ಬಳಕೆದಾರೆ:Bharathesha Alasandemajalu/ಎನ್ನ ಕಲ್ಪುನ ಕಳ1

ಡಾ.ಅಮ್ಮೆಂಬಳ ಬಾಳಪ್ಪೆರ್

http://vijaykarnataka.indiatimes.com/lavalavk/languages/tulu/-/articleshow/35622206.cms

ಕುಟ್ಟಿ ಪೂಜೆ

ಪೊಸ ಇಲ್ಲ್ ಕಟ್ಟ್‌‌ನ ಆಚಾರಿ ಇಲ್ಲ್‌ನ್ ಇಲ್ಲತ ಯಜಮಾನಗ್ ಬುಡುತ್ ಕೊರ್‌ಪುನ ಒಂಜಿ ನೆತ್ತೆರ್ ಪರಿಪಪುನ ಕಿರಿಯೆಗ್ ಕುಟ್ಟಿ ಪೂಜೆ ಪನ್ಪೆರ್. ನೆನ್ನ್ ಕುತ್ತಿ ಪೂಜೆಂದ್ಲ ಲೆಪ್ಪುವೆರ್. ನೆತ್ತ್ ಬುಕ್ಕ ಇಲ್ಲದ ಒಕ್ಕೆಲ್ ಅಪುನಾ.

ಒಂಜಿ ಇಲ್ಲ್ ಕಟ್ಟುನ ಕಾರ್ಯಡ್ ಮೆಸ್ತ್ರಿ, ಅಚಾರಿ, ಕೂಲಿದಕ್ಲ್ ಪ್ರಮುಖ ಪಾತ್ರ ವಹಿಸವೆರ್.ಕಡೆಕದ್ ಇಲ್ಲ್ ಪೂರ ಸಂಪೂರ್ಣ ಅಹಿಬುಕ್ಕ ಇಲ್ಲ್ ನ್ ಇಲ್ಲದ ಯಾಜಮಾನಗ್ ಬುಡುದ್ ಕೊರ್ಪುನ ಕ್ರಮನೆ ಕುಟ್ಟಿ ಪೂಜೆ. ಕುಟ್ಟಿ ಪೂಜೆದ ಅರ್ಥ ದಾದ ಪಂಡ ತುಳುವೆರ್ ಅಹಿನ ನಮ ಭೂತಾರಾಧನೆಡ್ ರಕ್ತ ಬಿಂದು ಕೊರ್ಪ, ತುಳುನಾಡ್ದ ಪ್ರತಿಯೊಂಜಿ ಎಡ್ಡೆ ಹಾಳ್ ಕಾರ್ಯ ಡ್ ಅಸುರ ಕ್ರಿಯೆನೆ ಜಾಸ್ತಿಯಾದ್ ಮುಂದುವರೆಸೊಂದು ಬತ್ತಿನ ತುಳುವೆರ್,

ಅರ್ತೊ

ಕುಟ್ಟಿ, ಕುತ್ತಿ ಪಂಡ ಮರ, ಮಾಡ್‌ಗ್ ಪಾಡುನ ಮರ.

ಕುಟ್ಟಿ ಪಾಡುನ

ಬಲ್ಮೆತಕುಲೆಟ ಎಡ್ಡೆ ದೀನ ತೂದ್, ಎಡ್ಡೆ ಅಯ ತೂದು ಮಾನ್ಪುನ ಮೂರ್ತೊ. ಕುಟ್ಟಿ ಪಂಡ ಇಲ್ಲ್ ಕಟ್ಟುನೆಕ್ ದುಂಬು ಅಯದ ಮಣ್ಣ್ ಕಡ್ತ್‌ದ್,ಪಂಚಾಂಗದ ಬೆಲೆಗ್, ಬಲ್ಲ್ ಕಟ್ಯರ ನಾಲ್ ಸುತ್ತು ತಲಕೆದ ಕೊಲು ಹಾಕುನ ಕೊಲೆ ಕುಟ್ಟಿ ಹಾಕುನ.

ನಂಬೊಲಿಕೆ

ಇಲ್ಲ್ ಕಟ್ಟುದ್ ಪೊಸ ಇಲ್ಲ್ ಗ್ ನನ ದುಂಬುಗ್ ಈ ಇಲ್ಲ್ ಡ್ ದೋಷ, ನೆತ್ತೆರ್ ಬುರಿಯರ ಬಲ್ಲಿ, ದಾಲ ಅನಿಷ್ಟಲು ಬರಿಯರ ಬಲ್ಲಿ ಪಂಡುದ್ ರಕ್ತ ಬಿಂದು ಅಹುತಿ ಬಲಿ ಕೊರ್ಪೆರ್.

