ನುಂಗೆಲ್ ಎಟ್ಟಿ

ನುಂಗೆಲ್ ಎಟ್ಟಿ:ಎಟ್ಟಿ ಕಡಲ್‍ಡ್ ತಿಕ್ಕುನ ತಿನ್ಪಿನ ಸೊತ್ತು. ಮರಿಯಾಲದ ಪೊರ್ತುಡ್ ಬೆಚ್ಚ ಬೆಚ್ಚ ಉರ್ಪೆಲ್ ಅರಿತ ಗಂಜಿದ ಒಟ್ಟಿಗೆ ನುಂಗೆಲ್ ಎಟ್ಟಿದ ಚಟ್ನಿ ಬಾರಿ ರುಚಿ, ತವುತೆ, ಕೆಂಬುಡೆ, ಇಂಚ ತರಕಾರಿ ಕಜಿಪುದ ಒಟ್ಟಿಗೆಲ ಬೆರೆಕೆ ಪಾರ್ದ್ ಗಸಿ ಮನ್ಪುವೆರ್. ಎಟ್ಟಿ ಜೀವೊಗು ಮಸ್ತ್ ಉಷ್ಣ, ಅಂಚಾದ್ ಕೆಲವೆರೆಗ್ ಎಟ್ಟಿ ತಿಂಡ ಆಪುಜಿ.^[೧]

ಗಲಸುನು

ಅರೇಗಲಡ್ ಪಜ್ಜಿ ಎಟ್ಟಿ‌ನ್ ನುಂಗವೆರ್, ಒಂತೆ ತಿಂಗೊಳ್ ಆಯಿ ಬೊಕ್ಕ ಅವೆನ್ ಮಾರ್ಕೆಟ್ ಡ್ ಮಾರುವೆರ್, ಮರಿಯಾಲದ ಪೊರ್ತುಡ್ ಜೋರು ಬರ್ಸ ಬನ್ನಗ ಕಜಿಪುಗ್ ದಾಲ ಇಜ್ಜಿಂಡ ಈ ಎಟ್ಟಿನ್ ಚಟ್ನಿ ಮನ್ಪರೆ ಗಳಸುವೆರ್. ದುಂಬು ಬಂಗ ಇಪ್ಪುನಗ ಮೀನ್ ಮಾಸ ಕನವೆರೆ ಕಾಸ್ ಇಪ್ಪುಜಿ ಅಂಚಿನ ಪೊರ್ತುಡ್ ಈ ನುಂಗೆಲ್ ಎಟ್ಟಿಡ್ ಗಂಜಿ ವನಸ್ ಮಂತೊಂದು ಇತ್ತೆರ್.

ನುಂಗೆಲ್ ಎಟ್ಟಿ ಕಜಿಪುದ ಬಗೆ

ಎಟ್ಟಿ ಪೊಡಿ ಚಟ್ನಿ
ತೌತೆ ಎಟ್ಟಿ ಗಸಿ
ಪೆಲತರಿ ಎಟ್ಟಿ ಸುಕ್ಕ
ಪೆಲತರಿ ಎಟ್ಟಿ ಗಸಿ
ಕೆಂಬುಡೆ ಎಟ್ಟಿ ಗಸಿ

ಬೇತೆ ಬಾಸೆಲೆಡ್ ನುಂಗೆಲ್ ಎಟ್ಟಿ

ಎಲ್ಯ ನುಂಗೆಲ್ ಎಟ್ಟಿ

ಡ್ರೈಡ್ ಶ್ರಿಂಪ್/ ಡ್ರೈಡ್ ಪ್ರವ್ನ್ಸ್ - ಇಂಗ್ಲಿಸ್ ಬಾಸೆಡ್^[೨]
ಒಣಗಿದ ಸಿಗಡಿ - ಕನ್ನಡ ಬಾಸೆಡ್^[೩]
ಸೂಖೆ ಝೀಂಗೆ - ಹಿಂದಿ ಬಾಸೆಡ್^[೪]

ಆರೋಗ್ಯ ಉಪಯೋಗೊಲು

ನುಂಗೆಲ್ ಎಟ್ಟಿ ಪ್ರೋಟೀನ್ ದ ಅಂಸ ಬುಕ್ಕ ವಿಟಮಿನ್ ಇ ಬೊಕ್ಕ ಆಂಟಾಕ್ಸಿಡೆಂಟ್ಸ್ ಮಸ್ತ್ ಇಪ್ಪುಂಡು. ಅಂಚಾದ್ ಸರಿರೊಗ್ ವಿಟಮಿನ್ ಸಕ್ತಿನ್ ಕೊರ್ಪುನ ಅಮಸ ಉಂದೆಟ್ಟ್ ಉಂಡುಂದು ಪನ್ಪೆರ್. ^[೫]