ಪುರಾಲ್

ತುಳುನಾಡ್ ದ ಪಿರಾಕ್ ದ ಆರಾಧನಾ ಕೇಂದ್ರೊಲೆಡ್ ಪುರಾಲ್ ಲಾ ಒಂಜಿ.

ಭೌಗೋಲಿಕತೆ

ಇಂದೆಕ್ಕ್ ಕನ್ನಡ ಭಾಸೆಡ್ ಪೊಳಲಿ ಪಂದ್ ಲೆಪ್ಪುವೆರ್. ಮೂಲು ಗುರುಪುರ ಸುದೆ/ಪಲ್ಗುಣಿ ಸುದೆತ್ತ ಬರಿಟ್ ಇತ್ತಿನ ರಾಜರಾಜೇಶ್ವರಿ ದೇವಿನ ದೇವಸ್ಥಾನ ತುಳುನಾಡ್ ದ ಬಾರೀ ಪಿರಾಕ್ ದ ದೇವಸ್ಥಾನೊಲೆಡ್ ಒಂಜಾದುಂಡು.

ಇಪ್ಪುನ ದೇವೆರ್

ಪುರಾಲ್ ದೇವಸ್ಥಾನೊಡು ೯ಅಡಿಡ್ದ್ ಲಾ ಎತ್ತರದ ರಾಜರಾಜೇಶ್ವರಿ, ಮಹಾಕಾಳಿ, ಗಣಪತಿ, ಸುಬ್ರಹ್ಮಣ್ಯ ಬೊಕ್ಕ ಸರಸ್ವತಿ ದೇೆವೆರೆನಕ್ಲೆನ ಲೆಪ್ಪದ ಮೂರ್ತಿಲು ಉಲ್ಲ. ಉಂದೆಕ್ಲೆಗ್ ಪದ್ರಾಡ್ ವರ್ಸೊಗೊರ ಲೇಪಾಷ್ಟಗಂಧ ಪೂಜುನ ಕ್ರಿಯೆ ನಡಪುಂಡು. ಪುರಾಲ್ ಡ್ ಒಂಜಿ ತಿಂಗೊಲ್ದ ಜಾತ್ರೆ. ಅವು ಪುರಾಲ್ದ ಚೆಂಡ್ಂದೇ ಪುದರ್ ಪೋಯಿನವು.

ಪುರಾಲ್ ದೇವಸ್ಥಾನ ಕುಡ್ಲದ ಪೇಂಟೆಡ್ದ್ ೨೦ ಕಿ.ಮೀ. ದೂರೊಡುಂಡು. ಇಡೆಗ್ ಪೋವೊಡುಂದಾಂಡ ಬಜ್ಪೆ ವಿಮಾನ ನಿಲ್ದಾಣೊಡ್ಡು ಗುರುಪುರ ಕೈಕಂಬದಲ್ಪ ಪೋದು ಪೋಯೆರೆ ೧೦ ಕಿ.ಮೀ.ದೂರ; ಬಿಸಿರೋಡುಡ್ದು ೧೨ ಕಿಲೋಮೀಟರ್ ದೂರ ಉಂಡು. ಈ ದೇವಸ್ಥಾನದ ಉಲ್ಲೇಖ ಕ್ರಿ.ಶ. ಪ್ರಾರಂಭದ ವಿದೇಶೀ ಪ್ರವಾಸಿಗೆರೆನ ಬರವುಡುಲಾ ತಿಕ್ಕುಂಡು.