರ್ದ್ ತೀರ್ದಾನಗ ಇಂಗ್ಲೆಂಡ್ ದ ಗೆಳತಿ ವಯೊಲೆಟ್ ಕೌಲ್ಸನ್ ಅರೆನ್ ಮದಿಮೆ ಆಯೆರ್ . ೧೯೪೭ಡ್ ವಿಚ್ಚೇದನವಾಯಿ ಬೊಕ ಶರೀಫ಼ಾ ಬರಕ್ಬಾಹ್ ರೆನ್ ಮದಿಮೆ ಆಯೆರ್ [೨].
ಸರ್ಕಾರಿ ಸೇವೆ
ಸಂಪೊಲಿಪುಲೆಪ್ರತಿಷ್ಠಿತ ಕುಟುಂಬಡ್ ಪುಟ್ಟುನ ಕಾರಣರ್ದ್ ಸರ್ಕಾರಿ ಉದ್ಯೋಗ ರೆಹಮಾನ್ ರೆಗ್ ಖಾತರಿ ಆದಿತ್ತ್oಡ್. ಖೇಡಾದ , ಕುಲಿಂ ಡ್ ಉಪ ಜಿಲ್ಲಾಧಿಕಾರಿಯಾದ್ ಕಾರ್ಯ ಮಲ್ತ್ ನ ರೆಹಮಾನ್ ಪಾಪದಕ್ಲೆನ ಬೇನೆ ತೆರಿಯೊಂಡೆರ್. ಸರ್ಕಾರಿ ಕಾನೂನು ಪರೀಕ್ಶೆಡ್ ಪಾಸಾಯಿನ ರೆಹಮಾನ್, ಮಲೇರಿಯಾ ಪೀಡಿತ ಪದಂಗ್ ತೆರಪ್ ಡ್ ಜಿಲ್ಲಾಧಿಕಾರಿಯಾದ್ ಎಡ್ಡೆ ಕಾರ್ಯ ಮಲ್ತೆರ್ .ಲಂಕಾವಿ ಜಿಲ್ಲೆಡ್ ರೆಹಮಾನ್ ನಡಪಾಯಿನ ರೋಡ್ ದ ಕೆಲಸ ಮೆಚ್ಚುಗೆಗ್ ಪಾತ್ರವಾಂಡ್ . ಸುಂಗಾಯ್ ಪೆಟಾನಿ ಕುಲಿಂ ಅಲ್ಪಲಾ ಜಿಲ್ಲಾಧಿಕಾರಿ ಆಯೆರ್ . ೧೯೩೯ಡ್ ವಕೀಲವೃತ್ತಿ ದೆತೊನೆರೆ ರೇಡಿಯಾಯಿನ ರೆಹಮಾನ್ ರಡ್ಡ್ ನೇ ವಿಶ್ವಯುದ್ಧದದ ಕಾರಣ ಕುಲಿಂ ಕಡ್ಡಾಯನೇಮಕಾತಿ ಆದಿತ್ತ್ ದ್ ಜಿಲ್ಲಾಧಿಕಾರಿಯಾದ್ ೩ ವರ್ಷ ನೇಮಕ ಆಯೆರ್ . ೧೯೪೧ ಅಕ್ಟೋಬರ್ ಡ್ ಜಪಾನೀಯೆರ್ ಮಲಯಾದ ಪೆನಾಂಗ್ ಮಿತ್ತ್ ಬಾಂಬ್ ದಾಳಿ ಮಲ್ತ್ ನಾಗ ರೆಹಮಾನ್ ಕುಟುಂಬ ಸಿದಿಂಡ್ ಆಶ್ರಯ ಪಡೆಯೆರ್ . ಜಪಾನೀಯೇರ್ನ ಆಡಳಿತಡ್ ಮನಸ್ಸಿಜ್ಜನ್ದೆ ಜಿಲ್ಲಾಧಿಕಾರಿಯಾದ್ ದುಂಬು ಪೋಯೆರ್. ೧೯೪೫ಡ್ ಜಪಾನ್ ಶರಣಾನಗ ಹಾರೋಲ್ಡ್ ಮಾಕ್ಮಿಲನ್ ಬ್ರಿಟಿಷ್ ಸರ್ಕಾರದ ಪ್ರತಿನಿಧಿಯಾದ್ ಮಲಯಾದ ಕೌಲಾಲಂಪುರಗ್ ಬತ್ತೇರ್ . ಸಂಧಾನ ಅನ್ವಯ ಖೇಡಾ, ಜೊಹೊರ್, ಸೆಲಂಗೊರ್, ಪಹಂಗ್ ಬೊಕ ಪೇರಕ್ ಪ್ರಾಂತ್ಯಗ್ಲೇ ಸುಲ್ತಾನೆರ್ ಒಂಜಾದ್ ೧೯೪೬ಡ್ ಸಂಯುಕ್ತ ಮಲಯಾ ದೇಶ ರಚನೆ ಘೋಷಣೆ ಪಂದಾನ್ಡ್ . ೧೯೪೬ ಡಿಸೆಂಬರ್ ರ್ದ್ ಜನವರಿ ೧೯೪೯ಮುಟ್ಟ ರಜೆ ದೆತ್ತ್ ದ್ ಲಂಡನ್ ಡ್ ಕಾನೂನು ಪದವಿಗಾದ್ ಅಧ್ಯಯನ ಮಲ್ತ್ ನ ರೆಹಮಾನ್ , ಪೆನಾಂಗ್ ಡ್ ಸರ್ಕಾರ ವಕೀಲೆರಾದ್ ನೇಮಕ ಆಯೆರ್ .
ರಾಜಕೀಯ
ಸಂಪೊಲಿಪುಲೆಖೇಡಾ ಪ್ರಾಂತ್ಯದ UMNO ಪಕ್ಷದ ಅಧ್ಯಕ್ಷರಾದ್ ಆಗಸ್ಟ್ ೧೯೫೧ಡ್ ನೇಮಕ ಆಯಿನ ರೆಹಮಾನ್, ಸರ್ಕಾರಿ ಕೆಲಸಾಗ್ ರಾಜೀನಾಮೆ ಕೊರಿಯೆರ್ . ಅಬ್ದುಲ್ ರಜ಼ಾಕ್ ನೊಟ್ಟಿಗೆ ಪಕ್ಷ ಕಟ್ರೆ ದುಂಬಾಯೆರ್ . ನಾಗರೀಕ ಸರ್ಕಾರಗ್ ಒತ್ತಾಯ ಮಂಡಿಸಾಯಿನ ರೆಹಮಾನ್, ಮೈತ್ರಿ ಪಕ್ಷಗ್ಲೆ ಒಟ್ಟಿಗೆ ಒಪ್ಪಂದ ಮಲ್ತ್ ದ್ ಚುನಾವನೆಗ್ ಉಂತುದು ಗೆಲ್ತೆರ್ .
