ಪೊಕ್ಕು ಗೊಬ್ಬು

ಪೊಕ್ಕು ಗೊಬ್ಬು ಆಟಿಡ್ ಕೀರ್ ಕಟ್ಟುದು ಬರ್ಸ‌ ಬನ್ನಗ ಪೊಣ್ಣು ಪೊಂಜೋವುಲ್ ಇಲ್ಲದ ಉಲಯೀ ಇತ್ತುದು ಆಕಲೆಗ್ ಉರು ಆನಗ ಇಲ್ಲದ ಉಲಯೀ ಯೇ ಕುಲ್ಲುದ ಗೊಬ್ಬುನ ಒಂಜಿ ಗೊಬ್ಬು.

ಗೊಬ್ಬರೆ ಬೋಡಾಪಿನ ಕಾಯಿ

ಪೊಕ್ಕು ಗೊಬ್ಬರೆ ಬೋಡಾಪಿನ ಕಾಯಿ, ಮಿಠಾಯಿ ಪೂತ ಕಾಯಿ, ಗಜ್ಜಿಗೆದ ಕಾಯಿ ಪಂದ್ಲಾ ಪನ್ಪೇರ್. ಈ ಪೂತ ಇಂಗ್ಲಿಷ್ ಪುದರು ಗೋಲ್ಡನ್ ಟ್ರಂಪೆಟ್. ಅಂಚೆನೆ ವೈಜ್ಞಾನಿಕ ಪುದರ್ ಅಲ್ಲಮಂಡ ಕತಾರ್ಟಿಕ.

ಮಿಠಾಯಿ ಪೂ (ಅಲ್ಲಮಂಡ ಕತಾರ್ಟಿಕ)

ಗೊಬ್ಬುನ ವಿಧಾನೊ

10 ಕಾಯಿನ್ ಒಂಜಿ ಕೈಟ್ ಪತ್ತೊಂದು, ಪೂರಾ ಕಾಯಿನ್ ಗಾಳಿಡ್ ರಾಪಾದ್ ಹಿಂಗೈಕು ಪಾಡೋಡು. ಬೊಕ್ಕ ಅವೆನ್ ಪೂರಾ ಗಾಳಿಡ್ ರಾಪಾದ್ ಅಂಗೈ‌ಟ್ ಪತ್ತೊಡು. ತಿರ್ತ್ ಬೂರಿನ ಕಾಯಿಲೆನ್ ಒಂಜಿ ಕಾಯಿನ್ ಗಾಳಿಡ್ ರಾಪಾನಗ ಕೂಡೊಂಜಿ ಕೈಟ್ ಕಾಯಿನ್ ಪೆಜ್ಜೊಡು.ಅಂಚಾ ಪೂರಾ ಒಟ್ಟು ಕಾಯಿಲೆನ್ ಒಟ್ಟು ಮನ್ಪೊಡು. ಇಂಚೇನೆ ಗೊಬ್ಬೊಂದು ಪೋವೊಡು. ಉಂದೇಟ್ ಬೇತೆ ಬೇತೆ ನಮೂನಿದ ಗೊಬ್ಬುಲು ಉಂಡು. ಅಂಚೆನೆ ಬೇತೆ ಬೇತೆ ನಮೂನಿದ ಕಾಯಿನುಲ ಗೊಬ್ಬರೆ ಉಪಯೋಗ ಮನ್ಪುವೆರ್.

ಗೊಬ್ಬುದ ಆಶಯ

ಇಲ್ಲದ ಉಲಾಯಿ ಕುಲ್ಲುದು ಗೊಬ್ಬುನ ಒವ್ವೆ ಒಂಜಿ ಗೊಬ್ಬುಲು ಆವಡ್, ಅವು ಇಲ್ಲದ ಜನಕುಲೆನ್ ಒಟ್ಟುಗು ಕುಲ್ಲಾದ್ ದೇಹೊನುಲಾ ಮನಸುನುಲಾ ಒಟ್ಟು ಮಂಪುಂಡು.