ನಚಿಕೇತ
ನಚಿಕೇತ ಪನ್ಪುನಾಯೆ ಅರುಣಿ ಪನ್ಪುನ ಉದ್ಧಾಲಕ ಮುನಿನ ಮಗ. ದ್ರುಡೊ ಮನಸ್ಸ್‌ದ ಹಠವಾದಿ ಆನ್. ಆಯನ ಅಮ್ಮೆ ಯಜ್ಞೊಡು ಮುದಿಗೋವುಲೆನ್ ದಕ್ಷಿಣೆಯಾದ್ ಬ್ರಾನೆರೆಗ ದಾನೊ ಕೊರೊಂದಿಪ್ಪುನವು ಆಯಗ್ ಸರಿ ತೋಜುಜಿ. ಅಮ್ಮಗ್ ಬುದ್ಧಿ ಪನಯೆ, ಪನಂದೆ ಇಪ್ಪಯೆ. ಎಂಚಾಂಡಲಾ ಅಮ್ಮನ ಬೇಲೆಗ್ ತಡೆವೊಡ್ಡೊಡು. ಎಂಚ? ಅಯಿಕ್ ಒಂಜಿ ಉಪಾಯೊ ನಾಡಿಯೆ. ಅಮ್ಮೆರೆ ಕೈತಡೆ ಅಪಗಪಗ ಪೋದ್ ಅಮ್ಮಾ ಎನನ್ ಏರೆಗ್ ಕೊರ್ಪಂದ್ ಕೇನ್ಯರೆ ಸುರು ಮಲ್ತೆ. ಕೋಪೊಡು ಅರುಣಿ ನಿನನ್ ಸಾವುದ ಬಾಯಿಗ್ ಕೊರ್ಪೆಂದ್ ಪಂಡೆ. ಕೂಡ್ಲೆ ನಚಿಕೇತೆ ಅಮ್ಮೆರೆ ಪಾತೆರೊನು ನಡಪಾಯೆರೆ ಕುಸಿಟ್ ಲಕ್ಕ್‌ಯೆ. ಯಮನಾಡೆಗ್ ಪೋಯೆ. ಯಮೆ ಇದ್ಯಾಂಡ್. ಆಯೆ ಬರ್ಪುನೇಟ ಕಾತ್‍ದ್ ಕುಲ್ಲ್‌ಯೆ. ತನ್ನೊ ಅಸಾಧಾರನೊ ಪ್ರತಿಭೆಡ್ದ್ ಆಯೆನ ಪ್ರಶ್ನೆಲೆಗ್ ಮಾತಾ ಉತ್ತರೊ ಕೊರ್‍ದ್ ಆಯನ್ ಮೆಚ್ಚಿಯೆ. ಆನನ ಬುದ್ಧಿವಂತಿಕೆಗ್ ಮೆಚ್ಚ್‌ನ ಯಮೆ, ಪರೀಕ್ಷೆ ಮಲ್ಪೆರೆ ಸುರು ಮಲ್ತೆ. ಆಂಡ ದ್ರುಡೊ ಮನಸ್ಸ್‌ದ ನಚಿಕೇತೆ ಬಗ್ಗ್‌ಜೆ. ಯಮೆ ಆಯನ್ ಸಮ್ಮನೊ ಮಲ್ತೆ. ಯಮಡ್ದ್ ದಿಮಜ ಜ್ಞಾನಸಂಪತ್ತ್‌ನ್ ಗಳಸ್‌ದ್ ಇಂಬ್ಯೆ ಸಂತೃಪ್ತೆ ಆಬುಕ್ಕೊ ಅಮ್ಮೆರೆನ್ ಸೇರೊಂಡೆ. ನಚಿಕೇತನ ಉಪಾಖ್ಯಾನೊ ಕಠೋಪನಿಷತ್ತ‍್‌ಡ್ ಪ್ರಸಿದ್ದೊ ಆದುಂಡು.[೧]