ಮಲಯಾದ ಮುಖ್ಯಮಂತ್ರಿಯಾದ್ ೧೯೯೫೫-೫೭ ಮುಟ್ಟ ಕಾರ್ಯ ನಿರ್ವಹಿಸಾಯೆರ್ . ಸಿಂಗಪುರದ ಮುಖ್ಯಮಂತ್ರಿ ಡೇವಿಡ್ ಮಾರ್ಷಲ್ ರೊಟ್ಟಿಗೆ ಶೀತಲ ಸಮರ ನಡತಿತ್ತ್oಡ್ . ರೆಹಮಾನ಼್ರೆಡ ಮೈತ್ರಿ ಪಕ್ಷ ೧೯೫೯, ೧೯೬೪ತ ಚುನಾವಣೆ ಗೆಲ್ತ್oಡ್ .ಮಲಯಾ, ಸಿಂಗಾಪುರ ಸೇರ್ದ್ ಮಲಯಾ ಫ಼ೆಡರೇಷನ್ ರಾಷ್ತ್ರ ೧೯೬೩ಟ್ ಸ್ಥಾಪನೆಯಾನಾಗ ರೆಹಮಾನ್ ದೇಶದ ಪ್ರಧಾನಿಯಾಯೆರ್ . ೧೯೬೦ರ್ದ್ ಇಸ್ಲಾಮಿಚ್ ರಾಷ್ಟ್ರಗಳ ಒಕ್ಕೂಟ (OIC)ಯ ಸಂಸ್ಥಾಪಕರಾಯಿನ ರೆಹಮಾನ್ ಇಸ್ಲಾಂನ್ ಪ್ರಬಲವಾದ್ ಪ್ರತಿಪಾದಿಸಿಯೆರ್ . ಮಲೇಷಿಯಾ ಜಾತ್ಯತೀತ ರಾಷ್ಟ್ರವಾಂಡಲಾ ಇಸ್ಲಾಮ್ ತತ್ವಗುಳು ಮಂಚೂಣಿಡ್ ಉಪ್ಪೊಡು ಪನ್ಪುನ ರೆಹಮಾನೆರ್ನ ವಿಚಾರಸರಣೀ. ಜನಾಂಗೀಯ ಕಲಹಗ್ ತೀವ್ರ ಆಯಿನೆರ್ದಾವರ ಸಿಂಗಾಪುರನ್ ೧೯೬೫ಡ್ ಉಚ್ಚಾಟ ಮಲ್ತೆರ್ . ೧೯೬೯ತ ಚುನಾವಣೆಡ್ ವಂತೆ ಓಟುಡು ಗೆಲ್ತ್ ನ ರೆಹಮಾನ್, ಯುವನಾಯಕೆರ್ ಗಲಾಯಿನ ಮೊಹಾತೀರ್ ಮೊಹಮದ್, ಮೂಸಾ ಹಿತಂ ಮತ್ತಿತಾರೇರ್ನ ವಿರೋಧ ಕಟ್ಟೋನ್ದು . ಉದಾರವಾದಿ ಮಾರುಕಟ್ಟೆದ ನಿಯಮಗ್ಲೆನ್ ಕ್ರಮಕ್ರಮವಾದ್ ಜಾರಿಗೊಳಿಸುನ ರೆಹಮಾನರ ನಡೆ ಯುವನಾಯಕೆರೆಗ್ ಒಪ್ಪಿಗೆ ಆತ್ ಜಿ . ೧೯೭೦ಡ್ ರಾಜೀನಾಮೆ ಇತ್ತ್oಡ್ ಅಬ್ದುಲ್ ರಜ಼ಾಕ್ ರೆಗ್ ಅಧಿಕಾರ ಹಸ್ತಾಂತರಿಸಾಯೆರ್ .
ನಿಧನ
ಸಂಪೊಲಿಪುಲೆ೧೯೯೦ಮುಟ್ಟ ಹಿರಿಯ ನಾಗರೀಕೆ ರಾದ್ ಸುಮಾರ್ ಗೌರವಗ್ಲೆಗ್ ಪಾತ್ರರಾಯಿನ ರೆಹಮಾನ್, ೬ ಡಿಸೆಂಬರ್ ೧೯೯೦ತಾನಿ ನಿಧನರಾಯೆರ್.
ಕೊಂಡಿಲು
ಸಂಪೊಲಿಪುಲೆ- [೧][dead link]
- tunkuabdulrahman.com Archived ೨೦೧೨-೧೦-೧೦ at the Wayback Machine
- [೨]
- [www.thefamouspeople.com/profiles/tunku-abdul-rahman-93.php]
- [www.biography.com/people/tunku-abdul-rahman-9174103]
- [www.yayasantar.org.my/eng/sp_biography.html]
- [೩]
ಉಲ್ಲೇಖ
ಸಂಪೊಲಿಪುಲೆ- ↑ "ಆರ್ಕೈವ್ ನಕಲು" (PDF). Archived from the original (PDF) on 2020-09-20. Retrieved 2016-11-30.
- ↑ "ಆರ್ಕೈವ್ ನಕಲು". Archived from the original on 2015-04-02. Retrieved 2016-11-30.