ಮುಕ್ಯೊ ಪರಿವಿಡಿ ತೋಜಾಲೆ


ನವೀನ್ ಡಿ ಪಡೀಲ್ ಮೇರ್ ತುಳು ರಂಗಭೂಮಿದ ಜನಪ್ರಿಯ ನಟೆ, ನಿರ್ದೇಶಕೆರ್, ಪಾತೆರುನಾರ್.

ನವೀನ್ ಡಿ ಪಡೀಲ್
ಬೇಲೆನಟೆ , ನಿರ್ದೇಶಕೆ
ಜಾಲತಾಣೊhttp://www. .com/

ನವೀನ್ ಡಿ ಪಡೀಲ್[೧] ಮೇರ್ ತುಳು ರಂಗಭೂಮಿದ ಜನಪ್ರಿಯ ಕಲಾವಿದೆರ್.

ಪರಿಚಯಸಂಪೊಲಿಪುಲೆ

ನವೀನ್ ಡಿ ಪಡೀಲ್‍ನ ಅಭಿಮಾನಿಲು ಮೋಕೆಡ್ ’ಕುಸಲ್ದರಸೆ’ ಪಂಡ್‍ದ್ ಲೆಪ್ಪುವೆರ್. ಪಡೀಲ್ ಪಾತ್ರ ಮಂತಿನ ನಾಟಕೊಲು - ಆಟದ ಉಲಯಿ ಆಟ, ಒರಿಯರ್ದೊರಿ ಅಸಲ್, ಪುದರ್ ದೀತಿಜಿ, ಗಂಗುನ ಗಮ್ಮತ್ತ್. ಸುರುಕು ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ಮೆರೆನ ನಾಟಕ ತಂಡೊಡು ಇತ್ತಿನ ಪಡೀಲ್ ಬೊಕ್ಕ ಚೂರು ದಿನ ದೇವದಾಸ್ ಕಾಪಿಕಾಡ್ ಮೆರೆನ ನಾಟಕ ತಂಡಡ್ ಇತ್ತೆರ್. ಮೇರ್ ಕಿಶೋರ್ ಡಿ ಶೆಟ್ರೆನ ’ಲಕುಮಿ ಕಲಾವಿದೆರ್’ ಪನ್ಪಿ ನಾಟಕ ತಂಡದೊಟ್ಟುಗು ಉಲ್ಲೆರ್. ಮೇರ್ ನಿರ್ದೇಶನ ಮಲ್ತಿನ ನಾಟಕೊಲು - ಅಂಚಿಲತ್ತ್ ಇಂಚಿಲತ್ತ್,...ಮಲಯಾಳದ ಜನಪ್ರಿಯ ನಿರ್ದೇಶಕೆ ಅಡೂರು ಗೋಪಾಲಕೃಷ್ಣ ಮೆರ್ನ ನಿರ್ದೇಶನದ ಮಲಯಾಳ ಚಿತ್ರ ’ವಿಧೇಯನ್’ಡ್ ಮೇರ್ ಒಂಜಿ ಪಾತ್ರ ಮಲ್ತಿತ್ತೆರ್. ಬುಲೆವೊಂದಿಪ್ಪುನ ತುಳು ಸಿನೆಮಾ ರಂಗೊಡ್ ನವೀನ್ ಡಿ.ಪಡೀಲ್ ಮೆರೆನ ಪಾತ್ರ ಮಲ್ಲ. ಪುಗಾರ್ತೆ ಪಡೆಯಿನ ತುಳು ಹಾಸ್ಯ ಕಲಾವಿದೆರೆಡ್ ನವೀನ್ ಡಿ.ಪಡೀಲ್ ಮೇರ್ಲ ಒರಿ.ಇಂಚಿಪ ಪ್ರಸಿದ್ಧಿ ಪಡೆಯಿನ ತುಳು ಸಿನೆಮಾ "ಚಾಲಿಪೋಲಿಲು"ಡ್ ಮೆರೆನ ಪಾತ್ರ ಬಾರಿ ಪೊರ್ಲು ಆದಿತ್ಂಡ್. ಅಂಚೆನೆ "ಎಕ್ಕಸಕ್ಕ" ಸಿನಿಮೊಡ್ಲ ಮೇರ್ ಪಾತ್ರ ಮಲ್ತ್‍ದ್ ಇತ್ತೆರ್. ಈತೆ ಅತ್ತ್ ತೆರೆಕ್ ಬರೊಂದುಪ್ಪುನ ಮಸ್ತ್ ಸಿನಿಮಾಡ್ ಮೆರ್ ನಟನೆ ಮಲ್ತೊಂದುಲ್ಲೆರ್.

ನಾಟಕಡ್ ಮಲ್ತಿನ ಪ್ರಮುಖ ಪಾತ್ರೊಲುಸಂಪೊಲಿಪುಲೆ

  • ಆಟದ ಉಲಯಿ ಆಟ - ಪುದಾ ಬೊಕ್ಕ ಬಂಟಕೋರಿ
  • ಒರಿಯರ್ದೊರಿ ಅಸಲ್ - ಭಜನೆ ಮಾಸ್ಟರ್ ಬಸಪ್ಪಣ್ಣೆ
  • ಪುದರ್ ದೀತಿಜಿ - ಬೂಬಣ್ಣೆ
  • ಅಕ್ಕ - ಅಮರ್.

ಪಿದಾಯಿದ ಕೊಂಡಿಸಂಪೊಲಿಪುಲೆ