ಪಾಟೀಲ ಪಟ್ಟಪ್ಪೆ

ಪಾಟೀಲ ಪುಟ್ಟಪ್ಪ (೧೯೨೧ ಜನವರಿ ೧೪ - ಮಾರ್ಚ್ ೧೬, ೨೦೨೦) ಭಾರತೀಯ ಬರಹಗಾರೆ, ಅನುಭವಿ ಪತ್ರಕರ್ತೆ ಬೊಕ್ಕ ಹುಬ್ಬಳ್ಳಿ ಮೂಲದ ಕಾರ್ಯಕರ್ತೆರಾದ್ ಇತ್ತೆರ್. ಕನ್ನಡ ದಿನಪತ್ರಿಕೆ ವಿಶ್ವವಾಣಿದ ಸ್ಥಾಪಕ-ಸಂಪಾದಕರಾದ್ ಇತ್ತೆರ್. ಪುಟ್ಟಪ್ಪೆ, 1940 ಬೊಕ್ಕ 1950 ತ ದಶಕೊದ ಕಡೆಟ್ಟ್ ಕನ್ನಡಿಗೆರ್ ಬಹುಸಂಖ್ಯಾತೆರಾದ್ ಉಪ್ಪುನ ಪ್ರದೇಸೊಲೆನ್ ಏಕೀಕರಣ ಮಲ್ಪುನಂಚ ಒತ್ತಾಯ ಮಲ್ತ್ ದ್ ಆಂದೋಲನದ ಮುಂಚೂಣಿಡ್ ಇತ್ತೆರ್. ಆರ್ ಧಾರವಾಡ ಮೂಲದ ಕರ್ನಾಟಕ ವಿದ್ಯಾವರ್ಧಕ ಸಂಘದ ಅಧ್ಯಕ್ಷೆರಾದ್ ಇತ್ತೆರ್. ಆರ್ ರಾಜ್ಯಸಭೆಟ್ಟ್ ರಡ್ಡ್ ಅವಧಿಡ್ ರಾಜ್ಯನ್ ಪ್ರತಿನಿಧಿಸದೆರ್ (1962 ರ್ದ್ 1974). ಆರ್ ಕನ್ನಡ ಭಾಷಾ ಕಾವಲು ಸಮಿತಿದ ಸುರುತ ಅಧ್ಯಕ್ಷೆರಾದ್ ಇತ್ತೆರ್, ಆಯಿರ್ದ್ ಬೊಕ್ಕ ಉಂದೆನ್ ಕನ್ನಡ ಅಭಿವೃದ್ಧಿ ಪ್ರಾಧಿಕಾರ ಪಂಡ್‍ದ್ ಪಿರ ಪುದರ್ ದೀಯೆರ್. 2003ಟ್ ಬೆಳಗಾವಿಡ್ ನಡತಿನ 70 ನೇ ಕನ್ನಡ ಸಾಹಿತ್ಯ ಸಮ್ಮೇಲನದ ಅಧ್ಯಕ್ಷೆರಾದ್ ಇತ್ತೆರ್ ಪಾಟೀಲ ಪುಟ್ಟಪ್ಪೆರ್. ಆರ್ 1949ಟ್ ಕ್ಯಾಲಿಫೋರ್ನಿಯಾದ ಸ್ಟೇಟ್ ಯೂನಿವರ್ಸಿಟಿರ್ದ್ ಪತ್ರಿಕೋದ್ಯಮೊಡು ಸ್ನಾತಕೋತ್ತರ ಪದವಿ ಪಡೆಯೆರ್.

ಪಾಟೀಲ್ ಪುಟ್ಟಪ್ಪ
ಫೈಲ್:Patil-Puttappa.jpg
ಪುಟ್ಟಿನ ಊರು	(೧೯೨೧-೦೧-೧೪)೧೪ ಜನವರಿ ೧೯೨೧ ಹಲಗೆರಿ, ಭಾರತ
ಸೈತಿನ ದಿನೊ	16 ಮಾರ್ಚ್ 2020(2020-03-16) (aged 101) ಕಿಮ್ಸ್, ಹುಬ್ಬಳ್ಳಿ
ಬೇಲೆ	ಬರಹಗಾರೆ ಬೊಕ್ಕ ಪತ್ರಕರ್ತೆ
ಕಲ್ಪಾಟಿಕೆ	ಲಾಸ್ ಏಂಜಲೀಸ್ನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯರ್ದ್ ಪತ್ರಿಕೋದ್ಯಮ
ಕಲ್ತ್‌ನ ಸಂಸ್ಥೆ	ಯುಸಿಎಲ್ಎ ಸ್ಕೂಲ್ ಆಫ್ ಜರ್ನಲಿಸಂ
ಸಾಹಿತ್ಯೊ ಚಳುವಳಿ	ಕನ್ನಡ ಭಾಷಾ ಚಳುವಳಿ
ಮಾನಾದಿಗೆ	ಕನ್ನಡ ವಿಶ್ವವಿದ್ಯಾಲಯರ್ದ್ ನಾಡೋಜ ಪ್ರಶಸ್ತಿ

ಬಾಲ್ಯ ಬೊಕ್ಕ ಶಿಕ್ಷಣ

ಹಾವೇರಿ ತಾಲೂಕುದ ಕುರುಬಗೊಂಡಡ್ ಪುಟ್ಟಿಯೆರ್. ಸಾಲೆ ಓದ್‍ನೆ ಕುರುಬಗೊಂಡ,ಬ್ಯಾಡಗಿ, ಹಾವೇರಿ, ಧಾರವಾಡ‍ಲೆಡ್.

