ಪುರ್ನಪುಲಿ

ಪುರ್ನಪುಲಿ ನ್ ಕನ್ನಡೊಡು ಮುರುಗಲ ಹಣ್ಣು, ಇಂಗ್ಲೀಶ್ ಡ್ ಕೋಕಮ್ ಪಂದ್ ಲ ಪನ್ಪೇರ್. ಉಂದೆತ ಬುಳೆ ಭಾರತೊದ ಪಶ್ಚಿಮಘಟ್ಟ ಪ್ರದೇಶೊದ ನಿತ್ಯಹರಿದ್ವರ್ಣ ಕಾಡುಲೆಡ್ ನೈಸರ್ಗಿಕವಾದ್ ಬುಳೆಯಂದು ಉಪ್ಪುಂಡು. ಉಂದೆತ ಉಗಮ ಸ್ಥಾನೊ ನಮ್ಮ ಭಾರತೊನೇ. ವೈಜ್ಞಾನಿಕವಾದ್ ಉಂದೆನ್ ಗಾರ್ಸಿನಿಯಾ ಇಂಡಿಕ ಪಂದ್ ಪುದರ್ ಉಂಡು. ಉಂದು ಸಸ್ಯ ಲೋಕೊದ ಗಟ್ಟಿಫೆರೆ ಕುಟುಂಬೊಗ್ ಸೇರಿದುಂಡು. ಉಂದು ಆಯಿನಾತ್ ಬೇಗೋ ೧೦-೧೫ ಮೀ. ಎತ್ತರೊಗ್ ಬುಳೆಯುನ ಗಡಸು ಮರ ಆದುಂಡು.