ನೈಸ್ ಶಿಲೆ

ರೂಪಾಂತರ ಶಿಲೆಕುಲೆಡು ಒಂಜಿ ಸಾಮಾನ್ಯೊ ಬಗೆತ ಶಿಲೆಕ್ ನೈಸ್ (gneiss) ಇಂದ್ ಪಣ್ಪೆರ್.ಭೂಮಿದ ಉಲಾಯಿ ಎಚ್ಚ ಉಷ್ಣಮಾನ ಬೊಕ ಒತ್ತಡ ಪರಿಸ್ತಿತಿ ಉಂಡಾಯಿನ ಶಿಲಾವರ್ಗ. ಕರ್ನಾಟಕದ ಎಚ್ಚಿನ ಬಾಗೊಲೆಡು ಈ ನೈಸ್ ಪಣ್ಪಿನ ಶಿಲೆ ಬೇತೆ ಬೇತೆ ಬಗೆಕುಲೆಡು ತಿಕ್ಕುವಾ.

ನೈಸ್ ಶಿಲೆ, ದಕ್ಷಿಣ ಕನ್ನಡ ಜಿಲ್ಲೆ, ಕರ್ನಾಟಕ

ಪೆನಿನ್ಸುಲಾರ್ ನೈಸ್

ಭಾರತದ ದಖ್ಖಣ ಪೀಠ ಭೂಮಿ ದ ಪ್ರದೇಶೊಡು ತಿಕ್ಕುನ ನೈಸ್ ಶಿಲೆಗು ಭೂವಿಜ್ಞಾನಿಲು ಪೆನಿನ್ಸುಲಾರ್ ನೈಸ್(Peninsular Gneiss) ಇನ್ಪಿನ ಪುದರ್ ಕೊರ್ತೆರು. ಈ ಬಗೆತ ನೈಸ್ ಶಿಲೆ ಅಂದಾಜಿ ೩೦೦೦ ಮಿಲಿಯನ್ (೩೦೦ ಕೋಟಿ) ವರ್ಷೊಲೆನ ಪಿರಾವು ಉಂಡಾತಿನವು ಇಂದ್ ವಿಕಿರಣ-ಶೀಲ (ರೇಡಿಯೋಆಕ್ತಿವ್) ಕಾಲಗಣನೆ ವಿಧಾನೊಲೆಡು ತೋಜಿದ್ ಬೈದುಂಡು.

ಗೋರೂರು ನೈಸ್

ಕರ್ನಾಟಕ ರಾಜ್ಯದ ಹಾಸನ ಜಿಲ್ಲೆದ ಗೋರೂರು ಇನ್ಪಿನ ಊರುಡು ತಿಕ್ಕುನ ನೈಸ್ ಶಿಲೆನು ಕಾಲಮಾನ ಗಣನೆ ಮಲ್ಪುನಗ ಅವು ೩೩೦೦ ಮಿಲಿಯನ್ ವರ್ಷದ ಪಿರವು ಉಂಡಾತಿನವು ಇಂದ್ ತೋಜಿದ್ ಬೈದಿಂಡ್.

ಅನ್ಮೋಡ್ ಘಾಟ್ ನೈಸ್

ಗೋವಾ ರಾಜ್ಯದ ಆನ್ಮೋಡ್ ಘಾಟ್ ಇನ್ಪಿನ ಪ್ರದೇಶೊದ ನೈಸ್ ಶಿಲೆಕುಲು ಗೋರೂರು ನೈಸ್ ಶಿಲೆಕುಲೆಡುದಲಾ ಪಿರಾವುದ ಇನ್ನಗ ೩೪೦೦ ಮಿಲಿಯನ್ (೩೪೦ ಕೋಟಿ) ವರ್ಷದವು ಇಂದ್ ತೆರಿದ್ ಬೈದಿಂಡು.