• ಕರ್ನಾಟಕ ಕಾಲೇಜಿಡ್‍ ರ್ದ್ ಪದವಿ. ಬೆಳಗಾವಿಡ್ ಕಾನೂನು ಅಧ್ಯಯನ.
• ಮುಂಬಯಿಡ್, ಹುಬ್ಬಳ್ಳಿಡ್ ಪತ್ರಿಕೆಲೆಡ್ ಕೆಲಸ. ೧೯೪೫ಟ್ ವಕೀಲಿ ವೃತ್ತಿಗಾದ್ ಮುಂಬಯಿಗ್ ಪೋಯೆರ್.
• ೧೯೪೯ಟ್ ಕೆಲಿಫೋರ್ನಿಯಾ ವಿಶ್ವವಿದ್ಯಾಲಯರ್ದ್ ಪತ್ರಿಕೋದ್ಯಮ‍ಡ್ ಸ್ನಾತಕೋತ್ತರ ಪದವಿ.
• ಅಮೇರಿಕರ್ದ್ ಬತ್ತಿ ಬೊಕ್ಕ ನವಯುಗ ಮಾಸಪತ್ರಿಕೆದ ಸಂಪಾದಕೆರಾಯೆರ್.
• ೧೯೫೪ಟ್ ``ಪ್ರಪಂಚ`` ಪತ್ರಿಕೆದ ಸ್ಥಾಪನೆ.
• ೧೯೬೨‍ರ್ದ್ ೧೯೭೪‍ಮುಟ್ಟ ರಡ್ಡ್ ಅವಧಿಗ್ ರಾಜ್ಯಸಭಾ ಸದಸ್ಯೆರಾದ್ ಇತ್ತೆರ್.
• ಕನ್ನಡ ಕಾವಲು ಸಮಿತಿದ ಅಧ್ಯಕ್ಷೆರಾದ್ ಇತ್ತೆರ್

ಸಂಪಾದಕರಾದ್

೧೯೪೭ಟ್ ವಿಶಾಲ ಕರ್ನಾಟಕ, ೧೯೫೨ಟ್ ನವಯುಗ, ೧೯೫೪ಟ್ ಪ್ರಪಂಚ ಸಾಪ್ತಾಹಿಕ, ೧೯೫೬ಟ್ ಸಂಗಮ ಮಾಸಿಕ, ೧೯೫೯ಟ್ ವಿಶ್ವವಾಣಿ ದೈನಿಕ, ೧೯೬೧ಟ್ ಮನೋರಮ ಸಿನಿಮಾ ಪಾಕ್ಷಿಕ, ೧೯೬೪ಟ್ ಸ್ತ್ರೀ ಮಾಸಿಕ ಇಂಚ ಬೆತೆ ಬೇತೆ ಪತ್ರಿಕೆಲೆನ ಸಂಪಾದಕೆರಾದ್ ಬೇಲೆ ಬೆಂದಿನಾರ್.

ಪುಟ್ಟಪ್ಪೆರೆನ ಬರವುದ ಬೂಕುಲು

• ನಮ್ಮ ದೇಶ ನಮ್ಮ ಜನ
• ನನ್ನದು ಈ ಕನ್ನಡ ನಾಡು
• ಕರ್ನಾಟಕದ ಕಥೆ
• ಪಾಪು ಪ್ರಪಂಚ
• ಶಿಲಾಬಾಲಿಕೆ ನುಡಿದಳು ಕಥಾಸಂಕಲನ
• ಗವಾಕ್ಷ ತೆರೆಯಿತು
• ಸಾವಿನ ಮೇಜವಾನಿ
• ಸರ್ ಸಿದ್ದಪ್ಪ ಕಂಬಳಿ, ಹೊಸಮನಿ ಸಿದ್ದಪ್ಪನವರು- ಜೀವನ ಚರಿತ್ರೆ ;
• ನನ್ನೂರು ಈ ನಾಡು,
• ಹೊಸದನ್ನ ಕಟ್ಟೋಣ,
• ಬದುಕುವ ಮಾತು-ಪ್ರಬಂಧ ಸಂಕಲನೊಲು

ತೀರ್ ದ್ ಪೋಯಿನೆ

ಪಾಟೀಲ ಪುಟ್ಟಪ್ಪೆರ್ ೧೬ ಮಾರ್ಚ್ ೨೦೨೦, ಸೋಮವಾರದಾನಿ ಹುಬ್ಬಳ್ಳಿದ ಕಿಮ್ಸ್ ಆಸ್ಪತ್ರೆಡ್ ತೀರ್ ದ್ ಪೋಯೆರ್. ಆರೆಗ್ ೧೦೧ ವರ್ಷ ಪ್ರಾಯ ಆದ್ ಇತ್ತ್ಂಡ್.,

ಪೊಸ ಸಂಪರ್ಕ ಕೊಂಡಿಲು

• ಪಾಟೀಲ ಪುಟ್ಟಪ್ಪ - 'ಕಣಜ' ಅಂತರಜಾಲ ಮಾಹಿತಿಕೋಶ

ಉಲ್ಲೇಕೊ

ಪಾಟೀಲ ಪುಟ್ಟಪ್ಪ ವರ್ಗ:ಪತ್ರಕರ್ತರು ವರ್ಗ:ನೃಪತುಂಗ ಸಾಹಿತ್ಯ ಪ್ರಶಸ್ತಿ ಪುರಸ್ಕೃತರು ವರ್ಗ:ನಾಡೋಜ ಪ್ರಶಸ್ತಿ ಪುರಸ್ಕೃತರು ವರ್ಗ:೧೯೧೯ ಜನನ ವರ್ಗ:೨೦೨೦ ನಿಧನ