ಪಾಲ್ ದೆತೊನುನಕುಲು

ಕುಟ್ಟಿ ಪೂಜೆನ್ ಕೆಲವೊಂಜಿ ಕಡೆಟ್ ಇಲ್ಲ್ ಒಕ್ಕೆಲ್ದ ದುಂಬುನನಿ, ಇಲ್ಲ್ ಒಕ್ಕೆಲ್‌‌ದ ಮೂಜಿ ದಿನ, ಐನ್ ದಿನ, ದುಂಬು ಮಲ್ಪುವೆರ್. ಉಂದು ಪೊರ್ತು ಕಂತುನಾಗ ನಡಪುಂಡು. ಕುಟ್ಟಿ ಪೂಜೆಗ್ ಮೆಸ್ತ್ರಿ, ಅಚಾರಿ, ಬೊಕ್ಕ ಇಲ್ಲದ ಬೆಲೆ ಮಲ್ತ್ ನ ಮಾಂತೆರ್ಲ ಇಪ್ಪುವೆರ್.

ಕ್ರಮೊ

ಇಲ್ಲ್ ದ ಉಲಾಯಿ ಚಾವಡಿಡ್ ಒಂಜಿ ಮಣೆಟ್ ಸುತ್ಯೆ ದೀದ್. ಬಜಿಲ್ ಬೆಲ್ಲದ ತಾರಯಿದ ಕಜ್ಜಯ ಮಲ್ತ್ ಬಳಸುದ್ ಪೊರಿ ಬಜಿಲ್ ತಾರಯಿದ ಪನಿಯಾರ ಬಳಸುವೆರ್. ದೂಪ, ದೀಪ, ಬೊಂಡ, ದೀದ್ ಪ್ರಾರ್ಥನೆ ಮಾನ್ಪುವೆರ್. ಪಿದಾಯಿ ಇಲ್ಲದ ನಾಲ್ ಮೂಲೆಗ್ ಬಜಿಲ್ ಪೊರಿ‌ನ್ ಕೊಡಿ ಇರೆಟ್ಟ್ ಬಳಸುವೆರ್. ಪಾಲೆದ ಚಿಲ್ಲಿಡ್ ಕುರ್ದಿ ನೀರ್ ದೀದ್, ಬೊಂಡ, ಕಲಿ ದೀದ್, ಕೊಲ್ತಿರಿ ಪೊತ್ತವೆರ್. ಇಲ್ಲ್‌ದ ಎದುರ್ ಮೂಜಿ ಇರೆಕ್ಕ್ ಒರಿನ ಪೊರಿ ಬಜಿಲ್ ಬಳಸುವೆರ್. ಬೊಕ್ಕ ಪ್ರಾರ್ಥನೆ ಮಲ್ತೊಂದು ಇಲ್ಲ್‌ದ ನಾಲ್ ಕೊಡಿಗ್ ತಾರಯಿ ಬೊಟ್ಟೊಂದು ಕಟೆಕ್ಕ್ ಕಲ್ಲ್ ಅಕುವೆರ್. ಕಡೆತ ತಾರಯಿನ್ ಇಲ್ಲದ ಯಾಜಮಾನೆ ಇಲ್ಲದ ಎದುರು ಅಕುವೆರ್. ಕೆಲವೊಂಜಿ ಕಡೆಟ್ ಕರ್ ಕುಂಬುಡಲಾ ಕಡ್ಪುಪುವೆರ್. ಇಲ್ಲದ ಬೆಲೆ ಮಲ್ತ್‌ನ ಅಚಾರಿ ತನ್ನ ಉಳಿಟ್ಟ್ ಎದುರು ಬಳಸುನ ಪೊರಿ ಬಜಿಲ್ ದ ಮೇಲ್ ಗ್ ಕೊರಿದ ತರೆ ಕೊಯಿದ್ ಬಿಂದ್ ಕೊರ್ದು, ನಾಲ್ ಕೊಡಿದ ಇರೆಕುಲಾ ಬಿಂದು ಮುಟ್ಟವೆರ್. ಅವು ಪೂರ ಬಿಂದು ರಕ್ತ ಬಿಂದು ಕೊರಿನ ಬಲಿನ್ ಮಡಲ್‌ದ ತೂಟೆ ಪೊತ್ತದ್ ಯೆರ್ಲಾ ಪೊವಂದಿ ಮೂಜಿಜಾಗೆ ಕೂಡುನ ಜಾಗ್‌‍ಡ್ ಕೊನದ್ ದೀದ್ ಬರ್ಪೆರ್.

ಸೇಜ ಬುಕ್ಕ ದಾನೊ

ಇಂಚ ನಡಪುನ ಕುಟ್ಟಿ ಪೂಜೆಡ್ ಅಚಾರ್ಲೆಗ್ ಮೆಸ್ತ್ರಿ ನಕ್ಲೆಗ್ ಇಲ್ಲ್ ದ ಬೆಲೆ ಮಲ್ತ್ ನ ಸಮಸ್ತರೆಗ್ ಕುಂಟು, ಕರ ಬಿಸಲೆ, ಪಣವು, ಬಂಗಾರ್.