ಪುದೀನ
ಪುದೀನ ಒಂಜಿ ದೈ. ಉಂದು ಆಹಾರೊಗು ರುಚಿ ಬೊಕ್ಕ ಕಮ್ಮೆನ ಕೊರ್ಪಿನ ತಪ್ಪು. ಪುದೀನ, ಏಷ್ಯಾ, ಹಿಮಾಲಯದ ಪೂರ್ವೊಡು, ಪೂರ್ವ ಸೈಬೀರಿಯಾ, ಬೊಕ್ಕ ಉತ್ತರ ಅಮೇರಿಕಾದ ಸಮಶೀತೋಷ್ಣೊ ಪ್ರದೇಶಡ್ ಬುಲೆಪುಂಡ್. ಪುದೀನ ಸಾಮಾನ್ಯವಾದ್ ೧೦-೬೦ ಸೆಂ.ಮೀ ಎತ್ತರೊಗು ಬುಲೆಪುಂಡು. ಉಂದು ಬಹುವಾರ್ಷಿಕ ದೈ. ಇಂದೆತ ಕುಟುಂಬದ ಪುದರ್ ಲ್ಯಾಮಿನೇಸಿಯ. ನೀರ್ದ ಆಶ್ರಯ ಇಪ್ಪುನಲ್ಪ ಪುದೀನ ಮಸ್ತ್ ಬುಲೆಪುಂಡು. ಪುದೀನನ್ ಲ್ಯಾಟಿನ್ ಭಾಷೆಡ್ 'ಮೆಂತ' ಪನ್ಪೆರ್. ಮೆಂತ ಪಂಡ ಜಲದೇವಿ. ಈ ತಪ್ಪುನ್ ಸೂಪ್, ಸಾಸ್ ಬೊಕ್ಕ ಚಟ್ನಿಗ್ ಉಪಯೋಗ ಮಲ್ಪುವೆರ್. ಪುದೀನ ತಪ್ಪುಡ್ದ್ ತಿಕ್ಕುನ "ಪೆಪ್ಪರ್ಮಿಂಟ್' ಪನ್ಪಿನ ಅಂಶೊನ್ ಕೈಗಾರಿಕೆ ಬೊಕ್ಕ ವೈದ್ಯಕೀಯ ರಾಸಾಯನಿಕ ತಯಾರಿಕೆಡ್ ಉಪಯೋಗ ಮಲ್ಪುವೆರ್.
ಮರ್ದ್‌ದ ಗುಣ
ಸಂಪೊಲಿಪುಲೆ- ಆಹಾರೊನು ಸುಲಭವಾದ್ ಪಚನ ಮಲ್ಪುಂಡು
- ಕೊಬ್ಬುದ ಅಂಶೊನು ಕರಾವುಂಡು
- ಬಂಜಿ ಸೂ ಕಮ್ಮಿ ಮಲ್ಪುಂಡು
- ಕಕ್ಕುನೆನು ನಿವಾರಣೆ ಮಲ್ಪಂಡು
- ಕೂಲಿದ ತೊಂದರೆ ಶಮನ ಆಪುಂಡು
- ಬಂಜಿದ ಪುರಿತ್ತ ಉಪದ್ರ ಕಮ್ಮಿ ಆಪುಂಡು
- ತೆಮ್ಮ ಬೊಕ್ಕ ಕಫದ ತೊಂದರೆಗ್ ಎಡ್ಡೆ
- ಕಿರುಂಬುನವು ಕಮ್ಮಿ ಆಪುಂಡು
- ನೆನಪುದ ಶಕ್ತಿ ವೃದ್ಧಿ ಆಪುಂಡು[೧]
ಬುಲೆಪಾವುನ ವಿಧಾನ
ಸಂಪೊಲಿಪುಲೆಪುದೀನ ಸಾಮಾನ್ಯವಾದ್ ಮಣ‍್ದ ಮಿತ್ ಬುಲೆಪುಂಡು. ಫಲವತ್ತಾಯಿನ ಪೊಯ್ಯೆ ಮಣ್ಣ್, ಧಾರಾಳವಾದ್ ನೀರ್ ಪುದೀನ ಬುಲೆಯೆರೆ ಅಗತ್ಯ. ಈ ದೈತ ೧-೨ ಸೆಂ.ಮೀ ಉದ್ದದ ಚಿಗ್ರ್ ನಡ್ದ್ ಬುಲೆಪಾವೊಲಿ. ಅರೆಗಾಲೊಡು ವಾರೊಗು ರಡ್ಡ್ ಸರ್ತಿ ನೀರ್ ಪಾಡೊಡು. ಬರ್ಸದ ಸಮಯೊಡು ತಪ್ಪು ತಾಲುಂಡು. ಮರಿಯಾಲ ಕರಿಬೊಕ್ಕ ತಪ್ಪು ಚೆಗ್ರುಂಡು. ಒಂಜಿ ದೈ ೨-೩ ವರ್ಷೊ ಬದ್ಕುಂಡು.[೨]
ಉಪಯೋಗೊ
ಸಂಪೊಲಿಪುಲೆ- ಚಟ್ನಿ, ಪುದೀನ ಪುಲಾವ್, ಪುದೀನ ಸೂಪ್, ಪಾನೀಯ,ಮರ್ದ್ ಅಂಚನೆ ಮಸ್ತ್ ರೀತಿದ ಉಪಯೋಗೊಲು ಉಂಡು.[೩]