ಪುಲ್ಕಟೆ

ಪುಲ್ಕಟೆ ಅಥಾವೋ ಪುಳಿತ ಬೀಜ ಸಾಮಾನ್ಯವಾದ್ ಪುಳಿನ್ ನಮ ಪೂರಾ ಅಟಿಲ್ ಗ್ ಉಪಯೋಗ ಮನ್ಪುವ. ಮರಟ್ ಕೋಯಿದಿನ ಪುಳಿತ ಬೀಜನ್ (ಪುಲ್ಕಟೆ ನ್) ಬಾಕಿದ ಪೂರಾ ಜನೊಲು ದಕ್ಕಿಯೆರ್ಡ ತುಳುನಾಡುದ ಜನಕುಲು ಅವೆನ್ ದೊಂಬುಗು ನುಂಗಾದ್ ಆಟಿಡ್ ಜೋರು ಕೀರ್ ಕಟ್ಟುದು ಬರ್ಸ ಬನ್ನಗ ಗೆಂಡದ ಮಿತ್ತು ಪಾಡುದು ಕಾಯಾದ್ ತಿನರೆ ಅಟ್ಟಡು ದೆತ್ತ್ ದೀವೊಂದು ಇತ್ತೆರ್. ಆಂಡಾ ಮಸ್ತ್ ಜನಕುಲೆಗ್ ಈ ಪುಲ್ಕಟೆ ಡ್ ಇತ್ತೀನ ಪೌಷ್ಟಿಕಾಂಶ ನಮ್ಮ ದೇಹೊನು ಗಟ್ಟಿ ಮುಟ್ಟು ಮನ್ಪರೆ ಸಹಾಯೊ ಮನ್ಪುಂಡು ಪನ್ಪಿನ ಸತ್ಯ ತೆರಿದುಜಿ, ಅಂಚೆನೇ ಗಂಟ್ ಬೇನೆ, ಕಾರ್ ಬೇನೆಲೆನ್ ಪರಿಹಾರ ಮಲ್ಪುನ ಶಕ್ತಿನುಲ ಹೊಂದುದುಂಡು. ಅಂಚೆನೇ ಕ್ಯಾನ್ಸರ್ ವಿರೋಧಿಲಾ ಆದುಂಡು.

ವೈಜ್ಞಾನಿಕ ಪುದರ್

ಪುಳಿ ತ ವೈಜ್ಞಾನಿಕ ಪುದರ್ ಟ್ಯಾಮರಿಂಡಸ್ ಇಂಡಿಕಾ , ಉಂದು ಒಂಜಿ ದ್ವಿದಳ ಧಾನ್ಯದ ಮರ ಟ್ಯಾಮರಿಂಡಸ್ ಡ್ ಓಂಜೇ ಕುಲ ಉಪ್ಪುನು, ಅಂಚ ಅವ್ ಏಕಪ್ರಕಾರ. ಬೊಕ್ಕ ಉಂದು ಫ್ಯಾಬೇಸೀ ಕುಟುಂಬೊಗ್ ಸೇರುದುಂಡು.

ಕೀಲು ಬೇನೆಗ್ ಮರ್ದ್

ಕೀಲು ಬೇನೆದಕಲೆಗ್ ಈ ಪುಲ್ಕಟೆ ಬಾರೀ ಎಡ್ಡೆ ಒಂಜಿ ಮರ‍್ಧ್ ಲಾ ಅಂದ್. ಈ ಪುಲಿತ ಬೀಜನ್ ಬಾರೀ ಶೋಕುಡು ದೆಕ್ಕುದು 2-3 ದಿನ ನೀರ್ ಡ್ ನೆನೆತ್ ದೀವೊಡು. ಪ್ರತಿ ದಿನೊಲ ಅಯಿತ ನೀರ್ ಬದಲು ಮಂತೊದು ಉಪ್ಪೊಡು. ಬೊಕ್ಕ ಬೀಜದ ಕೆಂಪು ಬಣ್ಣೊದ ಚೋಲಿನ್ ಬುಡ್ಪಾದು, ಉಲಾಯಿದ ಬೀಜೊನ್ ಕಿನ್ಯ ಕಿನ್ಯ ತುಂಡು ಮಂತು ನಿರೆಲುಡು ನುಂಗರೆ ಪಾಡೊಡು. ಸರಿಯಾದ್ ನುಂಗಿ ಬೊಕ್ಕ ಕಡೆಪಿ ಕಲ್ಲುಡ್ ಸನ್ನ ಕಡೆದು ಒಂಜಿ ಕುಪ್ಪಿಡ್ ಬಂದ್ ಮಂತು ದೀವೊಡು.ಈ ಪೊಢಿನ್ ನೀರ್ ಇಜ್ಜಿಂಡ ಪೇರ್ ಗ್ ಅರ್ಧ ಚಮ್ಚ ಪುಡಿನ್ ಪಾಡುದು ಪರುಂಡಾ ಕೀಲು ಬೇನೆ, ಅಥವೋ ಮೊಣಕಾಲ್ ಬೇನೆ ಪೂರಾ ಆಯಿನಾತ್ ಬೇಗ ಗುಣ ಆಪುಂಡು.

ಸೋಂಕು ನಿವಾರಣೆ

ಪುಲ್ಕಟೆಡ್ ನಮ್ಮ ದೇಹೊಡು ತೋಜುದು ಬರ್ಪಿನ ವಾ ನಮೂನಿದ ಸೋಂಕುಲ ನಿವಾರಣೆ ಮನ್ಪುನ ಗುಣವುಂಡು. ಆತೇ ಅತ್ತಂದೆ ದೇಹೊಡು ಉಪ್ಪುನ ಸೋಂಕುದ ಪ್ರಮಾಣೊನು ಹೆಚ್ಚ್ ಆವಂದಿಲೆಕ್ಕ ಲಾ ತೂಪುಂಡು. ಅಂಚಾ ನಮ್ಮ ಆಹಾರ ಪದ್ಧತಿಡ್ ಒವ್ವೆ ಕಾರಣೊಗುಲ ಪುಲಿ ಲ , ಪುಲ್ಕಟೆಲಾ ಪಾಡರೆ ಮದಪಡೆ.

ಕ್ಯಾನ್ಸರ್ ವಿರೋಧಿ

ಪುಲ್ಕಟೆ , ಕ್ಯಾನ್ಸರ್ ವಿರೋಧಿ ಗುಣೊಲೆನ್ ಲ ಹೊಂದುದುಂಡು.ಅವು ಬೇತೆ ಕ್ಯಾನ್ಸರ್ ತಡೆಗಟ್ಟುನ ಒಟ್ಟುಗು, ಕರ್ಳ್ ದ ಕ್ಯಾನ್ಸರ್ ಅಪಾಯೊನು ಲಾ ಕಡಿಮೆ ಮನುಪುಂಡು.ಉಂದೆಟ್ ಉಪ್ಪುನ ನಾರ್ ದ ಕಾರಣೊ, ಕೊಲೆಸ್ಟ್ರಾಲ್ ನ್ ಲಾ ಕಡಿಮೆ ಮನುಪುಂಡು. ಉಂದು ಜೀರ್ಣಾಂಗ ವ್ಯವಸ್ಥೆನ್ ಲಾ ಸುಧಾರಣೆ ಮನ್ಪುಂಡು.