ನೀರ್ಪುಂಡಿ

ನೀರ್ಪುಂಡಿ ದಕ್ಷಿಣ ಕನ್ನಡ ಜಿಲ್ಲೆಡ್ ಪ್ರಸಿದ್ಧವಾಯಿನ ಬೊಕ ಕೆಲವೊರ ಬಡವರೆನ ಆಹಾರೊ ಪಂದೇ ಪುದರ್ ಪೋತಿನ ಉಂದು ತಿಂಡಿಯೇ ನೀರ್ಪುಂಡಿ. ಉಂದು ಒವುಲಾ ಮಸಾಲೆನ್ ಪೂರಾ ಬಳಸಂದೆ ಮನ್ಪುನ ಪಥ್ಯೊದ ತಿನರೆ ಅಂತಾ ಉಂದು ಸಾಂಪ್ರದಾಯಿಕವಾಯಿನ ದೇಹಗ್ ಬೊಡಾಯಿನ ತಿನರೆ.

ನೀರ್ಪುಂಡಿ ಮನ್ಪರೆ ಬೋಡಾಪಿನ ಸಾಮಗ್ರಿಲು

ಉರ್ಪೆಲ್ ಅರಿ - 2 ಲೋಟೆ ಉಪ್ಪು - ರುಚಿಗ್ ಬೋಡಾಯಿನಾತ್

ನೀರ್ಪುಂಡಿ ತಯಾರ್ ಮನ್ಪುನ ವಿಧಾನೊ

ಉರ್ಪೆಲ್ ಅರಿನ್ ಆಜಿ ಗಂಟೆ ಬೊದುಲರೆ ದೀವೊಡು. ಬೊಕ ಅಯಿಕ್ ರುಚಿಗ್ ಬೋಡಾಯಿನಾತ್ ಉಪ್ಪು ಸೇರಾದ್ ಲೇಪದ ಲೆಕ್ಕ ಕಡೆಯೊಡು. ಈ ಕಡೆದಿನ ಬಂದೊನು ಬಾಣಲೆಡು ದೀದು ಉರ್ಗಂದಿಲೆಕ್ಕ, ಸಾಧಾರಣ ಉರಿಡ್ ಬೆಚ್ಚ ಮನ್ಪೊಡು. ಬೊಕ‌ ಬಂದೊನು ಕಿನ್ಯ ಕಿನ್ಯ ಉಂಡೆಲೆನು ಮಂತುದು ಕೊದಿಪುನ ನೀರ್ ಡ್ ಬೇಯಿಪಾವೊಡು.

ನೀರ್ಪುಂಡಿದ ವಿಧೊಕುಲು

ನೀರ್ಪುಂಡಿ ಗ್ ಒಂತೆ ಮಸಾಲೆ ಸೇರುನಗ ಅಯಿಕ್ ಒಂಜಿ ಪೊಸ ಪುದರ್ ಬರ್ಪುಂಡು . ಅವ್ವೇ ಮಸಾಲೆ ಪುಂಡಿ. ಅಂಚೆನೇ ಮರ್ವಾಯಿ ಸೇರುಂಡ ಮರ್ವಾಯಿ ಪುಂಡಿ. ಬಸಲೆ ಸೇರುಂಡ ಬಸಲೆ ಪುಂಡಿ. ತಾರಾಯಿ ಬೊಕ ಏಲಕ್ಕಿ ಸೇರುಂಡ ತಾರಾಯಿ ಪುಂಡಿ. ಉಂದು ತಾರಾಯಿ ಪುಂಡಿನ್ ತಾರಾಯಿದ ಚಟ್ನಿದೊಟ್ಟು ತಿನರೆ ಬಾರೀ ಎಡ್ಡೆ ಆಪುಂಡು. ಉಂದು ಕೆಲವೊರ ಮುಷ್ಟಿ ಕಟ್ಟುದು ಮನ್ಪುವೆರ್ ಅಂಚಾ ಉಂದೆನ್ ಮುಷ್ಟಿ ಪುಂಡಿ ಪಂದ್ ಲಾ ಪನ್ಪೆರ್.

ಮಳಿ ಪುಂಡಿ (ಮರ್ವೈ ಪುಂಡಿ)

ಸಿಖೆಟ್ ಬೇಯಿಪುನೇಟ್ ಉಂದು ಒಂಜಿ ನಮೂನಿದ ಪರಿಮಳ ಈ ಪುಂಡಿಗ್ ಉಪ್ಪುಂಡು.

ಮಸಾಲೆ ಪುಂಡಿ ಮನ್ಪುನ ವಿಧಾನೊ

ನೀರ್ಪುಂಡಿದ ಲೆಕ್ಕ ಉಂಡೆಲೆನು ಮಂತುದು, ಕುಂಟು ಪಾಡುದಿನ ತೊಂದುರುಡು ಉಂದೆನ್ ಬೇಯಿಪಾವೊಡು. ರುಚಿಗ್ ತಕ್ಕೊ ಉಪ್ಪು ಸೇರಾವೊಡು. ಅಗತ್ಯ ಬೋಡಿತ್ತಿನಾತ್ ಮಸಾಲೆ (ಮುಂಚಿ, ಕೊತ್ತಂಬರಿ, ಸಾಸೆಮಿ, ಜೀರಿಗೆ, ಮೆಂತ್ಯ, ಪುಣ್ಕೆದ ಪುಳಿ, ನೀರುಳ್ಳಿ, ಬೆಳ್ಳುಳ್ಳಿ ) ನ್ ಪಾಡುದು ಎಡ್ಡೆ ಡ್ ಕಡೆಯೊಡು. ಈ ಮಸಾಲೆನ್ ಕೊದಿಪಾವೊಡು. ಅಂಚೆನೇ , ಕಿನ್ಯ ಕಿನ್ಯ ಪುಂಡಿಲೆನ್ ಮಸಾಲೆಗ್ ಪಾಡುದು, ಕುಡೊರ ಕುದಿಸಾಲೆ. ಒಂತೆ ಚಪ್ಪೆ ಅರತಿ ಬೊಕ ತಿನರೆ ಕೊರ್ಲೆ. ಇಂಚ ರುಚಿ ಆಯಿನ ಮಸಾಲೆ ಪುಂಡಿ ತಯಾರಾದ್ ತಿನರೆ ಸಿದ್ಧ ಆಪುಂಡು.